ᓱᕐᕋᖕᓇᖅᑐᓂᒃ ᓂᐅᕕᐊᒃᓴᖃᖅᑎᐅᓂᕐᒧᑦ ᐊᑎᓕᐅᖃᑕᐅᓂᖅ

ᓄᓇᕗᑦ ᒐᕙᒪᖓᑦ ᑕᐃᒪ ᐱᓇᔪᒍᑎᐅᔪᓂᒃ ᑐᓂᔭᐅᑲᑕᓕᖅᑐᐃᑦ ᐊᑎᓕᐅᕈᒪᔪᓄᑦ ᓂᐅᕕᖅᑎᙳᕋᓱᐊᕐᓂᕐᒧᑦ ᒐᕙᒪᑐᖃᒃᑯᑎᒍᑦ ᐱᔪᓐᓇᐅᑎᑖᕋᔭᖅᑐᓂᒃ ᓂᐅᕐᕈᑎᖃᖅᐸᒡᓗᑎᒡᓗ ᓄᓇᕗᒻᒥ ᓂᐅᕕᕐᕕᖃᖅᑐᓄᑦ. ᐊᑎᓕᐅᖃᑕᐅᓯᒪᓂᒃᑯᑦ ᐃᓕᓴᕆᔭᐅᓯᒪᔪᑐᐊᑦ ᓂᐅᕐᕈᑎᖃᕈᓐᓇᖅᑐᑦ ᓄᓇᕗᒻᒥ ᓂᐅᕕᐊᒃᓴᖃᖅᑎᓄᑦ ᓱᕐᕋᖕᓇᖅᑐᓂᒃ ᐊᔾᔨᒐᓚᙱᓐᓂᒡᓗ.

ᓄᓇᕗᒻᒥ ᐃᓕᓴᕆᔭᐅᓯᒪᓗᑎᑦ ᓂᐅᕕᖅᑎᙳᓚᐅᕆᑦ ᓱᕐᕋᖕᓇᖅᑐᓂᒃ ᓂᐅᕕᕐᕕᖃᖅᑎᐅᔪᓄᑦ
ᑲᓇᑕᒥ ᐋᓐᓂᐊᖃᕐᓇᙱᑐᓕᕆᔨᒃᑯᑦ ᒐᕙᒪᑐᖃᒃᑯᓐᓂ ᐱᔪᓐᓇᐅᑎᑖᖅᓯᒪᕖᑦ ᐃᓕᓴᕆᔭᐅᓯᒪᔪᒥᒃ ᐱᕈᖅᓰᔪᓐᓇᕐᓂᕐᒧᑦ ᓱᕐᕋᖕᓇᖅᑐᓂᒃ? ᐱᔪᒪᓂᖃᖅᐱᑦ ᓱᕐᕋᖕᓇᖅᑐᖃᖅᑎᐅᓗᑎᑦ ᓂᐅᕐᕈᑎᖃᖅᐸᒡᓗᑎᑦ ᓄᓇᕗᒻᒥᐅᑦ ᓂᐅᕕᕐᕕᖁᑎᖏᓐᓄᑦ? ᐃᓕᓴᕆᔭᐅᓯᒪᓗᑎᑦ ᓄᓇᕗᒻᒥ ᓂᐅᕕᐊᒃᓴᖃᖅᑎᓄᑦ ᓂᐅᕐᕈᑎᖃᖅᑎᙳᓚᐅᕆᑦ!

ᐃᓕᓴᕆᔭᐅᓯᒪᓗᑎᑦ ᓂᐅᕕᖅᑎᙳᕋᓱᐊᕐᓂᐊᕈᕕᑦ, ᑕᑕᑎᕆᐊᖃᕐᓂᐊᖅᑕᐃᑦ ᓱᕐᕋᖕᓇᖅᑐᓂᒃ ᓂᐅᕕᐊᒃᓴᖃᖅᑎᐅᓂᕐᒧᑦ ᐊᑎᓕᐅᖃᑕᐅᓂᖅ ᐃᓕᓴᕆᔭᐅᓂᕐᒧᑦ, ᐃᓚᓕᐅᑎᓗᒍ ᒐᕙᒪᑐᖃᒃᑯᓐᓂ ᐃᓕᓴᕆᔭᐅᓂᕐᒧᑦ ᑎᑎᖅᑲᖅᑖᕆᔭᐃᑦ ᐊᒻᒪᓗ $100−ᒥᒃ ᐊᑭᓖᓗᑎᑦ ᐃᓕᓴᕆᔭᐅᓯᒪᓂᕐᒧᑦ ᐊᕐᕌᒍᑕᒫᖅ ᐊᑭᓕᕆᐊᖃᓲᖅ. ᐊᑭᓕᐅᑏᑦ ᐃᓚᓕᐅᑎᔭᐅᔪᓐᓇᖅᑐᑦ ᑕᑕᑎᕆᓗᓂ ᐊᑮᑦᑐᖅᓯᔪᓐᓇᐅᑎᒧᑦ ᐊᖏᖅᑕᐅᔾᔪᑎ ᑕᑕᙱᕐᓗᒍ ᐅᕝᕙᓘᓃᑦ ᑮᓇᐅᔭᒃᓴᒥᒃ ᓇᒃᓯᐅᔾᔨᔪᓐᓇᕆᕗᑎᑦ ᑐᕌᕈᑎᖓᓄᑦ ᑖᓱᒪ ᐊᑖᓂ ᑕᑯᒃᓴᐅᔪᒧᑦ.

