ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᓄᕕᐱᕆ 11, 2020

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ ᓇᓗᓇᐃᖅᓯᓪᓚᕆᒃᓯᒪᓕᖅᐳᖅ ᐱᑕᖃᓪᓚᕆᖕᓂᖓᓂᒃ ᓄᕙᒡᔪᐊᕐᓇᖅ-19−ᒥᒃ ᑲᖏᖅᖠᓂᕐᒥ. ᓄᑖᙳᕆᐊᖅᓯᒪᔪᓂᒃ ᐱᕙᓪᓕᐊᔪᓄᑦ ᑐᓵᑎᑦᑎᔪᖃᓕᖅᐸᑦ 11−ᒧᐊᖅᐸᑦ ᐅᓪᓛᒃᑯᑦ ᖃᐅᒃᐸᑦ, ᕿᑎᖅᑰᒻᒥ, ᓄᕕᐱᕆ 12−ᒥ.

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᖕᓂᕆᔭᖓᓄᑦ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᐅᓗᕆᐊᓇᖅᑐᒧᑦ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᑦ ᐅᑯᓂᖓ ᐊᑐᓕᖅᑎᑦᑎᓯᒪᕗᑦ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᐅᑎᖏᑦ

ᑭᓯᐊᓂ ᑐᐊᕕᕐᓇᖅᐸᑦ, ᑲᖏᖅᖠᓂᒥᐅᑦ ᐋᓐᓂᐊᕐᕕᖕᒧᑦ ᐅᖄᓚᖅᑳᖃᑦᑕᖁᔭᕗᑦ ᐊᑐᕆᐊᖃᖅᑕᒥᓂᒃ ᐅᖃᐅᔾᔭᐅᓂᐊᕐᒪᑕ. ᑭᓇᑐᐃᓐᓇᑦᑎᐊᖅ ᐊᐱᖅᑯᑎᒃᓴᓕᒃ ᓄᕙᒡᔪᐊᕐᓇᖅ-19 ᒥᒃᓵᓄᑦ ᐊᐱᕆᔭᐅᕗᑦ ᐅᖄᓚᖁᔭᐅᓪᓗᑎᒃ ᐅᕗᖓ, 1-888-975-8601.

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

• ᑕᒪᕐᒥᑦᑎᐊᖅ ᓯᖓᐃᔪᓂᕆᓂᕐᒧᑦ ᐃᓂᒃᓴᓕᐅᖅᑕᐅᔪᑦ ᐃᓂᒃᓴᓕᐅᖅᑕᐅᓗᑎᒃ ᑭᓯᐊᓂᑐᐊᖑᔭᕆᐊᖃᖅᐳᖅ, ᐃᖅᓂᓱᒃᓰᕝᕕᒃᑯᑦ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

• ᑕᒪᕐᒥᑦᑎᐊᖅ ᐱᑐᐃᓐᓇᐅᙱᑦᑐᓕᕆᓂᕐᒧᒃ ᐃᓗᐊᖅᓴᖅᑕᐅᓂᐊᕙᒃᑐᑦ ᓄᖅᑲᖅᑎᑕᐅᕗᑦ ᑐᓴᖅᑎᑦᑎᔪᖃᒃᑲᓐᓂᓚᐅᙱᓐᓂᖓᓂ.
• ᑭᒍᑎᓕᕆᓂᐅᕙᒃᑐᑦ ᐱᔨᑦᑎᕋᕐᓃᑦ ᓄᖅᑲᖅᑎᑕᐅᕗᑦ ᑭᓯᐊᓂ ᑐᐊᕕᖅᓇᖅᑐᓄᑐᐊᖅ.
• ᑕᓚᕖᓴᒃᑯᑦ ᐃᓂᒃᓴᓕᐅᖅᑕᐅᓯᒪᕙᒃᑐᑦ ᓄᖅᑲᖅᑎᑕᐅᕗᑦ ᑐᓴᖅᑎᑦᑎᔪᖃᒃᑲᓐᓂᓚᐅᙱᓐᓂᖓᓂ.
• ᐱᔭᕆᐊᖃᓪᓚᕆᙱᑦᑐᑦ ᐋᓐᓂᐊᕕᓕᐊᕐᓗᓂ ᐊᐅᓪᓚᖅᐸᖕᓃᑦ ᐃᖃᓗᖕᓄᑦ ᐅᖓᕙᕙᕆᐊᖅᑕᐅᕗᑦ. ᐃᓂᒃᓴᓕᐅᖅᑕᐅᓯᒪᔪᑦ ᐋᖅᑭᒃᓱᖅᑕᐅᒃᑲᓐᓂᕐᓂᐊᖅᐳᑦ ᖃᖓᙳᒃᑲᓐᓂᖅᐸᑦ.
• ᐊᖏᕐᕋᕆᔭᐅᔪᓂ ᑲᒪᒋᔭᖃᖅᐸᖕᓂᕐᒧᑦ ᐅᒡᓚᖅᐸᖕᓃᑦ ᒫᓐᓇᒃᑯᑦ ᓄᖅᑲᖓᑎᑕᐅᕗᑦ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᐃᓕᓐᓂᐊᕐᕕᓕᒫᑦ

