Nunavut akittuqjuummirniaqta mikinikhami akiliuhiaruti uvunga $19/ikaarnirmi
Iqaluit, Nunavut (Nuvaipa 6, 2023) – Nunavut Kavamanga akittuqjuumiqtiliqtaa mikinikhami akiliuhiaruti talvanga $16.00min talvunga $19.00mun ikaarnimun atulirniaqtuq Januali 1, 2024.
Maligaliqijikkut Havagvia pitquhimajaa aktilaatigun akittuqjuummirutaa talvanga angijumin qaujiharnirmin miitirutinillu havagvingnin havaktiinnillu aujami 2023mi.
"Ilitarihimajugun una mikinikhami akiliuhiaruti naammaktukhaq havaktipkainirnun havaktiinnullu tautuktilugulu piqpiarutainnik inuuhirni havangnirnilu Nunavunmi,” uqaqtuq Minista Maligaliqijikkut, David Akeeagok. "Uppiruhuktunga angilijuummiqtirniq pipkaijaa ihuaqtumik pidjutinik nunaptiknun, taimaalu ikajuqtuq kiudjutikkut hulaqutinun akittuqhimajunun uvanilu akiinni inuuhidjutikhanun akittuqjuummiqtunun taapkununga maniliuqtunun mikinikhaanun akiliuhiarutini Nunavunmi.”
Maligaliqijikkut Havagvia ihivriuqhiliqtuqlu nutaamik qanuriliurutikhamik naunaijaidjutikkut mikinikhaanun akiliuhiarutini pipkaijaami ukiuq tamaat akittuqjuummirutikhanik, tunipluni naunaitqijaujunik Nunavunmi havagviinnun huli ikajuqhugillu Nunavunmiut angummadjutiinnik akiinnun.
Itquumajut
- Imaa uvani $19.00 atauhirmun ikaarnimun, Nunavut taita piqarnialiqtuq akitutqijaujumik mikinikhaanun akiliuhiarutimi Kanadami.
- Kingulliqpaaq akittuqjuummiruti uvunga Nunavunmi mikinikhaanun akiliuhiarutimun pihimajuq April 1, 2020, talvani akittuqjuummiqtiqtuq talvanga $13.00min talvunga $16.00 atauhirmun ikaarnimun.