ᓄᓇᕗᑦ ᐅᖓᕙᕆᐊᕐᓯᕗᑦ ᐋᓐᓂᐊᖅᑕᐃᓕᒪᔪᓕᕆᓂᕐᒥᑦ ᑭᒃᑯᑐᐃᓐᓇᕐᓄᑦ ᑐᐊᕕᖕᓇᖅᑐᒥᒃ

ᐱᕙᓪᓕᐊᔪᖅ ᓴᖅᑭᑎᑕᐅᔪᖅ

ᓄᓇᕗᑦ ᐅᖓᕙᕆᐊᕐᓯᕗᑦ ᐋᓐᓂᐊᖅᑕᐃᓕᒪᔪᓕᕆᓂᕐᒥᑦ ᑭᒃᑯᑐᐃᓐᓇᕐᓄᑦ ᑐᐊᕕᖕᓇᖅᑐᒥᒃ

ᐃᖃᓗᐃᑦ, ᓄᓇᕗᑦ (ᐊᐅᒍᔅᑎ 6, 2020) – ᓄᓇᕗᒻᒥᐅᑦ ᒥᓂᔅᑕᖓᑦ ᐋᓐᓂᐊᖃᕐᑕᐃᓕᒪᔪᓕᕆᓂᕐᒧᑦ, ᔪᐊᔾ ᕼᐃᒃᔅ ᐅᖓᕙᕆᐊᖅᑎᑦᑎᕗᖅ ᐅᑭᐅᖅᑕᖅᑐᒥ ᐊᕕᒃᓯᒪᓂᐅᑉ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᑭᒃᑯᑐᐃᓐᓇᕐᓄᑦ ᑐᐊᕕᕐᓇᖅᑐᖁᑖᓂᒃ ᐊᐅᒍᔅᑎ 20, 2020−ᒧᑦ.

“ᓄᓇᕗᑦ ᐱᕙᒌᔭᖅᓯᒪᐃᓐᓇᕆᐊᖃᖕᒪᑦ ᓄᕙᒡᔪᐊᕐᓇᖅ-19−ᒧᑦ, ᖃᓱᕙᓪᓕᐊᓕᕋᓗᐊᕐᑎᓪᓗᑎᒍᑦ ᑭᒡᓕᖃᖅᑎᑕᐅᔪᑦ,” ᐅᖃᓚᐅᕐᑐᖅ ᒥᓂᔅᑕ ᕼᐃᒃᔅ. “ᐃᓕᑦᑎᕙᓪᓕᐊᑎᓪᓗᑕ ᐆᒪᓗᑕ ᖁᐱᕐᕈᐊᕐᔪᒃᑕᖃᕐᑎᓪᓗᒍ ᐊᑯᓂᐅᔪᒥᑦ, ᐱᓕᕆᐊᖃᑦᑎᐊᖏᓐᓇᕆᐊᖃᖅᐳᒍᑦ ᐊᑐᐃᓐᓇᕐᓗᒋᓪᓗ ᑭᒃᑯᑐᐃᓐᓇᖕᓄᑦ ᐋᓐᓂᐊᖅᑕᐃᓕᒪᓂᖕᒧᑦ ᐅᖃᐅᔾᔪᒐᓂᑦ ᐃᑲᔫᑎᖕᒪᑦ ᐊᐃᑦᑐᐃᓂᖕᒥᑦ ᓱᒃᑲᐃᑦᑐᒥᑦ.”

ᐅᑯᐊ ᓇᓗᓇᐃᕈᑎᒃᓴᐅᕗᑦ ᓄᕙᒡᔪᐊᕐᓇᖅ-19−ᒧᑦ ᐆᓇᑲᑕᒡᓗᓂ, ᖁᐃᖅᓱᑲᑕᒡᓗᓂ ᐊᓂᖅᓵᖅᑐᒡᒐᕐᓗᓂᓘᓐᓃᑦ. ᓄᓇᕗᒻᒥᐅᑦ ᐃᖅᑲᐃᓯᔭᐅᕗᑦ ᐃᓅᖃᑎᓂᑦ ᐅᖓᓯᖃᑦᑕᕐᓗᑎᒃ, ᐊᒡᒐᑎᑦ ᐅᐊᓴᒐᔪᒃᓗᒋᑦ, ᐊᐃᓯᒪᓗᑎᓪᓗ ᖃᓄᐃᒃᑯᕕᑦ. ᑭᓇᑐᐃᓐᓇᑦᑎᐊᖅ ᐃᓱᒪᒋᔭᖃᖅᑐᖅ ᓄᕙᒡᔪᐊᕐᓇᖅ-19−ᓕᖕᒥᑦ ᐅᐸᒍᑎᓯᒪᓚᐅᕋᓱᒋᓗᓂ ᐅᖄᓚᖁᔭᐅᕗᑦ ᓄᕙᒡᔪᐊᕐᓇᒧᑦ ᐅᖄᓚᕝᕕᐅᔪᓐᓇᖅᑐᒥᒃ ᐅᕗᖓ, 1-888-975-8601 10−ᒥ ᐅᓪᓛᒃᑯᑦ 6−ᒧᐊᕋᓱᖕᓂᖓᓄᑦ ᐅᓐᓄᒃᓴᒧᑦ, ᖃᐅᔨᑎᓪᓗᒋᓪᓘᓐᓃᑦ ᓄᓇᓕᖕᓂᑦ ᐋᓐᓂᐊᕕᖕᓄᑦ ᖃᐅᔨᑎᑲᐅᑎᒋᓗᒋᓪᓗ, ᐅᐸᒃᑕᐅᑦᑕᐃᓕᒪᓯᑲᐅᑎᒋᓗᓂᓗ ᐊᖏᕐᕋᖅᓯᒪᓗᓂᓗ 14−ᓄᑦ ᐅᓪᓗᓄᑦ.

ᑕᒪᕐᒥᑦᑎᐊᖅ ᐊᕕᒃᓯᒪᓂᕐᒥ ᐅᑭᐅᖅᑕᖅᑐᒥ ᑎᓕᓯᔾᔪᑕᐅᓯᒪᔪᑦ ᐋᓐᓂᐊᖅᑕᐃᓕᒪᔪᓕᕆᓂᕐᒥ ᑭᒃᑯᑐᐃᓐᓇᕐᓄᑦ ᑐᐊᕕᕐᓇᖅᑐᒧᑦ ᐊᑖᒍᑦ ᓱᓕ ᑲᔪᓯᕗᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᓄᕙᒡᔪᐊᕐᓇᖅ-19−ᒥᑦ ᒥᒃᓵᓄᑦ ᓄᓇᕗᒻᒥᑦ, ᐅᕗᙵᐅᓗᑎᑦ https://www.gov.nu.ca/iu/aanniaqangnanngittulirijikku/information/aniqs…

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᐃᑦ ᒪᒡᓚᐅᑦ
ᐱᕙᓪᓕᔪᓄᑦ ᑎᑎᕋᖅᑎ ᓯᕗᓕᖅᑎ ᓴᕕᑲᑖᕐᒧᑦ
867-975-5059
@email