• ᐱᑕᖃᓕᖅᐳᖅ ᓄᕙᒡᔪᐊᕐᓇᖅ-19−ᒥᒃ ᓄᓇᕗᒻᒥ ᓇᓗᓇᐃᖅᑕᐅᓯᒪᓪᓚᕆᒃᑐᒥᒃ ᑲᖏᖅᖠᓂᕐᒥᑦ.
• ᒪᓕᒃᖢᒍ ᓄᓇᕗᒻᒥᐅᑦ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᖓᑦ, ᑲᖏᖅᖠᓂᖅ ᒫᓐᓇ ᖃᓄᐃᓕᖓᓂᖓ 4−ᒦᑉᐳᖅ: ᓇᓗᓇᐃᖅᑕᐅᓪᓚᕆᒃᑐᖅ ᐱᑕᖃᓪᓚᕆᖕᓂᖓᓂᒃ ᓄᕙᒡᔪᐊᕐᓇᖅ-19−ᒥᒃ, ᑐᓴᖅᑎᑦᑎᔪᖃᒃᑲᓐᓂᓚᐅᙱᓐᓂᖓᓂ.
• ᐃᓕᓐᓂᐊᒃᕖᑦ ᑲᖏᖅᖠᓂᕐᒥ ᐊᑐᕐᓂᐊᓕᖅᑐᑦ 4−ᒦᑦᑐᒥᒃ ᐱᓕᕆᐊᖃᕐᓂᕐᒧᑦ ᐊᑐᕐᓂᐊᖅᑕᒥᓂᒃ.
• ᑕᒪᕐᒥᑦᑎᐊᖅ ᐃᓕᓐᓂᐊᕐᕖᑦ ᑲᖏᖅᖠᓂᕐᒥ ᒪᑐᕗᑦ ᐃᓕᓐᓂᐊᖅᑎᓄᑦ, ᐃᖅᑲᓇᐃᔭᖅᑎᓄᑦ, ᑭᒃᑯᑐᐃᓐᓇᓄᓪᓗ ᑐᓴᖅᑎᑦᑎᔪᖃᒃᑲᓐᓂᓚᐅᙱᓐᓂᖓᓂ ᑕᐃᑲᙵᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒥᑦ.
• ᖃᕆᓴᐅᔭᒃᑯᑦ ᑕᒪᕐᒥᑦᑎᐊᖅ ᐃᓕᓴᖅᑕᐅᑲᑕᖕᓂᐊᖅᐳᑦ ᑲᖏᖅᖠᓂᕐᒥ ᐅᐸᒃᓯᒪᙱᓪᓗᒋᑦ.
• ᐅᐸᒃᓯᒪᙱᓪᓗᒋᑦ ᐃᓕᑦᑎᕙᓪᓕᐊᓂᖅ ᐱᓕᕆᐊᖑᓂᐊᖅᐳᖅ ᐅᖃᓘᑎᒃᑯᑦ ᐃᓕᑦᑎᕙᓪᓕᐊᓂᕐᒧᓪᓗ ᑲᑎᖅᓱᖅᑕᐅᓯᒪᔪᓄᑦ.
• ᐃᓕᓴᐃᔩᑦ/ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ ᖃᐅᔨᒋᐊᓛᖅᐳᑦ ᐃᓕᓐᓂᐊᖅᑎᓄᑦ ᐃᓚᖏᓐᓄᓪᓗ ᐊᔪᕐᓇᕈᓐᓃᑐᐊᖅᐸᑦ.
• ᓄᑖᙳᕆᐊᖅᓯᒪᔪᓂᒃ ᓄᓇᓕᖕᒥᐅᑦ ᖃᓄᐃᓕᕙᓪᓕᐊᓂᖏᓐᓄᑦ ᑕᑯᒃᓴᕈᖅᑎᑕᐅᓂᐊᖅᐳᑦ ᐃᓕᓐᓂᐊᕐᓂᓕᕆᔨᒃᑯᑦ ᐃᑭᐊᖅᑭᕕᖓᓂ ᐅᕙᓂ: https://gov.nu.ca/education/information/2020-21-opening-plan-nunavut-sc…
• ᐃᓕᓐᓂᐊᕐᕕᐅᑉ ᒪᑐᔭᐅᓂᖓ ᑲᖏᖅᖠᓂᕐᒥ ᐊᒃᑐᖅᓯᔾᔮᙱᑦᑐᖅ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᕙᖕᓂᖏᓐᓂᒃ.
• ᐱᓕᕆᕝᕕᒋᔭᐅᔪᖅ ᐃᒪᐃᖁᔨᓇᔭᖅᐳᖅ, ᑲᖏᖅᖠᓂᕐᒥ ᐃᓕᓐᓂᐊᖅᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐅᐸᖃᑦᑕᙱᓪᓗᑎᒃ ᐃᖅᑲᓇᐃᔭᕕᖕᒥᓄᑦ.
• ᑮᓇᐅᔭᖃᖅᑎᑕᐅᓂᖏᑦ ᑲᖏᖅᖠᓂᕐᒥ ᐃᓕᓐᓂᐊᖅᑐᓕᕆᔨᒃᑯᑦ ᐊᒃᑐᖅᑕᐅᔾᔮᙱᓚᑦ, ᑲᖏᖅᖠᓂᕐᒥᓗ ᐃᓕᓐᓂᐊᖅᑐᓕᕆᔨᒃᑯᑦ ᑎᓕᐅᖅᑕᐅᕗᑦ ᑲᔪᓯᐊᖏᓐᓇᖁᔭᐅᓪᓗᑎᒃ ᐊᑭᓕᖅᓱᐃᓂᕐᒥᒃ ᐃᖅᑲᓇᐃᔭᖅᑎᒥᓂᒃ ᐊᑐᖅᐸᒃᑕᒥᑎᑐᑦ.
• ᐃᓕᓐᐊᓂᕐᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐊᓯᖏᓐᓂ ᑭᕙᓪᓕᕐᒥᐅᓂ (2−ᒦᑎᑕᐅᔪᑦ ᓄᓇᓖᑦ) ᐃᖅᑲᓇᐃᔭᕆᐊᓪᓗᐊᖅᐳᑦ ᐱᓪᓚᕆᒋᐊᖃᖅᑐᓄᑐᐊᖅ ᐱᓕᕆᖃᑎᖃᕐᓗᑎᒡᓗ ᐃᓕᓐᓂᐊᓂᕐᕕᖕᒥ ᓯᕗᓕᖅᑎᓂᒃ ᐱᔾᔪᑎᖃᕐᓗᑎᒃ ᐃᓕᓐᓂᐊᕐᕕᖕᒦᓐᓂᕐᒥᓂᒃ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

