ᐅᖃᓚᐅᑎᓯᐅᑏᑦ

You are here

ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ-19

ᑎᓕᓯᑦᔪᑎᒃ ᐅᖓᕙᕆᐊᖅᑕᐅᓂᖓᑕ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑐᐊᕕᓐᓇᖅᑐᒃᑰᕈᑎᖃᕐᓂᒥᒃ

ᐊᐅᓪᓚᖃᑦᑕᖅᑐᑦ ᑭᒡᓕᖃᖅᑎᑕᐅᔪᓄᑦ ᑎᓕᐅᕆᔾᔪᑎ ᓈᓴᐅᑖ 

ᐃᓂᖅᑎᕈᑎ ᐃᓅᖃᑎᒌᑦ ᖃᓂᒃᓴᓗᐊᖁᔭᐅᙱᖦᖢᑎᒃ ᑲᑎᑲᑕᖁᔭᐅᙱᖦᖢᑎᒡᓗ

ᑎᓕᓯᔾᔪᑎ ᖃᖓᑕᔫᒃᑯᑦ ᐅᓯᔨᓄᑦ

ᐊᑐᖅᑕᐅᔭᕆᐊᖃᓪᓚᕆᒃᑐᖅ ᐃᓄᑑᔭᕆᐊᖃᖅᑎᑕᐅᔪᑦ

ᒪᓕᒃᑕᐅᔭᕆᐊᖃᖅᑐᑦ ᐃᓄᒋᐊᒃᑐᓃᒋᐊᖃᙱᓐᓂᕐᒧᑦ ᐊᖏᖃᑎᒌᒍᑎ

ᓄᓇᓕᖕᓂᑦ ᐊᐅᓪᓚᖃᑦᑕᖕᓂᖅ ᑲᑎᖃᑦᑕᖕᓂᖕᓄᓪᓗ ᓄᖅᑲᖓᑎᑕᐅᓂᖓᑕ ᑎᓕᐅᕆᔾᔪᑖ ᐅᑎᕐᑎᑕᖅ ᒥᑦᑎᒪᑕᓕᒃ

ᑎᓕᓯᔾᔪᑎ ᑎᒃᑯᐊᕐᓯᓂᖕᒥᑦ ᒪᑭᕝᕕᐊᓂ ᐅᑲᓕᖅ ᐊᓯᖏᓪᓗ ᑭᑭᑕᐅᓯᒪᔪᑦ ᐱᕕᔾᔪᐊᑐᑦ ᐃᖅᑲᓇᐃᔭᖅᑎᑦ

ᐊᐃᑦᑐᕐᓘᑕᐅᔪᓐᓇᖅᑐᒧᑦ ᖃᓂᒻᒪᓯᕐᒧᑦ ᑎᓕᓯᔾᔪᑕᐅᔪᖅ

ᓄᕙᒡᔪᐊᕐᓇᖅ-19−ᑖᖅᓯᒪᖕᒪᖔᑕ ᓇᓗᓇᖅᑐᒦᑦᑐᑦ ᐃᓄᖕᓄᑦ ᐅᐸᒍᑎᑲᑕᒋᐊᖃᙱᑦᑐᑦ ᓄᓇᕗᒥᐅᑦ ᓄᓇᕘᑉ ᓯᓚᑖᓂᙶᖅᓯᒪᔪᑦ

 

ᓄᓇᕗᑦ ᒐᕙᒪᖓᑦ ᐱᓕᕆᐊᖃᖅᖢᓂ ᓇᐅᑦᑎᖅᓱᖅᓯᕗᖅ ᐆᒥᖓ, ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇ-19 ᖃᓄᐃᓕᕙᓪᓕᐊᓂᕆᔭᖓᓂᒃ ᑲᓇᑕᓕᒫᒥ ᓄᓇᕐᔪᐊᓕᒫᒥᓗ ᖁᐊᖅᓵᕐᓇᕐᓂᖓᑕ ᖃᐅᔨᓇᓱᒃᑕᐅᓂᖓ ᓄᓇᕗᒻᒥᐅᓄᑦ ᐊᑦᑎᒃᑐᒦᖏᓐᓇᕋᓗᐊᖅᑎᓪᓗᒍ, ᐅᓄᖅᓯᕙᓪᓕᐊᓂᖏᑦ ᓄᓇᕐᔪᐊᕐᒥ ᓄᓇᓖᑦ ᐊᒃᑐᖅᑕᐅᔪᑦ ᐋᓐᓂᐊᖃᓇᙱᑦᑐᓕᕆᔨᒃᑯᓐᓂᒃ ᐃᖅᑲᐃᑎᑦᑎᒋᐊᖅᐳᖅ ᑕᒪᐃᓐᓂᒃ ᓄᓇᕗᒻᒥᐅᓕᒫᓂᒃ ᖃᐅᔨᒪᖁᓪᓗᒋᑦ ᐅᔾᔨᖅᓱᕆᐊᖃᕐᓂᕐᓂᒃ ᓇᒧᙵᐅᓂᕐᒧᓪᓗ ᐅᖃᐅᔾᔭᐅᕙᒃᖢᑎᒃ ᐊᒃᑐᐊᓂᖃᖅᑎᖦᖢᒍ ᑕᒪᑐᒧᖓ ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ-19−ᒧᑦ.

