Hitamat nutaat aannialiqtut COVID-19 qalagjuarnirmik Nunavunmi
Tuhaqtidjutikhaq
Hitamat nutaat aannialiqtut COVID-19 qalagjuarnirmik Nunavunmi
Iqaluit, Nunavut (Hikutirvia 19, 2020) - Ublumi, Nunavunmi attautimut 74-nguqtut naunaiqtaujut aannialiqtut COVID-19 qalagjuarnirmik. Pingahut nutaat aannialiqtut naunaiqtaujut Arviani, nunangani imaatut amigaiqtut naunaiqtaujut aannialiqtut 57-nguqtut. Aalla atauhiq nutaaq aannialiqtut naunaiqtaungmijuq Kangiqlinirmi, imaatut nunangani attautimut naunaiqtaujut aannlialiqtut imaatut siksinguqtut. Taallangungittut amigaitilangit aanniaqtut Tikirarjuami Sanikiluarmillu.
“Tamna nutaaq annialiqtuq Kangiqlinirmi turangajuq hivuagbut naunaqitauhimajunut aanniaqtumut. Naunaiqhimangittuq nunangani hiamitiornianik nunangini Sanikiluarmi, Kangiqlinirmi uvaniluuniit Tikirarjuarmi. Tamarmik ukuat inuit avaliingaqtitauliqtut tamarmniklu naamainaliqhutiklu. Qaniklihimajainnik aanniaqtumut naunaijaqtaujukhat tamainni aktuqtauhimajunik nunallaani aullahimmaaqtut naunaijaihimmaaqtut imaalu munariplugit tamaita inuit avalingaaqtitaujut,” uqaqtuq Dr. Michael Patterson, Nunavunmi Atanilluaq Nunalaani Aanniaqtailinikkut Havaktiat.
Talvanga Hikutirvia 18, 103 qaujihaqtaujut Sanikiluarmi naunaiqtaujut aanniarutiqangittut. Kangiqlinirmi, 104 qaujihaqtaudjutait uttiffaaqtut naunaiqtaujut aanniarutiqangittut. Arviani qaujihaqtaudjutait naunairutaujut 130 aanniarutiqangittut qaujihaidjutait. Qaujihaidjutait Tikirarjuarmi naunairutaujut 10 aanniarutiqangittut qaujihaidjutait.
Kinaliqaak inuk ihumagumi aktuqhimanirmun COVID-19 qalagjuarnirmik hivajaqtukhat COVID hivajautaanut 1-888-975-8601 akkungani 10 ublaami unalu 6 mun. EST-kut ubluqhiutagut, imaaluniit tuhaqtinniaqtait nunamingni munaqhitkut qilamik, ahiit qilamiurlutik avalingarvikhamingnik aimavingmingni imaatut 14-ni ubluni. Munaqhiliaqtailutin upautihuirlutillu.
Nutaanik naunaiqtakhanik atuqtakhaniklu talvuuna COVID-19 qalagjuarniq Nunavunmi, takulugu una: https://www.gov.nu.ca/in/munarhiliqiyikkut/information/covid-19-novel-c…
Nutaanik naunaitkutikhanik tadja inungnut aanniaqtailinikkut malqatqujaujunik, takuluhu: https://www.gov.nu.ca/health/information/nunavuts-path
Nutaat ilitturipkaidjutikhat tunijauniaqtun tuhaumapkaidjutimi 11 mungaqqan. EST, Tallimiut Hikutirvia 20.
###
Tuhaqtipkainikkut Uqarvikhat
Cate Macleod
Tuhaqtakhanut Titiraqti uumunga
Hivuliqtimun Savikataaq
867-975-5059
@email
Chris Puglia
Atan'ngujaullaqtuq, Tuhaqtidjutinun
Havagviat Aanniaqtailinikkut
867-975-5949
@email