• ᐱᑕᖃᓪᓚᕆᓕᕐᓂᖓᓄᑦ ᓄᕙᒡᔪᐊᕐᓇᖅ-19-ᒥᒃ, ᐸᐃᕆᕝᕖᑦ ᑲᖏᖅᖠᓂᕐᒥ ᒪᑐᖁᔭᐅᓯᒪᕗᑦ ᑕᐃᔅᓱᒪᙵᑦ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᕐᒥᑦ.
• ᓄᓇᕗᑦ ᒐᕙᒪᖓᑕ ᑮᓇᔭᖃᖅᑎᑕᖓ ᓚᐃᓴᓕᖕᓄ ᐸᐃᕆᕝᕕᖕᓄᑦ ᐃᓂᓄᑦ ᑲᖏᖅᖠᓂᕐᒥ ᑲᔪᓰᓐᓇᕐᓂᐊᖅᐳᖅ ᐊᑐᖅᑕᐅᕙᒃᑐᑎᑐᑦ.

ᐃᓄᓕᕆᔨᒃᑯᑦ

ᓄᑕᖅᑲᑦ ᑲᒪᒋᔭᐅᑦᑎᐊᕐᓂᖏᓐᓄᑦ ᓴᐳᒻᒥᔭᐅᓂᖏᑦ

ᐃᓱᒫᓘᑎᖃᕌᖓᔅᓯ ᓄᑕᖅᑲᑦ ᐊᒻᒪ/ᐅᕝᕙᓘᓐᓃᑦ ᒪᒃᑯᒃᑐᑦ ᖃᓄᐃᓕᖓᓂᖏᓐᓂᒃ, ᐅᖃᓗᖃᑦᑕᕆᔅᓯ ᓄᓇᔅᓯᓐᓂ ᐃᓄᓕᕆᔨᓄᑦ.

ᖃᑕᙳᑎᒌᓄᑦ ᐃᓅᓯᕆᒃᑐᓕᕆᔨ (867) 645 5064 ᐅᕝᕙᓘᓐᓃᑦ (867) 645 7608 ᐊᖏᔪᖅᑳᖅ ᐃᓚᒌᓄᑦ ᖃᓄᐃᙱᑦᑎᐊᖅᑐᓕᕆᔨᑦ (867) 645 5064 ᐅᕝᕙᓘᓐᓃᑦ (867) 645 6547 ᓄᓇᕗᓕᒫᒥ ᐅᖄᓚᕝᕕᒃᓴᑦ: 1-844-FW-CHILD (1-844-392-4453) ᐸᓖᓯᒃᑯᑦ − (867) 645-1111

ᐃᓱᒫᓘᑎᖃᕈᕕᓪᓘᓐᓃᑦ ᓄᑕᖅᑲᓄᑦ ᐅᕝᕙᓘᓐᓃᑦ ᒪᒃᑯᒃᑐᓄᑦ ᐱᔨᑦᑎᕋᕈᑕᐅᔪᓂᒃ ᐅᖃᐅᓯᒃᓴᖃᕈᕕᓪᓘᓐᓃᑦ ᐅᐱᒋᔭᖃᕈᕕᓪᓘᓐᓃᖅ, ᐅᕙᑦᑎᓐᓄᑦ ᖃᐅᔨᒋᐊᖃᑦᑕᕆᑦ ᐅᕗᖓ ᐅᖃᓗᒡᓗᓯ 1 855 522-5201 ᐅᕝᕙᓘᓐᓃᑦ ᐃᕐᖐᓐᓈᖅᑕᐅᒃᑯᑦ ᑎᑎᕋᕐᓗᓯ ᐅᕗᖓ @email

ᐃᓄᓕᕆᔨᒃᑯᑦ ᓄᓇᓕᖕᓂᓗ ᐸᓖᓯᒃᑯᑦ ᖃᐅᔨᒋᐊᕐᕕᖃᕐᓂᕐᒧᑦ ᑐᓴᖅᑕᐅᔪᒃᓴᐃᑦ ᑕᒪᐃᓐᓄᑦ ᐊᑐᓂᑦ ᓄᓇᓕᖕᓄᑦ ᓇᓂᔭᐅᔪᓐᓴᖅᐳᑦ ᐅᕙᓂ, ᐃᓚᒌᓂᒃ ᖃᓄᐃᙱᑦᑎᐊᖅᑎᑦᑎᓂᕐᒧᑦ ᐱᓕᕆᕝᕕᖕᒥ ᐃᑭᐊᖅᑭᕕᑦᑎᓐᓂ ᐅᕙᓂ, https://www.gov.nu.ca/family-services/information/child-protection.

ᐅᒡᓚᕐᓃᑦ ᑲᖏᖅᖠᓂᕐᒥ ᐱᔭᐅᓯᒪᕙᒃᑐᓄᑦ ᐊᖏᕐᕋᕆᔭᐅᔪᒧᑦ

ᐅᒡᓚᕐᓃᑦ ᑲᖏᖅᖠᓂᕐᒥ ᐱᔭᐅᓯᒪᕙᒃᑐᓄᑦ ᐊᖏᕐᕋᕆᔭᐅᔪᒧᑦ ᒫᓐᓇᒃᑯᑦ ᐊᔪᖅᑎᑕᐅᓂᐊᓕᖅᐳᑦ. ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ ᐅᖃᖅᓯᒪᕗᖅ ᑲᖏᖅᖠᓂᕐᒥᐅᑦ ᐊᖏᕐᕋᖅᓯᒪᖃᑦᑕᖁᓪᓗᒋᑦ ᐊᔪᕐᓇᙱᓐᓂᓕᒫᖓ ᒪᓕᒡᓗᒍ, ᐃᓱᓕᑦᑕᖅᑎᓪᓗᒍᓗ ᐊᐴᑎᓯᒪᖃᑦᑕᕐᓂᖅ ᐊᓯᒥᓂᒃ ᐊᖏᕐᕋᕆᔭᒥᐅᑕᐅᙱᑦᑐᓂᒃ.

