ᐆᒪᔪᓂᒃ
ᓇᐹᖅᑐᖃᙱᑦᑐᒥᑦ ᑐᒃᑐᐃᒃ
ᓇᐹᖅᑐᖃᙱᑦᑐᒥᑦ ᑐᒃᑐᐃᒃ ᓇᓂᔭᐅᔪᓐᓇᖅᑐᑦ ᓄᓇᒥ ᑭᕙᓪᓕᕐᒥ ᕿᑎᕐᒥᐅᓂᓪᓗ ᐊᒻᒪᓗ ᕿᑭᖅᑖᓗᓕᒫᑲᓴᒻᒥ, ᑮᓕᓂᖅ ᐊᒻᒪᓗ ᓴᓪᓖᑦ ᕿᑭᖅᑕᖏᑦ, ᐊᓯᖏᓪᓗ ᕿᑭᖅᑕᕋᓛᖑᓂᖅᓴᐅᔪᑦ ᐊᒥᑦᑑᑉ ᑕᕆᐅᖓᑕ ᐅᐊᖕᓇᑉᐸᓯᖓᓂ ᐊᒻᒪᓗ ᑲᓇᖕᓇᑉᐸᓯᖓᓂ. ᓄᓇᒥᓪᓕ, ᑖᒃᑯᐊ ᖃᒪᓂᕐᔪᐊᖅ, ᑎᕝᔭᓕᐅᑉ, ᑭᖓᐅᒃ ᐊᒻᒪᓗ ᐳᓘᓅᔅ ᑐᑐᖁᑎᖏᑦ ᓇᐹᖅᑐᓕᓐᓂ ᓄᓇᕘᑉ ᓂᒋᑉᐸᓯᖓᓂ; ᐅᑭᐅᖅᑕᐅᖅᑐᒥᓪᓕ ᓄᓇᓪᓚᑦᑖᒥᑦ ᕿᑭᖅᑕᓂᓪᓗ ᓄᓇᕘᒥ ᐊᕐᕌᒍᓕᒫ ᓇᔪᖅᑕᐅᓲᖑᓪᓗᑎᓕ.
ᐊᒃᖤ
ᓄᓇᕘᒥ, ᐊᒃᖤᐃᑦ ᓇᓂᔭᐅᒍᓐᓇᖅᑐᑦ ᑭᕙᓪᓕᕐᒥᑦ ᐊᒻᒪᓗ ᕿᑎᕐᒥᐅᓂᑦ.
ᒫᓐᓇᐅᔪᖅ ᖃᐅᔨᓴᕐᓂᐅᔪᖅ
- ᕿᑎᕐᒥᐅᓂ ᐊᒃᖤᓂ ᖃᕝᕕᒑᕐᔪᖕᓂᓪᓗ ᒥᖅᑯᖏᓐᓂᒃ ᐲᖅᓯᐊᕐᔪᖕᓂᕐᒥᑦ ᐱᓕᕆᐊᖑᔪᖅ
- ᕿᑎᕐᒥᐅᓂ ᐊᒃᖤᐃᑦ ᓂᕆᕙᒃᑕᖏᓐᓂᒃ ᖃᐅᔨᓴᕐᓂᖅ
- ᕿᑎᕐᒥᐅᓂ ᐊᒃᖤᐃᑦ ᐊᒃᓱᕈᖃᑦᑕᕐᓂᖏᓐᓄᑦ ᖃᐅᔨᓴᕐᓂᖅ
- ᕿᑎᕐᒥᐅᓂ ᐊᒃᖤᐃᑦ ᐊᒻᒪᓗ ᖃᕝᕕᒑᕐᔪᐃᑦ ᖃᓄᑎᒋ ᓄᓇᒥ ᐊᑐᖃᑦᑕᕐᒪᖔᑦ
- ᕿᑎᕐᒥᐅᓂ ᐊᒃᖤᐃᑦ/ᐃᓄᐃᓪᓗ ᐊᑲᐅᙱᓕᐅᕈᑎᖏᓐᓂᒃ ᖃᐅᔨᓴᕐᓂᖅ
- ᕿᑎᕐᒥᐅᓂ ᒥᖅᑯᖃᖅᑐᓂᒃ ᐋᓐᓂᐊᓕᓐᓂ ᖃᐅᔨᓴᕐᓂᖅ
- ᐊᒃᖤᐃᑦ ᐊᖑᓇᓱᑦᑕᐅᕙᓐᓂᖏᓐᓄᑦ ᖃᐅᔨᓴᕐᓂᖅ
ᐅᒥᖕᒪᒃ
ᐅᒥᖕᒪᒃᑕᖃᓲᖅ ᕿᑭᖅᑖᓘᑉ ᐅᐊᖕᓇᖓᑕ ᕿᑭᖅᑕᖏᓐᓂᒃ ᐊᒻᒪᓗ ᕿᑎᕐᒥᐅᑦ ᐅᐊᖕᓇᑉᐸᓯᖓᓂ.
