ᐃᒪᕐᒨᖅᑐᓄᑦ ᐳᓪᓚᓅᖅᑐᓄᓪᓗ ᐅᖅᑯᓴᐅᑎᓂᒃ ᖃᐅᔨᓴᖅᑎᐅᑉ ᑎᑎᕋᕐᕕᖓ (OCBGI)
ᐃᒪᕐᒨᖅᑐᓄᑦ ᐳᓪᓚᓅᖅᑐᓄᓪᓗ ᐅᖅᑯᓴᐅᑎᓂᒃ ᖃᐅᔨᓴᖅᑎᐅᑉ ᑎᑎᕋᕐᕕᖓ (OCBGI)
ᐃᒪᕐᒨᖅᑐᓄᑦ ᐳᓪᓚᓅᖅᑐᓄᓪᓗ ᐅᖅᑰᓴᐅᑎᓂᒃ ᖃᐅᔨᓴᖅᑎ ᑐᓴᒐᒃᓴᓕᐅᓲᖑᕗᖅ ᐱᔾᔪᑎᒋᓪᓗᒋᑦ ᐱᔨᑦᑎᕋᐅᑎᓂᒡᓗ ᐱᔪᓐᓇᐅᑎᓄᑦ, ᖃᐅᔨᓴᕈᓯᕐᓄᑦ ᐊᒻᒪ ᐊᑎᓕᐅᖅᑕᐅᖃᑕᐅᔪᓄᑦ ᐃᒪᕐᒨᖅᑐᓄᑦ, ᐳᓪᓚᓅᖅᑐᓄᑦ ᐊᒻᒪ ᐅᖅᓱᐊᓗᖕᒧᑦ ᐃᓕᐅᖅᑲᖅᑕᐅᔪᑦ ᒪᓕᒡᓗᒋᑦ ᐱᔭᕆᐊᖃᖅᑐᑦ ᐃᒪᕐᒨᖅᑐᓄᑦ ᐊᒻᒪ ᐳᓪᓚᓅᖅᑐᓄᑦ ᐱᖁᔭᕐᒧᑦ ᐊᒻᒪᓗ ᐅᖅᓱᐊᓗᖕᒧᑦ ᓴᐳᔾᔭᐅᔾᔪᑎᒧᑦ ᐱᖁᔭᖅ ᐊᒻᒪ ᒪᓕᒋᐊᓕᖏᓐᓄᑦ: ᐃᒪᕐᒨᖅᑐᓄᑦ ᐊᒻᒪ ᐳᓪᓚᓅᖅᑐᓄᑦ ᒪᓕᒐᐃᑦ ᐊᒻᒪᓗ ᐅᖅᓱᐊᓗᖕᒧᑦ ᓴᐳᔾᔭᐅᔾᔪᑎᒧᑦ ᒪᓕᒐᐃᑦ.
ᐅᓇ ᐅᔾᔨᕆᔭᐅᓕ: ᐅᖅᑰᓴᐅᑎᓄᑦ ᐳᓪᓚᓅᖅᑐᓄᓪᓗ ᐱᖁᔭᖅ ᐊᒻᒪ ᐅᖅᓱᐊᓗᖕᒥᒃ ᓴᐳᔾᔨᓂᕐᒧᑦ ᐱᖁᔭᖅ ᖁᔭᓈᖅᑕᐅᕙᓪᓕᐊᔪᑦ ᐊᒻᒪ ᐃᓇᖏᖅᑕᐅᔪᑦ ᐱᓕᕆᓂᒃᑯᑦ ᐊᑐᖅᑕᐅᔭᕆᐊᓕᖕᓂᑦ ᐊᒻᒪ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᕐᒥᑦ.
