COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 11, 2020
COVID-19 Qalagjuarnikkut GN-kunnin Nutaamik Tuhaqtidjutaa
Atanilluaq Nunalaani Aanniaqtailinikkut Havaktimi naunaiqhijuq aannialiqtumik COVID-19 qalagjuarnirmik Kangiqlinirmi Nutaaq tuhaqtidjutikhat tunijauniaqtuq uqaqtitaujuni 11 ublaami aqagu, Hitammiut, Hikutirvia 12.
Ilaupluni Nunavut Kavamanga (GN) havagutainnik hapumminikkut Nunavunmiunnik talvannga qajangnarnirmin COVID-19 qalagjuarnirmin, GN-kunni Havagviit atuqtipkaliqtait hapkuat:
Havagviat Aanniaqtailinikkut
Kihiani amigaqhuutiqaqqan, apirijaujut inungnun Kangiqlinirmi hivajaqtukhaujut munaqhitkunut ivullirmik uqaudjaulutik qanuriliurutikhamingnik. Inuk kituliqaak apiqutiqaqqan talvuuna COVID-19 qalagjuarnikkut apirijaujut hivajagraqaqtun hivajautaanun umunga 1-888-975-8601.
Ihuaqhaqtauhimajut kivgaqtuutit:
• Tamaita hinngaijaujut upautivikhangit takujauvikhanginnik naunaiqtauhimajuinnarnik ubluani ubluqhiutikkullu, talvuuna irniurvikgmi takujauniaqtut.
Umikhimaniaqtun/Nutqaqtitauniaqtun/Taimaaqtitaujut ikajuutikhat:
• Tamaita aallangajut ihivriuqhirvikhangit nutqaqtitaujut kihiani qakugu ilitturipkaqtaugumik.
• Kiguhiqivik kivgaqtuidjutikangit nutqaqtitaujut tahapkuanginnait amigaqhuutaujut.
• Telehealth takuujauvikhangit nutqaqtitaujut kihiani qakugu ilitturipkaqtaugumik.
• Amigaqhuutaungittut tingmijukhat aanniarviliaqtukhatIqalungnut kinguvaktitaujut. Ihivriuqhirvikhangit ihuaqhaqtauffaarniaqtut qakugu naunaiqtauniaqtut.
• Aimaviinnut munaqtiujunit ihivriuqtaujaqtuqpaktut pulaaqtaqhutik nutqaqtitaujut tadja.
Havagviat Ilinniaqtuliqijikkut
K-12 Iliharviit
• Naunaiqtaujuq inungmik aannialiqtumik aanniarunmik COVID-19 qalagjuarnirmik Kangiqlinirmi.
• Talvanga Nunavunmi Atanilluaq Nunalaani Aanniaqtailinikkut Havaktimin, Kangiqlinirmi tadja uvani ittuq Qanurininga 4: Naunaiqhijuq aannialiqtumik COVID-19 qalagjuarnirmik, kihiani qakugu ilitturipkaqtaugumik.
• Iliharviit Kangiqlinirmi atuliqtitinialiqtut hanaijaqhimajamngnik Qanurininga 4 qanuriliurutikhamingnik upalungaijautikhatik.
• Tamita iliharviit Kangiqlinirmi umiktut ilihaqtunut, havaktinut, inungnullu kihiani qakugu ilitturipkaqtaugumik Atanilluaq Nunalaani Aanniaqtailinikkut Havaktimit.
• Tamaita ilihaidjutikhangit Kangiqlinirmi havaktauniaqtut unngahiktukkut.
• Ungahiktukkut iliharnirmik havaktauniaqtut hivajautikkut imaalu ilihautikhat puuqhimajut atuqtauniaqtut.
• Ilihaijiit/iliharviit havaktingit hivajarniaqtait ilihaqtitatik ilagiillu qakugunnuaq.
• Nutaangurniit nunangani qaniriningit takupkaqtauvangniaqtut uvani Havagviat Ilinniaqtuliqijikkut qaritaujakkuurutaani: https://gov.nu.ca/education/information/2020-21-opening-plan-nunavut-sc…
• Iliharviingit umingnitigun Kangiqlinirmi ajuqhautiqalimaittut havaktiit manikharvikhanginnik.