 

ᓄᓇᕗᒻᒥ ᓄᕙᒡᔪᐊᕐᓇᖅ-19−ᒧᑦ ᐱᔾᔪᑎᓕᖕᒥᒃ ᓄᑖᙳᕆᐊᖅᓯᒪᔪᑦ

ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ ᑕᐃᒪᐃᑦᑐᖃᑐᐃᓐᓇᕆᐊᓖᑦ ᐃᓄᐃᑦ ᖃᐅᔨᓴᖅᑕᐅᔪᑦ ᐊᑕᖏᖅᖢᒋᑦ ᑲᑎᖦᖢᒋᑦ ᐃᓄᐃᑦ ᖃᐅᔨᓴᖅᑕᐅᔪᑦ ᒫᓐᓇ ᖃᐅᔨᓴᖅᑕᐅᕝᕕᐅᔪᑦ  
0 0 1070 130  

 

*ᐃᓄᐃᑦ ᖃᐅᔨᓴᖅᑕᐅᔪᑦ (ᐃᓄᐃᑦ ᖃᐅᔨᓴᖅᑕᐅᕝᕕᐅᔪᑦ) ᐃᓚᖃᖅᐳᑦ ᑕᒪᐃᓐᓂᑦᑎᐊᖅ ᐃᓄᖕᓂᒃ ᐊᑐᕈᓐᓇᖅᑐᓂᒃ ᑲᓇᑕᓕᒫᒥ ᐃᓄᐃᑦ ᖃᐅᔨᓴᖅᑕᐅᔪᑦ ᑐᑭᖓᓂᒃ, ᐊᒻᒪᓗᑦᑕᐅᖅ ᐊᓯᖏᓐᓂᒃ ᓇᖕᒥᓂᖅ−ᓇᐅᑦᑎᖅᓱᖅᓯᓂᕐᒥᒃ ᐅᕝᕙᓘᓐᓃᑦ ᓇᖕᒥᓂᖅ−ᐅᐸᒃᑕᐅᔾᔭᐃᓯᒪᑎᓐᓂᕐᒥᒃ.

*ᑕᒪᓐᓇ ᐃᓱᒪᒥᐅᑕᕆᔭᐅᖃᑦᑕᕐᓂᐊᖅᐳᖅ ᕿᒥᕐᕈᐊᖅᑐᖃᓕᕌᖓᑦ ᑖᒃᑯᓂᖓ ᑐᓴᖅᑕᐅᔪᒃᓴᓂᒃ.

 

ᐊᐅᓪᓚᕆᐊᖃᙱᓐᓂᖕᒧᑦ ᑎᓕᐅᕆᔾᔪᑎ 

ᐱᒋᐊᕐᓗᓂ ᓇᒡᒐᔾᔭᐅᓕᖅᑭᒥ, ᒫᑦᓯ 24 11:59 ᐅᓐᓄᓴᒃᑯᑦ:

ᓄᓇᕗᒻᒥᐅᑐᐊᑦ ᐱᒻᒪᕆᐅᔪᓂᓪᓗ ᐃᖅᑲᓇᐃᔮᓖᑦ ᑎᑭᒍᓐᓇᕐᓂᐊᖅᑐᑦ ᓄᓇᕗᒻᒧᑦ.

ᖃᖓᑕᓲᒧᑦ ᐃᑭᓚᐅᙱᑎᓪᓗᒋᑦ ᓄᓇᕘᓕᐊᕐᓂᐊᖅᑐᑦ, ᓄᓇᖃᖅᑏᑦ ᒪᓕᒋᐊᖃᕐᓂᐊᖅᐳᑦ ᐅᓪᓗᓄᑦ 14-ᓄᑦ ᐊᓂᑦᑕᐃᓕᑎᑕᐅᓗᑎᒃ ᐋᑐᕚᒥᑦ, ᐅᐃᓂᐹᒡᒥᑦ, ᐃᐊᑦᒪᓐᑕᓐᒥᑦ ᔭᓗᓇᐃᒥᓪᓘᓐᓃᑦ. ᐅᓪᓗᑦ 14 ᐊᓂᒍᖅᐸᑦ, ᖃᓂᒪᙱᑦᑐᑦ ᓄᓇᖃᖅᑏᑦ ᐊᓂᑎᑕᐅᓂᐊᖅᐳᑦ ᑎᑎᖅᑲᒥᒡᓗ ᑐᓂᔭᐅᓗᑎᒃ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ ᐊᑎᓕᐅᖅᓯᒪᔪᒥᒃ ᐊᖏᕐᕋᐅᔪᓐᓇᕐᓂᕋᖅᑕᐅᓕᕐᓗᓂ ᓄᓇᒥᓄᑦ.

