ᐋᓐᓂᐊᕕᓕᐊᕈᓐᓇᐅᑎ ᐊᐅᑦᑕᔫᖅ
ᐊᑎᓕᐅᕐᓂᐊᕐᓗᑎᑦ ᐋᓐᓂᐊᕕᓕᐊᖅᑐᔅᓯᐅᑎᓄᑦ ᓄᓇᕗᒻᒥ, ᑕᑕᑎᕆᔭᕆᐊᖃᕐᐳᑎ ᐱᓇᔫᑎᒥᑦ ᓄᓇᕗᒻᒥ ᐋᓐᓂᐊᕕᓕᐅᕈᓐᓇᐅᑎᒥ ᑎᑎᕋᕐᕕᒃᓴᒥᑦ.
ᒥᓇᕆᔪᓐᓇᕐᑕᐃᑦ ᐱᓇᔫᑎ ᑎᑎᕋᕐᕕᒃᓴᖅ ᐅᓇᓂ.
ᑎᑎᕋᕐᕕᒃᓴᐃᑦ ᐊᑐᐃᓐᓇᐅᖕᒥᔪᑦ ᐋᓐᓂᐊᕕᓕᒫᓂ ᐋᓐᓂᐊᕕᖕᓂᓪᓗ ᓄᓇᕗᒻᒥᑦ, ᕿᑭᖅᑕᓂ ᐋᓐᓂᐊᕕᖕᒥᑦ ᐃᖃᓗᖕᓂᑦ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓄᑦ ᐱᓕᕆᐊᒃᓴᓕᕆᔨᑦ ᑎᑎᕋᕐᕕᐊᓂ ᑲᖏᖅᖠᓂᖕᒥᑦ.
ᓄᓇᕗᒻᒧᐊᓵᕐᓂᑰᒍᕕᑦ
ᒪᓕᒋᐊᓖᑦ:
- ᑎᑎᕋᖅᓯᒪᓕᖅᑎᓪᓗᒍ ᑎᑎᕋᕐᓗᒍᓗ ᐱᓇᓱᐊᕈᑎᒋᔭᐃᑦ A-508 ᓄᑖᖅ ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᒧᑦ ᑕᑕᑎᒐᒃᓴᖅ
- ᑐᓂᓯᓗᑎᑦ ᒪᕐᕉᖕᓂᑦ ᑐᑭᓯᓇᑦᑎᐊᖅᑑᖕᓂᑦ ᐊᔾᔨᖏᓐᓂᒃ ᑭᓇᐅᓂᕐᒧᑦ ᓇᓗᓇᐃᒃᑯᑕᕐᓂᒃ (ᐃᓅᕝᕕᒃᐱᑦ ᓇᓕᖅᑲᖓ ᐅᕝᕙᓘᓐᓃᑦ ᐊᑐᕈᓐᓇᖅᑐᖅ ᓄᓇᐅᑉ ᐊᓯᐊᓄᐊᕈᓐᓇᐅᑎ, ᐊᑐᕈᓐᓇᖅᑐᓪᓘᓐᓃᑦ ᓄᓇᒋᔭᐅᔪᒧᐊᕈᓐᓇᕐᓂᕐᒧᑦ ᑎᑎᕋᖅᓯᒪᔪᑦ (ᐊᑐᖅᑕᐅᔭᕆᐊᖃᓪᓚᕆᒃᖢᓂ) ᐊᒻᒪᓗ ᐊᑕᐅᓯᕐᒥᒃ ᐊᐃᑉᐸᕆᔭᐅᔪᓐᓇᖅᑐᒥᒃ ᑎᑎᖅᑲᖁᑎᒋᔭᐅᔪᒥᒃ, ᐊᑐᓚᐅᖅᓯᒪᔪᒥᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᐅᒃᑕᔫᒥᒃ, ᐃᖅᑲᓇᐃᔭᕐᓂᕐᒧᑦ ᓇᓗᓇᐃᒃᑯᑕᖅ, ᐊᑐᕈᓐᓇᖅᑐᖅ ᐊᖁᑦᑐᓐᓇᐅᑎ − ᑐᓴᖅᑕᖃᒃᑲᓐᓂᕈᒪᒍᕕᑦ ᐅᕗᖓ ᖃᐅᔨᒋᐊᕐᓗᑎᑦ, @email ᐅᕗᖓᓘᓐᓃᑦ, 1-800-661-0833.