ᑲᖏᖅᖠᓂᕐᒥ ᓂᖃᐃᓱᖅᑐᓕᕆᔩᑦ ᐊᕕᒃᓯᒪᓂᕐᒥ ᖃᐅᔨᒋᐊᕐᕕᖃᕐᓂᕐᒧᑦ ᑐᓴᖅᑕᐅᔪᒃᓴᑦ

ᑭᕙᓪᓕᖅ: ᐊᑭᖃᙱᑦᑐᖅ ᐅᖃᓘᑎ: (1-800-953-8516) ᓇᕿᒃᑲᓐᓂᕐᓗᒋᑦ ᐅᑯᐊ 1602 ᑭᕙᓪᓕᕐᒥ ᐊᕕᑦᑐᖅᓯᒪᓂᐅᔪᒧᑦ ᑎᑎᕋᕐᕕᖓ: 867-645-5040 ᓇᕿᒃᑲᓐᓂᕐᓗᒋᑦ 1602 ᐅᓇᓘᓐᓃᑦ 1602

ᑲᖏᖅᖠᓂᕐᒥ ᐃᖅᑲᓇᐃᔭᖅᑎᐅᓂᕐᒧᑦ ᐱᕙᓪᓕᐊᓂᕐᒧᑦ ᑐᓴᖅᑕᐅᔪᒃᓴᐃᑦ

ᑭᕙᓪᓕᖅ − 1-800-953-8516

ᐃᓐᓇᕐᓄᑦ ᐃᓕᓐᓂᐊᕐᓂᕐᒧᑦ ᐱᔭᕆᐅᖅᓴᓂᕐᒧᑦ ᐃᑲᔫᓯᐊᑦ ᐃᓕᓐᓂᐊᖅᑏᑦ ᒫᓐᓇ ᐃᓚᐅᔪᑦ ᑲᖏᖅᖠᓂᕐᒥ ᑲᔪᓰᓐᓇᕐᓂᐊᖅᐳᖅ ᑐᓂᔭᕙᒡᓗᑎᒃ ᐊᔪᕈᓐᓃᖅᓴᕐᓂᕐᒧᑦ ᐱᔭᐅᕙᒃᑐᓂᒃ ᐊᕐᕌᒍᒧᑦ ᑮᓇᐅᔭᓄᑦ ᐃᓱᒋᔭᐅᔪᒧᑦ.

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᕝᕕᖓᑕ ᐱᔨᑦᑎᕈᑎᖏᑦ

ᐱᔨᑦᑎᕋᖅᑕᐅᖏᓐᓇᖅᑐᑦ:

• ᒥᑦᑕᕐᕕᖕᒥ ᐊᐅᓚᓂᕆᔭᐅᕙᒃᑐᑦ ᑲᒪᒋᔭᐅᕙᖕᓂᖏᓪᓗ ᑲᔪᓰᓐᓇᕐᓂᐊᖅᐳᑦ.
• ᐊᑐᕈᓐᓇᕐᓂᖅ ᑲᖏᖅᖠᓂᕐᒥ ᒥᑦᑕᕐᕕᐅᑉ ᐅᑕᖅᑭᕕᖓᓂᒃ ᐃᒡᓗᕐᔪᐊᒥᒃ ᐃᓱᓕᑦᑕᖅᑎᑕᐅᕗᖅ ᐃᖅᑲᓇᐃᔭᖅᑎᓄᑐᐊᖅ, ᖃᖓᑕᓂᐊᖅᑐᓄᑦ, ᐃᓄᖕᓄᓪᓗ ᐃᑲᔪᖅᑐᓄᑦ ᐃᑭᒪᕙᒃᑐᓂᒃ.
• ᒪᑐᐊᑦ ᖃᖓᓕᒫᑦᑎᐊᒃᑯᑦ ᐊᑐᖅᑕᐅᔭᕆᐊᖃᖅᐳᑦ ᑲᖏᖅᖠᓂᕐᒥ ᒥᑦᑕᕐᕕᐅᑉ ᐅᑕᖅᑭᕕᖓᓂ.