ᐱᒻᒪᕆᐅᔪᓂᒃ ᐃᖅᑲᓇᐃᔮᓖᑦ ᑎᑎᕋᖅᓯᒪᔪᑎᒍᑦ ᐊᖏᖅᑕᐅᓯᒪᒋᐊᓖᑦ ᓄᓇᕗᒻᒥ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᖏᔪᖅᑳᖅ ᑎᑭᒍᓐᓇᕐᓂᕋᖅᑕᐅᒍᑎᓂᒃ ᓄᓇᕗᒻᒧᑦ. ᑐᑭᓯᒋᐊᒃᑲᓂᕈᒪᒍᕕᑦ: CPHOTravelRequests@gov.nu.caᒪᓕᒋᐊᓖᑦ: ᐱᕕᒡᔪᐊᑦ ᐃᖅᑲᓇᐃᔭᖅᑏᑦ ᐊᒻᒪ ᐃᓄᑑᔭᕆᐊᖃᕐᓂᖅ

ᐊᐅᓪᓚᕈᒪᔾᔪᑎ ᑐᒃᓯᕋᐅᑎ (ᑎᑎᕋᕐᕕᒃᓴᖅ ᐃᓕᖅᑳᓪᓗᐊᖅᑕᑦ ᑕᑕᑎᓚᐅᙱᓐᓂᖕᓂᑦ)

ᐱᕕᒡᔪᐊᑦ ᐃᖅᑲᓇᐃᔭᖅᑎᓄᑦ ᐊᐅᓪᓚᕈᒪᔾᔪᑎ ᑐᒃᓯᕋᐅᑎ (ᑎᑎᕋᕐᕕᒃᓴᖅ ᐃᓕᖅᑳᓪᓗᐊᖅᑕᑦ ᑕᑕᑎᓚᐅᙱᓐᓂᖕᓂᑦ)

ᐊᐱᖅᑯᑕᐅᒐᔪᒃᑐᑦ − ᐊᐅᓪᓚᖃᑦᑕᖅᑐᓄᑦ ᐊᒃᑐᐊᓂᓖᑦ

ᐋᒃᑲ, ᐊᐅᓪᓚᖅᓯᒪᔪᑦ ᐅᓪᓗᓄᑦ 14-ᓄᑦ ᐃᓄᑑᔭᕆᐊᖃᖅᑎᑕᐅᔪᑦ ᐊᓂᒍᐃᑦᑎᐊᖅᑐᑦ ᖃᓪᓗᓈᓂ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒥᑦ ᐊᓂᑎᑕᐅᔪᓐᓇᕐᓂᕋᐃᔾᔪᑎᒥᒃ ᐱᑎᑕᐅᓗᓂ, ᓄᓇᕗᒻᒧᑦ ᐅᑎᕈᓐᓇᖅᑎᑕᐅᓕᖃᑦᑕᖅᐳᑦ. ᐊᖏᕐᕋᒥᓄᑦ ᑎᑭᒃᑯᑎᒃ, ᑖᒃᑯᐊ ᐅᓪᓗᓄᑦ 14-ᑲᓐᓂᕐᓄᑦ ᐃᓄᑑᒃᑲᓐᓂᕆᐊᖃᕋᔭᙱᑦᑐᑦ. ᑭᓯᐊᓂ, ᒪᓕᒐᕐᓂᒃ ᓱᓕ ᒪᓕᒋᐊᖃᕋᔭᖅᑐᑦ ᐃᓅᖃᑎᒥᓂᒃ ᖃᓂᒃᓴᓗᐊᖅᑕᐃᓕᒪᓗᑎᒃ ᐊᒻᒪ ᐃᒻᒥᓂᒃ−ᓇᐅᑦᑎᖅᓱᕐᓗᑎᒃ ᖃᓂᒻᒪᒃᐸᓪᓕᐊᙱᒃᑲᓗᐊᕐᒪᖔᑦ.

ᖃᐅᔨᒪᔭᕆᐊᓕᒃ: ᑐᒃᓯᕋᐅᑏᑦ ᐱᒻᒪᕆᖕᒧᑦ ᐊᐅᓪᓚᕋᓱᐊᕐᓂᖕᒧᑦ ᐃᑲᕐᕋᑦ 48 ᑐᖔᓂ ᑐᓐᓂᖅᑯᑕᐅᔪᑦ ᐊᖏᖅᑕᐅᙱᑐᐃᓐᓇᕆᐊᓕᒃ ᐊᐅᓪᓚᕐᕕᒃᓴᖓᓄᑦ.

 