• Havagvingit atuqqujijut taima Kangiqlinirmi Avikturniani linniaqtuliqijikkut Katimajiit (DEA) havaktiit havagiaktuqtukhaungittut.
• Maniliqtuutikhangit Kangiqlinirmi DEA-kut ajurnautiqalimaittut, ukuallu Kangiqlinirmi DEA-kutakhuuqhaqtaujut akiliqtuqhimmaarlugit ihavaktitik pidjuhimiktut.
• DEA-kut havaktiit aallani tamainni Kivallirmi nunallaani (Qanurininga 2 nunallaani) havagiaqtuqtukhat havagvingmingnut ihariagijaukpiaktuinnarnut havaakhanik imaalu ihuaqhailutik iliharviit atan'ngujait pidjutiqaqtunik havaktukhaugumik iliharvingni.
Ilihalihaaqtut Nutaqqat Nutaqqaniklu Munaqhiviit
• Talvuuna naunaiqtaungmat aanniarutimik COVID-19 qalagjuarnirmik, tamaita nutaqqiqiviitigluqpangit Kangiqlinirmi umikhimaniaqtun talvanga atuqujainik Atanilluaq Inungnun Aanniaqtailinikkut Havaktimin.
• Nunavut Kavamangit maniktaqvikhangit laisiqaqtunut nutaqqiqiviit igluqpangit Kangiqlinirmi aulaniaqtun iidjuimikkut.
Havagviat Inulirijikkut
Kangiqlinirmi Nutarat Munaridjutikhangit
Ihumaaluutiqaruvit qajangnaittumik inuuhiringnaqtumiklu nutaranik imaalu/imaaluuniit inulramiinik hivajarlugu Nunalaani Inulirijitkut Havaktinun.
Ilagiinut Inuuhirittiarnirmun (CSSW): (867) 645 5064 unaluuniit (867) 645 7608 Ilagiinut Inuuhirittiarnirmun Atan'ngujat (867) 645 5064 unaluuniit (867) 645 6547 Nunavunmi-tamaini hivayautait nampangit: 1-844-FW-CHILD (1-844-392-4453) Palihimatkut - (867) 645-1111
Ihumaalutiqaguvit ikayuktiuyunik nutarangnik inulramiinikluuniit pihimaaqtun uqagiaqaruvitluuniit ihuaruhungitumikluuniit iliqatigiyaangat, hivayarluta uvani 1 855 522-5201 qaritauyakkutluuniit titirarluta uvani @email
Ikayuuhialiqiyitkut Palihimatkutlu hivayautait naunairutit tamangni nunalaani nalvaaqtaugiaqaqtun talvani Inuliriyitkut Inuuhiringnikkut havagviani talvani qaritauyaliqidjutainik uvani https://www.gov.nu.ca/family-services/information/child-protection.
Pulaarnirmik Kangiqlinirmi Munaqtaujut Aimavianut
Pulaarumajut talvunga Kangiqlinirmi Munatauviannut Aimaviannut pipkaqtaulimaittut tadja. Atanilluaq Nunalaani Aanniaqtailinikkut Havaktimit uqautijait inungnut Kangiqlinirmi aihimatqujaujutimaalu ikiglinahuarlugit inungmiutqungittugit ilagingitamingniklu iglumiuqatigingitamingnik.
Kangiqlinirmi Ikajuuhialiqiviit Avikturviani Hivajautait Naunairutikhangit
Kivalliq: Akiittumut 1-800-953-8516 ext 1602 Kivallirmi Avikturnianni Havagviat: 1-867-645-5040 ext 1602 unaluuniit ext 1600
Kangiqlinirmi Havaakhanun Pivalliarmun Naunaitkutit
Kivalliq – 1-800-953-8516 Inirniit Ilihaqtut unalu Ajuiqhautikhanut Ikajuutikhat (ALTS) ilihaqtut atiliuqhimajut ilihaqtakhani Kangiqlinirmi akiliuhiaqhimmaarniaqtut iliharnikkut ikajuhiakhamingnik nunguanut maniliurnirmut ukiungani.
Pivalliajuliqijikkut Ingilrajuliqijikkullu Havagviani Havagutait
Aulahimaaqtun havagutit:
- Milviit atuqpagainut aulapkaininngit unalu munarijakhangit aullahimmaarniaqtut.