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

• ᑕᒪᕐᒥᑦᑎᐊᖅ ᐱᓕᕆᕝᕕᒋᔭᐅᔪᓂ ᐱᔨᑦᑎᕋᕐᓃᑦ ᓅᑎᑦᑎᓕᖅᐳᑦ ᐃᖅᑲᓇᐃᔭᖃᑦᑕᕐᓂᐊᓕᖅᖢᑎᒃ ᐊᖏᕐᕋᕆᔭᒥᓂ, ᑐᑭᒧᐊᖅᑎᑦᑎᔩᑦ ᐊᓯᖏᓪᓗ ᐊᑐᖅᑕᐅᓪᓚᕆᒋᐊᓖᑦ ᐃᖅᑲᓇᐃᔭᖅᑏᑦ ᑎᑎᕋᕐᕕᖕᒦᖦᖢᑎᒃ.
• ᓄᓇᒃᑰᕈᑎᓕᕆᔨᒃᑯᑦᓇᓗᓇᐃᔭᕐᕕᐅᕙᖕᓂᖏᑦ ᑕᒪᕐᒥᑲᓴᓘ ᓚᐃᓴᓂᒃ ᓄᑖᑕᙳᕆᐊᖅᑎᑦᑎᓃᑦ ᓱᓕ ᐱᓕᕆᐊᖑᖃᑦᑕᖅᐳᑦ.
• ᑭᒃᑯᑐᐃᓐᓇᓄᑦ ᓇᓗᓇᐃᒃᑯᑕᖅᑖᖅᑎᑦᑎᕙᖕᓂᖅ ᐱᓕᕆᕝᕕᐅᔪᓐᓴᖅᐳᖅ ᑭᓯᐊᓂ ᑐᐊᕕᕐᓇᖅᑐᑎᒍᑦ.
• ᓄᑖᓂᒃ ᐊᖁᑦᑐᓐᓇᐅᑎᓂᒃ ᐱᓕᕆᔪᖃᔾᔮᙱᓚᖅ ᑭᓯᐊᓂ ᑐᓴᖅᑎᑦᑎᔪᖃᒃᑲᓐᓂᖅᐸᑦ.
• ᑐᒃᓯᕋᐅᑏᑦ ᐱᔨᑦᑎᕋᕈᑎᓄᑦ ᓇᓂᔭᐅᔪᓐᓇᕐᑐᑦ ᐃᑭᐊᕿᕕᒃᑯᑦ ᐅᕙᓂ https://www.gov.nu.ca/motor_vehicles :
  • ᐊᖁᑦᑐᓐᓇᐅᑎᓄᑦ ᓄᑖᙳᕆᐊᖅᑎᑦᑎᓂᖅ
  • ᓄᓇᕗᒻᒥᑦ ᓇᓗᓇᐃᒃᑯᑕᕐᓄᑦ ᓄᑖᙳᕆᐊᖅᑎᑦᑎᓂᖅ
  • ᓄᓇᒃᑰᕈᑎᓄᑦ ᐊᑎᓕᐅᕐᕕᖕᒧᑦ ᓄᑖᙳᕆᐊᖅᑎᑦᑎᓂᖅ
  • ᑐᒃᓯᕋᐅᑏᑦ ᐊᖁᑦᑐᓐᓇᐅᑎᓂᑦ, ᓄᓇᑰᕈᑎᓯᐅᕐᓂᖅ, ᐊᒻᒪᓗ ᐱᕐᕈᓗᐊᕿᔪᓂ ᐅᓂᑳᕐᓂᖅ
• ᑲᒪᒋᔭᐅᕙᒃᑐᑦ ᒥᓇᕆᓗᒍ pdf ᑐᒃᓯᕋᐅᑎ ᐃᑭᐊᕿᕕᖕᒦᑦᑐᑦ ᐊᒻᒪᓗ ᐃᕐᖐᓐᓇᖅᑕᐅᒃᑯᑦ ᐅᕗᖓ @email
• ᐊᓯᖏᑦ ᒪᒃᐱᖅᑕᐅᔪᓐᓇᕐᑐᖅ ᖃᐅᔨᒋᐊᕐᓗᒋᑦ ᐃᖏᕐᕋᔾᔪᑎᓕᕆᔨᒃᑯᑦ ᐅᕙᓂ @email ᐅᕝᕙᓘᓐᓃᑦ ᐅᖃᓗᒍᓐᓇᕐᐳᑎ 1-888-975-5999 (ᐊᕿᖃᖏᑦᑐᒃᑯᑦ) ᐅᕝᕙᓘᓐᓃᑦ 1-867-975-7800 ᐃᑲᔪᖅᑕᐅᔪᒪᔪᓄᑦ.
  • ᑕᒪᒃᑯᐊ ᐱᔨᑦᑎᕋᕐᓃᑦ ᐅᑯᓂᖓ ᐃᓚᖃᖅᐳᑦ ᓯᕗᓪᓕᖅᐹᑦᑎᐊᒥᒃ ᐃᖏᕐᕋᔾᔪᑎᒥᒃ ᓇᓗᓇᐃᔭᕈᑎᖃᕐᓂᖅ ᐊᑐᖅᑕᐅᓚᐅᑲᕐᓂᐊᖅᑐᓄᓪᓗ (ᑐᐊᕕᕐᓇᖅᑐᒧᑦ) ᓄᒃᑕᕐᓂᕐᒧᑦ ᓇᓗᓇᐃᒃᑯᑕᕐᓂᒃ ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ: • ᑕᒪᕐᒥᑦᑎᐊᖅ ᑐᐊᕕᕐᓇᙱᑦᑐᑦ ᐃᖏᕐᕋᔾᔪᑎᓄᑦ ᐱᔨᑦᑎᕋᕐᓂᐅᕙᒃᑐᑦ ᐃᓚᒋᔭᐅᓪᓗᓂ ᐊᖁᑎᒥᒃ ᖃᐅᔨᓴᖅᓯᕙᖕᓃᑦ, ᑕᒪᕐᒥᑦᑎᐊᖅ ᑎᑭᑉᐸᒃᑐᓄᑦ ᐃᓂᒥ ᐱᓕᕆᐊᖑᕙᒃᑐᑦ, ᑕᒪᕐᒥᑦᑎᐊᖅ ᐱᓕᕆᕝᕕᒋᔭᐅᔪᒥᑦ ᑲᔪᓯᑎᑕᐅᔪᑦ ᑲᑎᒪᕐᔪᐊᕐᓃᑦ ᐅᐸᒃᓯᒪᓗᒋᓪᓗ ᐊᔪᕈᓐᓃᖅᓴᖅᑎᑕᐅᕙᖕᓃᑦ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

• ᑕᒪᕐᒥᑦᑎᐊᖅ ᑐᐊᕕᕐᓇᙱᑦᑐᑦ ᐃᖏᕐᕋᔾᔪᑎᓄᑦ ᐱᔨᑦᑎᕋᕐᓂᐅᕙᒃᑐᑦ ᐃᓚᒋᔭᐅᓪᓗᓂ ᐊᖁᑎᒥᒃ ᖃᐅᔨᓴᖅᓯᕙᖕᓃᑦ, ᑕᒪᕐᒥᑦᑎᐊᖅ ᑎᑭᑉᐸᒃᑐᓄᑦ ᐃᓂᒥ ᐱᓕᕆᐊᖑᕙᒃᑐᑦ, ᑕᒪᕐᒥᑦᑎᐊᖅ ᐱᓕᕆᕝᕕᒋᔭᐅᔪᒥᑦ ᑲᔪᓯᑎᑕᐅᔪᑦ ᑲᑎᒪᕐᔪᐊᕐᓃᑦ ᐅᐸᒃᓯᒪᓗᒋᓪᓗ ᐊᔪᕈᓐᓃᖅᓴᖅᑎᑕᐅᕙᖕᓃᑦ.

