Tuhaagahat Tuhaqtittijit Havagvia

10 nutaat aannialiqtut COVID-19 qalagjuarnirmik Nunavunmi

Kingulirmik nutaanguqtiqhimajuq Tallimiut, Hikutirvia 20, 2020

Tuhaqtidjutikhaq

10 nutaat aannialiqtut COVID-19 qalagjuarnirmik Nunavunmi

Iqaluit, Nunavut (Hikutirvia 20, 2020) - Ublumi, Nunavunmi attautimut 84-nguqtut naunaiqtaujut aannialiqtut COVID-19 qalagjuarnirmik. Atauhiq nutaaq aannialiqtut naunaiqtaujuq Arviani, nunangani imaatut amigaiqtut naunaiqtaujut aannialiqtut 58-nguqtut. Pingahut nutaat aannialiqtut naunaiqtaujut Tikirarjuarmi imaatut amigaiqtut attautimut 11naunaiqtaujut aannialiqtut nunangani. Kangiqlinirmi siksiit aallatg aannialiqtut, nunangani attautimut aannialiqtut aigaiqtut imaatut 13. Aallangungittut amigaitilangit aanniaqtut Sanikiluarmillu.

"Naunaiqhimangittuq nunangani hiamitiriakhanik nunangini Sanikiluarmi, Kangiqlinirmi uvaniluuniit Tikirarjuarmi. Tikitpalliatitluta havangnailrumut, anginiqaqtuq Nunavummiut pulaaqtailinahuarlutik, inungnit un'ngahikhimalutik imaalu atihimalutik matukhamik ahianungaigaigumik iglumingnit. Tamarmik 84 inuit avalingaaqtut iglumingni imaalu naamainaqtullu. Qaniklihimajunnik aanniaqtunut naunaijaqtauhimmaaqtut tamainni aktuqtauhimajuni nunallaani imaalu munariplugit tamaita inuit avalingaaqtitaujut,” uqaqtuq Dr. Michael Patterson, Nunavunmi Atanilluaq Nunalaani Aanniaqtailinikkut Havaktiat.

Talvanga Hikutirvia 19, 119 qaujihaqtaujut Sanikiluarmi naunaiqtaujut aanniarutiqangittut. Kangiqlinirmi, 110 qaujihaqtaudjutait uttiffaaqtut naunaiqtaujut aanniarutiqangittut. Arviani qaujihaqtaudjutait naunairutaujut 137 aanniarutiqangittut qaujihaidjutait. Qaujihaidjutait Tikirarjuarmi naunairutaujut 21 aanniarutiqangittut qaujihaidjutait.

Kinaliqaak inuk ihumagumi aktuqhimanirmun COVID-19 qalagjuarnirmik hivajaqtukhat COVID hivajautaanut 1-888-975-8601 akkungani 10 ublaami unalu 6 mun. EST-kut ubluqhiutagut, imaaluniit tuhaqtinniaqtait nunamingni munaqhitkut qilamik, ahiit qilamiurlutik avalingarvikhamingnik aimavingmingni imaatut 14-ni ubluni. Munaqhiliaqtailutin upautihuirlutillu.

Nutaanik naunaiqtakhanik atuqtakhaniklu talvuuna COVID-19 qalagjuarniq Nunavunmi, takulugu una: https://www.gov.nu.ca/health/information/covid-19-novel-coronavirus.

Nutaanik naunaitkutikhanik tadja inungnut aanniaqtailinikkut malqatqujaujunik, takuluhu: https://www.gov.nu.ca/health/information/nunavuts-path

Nutaat ilitturipkaidjutikhat tunijauniaqtun tuhaumapkaidjutimi 11 mungaqqan. EST ublumi, Hikutirvia 20.

###

Tuhaqtipkainikkut Uqarvikhat

Cate Macleod
Tuhaqtakhanut Titiraqti uumunga
Hivuliqtimun Savikataaq
867-975-5059
@email

Chris Puglia
Atan'ngujaullaqtuq, Tuhaqtidjutinun
Havagviat Aanniaqtailinikkut
867-975-5949
@email
 

Aallanun atqtillugu una makpivia

Una makpirvia ikajuutauva?

Quana uqaqvigijatin Nunavut Kavamanga 

Tujuqtailutin qajarnaktunik inmiluunniit naunaijautinik, taapkuningalu (kiqliqanggittut): social insurat nampainnik, anniviit, naunaijautaitlu aadla inuit, aanniaqtailirnirmunluunniit naunaijautinik.  Tujuinnaklugu naittumik naunaijautimik ihumagijarniq ihumaaluutigijarniqluunniit qanuqlu uqaqvigittaaqtarniq. Naunaittiarniaqtaqqut ihuatqiaq inungmik uqaqvigijarnik naunaittiariami naunaijautinik kiuttaagumiklu apikkuutirnut ihumagijarnikluunniit.