ᐊᐅᓚᐅᓯᕆᔨᑦ ᐊᑎᓕᐅᖅᑕᐅᓂᖏᑦ ᐊᒻᒪ ᖃᐅᔨᓴᖅᑕᐅᓂᖏᑦ ᐊᒻᒪ ᐅᖅᑰᓴᐅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᐅᔨᓴᖅᑕᐅᓂᖅ
ᓄᓇᕗᒻᒥ, ᑎᑎᕋᖅᑕᐅᓯᒪᔪᑦ ᐊᐅᓚᐅᓯᕆᔨᑦ ᐊᐅᓚᔾᔪᑎᓄᑦ ᐊᐅᓚᑦᑎᓂᐊᕐᓗᓂ 30 ᑭᓗᐋᑦ ᐅᖓᑖᓂ ᐊᒻᒪ ᐃᓕᐅᖅᑲᖅᑕᐅᔪᑦ ᑮᓇᐅᔭᓕᐅᕋᓱᐊᖅᑎᓄᑦ ᐊᒻᒪ ᖃᔅᓯᑲᓪᓚᖕᓄᑦ ᐃᒡᓗᒋᔭᐅᔪᓄᑦ ᐃᒡᓗᒋᔭᐅᔪᓄᑦ (ᐃᓚᒌᓄᑦ ᐊᒻᒪ ᒪᕐᕉᓕᖅᑲᖓᔪᑦ ᐃᒡᓗᐃᑦ ᐃᓚᒋᔭᐅᙱᑦᑐᑦ). ᐃᒪᕐᒨᖅᑐᓄᑦ ᐳᓪᓚᓅᖅᑐᓄᓪᓗ ᐅᖅᑰᓴᐅᑎᓂᒃ ᖃᐅᔨᓴᖅᑎᑦ ᐊᑎᓕᐅᖅᑕᐅᖃᑕᐅᓲᖑᕗᑦ ᐱᔪᓐᓇᕐᓂᖃᕐᓂᕐᒧᓪᓗ ᖃᐅᔨᓴᖅᑎᐅᓲᖑᕗᓪᓗ ᐱᓕᕆᕝᕕᖕᒥ ᐊᐅᓚᐅᓯᕆᔨᓄᑦ. ᑲ
ᒪᒋᔭᖃᖃᑦᑕᕐᒥᔪᑦ ᐃᒪᕐᒨᖅᑐᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᐅᔨᓴᖅᑕᐅᓂᕐᒧᑦ ᓇᓃᓐᓂᖓ ᐊᐅᓚᐅᓯᕆᔨ 1-ᒥ 5-ᒧᓄ ᑲᓇᑕᓕᒫᒥᑦ ᐊᑐᖅᑕᐅᖃᑦᑕᖅᑐᓂᑦ. ᐊᑎᓕᐅᖅᑕᐅᖃᑕᐅᓂᖅ ᓄᑖᙳᕆᐊᖅᑕᐅᔭᕆᐊᖃᖅᐳᖅ ᐊᕐᕌᒍᑦ ᐱᖓᓱᑦ ᐊᓂᒍᕌᖓᑕ.
ᐊᑎᓕᐅᖅᓯᒪᓂᖅ ᖃᐅᔨᓴᖅᑕᐅᓂᕐᓗ ᐳᓪᓚᓅᖅᑐᓄᑦ ᓴᕕᕋᔭᓕᕆᓕᕐᒧᑦ:
ᐃᒪᕐᒨᖅᑐᓄᑦ ᐳᓪᓚᓅᖅᑐᓄᓪᓗ ᐅᖅᑰᓴᐅᑎᓂᒃ ᖃᐅᔨᓴᖅᑎᑦ ᐆᒃᑐᕋᖅᐸᒃᑐᑦ ᐊᑎᓕᐅᖅᓯᓂᕐᒥᒡᓗ ᐳᓪᓚᓅᖅᑐᓄᑦ ᓴᕕᕋᔭᓕᕆᔨᓂᑦ. ᐊᑎᓕᐅᖅᓯᒪᓂᖅ ᓄᑖᙳᕆᐊᓕᒃ ᐊᕐᕌᒍᑕᒫᑦ.
ᐱᔪᓐᓇᐅᑎᑖᕆᐊᖃᖅᑐᑦ ᑭᐊᒃᓴᐅᑎᒧᑦ ᐳᓪᓚᖃᐅᑎᒧᓪᓗ ᐃᓕᔭᐅᔪᓄᑦ ᑲᑎᖦᖢᒋᑦ ᐊᑦᑕᑕᖅᓯᒪᔪᑦ ᐊᖏᓂᖓ ᐅᖅᑰᓴᐅᑎᐅᑉ ᐅᖓᑖᓃᑉᐳᖅ 30 ᑭᓗᕚᑦ ᐃᓕᔭᐅᓗᓂᓗ ᐊᑕᐅᓯᐅᑉ ᐃᓚᒌᓄᑦ ᒪᕐᕉᓐᓄᓪᓘᓐᓃᑦ ᐃᒡᓗᓄᑦ. ᓇᓕᐊᖕᓂᑐᐃᓐᓇᖅ
ᐳᓪᓚᓅᖅᑐᓄᑦ ᐃᖏᕐᕋᔾᔪᑎ .06 ᑭᐅᐱᒃ (cubic) ᒦᑕᐃᑦ ᐱᔪᓐᓇᐅᑎᖃᕆᐊᖃᖅᑐᖅ ᐋᖅᑭᒃᑕᐅᓚᐅᙱᓐᓂᖓᓂ.