ᒫᓐᓇᐅᔪᖅ ᖃᐅᔨᓴᕐᓂᕐᒧᑦ ᐱᓕᕆᐊᖑᔪᑦ
- ᕿᑎᕐᒥᐅᑦ ᐅᒥᖕᒪᖏᓐᓂᒃ ᐋᓐᓂᐊᖑᔪᓂᒃ ᖃᐅᔨᓴᕐᓂᖅ
- ᕿᑎᕐᒥᐅᑦ ᐅᒥᖕᒪᖏᓐᓂᒃ ᓇᒧᙵᖅᐸᓪᓕᐊᖃᑦᑕᕐᓂᖏᓐᓄᑦ ᖃᐅᔨᓴᕐᓂᖅ
- ᕿᑎᕐᒥᐅᑉ ᐅᒥᖕᒪᖏᑦᑕ ᓂᕆᕙᑦᑕᖏᑦ ᐊᒻᒪᓗ ᖃᓄᐃᓕᖓᓂᖏᓐᓂᒃ ᖃᐅᔨᓴᕐᓂᖅ
- ᕿᑎᕐᒥᐅᓂ ᓄᓇᒥ ᐱᕈᖅᑐᑦ ᓇᒦᒋᐊᒃᓴᖏᓐᓂᒃ ᖃᐅᔨᓴᕐᓂᖅ
- ᑭᕙᓪᓕᐅᑉ ᕿᑎᐊᓂ ᐅᒥᖕᒪᓂᒃ ᖃᐅᔨᓴᕐᓂᖅ
ᐱᐅᕆ ᑐᒃᑐᐃᑦ
ᐱᐅᕆ ᑐᒃᑐᐃᑦ ᓇᓂᔭᐅᒍᓐᓇᖅᑐᑦ ᖁᑦᓯᑦᑑᑉ ᕿᑭᖅᑕᖏᓐᓂᒃ, ᐃᓚᒋᔭᐅᓗᓂ ᐃᒃᑳᕼᐅᑉ ᕿᑭᖅᑖᓗᐊ, ᑲᖐᓚᖅ ᐊᒻᒪᓗ ᑯᐃᓐ ᐃᓕᓴᐱᐅᑉ ᕿᑭᖅᑕᖏᓐᓄᑦ.
ᓇᓄᖅ
ᓇᓄᐃᑦ ᓄᓇᕘᓕᒫᒦᑦᑐᑦ, ᐱᓗᐊᖅᑐᒥᑦ ᓯᔾᔭᐅᑉ ᖃᓂᒋᔮᓂ ᑭᓯᐊᓂ ᐃᓚᖏᑦ ᐅᖓᓯᑦᑐᒧᑦ ᐃᖏᕐᕋᑐᐃᓐᓇᕆᐊᓖᑦ ᓄᓇᑉᐸᓯᒻᒧᑦ ᑎᓯᓕᐅᕆᐊᖅᑐᕐᓗᑎ ᐅᕝᕙᓘᓐᓃᑦ ᐃᑳᕆᐊᖅᑐᕐᓂᕐᒧᑦ ᕿᑭᖅᑕᓂ ᐊᓯᖏᓐᓄᑦ ᓂᕿᑦᓴᖅᓯᐅᕆᐊᖅᑐᓂᕐᒧᑦ.