- Pivikangit Kangiqlinirmi Milvianni Igluqpaanuttahapkuanginnarnut havaktiinainnun, aullaqtukhanut, imaalu inungnut ikajuqtiujunut aullaqtukhanut
- Matukhat atuqtaujariaqaqtut tamaat Kangiqlinirmi Milvianni Igluqpangmi.
Ihuaqhaqtauhimajut kivgaqtuutit:
- Tamaita aallat havagviujut kivgaqtuutikhait nuutirnialiqtut havaktaulutik aimaviinnit, Aulapkaijit aallallu havaktukhaujut havaktit havangniaqtut havgvingmingni.
- Akhaluutiliqinikkut Atiliurnikkut imaalu amihunut Laisikhanik nutannguqtirutikhat havaktauhimmaaktut huli.
- Inuup Naunaitkutait piksalik tunijauttaaqtut qilamiurutaukpata.
- Nutaanik Akhaluutituutikhanik Aqudjutikhanik Laisikhanik havaktaujunaittut kihiani qakugu ilitturipkaqtaugumik.
- Uuktuutikhat hapkuninga kivgaqtuidjutikhanik paqitaulajut uvani https://www.gov.nu.ca/motor_vehicles :
- Aqutiujup Laisit Nutannguqtiutikhat
- Nunavunmin Naunaitkutikhaq Ilitaridjutikharnik Piannannuat Nutannguqtiutikhat
- Akhaluutinut Atiliurutikhanik Nutannguqtiutikhat
- Tukhiutit Aqutip Aqudjutainnik Naunaitkutinik, Akhaluutinik Qiniqhiadjutit, imaalu Pijaqtuqhikapat Unniudjutit
- Inuit aadjiliunginariaqaqtat una pdf uuktuutikhaq titiraqtakhaq qaritaujakkuurutaani imaalu qaritaujakkut tujuutigilugu talvvunga @email
- Aallat kivgaqtuidjutikhat pillajaujt uqarvigilugit Akhaluutikkut Havagviatnut titirarvigilugit @email hivajarlugilluuniit 1-888-975-5999 (akiitukkut) unaaluuniit 1-867-975-7800 ikajuqtaujumaguvit.
- Hapkuat kivgaqtuidjutikhanut ilaujut Hivulliqpaamik Akhaluutit Atiliurviat imaalu Tadjakaffuk (Qilamiurut) Aullaqtunut Naunaitkutikhaq
Umikhimaniaqtun/Nutqaqtitauniaqtun/Taimaaqtitaujut ikajuutikhat:
- AllTamita amigaqhuutaungittut Akhaluutikkut Kivgaqtuidjutikhangit ilaujut Aqudjutikhanik Ajuittakhanik Naunaijautikhat, tamaita Pulaaqtinut Havagvinganut Pinahuarutikhat, tamaita havagviujunut katimaplaiviit imaalu inungnik ajuiqhaudjidjutit.
Havagvia Maligaliqijikkut
Nunamingni Maligaliqiyit
Inungmik katimaqatiqaqtukhat Nunalaani Maligaliqinikkut pittailijaujut amigaqhuutaujunut kihianik inuk hivajautaitpat imaalu qajangnaittumik najuganik hivajarvikhanik kivagaqtuijunut hivajautikkut. Inuit apirijaujut hivajaquplugit upalungaikhimajumut Ilagiiktut Pimmarlungnikkut Hattumiarutikhainut Maligaq (FAIA) hivajautaanut apiqqutikhaqarumik ikajuqtikhailiurumnikluuniit aturlugu tamna hivajautaa nampaa 1-844-534-1038. Hivajautaa ihivriuqtauqattaqpangniaqtuq naunaittumik ikajuqtaujumajut tunijauniaqtut Nunallaani maligaliqijikkut Ajuiqhattiaqhimajumut ikajuqtaaktumut titiqqanik titiraqtakhainnik imaalu atuqtakhainnik.
Nunallaami Itiqtauvingit
Tamna Kangiqlinirmi Nunagani Itiqtauviit havagviit umiktaujut inungnut qakugu ilitturipkaktitaugumik kihimi. Tamita Kangiqlinirmi Nunagani Itiqtauvianni itiqtauhimajut unniqtukhaujut hivajautikkut Nunallani Itiqtauviinni Havaktimut aturlugit nallianut hivajautaa nampaa: 1-844-249-7623.