ᓄᕙᕐᔪᐊᕐᓇᐅᑉ ᒥᔅᓵᓄᑦ ᐅᖄᓚᕕᔅᓴᖅ

ᐅᖃᕐᕕᖃᕆᐊᖃᖅᐱ ᓄᕙᒡᔪᐊᕐᓇᖅ-19 ᐋᓐᓂᐊᕈᑕᐅᖃᑦᑕᖅᑐᒧᑦ ᐊᔾᔨᖏᓐᓂᑦ ᐃᑉᐱᓐᓂᐊᒍᕕᑦ, ᐅᕙᓗ ᐊᐅᓪᓚᖅᓯᒪᓚᐅᕈᕕᑦ ᓄᓇᒧᑦ ᑕᐃᑲᙶᕋᑖᖅᓯᒪᒍᕕᓪᓘᓐᓃᑦ ᐋᓐᓂᐊᔪᖅᑕᖃᐅᖅᑐᓄᑦ ᓄᓇᒋᔭᐅᔪᒥᑦ? ᖃᓄᑐᐃᓐᓇᖅ ᐊᐱᖅᑯᑎᒃᓴᖃᖅᐱᓯ ᓄᓇᕗᒻᒧᐊᕈᒪᓐᓂᕈᔅᓯ ᐅᕝᕙᓘᓐᓃᑦ ᐅᐸᒃᑕᐅᒋᐊᖃᙱᑦᑐᑦ ᐅᐸᖕᓂᐊᕐᓂᕈᔅᓯᐅᒃ? ᐅᖄᓚᓗᑎᑦ 975-8601 ᐅᕙᓗ 1-888-975-8601 10:00ᒥᑦ ᐅᓪᓛᒃᑯᑦ 6:00ᒧᑦ ᐅᓐᓄᒃᑯᑦ ᐅᖄᓚᕕᔅᓴᐅᔪᑦ ᐅᖃᕐᕕᖃᕈᒪᓗᓂ. ᐃᖅᑲᐅᒪᒋᔅᓯ ᑖᓐᓇ ᐅᖄᓚᕕᔅᓴᐅᑎᑕᐅᔪᖅ ᑐᕌᖓᒻᒪ ᑭᓯᐊᓂ ᐱᔭᕆᐊᖃᓪᓚᕆᑦᑐᓄᑦ − ᐊᑐᖅᑕᐅᔭᕆᐊᖃᙱᑦᑐᖅ ᑐᑭᓯᒋᐊᕈᒪᑐᐃᓐᓇᖅᑐᓄᑦ ᖃᓄᑐᐃᓐᓇᖅ!

ᐊᐱᖅᑯᑎᔅᓴᖃᕈᕕᑦ ᐅᕙᓗ ᑐᐊᕕᕐᓇᖅᑐᒃᑯᑦ ᐃᑲᔪᖅᑕᐅᔭᕆᐊᖃᕈᕕᑦ, ᐋᓐᓂᐊᕕᔅᓯᓐᓄᑦ ᐅᖄᓚᔪᓐᓇᖅᑐᑎᑦ.

 

ᑮᓇᐃᑦ ᒪᑐᐊᖅᓯᒪᔭᕆᐊᖃᖅᑎᑕᐅᓕᖅᑐᑦ ᖃᖓᑕᓲᒃᑯᑦ ᐃᑭᒪᓂᐊᖅᑐᓄᑦ ᐊᐅᓪᓚᖅᑐᓄᑦ

ᑲᓇᑕᐅᑉ ᒐᕙᒪᒃᑯᖏᑦ ᐱᖁᔨᒻᒪᑕ, ᑕᒪᕐᒥᑦᑎᐊᖅ ᖃᖓᑕᔪᑦ ᐱᓯᒪᓗᑎᒃ (ᐃᓚᖏᑦ ᓈᒻᒪᒋᔭᐅᔪᑦ ᖃᓄᐃᒋᔭᐅᙱᑦᑐᑦ) ᐲᖅᑕᐅᖃᑦᑕᕈᓐᓇᖅᑐᒥᒃ ᐃᓗᐊᖅᓴᐅᑎᓯᐅᑕᐅᙱᑦᑐᒥᒃ ᑮᓇᕐᒧ ᒪᑐᐊᖅᓯᓯᒪᔾᔪᑎᒥᒃ, ᑮᓇᕐᒧᓘᓐᓃᑦ ᐊᑐᖅᑕᐅᓂᐊᖅᑐᒥᒃ, ᖃᓂᐊᓂᒃ ᕿᖓᖓᓂᒡᓗ ᒪᑯᓯᓯᒪᔪᓐᓇᕐᓗᓂ, ᑲᓇᑕᒥᐅᓄᑦ ᒥᑦᑕᕐᕕᒋᔭᐅᔪᑎᒎᕐᓂᕐᒥᓂ, ᖃᖓᑕᓂᕐᒥᓂᓗ.  ᑖᓐᓇ ᐊᑐᖅᑕᐅᖁᔭᐅᓕᖅᑐᖅ ᐱᒋᐊᕐᓂᐊᖅᑐᖅ ᓇᒡᒐᔾᔭᐅᒥᑦ, ᐄᐳᓘ 20, 2020 ᐅᓐᓄᓴᒃᑯᑦ 12:00ᒥᑦ ᑲᓇᓂᕐᒥᑦ.

ᐊᐅᓪᓚᕐᓂᐊᖅᑐᖅ ᑖᒃᑯᓂᖓ ᐊᑐᕆᐊᖃᖅᑎᑕᐅᓕᖅᑐᓂᑦ ᑮᓇᕐᒧᑦ ᒪᑐᐊᖅᓯᒪᔾᔪᑎᒥᑦ ᐊᐅᓪᓚᕈᓐᓇᖅᑎᑕᐅᖃᑦᑕᔾᔮᖏᑦᑐᑦ. ᖃᐅᔨᒪᒋᔅᓯ ᑕᒪᒃᑯᐊ ᑮᓇᕐᒧᑦ ᒪᑐᐊᖅᓯᒪᔾᔪᑎᒋᔪᓐᓇᖅᑕᓯ ᐃᓗᐊᖅᓴᐃᔨᔅᓯᐅᑕᙱᒃᑲᓗᐊᖅᐸᑕ ᖃᓄᐃᑦᑐᖅ. ᑮᓇᕐᒧᑦ ᒪᑐᐊᖅᓯᒪᔾᔪᑎᔅᓴᐅᔪᓐᓇᖅᑐᖅ ᖁᖓᓯᕈᐃᑦ ᐅᕙᓗ ᐊᓯᖏᑦ ᐊᔾᔨᒐᓚᖏᓐᓂᑦ ᖃᓄᐃᒋᔭᐅᙱᑦᑐᖅ.