ᒪᓕᒐᓕᕆᔨᒃᑯᓐᓂᑦ ᐱᔨᑦᑎᕋᐅᑎᑦ

ᓄᓇᓕᖕᓂ ᒪᓕᒐᓕᕆᔨᑦ

ᐊᐴᑎᓯᒪᓗᑎᒃ ᑲᑎᒪᓃᑦ ᑕᒪᒃᑯᓄᖓ ᑭᓯᐊᓂ ᑐᐊᕕᕐᓇᖅᑐᓄᑦ ᐊᔪᕐᓇᙱᑎᑕᐅᕗᑦ, ᑕᐃᓐᓇ ᐱᓕᕆᖃᑎᒋᔭᐅᔪᖅ ᐅᖄᓚᐅᑎᖃᕈᓐᓇᙱᑉᐸᑦ ᑯᐊᖅᓵᕐᓇᙱᑦᑐᒥᓘᓐᓃᑦ ᐃᓂᒥᒃ ᐊᑐᕈᓐᓇᙱᓪᓗᓂ ᐱᓕᕆᔨᑦᑎᓐᓄᑦ ᖃᐅᔨᒋᐊᕆᐊᒃᓴᖅ ᐅᖄᓚᐅᑎᒃᑯᑦ. ᐃᓄᐃᑦ ᐊᐱᕆᔭᐅᕗᑦ ᖃᐅᔨᒋᐊᕐᕕᖃᖁᔭᐅᓪᓗᑎᒃ ᐃᓚᒌᓂ ᐋᓐᓂᖅᓯᔪᖃᖅᐸᖕᓂᖓᓄᑦ ᐱᓕᕆᕝᕕᖃᖔᓕᕐᓂᕐᒧᑦ ᐱᖁᔭᕐᒧᑦ (FAIA) ᐅᖄᓚᕝᕕᐅᔪᓐᓇᖅᑐᒧᑦ ᐊᐱᖅᑯᑎᒃᓴᖃᕐᓂᕈᑎᒃ ᐃᑲᔪᖅᑕᐅᔭᕆᐊᖃᕈᑎᒡᓘᓐᓃᑦᐆᒥᖓ ᓈᓴᐅᒻᒥᒃ ᐊᑐᕐᓗᑎᒃ, 1-844-534-1038. ᑕᒪᓐᓇ ᐅᖄᓚᓂᖅ ᖃᐅᔨᓴᖅᑕᐅᓂᐊᖅᐳᖅ ᖃᐅᔨᒪᓕᕈᒪᓂᕐᒧᑦ ᐃᑲᔪᖅᑕᐅᔭᕆᐊᖃᕐᓂᕐᒧᑦ ᐱᔭᐅᔭᕆᐊᓕᖕᒧᑦ ᑐᕌᖅᑎᑕᐅᓗᓂ ᓄᓇᓕᖕᓂ ᐱᑐᐃᓐᓇᐅᙱᑦᑐᓕᕆᓂᕐᒧᑦ ᑖᓐᓇᓗ ᐃᑲᔪᕈᓐᓇᖅᖢᓂ ᐱᓇᔫᑎᒋᔭᐅᔪᓄᑦ ᐊᑐᖅᑕᐅᔪᓐᓇᖅᑐᓂᒡᓗ ᓇᓗᓇᐃᖅᓯᔪᓐᓇᖅᖢᓂ.

ᓄᓇᓕᖕᓂ ᐃᑲᔪᖅᑕᐅᕕᑦ

ᑲᖏᖅᖠᓂᕐᒥ ᑎᒍᔭᐅᓯᒪᔪᓕᕆᔨᑦ ᐊᒡᓚᕝᕕᖏᑦ ᑭᒃᑯᑐᐃᓐᓇᓄᑦ ᒪᑐᓯᒪᔪᑦ ᑭᓯᐊᓂ ᑐᓴᖅᑎᑦᑎᔾᔪᑕᐅᒃᑲᓐᓂᖅᐸᑦ. ᑕᒪᕐᒥᑦᑎᐊᖅ ᑲᖏᖅᖠᓂᕐᒥ ᓄᓇᓕᖕᓂ ᑎᒍᔭᐅᓯᒪᔪᓕᕆᓂᕐᒧᑦ ᐱᓕᕆᕝᕕᐅᕙᒃᑐᑦ ᐅᖃᖃᑦᑕᕆᐊᖃᖅᐳᑦ ᐅᖄᓚᐅᑎᒃᑯᑦ ᓄᓇᓕᖕᓂ ᑎᒍᔭᐅᓯᒪᔪᓕᕆᓂᕐᒧᑦ ᐱᓕᕆᔨᒧᑦ ᐊᑐᕐᓗᑎᒃ ᐆᒥᖓ ᓈᓴᐅᒻᒥᒃ: 1-844-249-7623.

ᑲᖏᖅᖠᓂᕐᒥ ᒪᒥᓴᕐᕕᒃ

ᖃᐅᔨᒪᑦᑎᐊᕈᒪᓂᕐᒧᑦ ᖃᓄᐃᙱᑦᑎᐊᕐᓂᖏᓐᓄᑦ ᖁᐊᖅᓵᕐᓇᖅᑐᒦᙱᓐᓂᖏᓐᓄᓪᓗ ᐃᖅᑲᓇᐃᔭᖅᑎᓕᒫᑦ ᑎᒍᔭᐅᓯᒪᔪᓪᓗ ᐃᓂᒋᔭᒃᑎᓐᓂ, ᑕᒪᒥᑦᑎᐊᖅ ᐅᐸᒡᓗᒋ ᐅᒡᓚᖅᐸᖕᓃᑦ ᓄᖅᑲᖅᑎᑕᐅᓂᐊᖅᐳᑦ ᑐᓴᖅᑎᑦᑎᔪᖃᒃᑲᓐᓂᓚᐅᙱᓐᓂᖓᓂ.

