ᓄᓇᕗᒻᒥ ᖁᕕᐊᓲᑎᖃᖅᐳᑦ ᐳᕝᕕᕆᓂᖅ ᑲᒪᒋᔭᐅᔪᓐᓇᕐᓂᖓᓂᒃ ᐱᓇᓱᐊᕈᓯᕐᒥᒃ

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᓄᓇᕗᒻᒥ ᖁᕕᐊᓲᑎᖃᖅᐳᑦ ᐳᕝᕕᕆᓂᖅ ᑲᒪᒋᔭᐅᔪᓐᓇᕐᓂᖓᓂᒃ ᐱᓇᓱᐊᕈᓯᕐᒥᒃ

ᐳᕝᕕᕆᓂᖅ ᑲᒪᒋᔭᐅᔪᓐᓇᕐᓂᖓᓄᑦ ᐱᓇᓱᐊᕈᓯᖅ ᐊᕐᕌᒍᑕᒫ ᖁᕕᓲᑕᐅᓲᖑᕗᖅ ᐅᑐᐱᕆ ᐱᓇᓱᐊᕈᓯ ᑭᖑᓪᓕᖅᐹᖓᓐᓂᒃ. ᐅᑐᐱᕆ 25-ᒥ 31-ᒧᑦ, 2020, ᓄᓇᕗᑦ ᒐᕙᒪᒃᑯᑦ ᐱᓕᕆᖃᑎᖃᓛᖅᑐᑦ ᑲᓇᑕᒥ ᑲᑐᔾᔨᖃᑎᒌᓂᒃ ᐳᕙᓕᕆᔨᒻᒪᕆᖕᓂᒃ ᐃᓕᑕᖅᓯᑎᓪᓗᒋᑦ ᐱᒻᒪᕆᐅᔪᒥᒃ ᐱᓕᕆᐊᖑᓲᒥᒃ ᐳᕙᓕᕆᔨᒻᒪᕆᖕᓄᑦ ᓄᓇᕘᒥ.

ᐳᕙᓕᕆᔨᒻᒪᕇᑦ ᐃᓕᓴᖅᓯᒪᑦᑎᐊᖅᑐᑦ ᐃᓗᐊᖅᓴᐃᔨᑦ ᐃᑲᔪᓲᑦ ᖃᐅᔨᓴᖅᑕᐅᒋᐊᓕᖕᓂᒃ, ᐊᐅᓚᑕᐅᒋᐊᓕᖕᓂᒃ, ᑲᒪᒋᔭᖃᓲᓪᓗ ᐋᓐᓂᐊᕆᔭᐅᔪᓂᒃ ᐳᕙᖕᓄᑦ ᐊᒃᑐᐊᔪᓂᒃ. ᐱᕐᔪᐊᖑᓪᓗᑎᒃ ᑲᒪᒋᔭᐅᓲᖑᕗᑦ ᐋᓐᓂᐊᕕᓕᐊᖅᓯᒪᔪᑦ ᐊᓂᕐᓂᑭᓲᑦ.

ᐳᕙᓕᕆᔨᒻᒪᕇᑦ ᐱᓕᕆᕐᔪᐊᖅᑐᒻᒪᕆᐊᓘᕗᑦ ᓄᕙᒡᔪᐊᕐᓇᖅ-19−ᑕᖃᖅᑎᓪᓗᒍ ᐃᑲᔪᓲᖑᕗᓪᓗ ᐊᓂᖅᓵᖅᑑᑎᓂᒃ ᐊᑐᐃᓐᓇᐅᑎᑦᑎᓪᓗᑎᒃ ᐊᒻᒪ ᑲᑉᐳᔾᔭᖅᑐᒨᖅᑐᑦ ᐊᓂᖅᓵᖅᑑᑎᓂᒃ ᐊᓂᖅᓵᖅᑑᓯᔭᕆᐊᖃᓪᓚᕆᒃᑐᓄᑦ. ᐅᑯᐊ ᐃᓗᐊᖅᓴᐃᔩᑦ ᐊᓂᖅᓵᖅᑎᑦᑎᓲᖑᖕᒥᔪᑦ ᑐᐊᕕᕐᓇᖅᑐᒦᑦᑐᓂᒃ ᑲᒪᒋᔭᐅᒋᐊᓕᖕᓂᒃ, ᑐᐊᕕᕐᓇᖅᑐᓕᕆᔪᓂᒃ ᐊᒻᒪ ᐱᓚᒃᑐᐃᔨᓂᒃ. ᓄᓇᓕᖕᓂ ᐊᒻᒪ ᐋᓐᓂᐊᕕᓕᐊᖅᓯᒪᔫᑉ ᐊᖏᕐᕋᖏᑦ, ᐳᕙᓕᕆᔨᒻᒪᕇᑦ ᐊᔪᙱᑕᖏᓐᓂᒃ ᐱᓕᕆᓲᖑᕗᑦ ᐃᓕᓐᓂᐊᖅᑎᑦᑎᓪᓗᑎᒃ ᐊᒻᒪ ᐃᑲᔪᖅᓱᐃᓪᓗᑎᒃ ᐋᓐᓂᐊᕕᓕᐊᖅᓯᒪᔪᓂᒃ ᐊᑲᐅᙱᓪᓕᐅᕈᑎᖃᓲᓂᒃ ᐃᔾᔭᙳᑦᑕᐅᑎᓕᖕᓂᒃ, ᐊᓂᕐᓂᑭᑦᑐᓂᒃ, ᐳᕝᕕᕆᓲᑦ ᐊᓯᖏᓪᓗ ᐳᕝᕕᕆᓕᕈᑕᐅᓲᑦ ᐋᓐᓂᐊᓕᕈᑕᐅᓲᓂᒃ.

ᓄᓇᕗᒥᐅᓕᒫᑦ ᑎᓕᐅᖅᐸᕗᑦ ᐃᓕᑕᖅᓯᖁᓪᓗᑎᒍᑦ ᐳᕙᓕᕆᔨᒻᒪᕆᖕᓄᑦ ᐃᑲᔫᑕᐅᓲᓂᒃ ᐋᓐᓂᐊᖃᕐᓇᙱᑦᑐᓕᕆᔾᔪᓯᑦᑎᓐᓂ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
@email