ᓴᕚᓇ ᐱᑯᔭᒃ ᐃᓕᓐᓂᐊᖅᑕᐅᔪᓄᑦ ᐃᑲᔫᑎ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔪᓐᓇᖅᓯᒻᒥᔪᑦ ᑐᑦᓯᕋᐅᑎᓂᒃ ᓴᕚᓇ ᐱᑯᔭᒃ ᐃᓕᓐᓂᐊᖅᑕᐅᔪᓄᑦ ᐃᑲᔫᑎᑦᓴᓄᒃ ᓄᓇᕗᒻᒥ ᐃᓄᓐᓄᑦ ᐃᓕᓐᓂᐊᖃᑕᐅᔪᓄᑦ ᐋᓐᓂᐊᖅᑐᓕᕆᔨᕈᓚᐅᕋᓂ ᐃᓕᓐᓂᐊᕋᑦᓴᒥ ᓄᓇᕗᒻᒥ ᓯᓚᑦᑐᖅᓴᕐᕕᒻᒥ (NAC).

ᓴᕚᓇ ᐱᑯᔭᒃ ᓴᙱᓚᐅᕐᑐᖅ, ᐃᓄᑦᑎᐊᕙᒻᒪᕆᐅᓪᓗᓂ, ᒪᒃᑯᒃᖢᓂ ᐃᓅᓪᓗᓂ ᐊᕐᓇᐅᓪᓗᓂ, ᐊᖏᕐᑕᐅᓚᐅᕐᑐᖅ ᓯᕗᓂᐊᓂ−ᐋᓐᓂᐊᖅᑕᐃᓕᒪᓂᖕᒧᑦ ᐃᓕᓐᓂᐊᕋᑦᓴᒥ ᐋᓪᖔᓐᑯᐃᓐ ᓯᓚᑦᑐᖅᓴᕐᕕᐊᓂ 2022-2023 ᐃᓕᓐᓂᐊᕐᓂᐅᑉ ᐊᕐᕌᒍᖓᓂ. ᓴᕚᓇ ᐃᖅᑲᓇᐃᔭᓚᐅᕐᑐᖅ ᐱᖓᓱᓄᑦ ᐅᐱᕐᖔᓄᑦ ᐅᐱᕐᖔᒃᑯᑦ ᐃᓕᓐᓂᐊᕐᑎᐅᓪᓗᓂ ᐋᓐᓂᐊᕕᒻᒥᑦ ᓴᓂᕋᔭᒻᒥᑦ ᓯᕗᒧᐊᓚᐅᙱᓐᓂᖓᓂ ᐱᕚᓪᓕᕋᓱᒃᓱᓂᒋᓪᓗ ᐃᓕᓐᓂᐊᕐᑕᓂ ᐋᓐᓂᐊᓯᐅᖅᑎᐅᓂᒻᒧᑦ.

ᐅᐱᒋᓪᓗᒍ ᓴᕚᓇ, ᑖᓐᓇ ᐃᓕᓐᓂᐊᕈᑎᒃᓴᖅᑖᕈᓯᐊᖅ ᑐᕌᒐᖃᖅᐳᖅ ᐃᓕᑕᖅᓯᔪᒪᓪᓗᑎᒃ ᐃᓕᓐᓂᐊᖅᑎᓂᒃ ᓄᓇᕗᒻᒥ ᓯᓚᑦᑐᖅᓴᕐᕕᒻᒥ ᐋᓐᓂᐊᖅᑐᓕᕆᔨᐅᓚᐅᕋᓂ ᐃᓕᓐᓂᐊᕐᓂᕐᒧᑦ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑐᓂᓯᓲᖑᕗᑦ ᐊᑕᐅᓯᕐᒥᒃ $5,000−ᓂ ᐊᕐᕌᒍᓕᒫᒧᑦ ᐃᓕᓐᓂᐊᕈᑎᒃᓴᖅᑖᕐᓂᕐᒧᑦ ᐃᓕᓐᓂᐊᖅᑎᓄᑦ ᐊᑦᓱᕉᑎᖃᖅᑐᓄᑦ ᐱᓇᓱᐊᕐᓂᕐᒧᑦ ᐃᖅᑲᓇᐃᔮᖃᕐᓂᕐᒧᑦ ᐋᓐᓂᐊᖅᓯᐅᖅᑎᐅᓂᕐᒧᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᖃᓄᖅ ᐱᓇᓱᐊᕐᓂᕐᒧᑦ, ᐃᓚᒋᔭᐅᓗᑎᒃ ᐱᓇᓱᐊᕈᑏᑦ ᐱᓕᕆᔾᔪᓰᑦ, ᐱᕙᓪᓕᐊᓂᖏᓐᓄᑦ ᐊᒻᒪ ᖃᐅᔨᒪᔾᔪᑎᑦ, ᖃᐅᔨᒋᐊᕐᕕᒋᓗᒍ ᔫ−ᐋᓐ ᐃᓪᓚᐅᑦ @email.

ᐱᓇᓱᐊᖅᑐᓄᑦ ᐃᓱᓕᕝᕕᒃᓴᓕᒃ ᓅᕙᐃᒻᕙ 30, 2023, 5-ᒥ ᐅᓐᓄᓴᒃᑯᑦ ᑲᓇᓐᓇᒥ.