ᐊᕙᑎᓕᕆᔨᒃᑯᑦ ᐱᔨᑦᑎᕋᕐᓂᖏᑦ

ᐊᕙᑎᓕᕆᔨᒃᑯᑦ ᑲᔪᓰᓐᓇᖅᐳᑦ ᐱᑎᑦᑎᕙᒃᖢᑎᒃ ᐱᔨᑦᑎᕋᕐᓂᕆᔭᐅᔪᓂᒃ ᓄᓇᕘᓕᒫᒥ ᑕᐃᒪᐃᑉᐸᒃᑕᒥᑎᑐᑦ, ᒪᓕᒃᖢᑎᒃ ᐊᑐᖁᔭᐅᓯᒪᔪᓂ ᑭᒃᑯᑐᐃᓐᓇᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑐᖅᑕᐅᕙᒃᑐᓂᒃ.
ᑲᖏᖅᖠᓂᕐᒥ ᐆᒪᔪᕐᓂᐊᖅᑏᑦ ᐊᒡᓚᕝᕕᖏᑦ ᒥᕐᙳᐃᖅᓯᕐᕕᖕᒧᓪᓗ ᑎᑎᕋᕕᒃ ᒪᑐᓯᒪᔪᑦ ᑭᒃᑯᑐᐃᓐᓇᓄᑦ ᑭᓯᐊᓂ ᑐᓴᖅᑎᑦᑎᔾᔪᑕᐅᒃᑲᓐᓂᖅᐸᑦ. ᐱᓕᕆᕝᕕᒋᔭᐅᔪᖅ ᑭᐅᓯᖃᑦᑕᐃᓐᓇᕐᓂᐊᖅᐳᖅ ᐊᑲᐅᙱᓕᐅᕈᑎᒋᐅᔪᓄᑦ ᓂᕐᔪᑎᓄᑦ ᑯᕕᔪᓄᓪᓗ.

• ᓂᕐᔪᑎᓄᑦ ᑭᐅᓯᔪᒪᓂᕐᒧᑦ ᑲᖏᖅᖠᓂᕐᒥ, ᐅᕗᖓ ᐅᖄᓚᔪᖃᕐᓗᓂ, 867-645-6447-ᒧᑦ ᖃᖓᓕᒫᑦᑎᐊᒃᑯᑦ.
• ᑕᒪᕐᒥᑦᑎᐊᖅ ᑯᕕᔪᑦ ᐅᖃᐅᓯᐅᔭᕆᐊᖃᖅᐳᑦ ᓄᓇᕗᒻᒥ ᑯᕕᔪᓄ ᐅᖄᓚᕝᕕᐅᕙᒃᑐᒧᑦ ᐅᕗᖓ, 867-920-8130, 24−ᓄᑦ ᐃᑲᕐᕋᓄᑦ ᐅᓪᓗᒥ: https://www.gov.nu.ca/environment/documents/spill-response

ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐱᔨᑦᑎᕋᕐᓂᕆᔭᐅᕙᒃᑐᑦ

ᓄᓇᕗᑦ ᒐᕙᒪᒃᑯᖏᑦᑕ ᑎᑎᕋᕐᕕᖏᑦ ᑲᖏᖅᖠᓂᕐᒥ ᒪᑐᓯᒪᔪᑦ ᑭᒃᑯᑐᐃᓐᓇᖕᓄᑦ.

ᐱᔭᕆᐊᖃᓪᓚᕆᙱᑐᐊᖅᐸᑦ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᑲᖏᖅᖠᓂᕐᒥᑦ ᐊᖏᕐᕋᒥᓂ ᐃᖅᑲᓇᐃᔭᕆᐊᖃᖅᑐᑦ. ᐊᖏᔪᖅᑳᕕᑦ ᐱᓕᕆᖃᑎᒋᓂᐊᖅᐹᑎᑦ ᐱᖁᑎᑖᕆᔭᕆᐊᓕᖕᓂ ᐱᑎᑕᐅᓗᑎᑦ ᐊᑐᒐᒃᓴᓂᒡᓘᓐᓃᑦ ᐊᖏᕐᕋᕐᓂ ᐃᖅᑲᓇᐃᔭᕐᓂᐊᖅᑎᓪᓗᑎᑦ. ᐊᖏᕐᕋᒥᓂ ᐃᖅᑲᓇᐃᔭᕐᓂᐊᖅᑐᓄᑦ ᐊᑐᖁᔭᐅᔪᑦ ᐃᑲᔫᑎᒃᓴᐃᓪᓗ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᖓᓂ ᓇᓂᔭᐅᔪᓐᓇᖅᐳᑦ ᐅᕙᓂ: http://intranet/covid19 ᐃᕐᙲᓐᓈᖅᑕᐅᒃᑯᓪᓗ ᓇᒃᓯᐅᔾᔭᐅᓂᐊᖅᖢᑎᒃ. ᐃᖅᑲᓇᐃᔭᕐᕕᖕᓂ ᐃᕐᙲᓐᓈᖅᑕᐅᒃᑯᑦ ᑎᑎᖅᑲᐅᓯᐊᕆᕙᒃᑕᑎᑦ ᐱᔪᓐᓇᖅᑕᑎᑦ Microsoft Office 365-ᒧᐊᕐᓗᑎᑦ ᖃᕆᓴᐅᔭᕐᓂ ᐅᕙᓂ https://www.office.com/ ᐅᕝᕙᓘᓐᓃᑦ Microsoft Outlook ᐅᖃᓘᑎᕋᓛᕐᓄᐊᕐᓗᒍ.

ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᐃᖅᑲᓇᐃᔭᕆᐊᖃᓪᓚᕆᒃᑐᓕᒫᑦ ᑲᖏᖅᖠᓂᕐᒥᑦ ᐃᖅᑲᓇᐃᔭᕐᕕᖕᒥᓂ ᐱᓕᕆᖃᑦᑕᕐᓂᐊᖅᐳᑦ ᒪᓕᖕᓂᐊᖅᖢᑎᒡᓗ ᐋᓐᓂᐊᖅᑕᐃᓕᒪᓂᕐᒧᑦ, ᐊᑦᑕᕐᓇᖅᑕᐃᓕᒪᓂᕐᒧᑦ ᖃᓄᐃᙱᑦᑎᐊᕐᓂᕐᒧᓪᓗ ᖃᐅᔨᓴᕈᑎᓂᒃ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓄᑦ ᐊᒻᒪ ᐃᖅᑲᓇᐃᔭᕐᕕᖕᒧᑦ ᐅᑎᕐᓂᐊᖅᑐᓄᑦ ᖃᐅᔨᓴᕈᑎᒥᒃ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ, ᐅᖃᓕᒫᕐᓗᒍ ᓄᕙᒡᔪᐊᕐᓇᖅ-19−ᒧᑦ ᐊᐱᖅᑯᑏᑦ ᑭᒡᒍᓰᓪᓗ ᐊᒻᒪ ᒪᓕᒡᓗᒋᑦ ᓴᖅᑭᑎᑕᐅᓯᒪᔪᑦ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᓇᓗᓇᐃᒃᑯᑕᐃᑦ ᓄᕙᒡᔪᐊᕐᓇᖅ-19−ᒥ ᐊᐃᑦᑐᕐᓗᐃᑦᑕᐃᓕᒪᖁᓪᓗᒋᑦ. ᖃᐅᔨᓴᕈᑎᑦ, ᐊᐱᖅᑯᑎᑦ ᑭᐅᔾᔪᑎᓪᓗ ᐊᒻᒪ ᐊᑭᓐᓇᕐᒥᐅᑕᐃᑦ ᓇᓂᔪᓐᓇᖅᑕᑎᑦ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᒃᑰᕈᑖᓂ: http/intranet/covid19/.

ᖃᐅᔨᒋᐊᕐᓗᑎᑦ ᐅᕗᖓ @email ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᒃᑰᕈᑖᓂ ᐱᖃᙱᒃᑯᕕᑦ ᐊᒻᒪ ᓇᓕᐊᖕᓂᑐᐃᓐᓇᖅ ᐃᑲᔫᑎᒃᓴᑦ ᐊᔾᔨᖓᓂ ᓴᖅᑭᔮᖅᑎᑕᐅᔪᓂᑦ ᐱᔭᕆᐊᖃᕈᕕᑦ.

ᒫᓐᓇᐅᔪᒃᑯᑦ, ᓄᓇᕗᑦ ᒐᕙᒪᖓᑕ ᐃᖅᑲᓇᐃᔭᖅᑎᖏᑦ ᐊᓯᖏᓐᓂ ᓄᓇᓕᖕᓂ, ᒪᑯᐊ ᐊᓯᖏᑦ, ᐊᑐᖅᑕᐅᓪᓚᕆᒋᐊᖃᙱᑦᑐᑦ ᐃᖅᑲᓇᐃᔭᖅᑏᑦ ᓴᓂᑭᓗᐊᒥ ᑲᖏᖅᖠᓂᕐᒥᓗ ᐃᖅᑲᓇᐃᔭᕆᐊᕆᐊᖃᖃᑦᑕᖅᐳᑦ ᐊᑐᖅᐸᒃᑕᑐᖃᒥᑎᑐᑦ.

ᐃᑲᔪᖅᑕᐅᔪᓐᓇᖅᐳᑎᑦ

ᓄᓇᕗᑦ ᒐᕙᒪᒃᑯᑦ ᑎᓕᐅᕆᕗᑦ ᐃᖅᑲᓇᐃᔭᖅᑎᓂᒃ ᐃᓚᖏᓐᓂᒡᓗ ᖃᐅᔨᓇᓱᖃᑦᑕᖁᓪᓗᒋᑦ ᖃᓄᖅ ᐃᖅᑲᓇᐃᔭᖅᑎᑦ ᐃᓚᖏᓪᓗ ᐃᑲᔪᖅᑕᐅᔪᓐᓇᕐᒪᖔᑕ ᒫᓐᓇᐅᔪᖅ. ᐃᖅᑲᓇᐃᔭᖅᑎᑦ ᐃᓚᖏᓐᓄᓪᓗ ᐃᑲᔫᑎᑦ ᐱᖃᓯᐅᔾᔨᕗᑦ ᐊᑭᖃᙱᑦᑐᒥᒃ ᐅᖄᓚᕝᕕᐅᔪᓐᓇᖅᑐᒥᒃ ᐅᖃᐅᓯᐅᔭᕆᐊᖃᙱᖦᖢᓂ ᓈᓴᐅᑦ, 1-800-663-1142, ᐃᖅᑲᓇᐃᔭᖅᑎᓄᑦ ᐊᒻᒪ/ᐅᕝᕙᓘᓐᓃᑦ ᐃᓚᖏᓐᓄᑦ ᖃᖓᑐᐃᓐᓇᑦᑎᐊᖅ ᐅᖄᓚᕝᕕᐅᔪᓐᓇᖅᖢᓂ ᐃᓅᓯᓕᕆᔨᓪᓚᕆᖕᒧᑦ ᐅᖃᓪᓚᖃᑎᖃᕈᒪᔪᓄᑦ ᓇᓕᐊᖕᓂᑐᐃᓐᓇᖅ ᐅᖃᐅᓯᕐᒥ ᐃᓕᓴᕆᔭᐅᓯᒪᔪᒥᑦ ᐊᑐᕐᓗᓂ, ᐊᓯᖏᓐᓂᓪᓗ ᖃᕆᓴᐅᔭᒃᑯᑦ ᐃᑲᔫᑎᒃᓴᓂᒃ ᐱᖃᓯᐅᔾᔨᓪᓗᓂᓗ ᐊᑐᕈᓐᓇᖅᑐᓂᒃ ᐅᕙᓂ www.homewoodhealth.com.
 

ᓄᓇᕗᒻᒥᐅᓂ ᖃᓄᐃᙱᑦᑎᐊᖅᑎᑦᑎᓇᓱᒡᓗᑕ ᑕᒪᑦᑕ ᑲᒪᒋᔭᒃᓴᖃᖅᐳᒍᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐃᓕᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᑦᑕ.