Ikajuuhiarnikkut ikajuutinun Kangiqhidjutikhaq
Uukturniq Ikajuuhiarutikhanik Ikajuutinun
Nunavummiut, ukiuqaqtunut 18nik angajuqhiujunulluunniit, uuktuqtaaqtun Ikajuuhiarnikkut Ikajuutinun nunamingni Ikajuuhiarnikkut Havagviani.
Qanuq atuqtauvaktuq:
1. Uuktuqtuq (ILVIT) hivajaqtakhaa nunamingni Ikajuuhiarnikkut Havagvia ihuarhailuni takujaqtuqvikhamingnik. Ikajuuhairnikkut Havakti unniutiniaqtaatin kitunik titiqqanik aggijjijukhaujutin. Uuktuutikhaq havaktaulimaittuq tamaat piqangitkumi ihuaqtunik titiqqanik.
2. Hivulliqpaami takujaqturvingmi, Ikajuuhiarnikkut pinahuaruti ihivriuqtauniaqtuq. Hivulliuqtauttaaqtutin uqaqatigilugu una Havaariraaqpaktakhani Pivallianirnun Havakti unaluunniit Inuinnait Timiqutaa hivuagun-havaktinnani havagvia tadja havangitkuvin.
3. Titiqqat ilitturipkaidjutillu katitirhimajun miitirutimi iliuraqtaujun uumunga Ikajuuhiarutikkut Tuniudjutimi (ISDS) tunuqtaujulu uumunga Naunaijaqtaunirnun Ihiviriuqtaunirmullu Havaktimun nakuunikhainnun.
• Una havaguti iniqtukhaujuq avatquhimaittumik pingahun (3) havangnikkut ublunik.
• Ilitturipkaidjutikhat pihimangitpata uuktuutimi, kinguvaqtittiniaqtuq.
4. Uuktuuti naunaijaqtaukpat, miitiqatigihungujat Ikajuuhiarnikkut Havakti. Pittaaruvun Ikajuuhiarutikhanun imailiurniaqtutin:
• Sainirlugu Uqautikkut Angirutikkullu Titiraq angirutilik ilitturipkaidjutinik tunijauttaarutinun uqaqtuqlu uqarhimajutin itquumajunik uuktuutimi.
• Ihumaliurlutin Pilarhuutikkut Pijumanirmik, (naliak Havangnikkut-tunnganiqarnikkut uumaniluunniit Inuuhirittiarnikkut- tunnganiqarnikkut) piliurlunilu PIlarhuutikkut Piumanirmik Angirutimik.
5. Pittaaqtunut Atulluaqtauvaktunik ikajuutikhat tunijauniaqtut ilingnun manikhakkut tuniqpiarluni ilingnun uvuunaluunniit pingahuuninginni ilaujun niuvvaajiit:
• Iglup atuqtaunia akinga akiliqtauniaqtuq atauttikkut maniliuqtauhimajunik Nunallaami Igluliqijinun taapkununga ittun Nunavunmi Igluliqijirjuakkut igluinni.
• Pauwatuutit akiliqtauniaqtuq atauttikkut maniliuqtauhimajunik Qulliq Alruyaqtuqtunik Ikumadjutiitkunnun.
6. Atulluaqtauvaktuq ikajuutikhat piqaqtut Atulluaqtauvaktuq ataani naunaitkutimi, aallallu pijaaqtun ukunani hunavalungnun, igluami najurvianilu, iglungani, uqhuqjuani, auladjutikhanullu.
7. Angiklijuummiqhimajut Ikajuutikhat hailijut hunavalukhanut, akiliqtakhainnut pidjutiqaqtunik iliharnirmut ajuirhainirmullu, igluminut tamajakhainnik, iglukhaminut ahiruqtuqaqat akiliriigut, amigaqhuutiqarnirnun ikajurutikhanik imaalu nutaqqiqivingmi ikajuutikhamun.
8. Utiruvin tukliani tatqiqhiutimi nutaaq naunaijaruti iniqtiqtauniaqtuq, tunnganiqarluni kingulliqpaami tatqiqhiutim maniliurutaanin.
Ikajuqtaujaami ilitturipkaidjutikhaniklu, uqaqatigilugu Ikajuuhiarnikkut Havakti unaluunniit Inuliqijikkut Avikturhimaniani Havagvia:
Qikiqtani: 867-473-2600 1-800-567-1514
Kivalliq: 867-645-5040 1-800-953-8516
Kitikmeot: 867-983-4032 1-800-661-0845