- ᓇᓗᓇᐃᖅᓯᓪᓚᕆᒃᑐᖅ ᓄᓇᖃᕐᓂᕐᒧᑦ ᑎᑎᕋᖅᓯᒪᔪᖅ ᓇᓗᓇᐃᖅᓯᓪᓚᕆᒡᓗᓂ ᐊᑐᕈᒪᔭᕐᓂᒃ ᓄᓇᕗᑦ ᐃᓂᓪᓗᐊᑕᕆᔪᒪᓗᒍ ᓄᓇᒋᓗᒍ ᑕᖅᑭᑦ 12 ᐅᖓᑖᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᓚᐅᑲᙱᖦᖢᑎᑦ ᐃᓇᖏᖅᓯᕙᒃᖢᑎᓪᓘᓐᓃᑦ ᐃᖅᑲᓇᐃᔭᖅᑎᒋᔭᐅᓗᑎᑦ − ᑎᑎᖅᑲᒥᒃ ᐃᖅᑲᓴᐃᔭᕐᕕᖕᓂᑦ, ᐃᖅᑲᓇᐃᔮᖕᓄᑦ ᑳᑐᓛᖃᕐᓂᕐᒧᑦ ᓇᓗᓇᐃᖅᓯᔪᖅ ᖃᓄᖅ ᐊᑯᓂᐅᑎᒋᓂᐊᕐᓂᕐᓂᒃ − ᑐᓴᖅᑕᖃᒃᑲᓐᓂᕈᒪᒍᕕᑦ ᐅᑯᐊ ᖃᐅᔨᒋᐊᕐᕕᒋᓗᒋᑦ, @email ᐅᕗᖓᓘᓐᓃᑦ, 1-800-661-0833.
- ᓇᒃᓯᐅᑎᓗᒍ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᑎᑎᕋᖅᑕᐃᑦ ᐃᓚᖃᕐᓗᓂ ᑐᑭᓯᓇᑦᑎᐊᖅᑐᓂᒃ ᐊᔾᔨᖏᓐᓂᒃ ᑕᒪᐃᑕ ᐱᔭᐅᔭᕆᐊᓖᑦ ᐅᑯᓄᖓ, @email ᑎᑎᖅᑲᑎᒍᓪᓘᓐᓃᑦ ᑎᑎᕋᖅᓯᒪᔭᐃᑦ ᐊᐅᓪᓚᖅᑎᓪᓗᒍ ᐃᓚᖃᕐᓗᓂ ᐃᓚᓕᐅᑎᓯᒪᔭᕆᐊᓕᖕᓂᒃ ᑎᑎᕋᖅᓯᒪᔪᓂᒃ ᑐᕌᕈᑎᒧᑦ ᑎᑎᕋᖅᓯᒪᔪᒧᑦ ᑖᔅᓱᒪ ᑎᑎᕋᖅᓯᒪᔫᑉ ᐊᑖᒍᑦ.
ᐃᓅᓵᖅ ᓄᑕᕋᓛᖅ
ᒪᓕᒋᐊᓖᑦ:
1. ᒥᓇᕆᓗᒍ ᐱᓇᔫᑎ ᑎᑎᕋᕐᕕᒃᓴᖅ ᐃᓅᓵᓄ ᓄᑕᕋᓛᓄᑦ.
2. ᑎᑎᕋᕐᓗᒋᑦ ᑖᒃᑯᐊ ᑕᑕᑎᕆᐊᓖᑦ ᑐᔅᓯᕋᐅᑎᒥᑦ (ᑐᓄᐊᓃᑦᑐᑦ ᑕᑯᓗᒋᑦ ᑐᔅᓯᕋᐅᑎᐅᑉ)
3. ᑎᑎᖅᑲᓂᐊᕐᕕᒃᑯᑦ ᑐᔫᑎᒋᔪᓐᓇᖅᑕᑎᑦ ᑐᕌᕈᑎᒧᑦ ᐊᑖᓃᑦᑐᒧᑦ ᑐᕌᖅᑎᓪᓗᒋᑦ
ᓇᒃᓯᐅᑎᓗᒍ ᐃᕐᖐᓐᓈᖅᑕᐅᑎᒃᑰᕐᑎᓪᓗᒍᓘᓐᓃᑦ ᑎᑎᕌᓂᒃᓯᒪᔪᖅ ᑎᑎᕋᕐᕕᒃᓴᖅ ᐅᓄᖓ ᑐᕌᕈᑎᒧ:
Nunavut Health Insurance Programs Office
Department of Health
Box 889
Rankin Inlet, NU
X0C 0G0
ᐅᖄᓚᐅᑖ: (867) 645-8001
ᓱᒃᑲᑦᑐᒃᑯᑦ: (867) 645-8092
ᐊᑭᖃᙱᑦᑐᖅ: (800) 661-0833
ᓄᓇᕗᒻᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓄᑦ ᐱᓕᕆᐊᒃᓴᒧᓕᕆᔨᒃᑯᑦ ᑎᑎᕋᕐᕕᐊᓂ ᑐᓴᖅᑎᑕᐅᓂᐊᕐᐳᑎᑦ ᐊᔪᙱᒻᒪᖔᕐᐱᑦ ᓄᓇᒻᒥ ᐋᓐᓂᐊᕕᓕᐊᕈᓐᓇᐅᑎᒧ ᐸᖕᓇᐅᑎᒥᑦ
ᓄᓇᕗᒻᒥ ᐋᓐᓂᐊᕕᐊᒻᒥ ᑲᒪᒋᔭᐅᔾᔪᑎᓄᑦ ᓇᓪᓕᐅᒃᑯᒫᖏᑦ
ᒪᓕᒋᐊᓖᑦ:
1. ᒥᓇᕆᓗᒍ ᐱᓇᔫᑎ ᑎᑎᕋᕐᕕᒃᓴᖅ ᓄᓇᕗᒻᒥᑦ ᐋᓐᓂᐊᕕᓕᐊᕈᓐᓇᐅᑎᒧ ᓇᓪᓕᐅᒃᑯᒫᖏᑦ
2. ᑎᑎᕋᕐᓗᒋᑦ ᑖᒃᑯᐊ ᑕᑕᑎᕆᐊᓖᑦ ᑐᔅᓯᕋᐅᑎᒥᑦ (ᑐᓄᐊᓃᑦᑐᑦ ᑕᑯᓗᒋᑦ ᑐᔅᓯᕋᐅᑎᐅᑉ)
3. ᑎᑎᖅᑲᓂᐊᕐᕕᒃᑯᑦ ᑐᔫᑎᒋᔪᓐᓇᖅᑕᑎᑦ ᑐᕌᕈᑎᒧᑦ ᐊᑖᓃᑦᑐᒧᑦ ᑐᕌᖅᑎᓪᓗᒋᑦ
Department of Health
Health Insurance Programs
Government of Nunavut
Attention: Health Care Registrations Department
Box 889, Rankin Inlet, Nunavut, X0C 0G0
ᐅᖄᓚᐅᑎᖓ: 1- 800 - 661-0833
ᐃᕐᖐᓐᓈᖅᑕᐅᑦ: @email