ᐊᑐᕆᐊᖃᓪᓚᕆᒃᑐᑎᒍᑦ, ᓄᒃᑕᖅᑏᑦ ᐊᐱᕆᔭᐅᓂᐊᖅᐳᑦ ᐊᑐᖁᔭᐅᓗᑎᒃ ᐃᓗᐊᖅᓴᐃᔨᓯᐅᑕᐅᙱᑦᑐᓂ ᒪᑐᓯᓯᒪᔾᔪᑎᓂ ᑮᓇᕐᒧᓪᓘᓐᓃᑦ ᒪᑐᒥᒃ:

  • ᖃᖓᑕᓲᒃᑯᕕᒻᒥᑦ ᒥᑦᑕᕐᕕᒻᒥ ᖃᐅᔨᓴᖅᑕᐅᕕᒃᑯᑦ;
  • ᖃᖓᑕᓕᖅᑎᓪᓗᒋᑦ ᐅᖓᓯᒌᖃᑦᑕᐅᑎᔪᓐᓇᑎᓐᓇᒋᑦ ᐃᓅᖃᑎᒌᑦ ᐊᑐᓂ, ᖃᖓᓕᒫᑦᑎᐊᕐᓗ ᐃᓄᐃᑦ ᐊᑐᓂᒃ 2 ᒦᑕᓂᒃ ᑐᖔᓂᓘᓐᓃᑦ ᐅᖓᓯᓐᓂᓕᒻᒥᑦ ᐅᖓᓯᒌᖃᑦᑕᐅᑎᔪᓐᓇᖏᑉᐸᑕ, ᑭᑭᑕᐅᔪᓐᓇᖅᖢᓂ ᐃᒡᓗᒥᐅᑕᐅᖃᑎᒋᔭᐅᔪᖅ ᑖᔅᓱᒪ ᐃᓅᑉ ᐊᖏᕐᕋᕆᓪᓚᕆᒃᑕᖓᓂ; ᐅᕝᕙᓘᓐᓃᑦ
  • ᑕᐃᒫᒃ ᐱᖁᔨᒻᒪᑦ ᖃᖓᑕᓲᑦᑎ, ᑲᓇᑕᒥᑦ ᖃᖓᑕᔪᓕᕆᔨᒃᑯᑦ ᐊᑦᑕᕐᓇᑕᐃᓕᒪᑎᑦᑎᓂᕐᒧᑦ ᐱᔪᓐᓇᐅᑎᖃᖅᑎᑕᐅᔪᑦ, ᑲᓇᑕᒧᑦ ᐃᓯᖅᑐᓂᑦ ᖃᐅᔨᓴᖅᑏᑦ ᐱᓕᕆᖓᓐᓄᑦ, ᐊᕙᓗ ᑲᓇᑕᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓃᖔᖓᔪᒧᑦ.

ᑐᑭᓯᒋᐊᒃᑲᓐᓂᕈᒪᔪᓄᑦ, ᑖᒃᑯᓄᖓᓗ ᓈᒻᒪᒋᔭᐅᔪᑦ ᐃᓚᖏᑦ ᖃᓄᐃᒋᔭᐅᙱᑦᑐᓄᑦ ᐊᑐᖅᑕᐅᔭᕆᐊᖃᓕᖅᑐᒧᑦ ᑕᒪᑐᒧᖓ, ᐅᓇ ᓇᕿᓪᓗᒍ.

 

ᑭᓲᕙᑦ ᐊᑦᑕᕐᓇᕈᓐᓇᖅᑐᑦ ᐊᓂᖅᓵᖅᑐᕐᓂᒃᑯᑦ ᖃᓂᒻᒪᒃᑐᒧᑦ 19−ᒥᑦ?

ᓄᕙᒡᔪᐊᕐᓇᖅ-19 ᐊᑦᑕᖅᓇᖅᑐᐊᓗᒃ ᖃᓂᒻᒪᓯᖅ, ᐊᒻᒪ ᖃᓄᐃᓕᕙᓪᓕᐊᓂᖓ ᐊᓯᔾᔨᖅᐸᓪᓕᐊᔪᖅ ᖃᐅᑕᒫᑦ. ᐅᓗᕆᐊᓇᕐᓂᖓᑕ ᐊᑦᑐᐊᓂᖓ ᐊᔾᔨᒌᖏᒻᒪᑦ ᐊᒻᒪ ᓄᓇᓕᓐᓂᑦ, ᑭᓯᐊᓂ ᐅᓄᖅᓯᕙᓪᓕᐊᓪᓚᕆᑦᑐᑦ ᐋᓐᓂᐊᑕᖅᑐᑦ ᑲᓇᑕᒥ, ᐅᓗᕆᐊᓇᕐᓂᖓ ᑲᓇᑕᒥᐅᓄᑦ ᐅᓗᕆᐊᓇᓪᓚᕆᑦᑐᖅ.