ᐊᑎᓕᐅᖅᓯᓂᖅ ᐅᖅᓱᐊᓗᓂ ᐋᖅᑭᒃᓯᓂᕐᒧᑦ:
- ᐊᑎᓕᐅᓯᓂᖅ ᐱᔪᓐᓇᕐᓂᖃᖅᑐᓂ ᐅᖅᓱᐊᓗᓂ ᐋᖅᑭᒃᓱᖅᑕᐅᓂᖏᓐᓄᑦ ᓄᑖᙳᕆᐊᖃᖅᑐᖅ ᐊᕐᕌᒍᑦ ᐱᖓᓱᑦ ᐊᓂᒍᕌᖓᑕ.
- ᐱᔪᓐᓇᐅᑏᑦ ᐅᖅᓱᐊᓗᓂ ᐋᖅᑭᒃᓱᖅᑕᐅᓂᖏᓐᓄᑦ ᐊᑎᓕᐅᖅᓯᓂᕐᒧᓪᓗ ᐱᔪᓐᓇᐅᑎᓕᖕᒥᑦ ᐅᖅᓱᐊᓗᓂ ᐋᖅᑭᒃᓱᐃᔨᓂᑦ.
- ᐱᔪᓐᓇᐅᑏᑦ ᐱᔭᕆᐊᖃᖅᑐᑦ ᑕᒪᐃᓐᓄᑦ ᐅᖅᓱᐊᓘᑉ ᐅᖅᓱᐊᓗᒃᓴᐅᓪᓗ ᐋᖅᑭᑦᓱᖅᑕᐅᓂᖏᓐᓄᑦ (LPG).
ᐃᒪᕐᒨᖅᑐᓄᑦ ᐳᓪᓚᓅᖅᑐᓄᓪᓗ ᐅᖅᑰᓴᐅᑎᓂᒃ ᖃᐅᔨᓴᖅᑎᑦ ᑐᓴᕐᕕᒋᔭᐅᔪᓐᓇᖅᑐᑦ:
ᐊᑭᖃᙱᑦᑐᒃᑯᑦ ᐅᖄᓚᐅᑏᑦ:
ᓇᖕᒥᓂᖃᖅᑎᓄᑦ ᐅᖄᓚᐅᑎᖓ: 1-844-975-5493
ᑐᐊᕕᕐᓇᖅᑐᓄᑦ ᐅᖄᓚᐅᑎᖓ: 1-833-966-2280
ᐃᒪᕐᒨᖅᑐᓄᑦ ᐳᓪᓚᓅᖅᑐᓄᓪᓗ ᐅᖅᑰᓴᐅᑎᓂᒃ ᖃᐅᔨᓴᖅᑎᑦ ᑐᓴᐅᒪᔾᔪᑏᑦ ᐊᐅᓪᓚᖅᑎᑕᐅᔪᓐᓇᖅᑐᑦ ᐅᕗᖓ: [email protected]
ᐃᒪᕐᒨᖅᑐᓄᑦ ᐳᓪᓚᓅᖅᑐᓄᓪᓗ ᐅᖅᑰᓴᐅᑎᓂᒃ ᖃᐅᔨᓴᖅᑎᐅᑉ ᑐᕌᕈᑎᖓ:
ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᑦ
ᓄᓇᓕᖕᓂ ᒐᕙᒪᒃᑯᓪᓗ ᐱᔨᑦᑎᕋᖅᑎᒃᑯᑦ
ᓄᓇᕗᑦ ᒐᕙᒪᖓᑦ
ᑎᑎᖅᑲᒃᑯᕕᐊ 1000, ᐃᓂᖓ 610
ᐃᖃᓗᐃᑦ, ᓄᓇᕗᑦ
X0A 0H0