Hitamat nutaat aannialiqtut COVID-19 qalagjuarnirmik Nunavunmi
Tuhaqtitaujukhaq
Hitamat nutaat aannialiqtut COVID-19 qalagjuarnirmik Nunavunmi
Iqaluit, Nunavut (Hikutirvia 27, 2020) - Ublumi, Nunavunmi attautimut 151-nguqtut naunaiqtauhimajut aannialiqtut COVID-19 qalagjuarnirmik. Hitamat nutaat aannialiqtut naunaiqtaujut Arviani, nunangani imaatut amigaiqtut naunaiqtaujut aannialiqtut 119-nguqtut. Pingahut aallat inuit aanniaqtut nakuuhijut nakatqiktut Arviani Kangiqlinirmillu. Nunavut ublumimut iinguqtut nakatqiqtut nakuuhijut aanniarumitCOVID-19 qalagjuarnirmit.
Piqangittuq takunaqtunik nunallaami hiamitirninganik Kangiqlinirmi Tikirarjuamiluuniin. Tamarmik inuit aanniaqtut COVID-19 qalagjuarnirmik avalingaaqtut imaalu naamainnaqtut, nakuunginnaqtut mihingnautingit qigikhiurjuangittumik mihingnautingit. Aktuqtauhimajut aanniaqtumit qaujihaqtaujut tamainni aktuqtauhimajuni nunallaani aullaranginnaqtuq imaalu inungnut aanniaqtaiinrmut havaktingit munaqhijut avalingaaqtitaujunik.
Talvanga Hikutirvia 26, 188 qaujihaqtauhimajut Kangiqlinirmi aanniarutiqangittut qaujihaidjutait. Arviani qaujihaqtaudjutait naunaiqtaujut 471 aanniarutiqangitut qaujihaidjutait. Qaujihaidjutait Tikirarjuarmi naunairutaujut 80 aanniarutiqangittut qaujihaidjutait. Munarijauhimmaaqtut Sanikiluarmi qanurinniariakhainnik.
Kinaliqaak inuk ihumagumi aktuqhimahugigumi aanniaqtumit COVID-19 qalagjuarnirmik hivajaqujaujut ukununga COVID hivajautaanut 1-888-975-8601 akkungani 10 ublaami unalu 6 mun. EST-kut ubluqhiutagut, imaaluniit inmingni nunamingni munaqhitkut qilamik, aviilngaaktukhaklu iglumingni 14ni ubluni. Munaqhiliaqtailutin upautihuirlutillu.
Nutaanik naunaiqtakhanik atuqtakhaniklu talvuuna COVID-19 qalagjuarnitmun Nunavunmi, takulugu una: https://www.gov.nu.ca/health/information/covid-19-novel-coronavirus.
Nutaanik naunaitkutikhanik tadja inungnut aanniaqtailinikkut maliqatqujaujunik, takulugu una: https://www.gov.nu.ca/health/information/nunavuts-path
Nutaat ilitturipkaidjutikhat tunijauniaqtun tuhaumapkaidjutimi 11 mungaqqan. EST ublumi, Hikutirvia 27.
###
Tuhaqtipkainikkut Uqarvikhat
Cate Macleod
Tuhaqtakhanut Titiraqti uumunga Hivuliqtimun Savikataaq
867-975-5059
@email
Chris Puglia
Atan'ngujaullaqtuq, Tuhaqtidjutinun
Havagviat Aanniaqtailinikkut
867-975-5949
@email