KangiqlinirmiMamihaivikkut Najugaani
Naunaittumik aanniaqtailinikkut qajangnaittumiklu tamaita havaktiit itiqtauhimajullu talvaniittut itiqtauvianni, tamaita inungnik pulaarvikhangit nutqaqtitaujutkihiani qakugu ilitturipkaqtaugumik.
Havagviat Avatiliqiyitkut Kivgaqtuutikhait
Havagviangit Avatiliqijitkut aulahimaaqtun tuniyangat ikayuutikharnik Nunavunmi tamainni aulayuitun, malikhautiplugit atuqtakharnik nunalaani inuuhirinikkut uuktuutikharnik.
Kangiqlinirmi uumajuliqikkut havagviat min'nguiviit havagviat umiktaujut inungnut kihiani qakugu ilitturipkaqtaugumik. Havagvik aulahimaarniaqtun kiudjutikharnik ajungnautiqaqtunik uumajunik kuvihimajuniklu.
• Uumajuliqijikkut kiudjutikhanik Kangiqlinirmi, hivajarlugit 867-645-6447, 24 ikarniinni ublumi.
• Tamaita kuvijuqaqqan unniqtaujukhat taffumunga Nunavunmi Kuvijuqaqqan Hivajautaanut uvani 867-920-8130, 24 ikarniinni ublumi: https://www.gov.nu.ca/environment/documents/spill-response
Havagviat Havaktuliqijitkut Ikajuutikhangitlu
GN-kut havagviit Kangiqlinirmi umiktut inungnut.
Tamaita ihariagijaungittut Nunavut Kavamanga (GN) havaktingit Kangiqlinirmi havangnialiqtut aimavingmingnit. Atan'ngujat havaqatiginiaqtatit tunilutit ingilrutinik atuqtakharniklu havagiangni aimavingnit. Ihumagijaujut ikajuutikhatit havagiangni aihimalutit paqitaullajut uvani GN Intranet qaritaujakkurutaani: http://intranet/covid19/ and will be sent via email. Pijaqtatit havagvikpit qaritaujakkut titirarviit atiliurluti uvunga Microsoft Office 365 on your computer at https://www.office.com/ aadjiliurluguluuniit Microsoft Outlook app tigumiarnut hivajautingnut.
Tamaita ihariagijaujut GN-kuni havaktit talvani Kangiqlinimi havangniaqtut havagvingmingni maliklugit Aanniaqtailinirmun, Qajangnautikkut Inuuhiqattiarnikullu Naunaijaqhimajut hapkununga GN-kut Havagviini unalu Utirutikhaanun Havagvingmun Naunaijautit hapkununga GN-kut havaktiinun, taiguarlugit ukuat COVID-19 qalagjuarnirmun Apiqquutit Kiudjutillu imaalu maliklugit titiraqtauhimajut aanniaqtilinirmun qajangnautikullu naunaitkutit hiamitiqtailinirmun COVID-19 qalagjuarniq. Paqinaqtut naunaitkutikhat, apiqqutit kiudjutaillu nivingajullu uvani GN Intranet qaritaujakkurutaani: http://intranet/covid19/.
Qaritauyakuutitilutit hapkununga @email qaritauyaitkuvin GNkut qaritauyaliqivianun piyumaguvin aadjiliuqhimayunik quyaginaq ikayuutinik iliuraqhimayut talvunga.
Tadja, GN-kut havaktingit tamainni nunallaani ahianiittut Sanikiluarmi Kangiqlinirmillu havariaqtuqtukhat havagvingmingnut.
Ikayuqtughaqaqtuq
GN-kut akhuuqhajait havaktivut ilailu qinirlugit qanuqtut Havaktimun Ilagijainnullu Ikajurutikhat Pinahuarutit ikajuutauniaqtut tadja. Havaktimun Ilarijainnullu Ikajurutikhat Pinahuarutit ilaujut akiitukkut hiamitiqtaujunaitullu hivajautaa, 1-800-663-1142, tapkua havaktit/ilailuuniin hivajaqtaaqtaat qujaginaq uqaqatigilugit uqaudjijut qujaginaq Nunavunmi Uqauhiitigut, ilaujullu qaritaujakkut ikajuutighat uvani www.homewoodhealth.com.
Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.