ᑖᓐᓇ ᐃᓱᒪᒋᔭᕆᐊᖃᖏᑦᑐᖅ ᑲᓇᑕᒥᐅᓕᒫᑦ ᖃᓂᒻᒪᖅᑖᕐᓂᐊᕆᐊᖏᓐᓂᑦ. ᑖᓐᓇ ᑐᑭᓕᒃ ᐊᒃᑐᖅᓯᒪᓂᖃᕇᓕᖅᑐᖅ ᖃᓂᒪᖃᕐᓂᕐᒧᑦ ᐋᓐᓂᐊᖃᕐᓇᖏᑦᑐᓕᕆᔨᑦᑎᓐᓄᑦ. ᒫᓐᓇ ᑲᒪᒋᖏᒃᑯᑦᑎᒍ ᖃᓂᒻᒪᓯᕐᔪᐊᖅ, ᓄᕙᒡᔪᐊᕐᓇᖅ-19 ᐱᕈᖅᐸᓪᓕᐊᓂᖓ ᐊᒃᑐᐃᓂᖃᕐᒪᑦ ᐋᓐᓂᐊᖅᑕᐃᓕᒪᓂᕐᒧᑦ ᐃᑲᔫᑎᔅᓴᑕ ᐊᑐᐃᓐᓇᐅᔪᓐᓇᕐᓂᖏᓐᓄᑦ ᑲᓇᑕᒥᐅᓄᑦ. 

ᐊᒻᒪᓗ, ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ−19 ᐊᑦᑕᕐᓇᕐᓂᖅᓴᐅᓕᕈᓐᓇᖅᐳᖅ ᐃᓚᖏᓐᓄᑦ ᐋᖅᑭᒃᓯᒪᔪᓄᑦ ᓲᕐᓗ:

  • ᐳᓚᕋᖅᑏᑦ ᐅᒥᐊᖅᔪᐊᒃᑯᑦ
  • ᐃᓄᒋᐊᕕᑦ ( ᓲᕐᓗ ᐃᓄᒋᐊᓄᑦ ᐃᖏᕐᕋᕕᐅᓲᑦ ᐊᒻᒪ ᓂᐅᕕᕐᕕᐊᓗᐃᑦ)
  • ᑲᑎᕝᕕᐅᓲᑦ (ᑕᕐᓂᓖᑦ ᐅᑉᐱᕈᓱᓐᓂᕐᒧᑦ, ᐊᒻᒪ ᐃᓕᖅᑯᓯᑐᖃᕐᒥᓄᑦ ᖃᑎᓐᓂᖃᖅᐸᑦᑐᑦ, ᐱᙳᐊᕆᐊᖅᑐᕐᕕᐅᕙᒃᑐᑦ, ᓇᓪᓕᐅᓂᖅᓯᐅᕕᐅᕙᑦᑐᑦ ᐊᒻᒪ ᑲᑎᒪᓂᕐᔪᐊᑦ)

ᐅᓗᕆᐊᓇᖅᑐᒦᓐᓂᖅᓴᐅᕗᑦ ᐊᑦᑕᕐᓇᕐᓂᖅᓴᓂᒃ ᓴᖅᑭᑦᑐᖃᕈᓐᓇᖅᑐᑦ ᑲᓇᑕᒥᐅᓄᑦ:

  • 65−ᓂᒃ ᐅᖓᑖᓂᓗ  ᐅᑭᐅᓖᑦ
  • ᐊᓐᓇᐅᒪᔾᔪᑎᖃᑦᑎᐊᙱᑦᑐᑦ
  • ᖃᓂᒪᔾᔪᑎᖃᖃᑦᑕᖅᑐᑦ

ᓇᓗᓇᐃᖅᓯᒪᔪᓂᑦ ᖁᓛᓂᑦ ᐱᖃᕈᑎᒃ ᐃᓱᒪᔭᕆᐊᖃᖅᐳᑦ ᑲᑎᑦᑐᓃᖃᑕᐅᔭᕆᐊᖃᖏᑦᑐᑦ. ᑖᓐᓇ ᐃᓚᖃᕐᒥᔪᖅ ᐃᓄᒋᐊᓄᑦ ᑲᑎᕝᕕᐅᕙᑦᑐᑦ ᐊᒻᒪ ᐃᓄᑭᓐᓂᖅᓴᐅᒍᓗᐊᓂᑦ ᖃᓄᐃᓕᐅᕐᓂᐅᕙᑦᑐᓄᑦ ᐅᕝᕙᓗᓃᑦ ᒪᑐᓯᒪᔪᓃᑉᐸᑦᑐᑦ.

ᐃᒪᐃᑦᑐᓂᑦ ᐋᓐᓂᐊᖃᕈᕕᑦ (ᖁᐃᖅᓱᖃᑦᑕᕈᕕᑦ, ᐆᑎᕐᓇᕈᕕᑦ ᐅᕝᕙᓗᓃᑦ ᐃᔾᔭᖑᓂᐅᓴᒍᕕᑦ), ᐃᓄᒋᐊᑦᑐᓄᑦ ᑲᑎᒪᔪᓅᖅᑕᐃᓕᒋᑦ, ᖃᓄᐃᓕᐅᕐᓂᐅᔪᓄᑦ ᐅᕝᕙᓗᓃᑦ ᑭᒃᑯᑐᐃᓐᓇᕐᓄᑦ ᑲᑎᕝᕕᐅᕙᑦᑐᓄᑦ. ᑭᓇᑐᐃᓐᓇᕐᒥᑦ ᐋᓐᓂᐊᓇᖅᑐᒧᑦ ᐅᓗᕆᐊᓇᖅᑐᒦᓕᖅᑎᑦᑎᔪᓐᓇᕋᕕᑦ.

 

ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ-19−ᒧᑦ ᓱᓕᔪᑦ

ᖃᐅᔨᔾᔪᑕᐅᔪᓐᓇᖅᑐᑦ:

ᑕᐃᒃᑯᐊ ᐊᐃᑦᑐᕐᓗᒃᑕᐅᓯᒪᔪᑦ ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ-19−ᒧᑦ ᒥᑭᒃᑐᑯᓗᖕᓂᑦ ᐱᑕᖃᙱᑦᑎᐊᒻᒪᕆᒃᐸᒃᑐᓪᓘᓐᓃᑦ ᖃᐅᔨᔾᔪᑕᐅᔪᓐᓇᖅᑐᓂᒃ. ᖃᐅᔨᒪᙱᑐᐃᓐᓇᕆᐊᖃᖅᐳᑎᑦ ᖃᐅᔨᔾᔪᑕᐅᔪᓐᓇᖅᑐᓂᒃ ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ-19−ᒧᑦ ᐱᓯᒪᓂᕐᓂᒃ ᐃᒪᐃᓐᓂᖓᓄᑦ, ᑕᒪᒃᑯᐊ ᖃᐅᔨᔾᔪᑕᐅᔪᓐᓇᖅᑐᑦ ᐊᔾᔨᖃᑲᓴᖕᒪᑕ ᓄᕙᖕᓇᖅᑐᒧᑦ ᓄᕙᒡᔪᐊᖕᓇᖅᑐᒧᓪᓘᓐᓃᑦ.

ᖃᐅᔨᔾᔪᑕᐅᔪᓐᓇᖅᑐᑦ 14−ᓄᑦ ᐅᓪᓗᓄᑦ ᓴᖅᑭᓐᓇᓱᑐᐃᓐᓇᕆᐊᓖᑦ COVID-19−ᓕᖕᒧᑦ ᖃᓂᒃᓵᓪᓚᓚᐅᕐᓗᓂ. ᑕᒪᓐᓇ ᐊᑯᓂᐅᓛᖑᕗᖅ ᐊᐃᑦᑐᕐᓗᒃᓯᕝᕕᐅᔪᓐᓇᖅᖢᓂ ᑕᑐᒧᖓ ᐋᓐᓂᐊᕐᓇᖅᑐᒧᑦ.

ᖃᐅᔨᔾᔪᑕᐅᔪᓐᓇᖅᑐᑦ ᐅᑯᓂᖓ ᐃᓚᖃᖅᐸᒃᐳᑦ:

  • ᐆᑎᕐᓇᕐᓗᓂ  ᖁᐃᖅᓱᖅᐸᒡᓗᓂ
  • ᐊᓂᕐᓂᑭᓪᓗᓂ
  • ᓄᕙᒡᔪᐊᓕᕐᓗᓂ ᑕᒪᐃᑎᒍᑦ ᐳᕙᒃᑎᒍᑦ ᑕᐃᒪᐃᑦᑕᕌᒐᒥᓗ ᐃᑲᔪᖅᑕᐅᔭᕆᐊᖃᖅᐸᒃᖢᓂ ᐊᓂᖅᓵᖅᑑᑎᒋᓂᐊᖅᑕᖓᓄᑦ.

 

ᖃᓂᒪᓕᕐᓂᕈᕕᑦ:

ᑕᐃᒪᐃᑦᑐᖃᓕᕐᓂᕐᒧᑦ ᖃᐅᔨᔾᔪᑕᐅᔪᓐᓇᖅᑐᓂᒃ ᐱᓯᒪᓕᕈᕕᑦ ᓄᒃᑕᖅᓯᒪᓗᑎᓪᓗ ᐃᓂᒥ ᖃᐅᔨᒪᔭᐅᕝᕕᓕᖕᒥ ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ-19 ᓴᖅᑭᖃᑦᑕᕐᓂᖓᓂ ᓄᓇᓕᖏᓐᓂ ᐅᕝᕙᓘᓐᓃᑦ ᐊᐳᖅᓯᓯᒪᓐᓂᕈᕕᑦ ᑕᐃᒪᐃᑦᑐᓕᖕᒥᒃ:

  • ᐊᖏᕐᕋᖅᓯᒪᓗᑎᑦ ᐃᓄᖕᓂᖕᓗ ᐊᓯᖏᖕᓂᒃ ᐃᓅᖃᑎᖃᖅᑕᐃᓕᒪᓗᑎᑦ
  • ᖃᐅᔨᒋᐊᕐᕕᖃᒃᑲᓐᓂᕐᓗᑎᑦ ᐋᓐᓂᐊᖃᓇᙱᑦᑐᓕᕆᔨᒧᑦ ᐱᓕᕆᔨᓪᓚᕆᖕᒧᑦ

ᐆᓇᑲᑕᓕᕈᕕᑦ, ᖁᐊᖅᓱᖃᑦᑕᕈᕕᑦ ᐊᓂᖅᓵᖅᑐᒡᒐᓕᕈᕕᓪᓘᓐᓃᑦ ᐅᓪᓗᓂᒃ 14−ᓂᒃ ᐊᑐᕐᓂᐊᓕᕐᒥᔪᓂᒃ, ᐅᖄᓚᕝᕕᒋᓗᒍ ᐋᓐᓂᐊᖃᕐᓇᙱᑦᑐᓕᕆᔩᑦ ᓄᓇᓕᖕᓂᓘᓐᓃᑦ ᑭᒃᑯᑐᐃᓐᓇᓄᑦ ᖃᓄᐃᙱᑦᑎᐊᖅᑎᑦᑎᓂᕐᒧᑦ ᐱᔪᓐᓇᐅᑎᓕᑦ ᐅᖃᐅᑎᓗᒋᓪᓗ ᐊᐳᖅᓯᓯᒪᑐᐃᓐᓇᕆᐊᖃᖅᓯᒪᓂᕐᓂᒃ ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ-19−ᒧᑦ.

ᖃᓂᒪᒍᕕᑦ ᑕᑯᔭᖅᑐᕆᐊᖃᕐᓗᑎᓪᓗ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒥᒃ ᐱᓕᕆᔨᒻᒪᕆᖕᒥᒃ, ᐅᖄᓚᖅᑳᕐᓗᑎᑦ ᐅᖃᐅᑎᓗᒋᓪᓘᓐᓃᑦ ᑕᐃᑯᙵᕈᕕᑦ ᐊᓂᖅᓵᖅᑐᕐᓂᒃᑯᑦ ᖃᓂᒪᓂᕐᓂᒃ ᓄᒃᑕᖅᓯᒪᒍᕕᑦ

 

ᐊᑐᐃᓐᓇᐅᑎᑦᑎᓂᖅ

ᐱᔾᔪᑎᖃᖅᑐᖅ ᓄᕙᒡᔪᐊᕐᓇᖅᑐᒥᒃ (COVID-19)

ᐃᓅᖃᑎᓂᒃ ᖃᓂᒃᓴᓗᐊᖅᑕᐃᓕᒪᓂᖅ

ᐊᒡᒐᑎᑦ ᐅᐊᓴᒃᑭᑦ

ᐅᐸᒃᑕᐅᑦᑕᐃᓕᒪᓂᕐᒧᑦ ᐅᑎᕐᓂᕐᒧᓪᓗ ᓄᓇᕗᒻᒧᑦ ᒪᓕᒃᑕᐅᕙᓪᓕᐊᕙᒃᑐᑦ

ᐊᑦᑕᕐᓇᖅᑐᒦᓐᓂᖏᑦ ᐃᓄᒋᐊᓂᖏᑦ ᐊᒻᒪᓗ ᓄᕙᕐᔪᐊᕐᓇᖅ-19

ᐊᐅᓚᑦᑎᔪᓐ ᓇᕐᓂᖅ ᓯᕘᕋᓂᕐᒥᒃ ᐃᓱᒫᓗᖕᓂᕐᒥᒡᓗ ᓄᕙᒡᔪᐊᕐᓇᖅᑎᓪ ᓗᒍ-19−ᒥᑦ

ᓴᓗᒪᓇᓱᐊᖕᓂᖅ ᐊᐃᑦᑐᕐᑕᐅᖁᓇᑕ ᓄᕙᒡᔪᐊᕐᓇᖅ-19−ᒥᑦ

ᑮᓇᐃᑦ ᒪᑐᐊᖅᓯᒪᔭᕆᐊᖃᖅᑎᑕᐅᓕᖅᑐᑦ ᖃᖓᑕᓲᒃᑯᑦ ᐃᑭᒪᓂᐊᖅᑐᓄᑦ ᐊᐅᓪᓚᖅᑐᓄᑦ

ᓄᕙᒡᔪᐊᕐᓇᖅ-19−ᒧᑦ ᐃᓄᑑᒋᐊᖃᕐᓂᖅ

ᖃᓂᕐᒧᑦ ᒪᑐᐊᖅᓯᒪᔾᔪᑏᑦ ᐊᒥᒐᕐᒪᑕ

ᒪᑐᐊᓕᐅᕆᐅᖅᓴᔾᔪᑎᑦ

ᐃᒪᓐᓇ ᒪᑐᐊᖅ ᐊᑎᔪᓐᓇᖅᐸᐃᑦ