ᐊᖏᔪᖅᑳᒻᒪᕆᒃ ᑎᑎᕋᕐᕕᖓᓂ ᑕᐃᒪ ᖃᐃᑦᑎᔭᐅᓕᕐᓂᐊᖅᐳᑎᑦ ᐊᑎᓕᐅᖃᑕᐅᓂᕐᒧᑦ ᓇᐃᓴᐅᑎᒥᒃ ᐊᒻᒪᓗ ᓇᓃᒻᒪᖔᕐᓂᒃ ᑎᑎᖅᑲᐅᑏᑦ ᐊᑐᐃᓐᓇᕈᖅᑎᑕᐅᓗᑎᒃ ᓄᓇᕗᒻᒥ ᓱᕐᕋᖕᓇᖅᑐᓂᒃ ᓂᐅᕕᕐᕕᒃ, ᐊᒻᒪᓗ ᓂᐅᕕᕐᕕᖁᑎᕕᑦ ᐊᑎᖓ ᑕᖅᓴᖓᓗ ᓴᖅᑭᑕᐅᓗᑎᒃ ᐃᓄᓕᒫᓄᑦ ᒐᕙᒪᒃᑯᑦ ᑮᓇᐅᔭᓕᕆᔨᖏᑦᑕ ᐃᑭᐊᖅᑭᕕᖓᒍᑦ (ᐊᓯᐊᒍᖔᖅ ᑐᒃᓯᕋᙱᒃᑯᕕᑦ).

ᑕᒪᓐᓇ ᐱᐊᓂᒃᓯᒪᓕᖅᐸᑦ ᑭᖑᓂᐊᒍᑦ, ᓂᐅᕕᕐᕕᒋᔭᐃᑦ ᐊᒻᒪᓗ ᐱᓇᓱᐊᒐᖃᕐᕕᐅᖃᑕᐅᔪᑦ ᐃᓱᒪᖅᓱᓕᕐᓂᐊᖅᐳᓯ ᖃᓄᖅ ᐱᓕᕆᖃᑎᒌᖕᓂᐊᕐᒪᖔᔅᓯ ᒐᕙᒪᒃᑯᓐᓄᑦ ᐅᓚᕕᓴᖅᑕᐅᙱᓪᓗᓯ. ᑲᔪᓯᓂᖃᕐᓂᐊᖅᑐᕐᓕ ᑕᒪᑐᒪᓂ ᑕᖅᑭᑕᒫᖅ ᐅᓂᒃᑳᓕᐅᖃᑦᑕᕆᐊᖃᕐᓂᐊᕋᕕᑦ ᖃᓄᑎᒋ ᓂᐅᕐᕈᑎᖃᖅᑐᕕᓂᐅᖕᒪᖔᕐᓂᒃ ᓇᐃᓴᖅᓯᒪᔪᓂᒃ ᑖᒃᑯᓄᖓ ᓄᓇᕗᒻᒥ ᓱᕐᕋᖕᓇᖅᑐᓂᒃ ᓂᐅᕕᖅᑏᑦ ᐅᓂᒃᑳᓕᐅᕐᕕᖓᓄᑦ ᑕᖅᑭᑕᒫᑦᑎᐊᖅ. ᑕᖅᑭᑕᒫᖅ ᐅᓂᒃᑳᓕᐅᖃᑦᑕᕐᓂᖅ ᑐᕌᖓᖃᑦᑕᕐᓂᐊᖅᑐᖅ ᐊᖏᔪᖅᑳᒻᒪᕆᐅᑉ ᑎᑎᕋᕐᕕᖓᓄᑦ 7-ᖑᓕᕌᖓᑦ ᑕᖅᑭᑕᒫᖅ, ᓇᓗᓇᐃᖅᓯᒪᔭᕆᐊᖃᖅᖢᓂ ᐅᓪᓗᖓ, ᑭᒃᑰᖕᒪᖔᑕ ᐊᒻᒪᓗ ᖃᓄᑎᒋ ᓂᐅᕕᕐᕕᐅᓐᓂᕐᒪᖔᑕ ᐅᕝᕙᓘᓃᑦ ᐅᑎᖅᑎᕝᕕᐅᓚᐅᖅᓯᒪᑐᐊᕈᑎᒃ ᑮᓇᐅᔭᓕᕆᔾᔪᑏᑦ ᑎᑎᖃᓕᐅᕈᑎᖓᑐᑦ ᐋᖅᑭᒃᓯᒪᔪᒥᒃ.

Office of the Superintendent of Licensing
2nd floor Parnaivik Building, 924 Mivvik St.
Department of Finance, Government of Nunavut
P.O. Box 1000 Station 330 Iqaluit, NU X0A 0H0

ᐊᐱᖅᑯᑎᒃᓴᖃᕈᕕᑦ, ᐃᕐᖐᓐᓇᖅᑕᐅᒃᑯᑦ ᑎᑎᕋᕈᓐᓇᖅᐳᑎᑦ ᐅᕗᖓ @email ᐅᕙᓘᓐᓃᑦ ᐅᑳᓚᓗᑎᑦ 867-975-5875-ᒧᑦ. 

ᐊᑭᓕᒃᓴᓂᒍᓐᓇᐅᑎᒧᑦ ᐱᔪᓐᓇᐅᑎᑖᕐᓂᕐᒧᑦ ᑕᑕᑎᕆᐊᓕᒃ