ᕿᑭᖅᑕᕐᔪᐊᕐᒥ
ᕿᑭᖅᑕᕐᔪᐊᖅ ᐱᔾᔪᑎᒋᓪᓗᒍ
ᕿᑭᖅᑕᕐᔪᐊᖅ, ᑕᐃᔭᐅᕙᓚᐅᖅᓯᒪᔪᖅ Broughton Island−ᒥ, ᓄᓇᙳᐊᖅᑎᒍᑦ ᐃᓂᖃᖅᑐᖅ N67 33' W64 02' 4 ᑭᓚᒦᑕᓂᒃ ᑲᓇᖕᓇᖓᓃᖦᖢᓂ ᕿᑭᖅᑖᓗᖕᒥ, ᕿᑭᖅᑖᓘᑉ ᐃᑭᖓᓃᑦᑐᒧᑦ. 100 ᑭᓚᒦᑕᓂ ᐅᑭᐅᖅᑕᖅᑑᑉ ᑭᒡᓕᙳᐊᖓᑕ ᐅᐊᖕᓇᖓᓃᖦᖢᓂ ᐊᒻᒪ 483 ᑭᓚᒦᑕᓂᒃ ᐃᖃᓗᐃᑦ ᐅᐊᖕᓇᖓᓃᖦᖢᓂ, ᓄᓇᕘᒥ ᓄᓇᓕᐸᐅᔭᕐᒧᑦ. ᕿᑭᖅᑕᐅᓂᖓᓄᑦ ᕿᑭᖅᑕᐅᓂᕋᖅᑕᐅᒐᓗᐊᖅᖢᓂ, ᐃᓄᒃᑎᑐᑦ ᐊᑎᖓ ᒪᓕᒃᖢᒍ, ᕿᑭᖅᑕᖅ 12 ᑭᓚᒦᑕᓂᒃ ᓯᓕᒃᑎᒋᑐᐃᓐᓇᖅᑐᖅ ᐊᒻᒪ 16 ᑭᓚᒦᑕᓂᒃ ᑕᑭᑎᒋᑐᐃᓐᓇᖅᖢᓂ.
1800's ᐱᒋᐊᓵᖅᑎᓪᓗᒋᑦ, ᑕᕆᐅᑉ ᐊᑭᐊᓂᙶᖅᑐᑦ ᐊᕐᕙᒐᓱᒃᑏᑦ ᕿᑭᖅᑖᓘᑉ ᐃᑭᖓᒎᓚᐅᖅᓯᒪᕗᑦ ᑕᐅᖅᓰᖃᑎᖃᑲᑕᒃᖢᑎᒃ ᐃᓄᖕᓂᒃ ᑕᐅᕙᓃᑦᑐᓂᒃ ᐊᐅᔭᐅᑎᓪᓗᒍ. ᑭᕕᑑ, ᐊᕐᕙᒐᓱᒡᕕᒃ 64 ᑭᓚᒦᑕᓂᒃ ᐅᐊᖕᓇᖓᓂ ᐅᖓᓯᒃᑎᒋᔪᖅ ᒫᓐᓇ ᓄᓇᒋᔭᐅᔪᒧᑦ, ᐊᒻᒪ ᐹᓪᓚᒡᕕᒃ, 96 ᑭᓚᒦᑕᓂᒃ ᓂᒋᐊᓃᖦᖢᓂ, ᐃᓄᖕᓄᑦ ᐅᐸᒡᕕᓪᓗᐊᑕᕆᔭᐅᓚᐅᖅᓯᒪᔪᑦ.
ᕿᑭᖅᑕᕐᔪᐊᖅ ᓄᓇᓕᒋᔭᐅᓚᐅᙱᑦᑐᖅ ᑭᓯᐊᓂ 1950's ᕿᑎᖅᐸᖅᑎᓪᓗᒋᑦ ᒥᑦᑕᕐᕕᓕᐅᖅᑐᖃᖅᑎᓪᓗᒍ ᐅᓇᑕᖅᑐᒃᓴᓄᑦ ᓈᓚᒡᕕᖕᒥ ᓇᑉᐸᖅᓯᕙᓪᓕᐊᑎᓪᓗᒋᑦ (ᐅᓇᑕᖅᑐᒃᓴᑦ ᑕᐅᕙᓃᑦᑐᓐᓃᓚᐅᖅᓯᒪᓪᓗᑎᒃ 1992−ᒥ). ᖃᔅᓯᑲᓪᓚᑦ ᐃᓄᐃᑦ ᐃᓚᒌᑦ ᐹᓪᓚᒡᕕᖕᒥᐅᑕᑦ ᐊᒻᒪ ᐸᖕᓂᖅᑑᕐᒥᐅᑕᑦ ᑕᐅᕗᖓ ᓅᖃᑦᑕᓚᐅᖅᓯᒪᕗᑦ ᐃᖅᑲᓇᐃᔮᖅᑖᕈᒪᓪᓗᑎᒃ. ᐃᓄᐃᑦ ᑭᕕᑑᕐ−ᒥ ᓄᓇᖃᐃᓐᓇᓚᐅᖅᓯᒪᕗᑦ 1962-ᖑᕋᓱᖕᓂᖓᓄᑦ ᑕᐃᔅᓱᒪᓂ ᐱᕐᕈᓗᐊᕿᔪᓂᒃ ᐃᒫᒎᖅᑐᖃᓚᐅᖅᑎᓪᓗᒍ ᖃᔅᓯᑲᓪᓚᖕᓂᓪᓗ ᐃᓅᔪᓐᓃᖅᑐᖃᖅᖢᓂ ᕿᑭᖅᑕᕐᔪᐊᕐᒧᑦ ᐅᑎᓕᕋᓗᐊᖅᖢᑎᒃ ᑕᐅᖅᓰᔭᖅᑐᖅᓯᒫᓪᓚᓚᐅᖅᖢᑎᒃ. ᑭᕕᑑ ᐃᓄᖏᑦ ᓄᓇᖃᕐᕕᖕᒥᓂ ᕿᒪᐃᓚᐅᖅᓯᒪᕗᑦ 1963-ᖑᑎᓪᓗᒍ ᓄᓇᑖᖅᑎᑕᐅᖔᖅᖢᑎᒃ ᕿᑭᖅᑕᕐᔪᐊᕐᒥ. 1964 ᐊᒻᒪ 1968 ᐊᑯᓐᓂᖓᓂ ᐹᓪᓚᕕᖕᒥᐅᑦ ᑲᑎᓚᐅᖅᓯᒪᕗᑦ ᓅᓚᐅᖅᓯᒪᓪᓗᑎᒡᓗ ᕿᑭᖅᑕᕐᔪᐊᕐᒥᐅᑕᐅᔭᖅᑐᓕᖅᖢᑎᒃ. ᓄᓇᓖᑦ ᑕᐃᒪᙵᓂ ᑕᐃᒎᓯᖃᒃᑲᓐᓂᓕᖅᑐᑦ ᕿᑭᖅᑕᕐᔪᐊᕐᒥ.
ᐃᓄᒋᐊᖕᓂᖏᑦ: 627
ᖃᐅᔨᒋᐊᕐᕕᒃᓴᖅ
ᐃᕐᖐᓈᖅᑕᐅᑦ: @email
ᐅᖄᓚᐅᑎ: 867-927-8832
ᓱᒃᑲᔪᒃᑯᑦ: 867-927-8120