Una Nunavut Taanngaq unalu Higaarluk Parnaiyit
Una Nunavut Taanngaq Unalu Higaarluk Parnaiyit (Ilittuqhaiyit) ittuq angirutaanut Ministanga Kiinauyaliqiyitkut, Minista havaariyaa Taanganik, havaaakhanginnik tunihivluni Ilittuqhaiyinut havaktakhainik aulayut taanganik niuvikviit, niuviktut, niuvrutigiyut, naunaikhugit tuyukattakhugit taangat Nunavunmi havakhugu Ilanga II uumani Nunavut Taanganut Maligaq. Ilittuqhaiyit malikpagait unnirutinut piyaghautit naunaikhimayut Ilanga II uumani Nunavunmi Taanganut Maligaq unalu Ilanga IX uumani Kiinauyaliqinirmut Aulatjutinut Maligaq.
Ilittuqhaiyit, havakhugit hakugingnimingnik havaktakhamingniklu ihuaqhihimayut talvani Taanganut Maligaq pitquyanginnik Ministap. Ilittuqhaiyit havaktiqaqtuq Atannguyaqmik unnirpaktumut Ministamut talvuuna Ikayuqtiata Ministaup Tugliata unalu Minstanga Kiinauyaliqiyitkut. Atannguyaq munariyait havaktut 12-nguyunik, nunangani Kangiqliniqmi Iqalungnilu, ukuatlu tallimat kaantraaqaqtut tanganut ihivriuqtit.
Havakvikluangat Kangiqliniqmi, Ilittuqhaiyit havakpagait niuvikvitik tangaqaqvitiklu tutquqvingit aquiktuqvingit, atauhiq Kangiqliniqmi angitilaanganik 601 m2 aippaatauk Iqalungni angitilaanganik 603m2. Ilittuqhaiyit havakpagait pingahut laisiliqiviit havakviuyut, malruk kaantraaqaqtuk Kangiqliniqmi Iqaluktuuttiamilu pinghuat ilanga Taangaliqiyit maliganut havakviit Iqalungni. Laisiliqiyit Havakviit akiliktauvlutik havkpaktut, taangaliqinirmut tuyuutigivlugit tigumiakhugit laisingnit.
Aallanik naunaiqhittiarumaguvit, takulugu qaritaujakkut uvani NULC'tkut qaritaujakkuurutaani: www.nulc.ca.
Taanganut niuvaayit nunami
Nunavutip nayuraa nunami iglukpakhanutlu ayuqhautit pitjutauyut maliganut pivlugu taanganik niuviktittivlutik nunami ihuangittuq Kanatamiutani pitjutigiyaini. Ayuqhautigitluaqtangit taanganut niuvrutigivlugu Nunavunmi piyumayauhimayuq havaarivlugu havaktakhanut ikittutik amigaitqiyaani tallimani Kanataup nunani tingmitiinnakkut pivlugit umiakkutlu uhitjutigiyanut.
Ilanginni amihuni pitjutauyanut Nunavutip taangaliqitjutaanut aallangayuq aviktuqhimayuni Kanatami, una kitkaniittuni pitjutigiyangani. Ilittuqhaiyit piqangittut taanganik niuvikvingnik imaalu tamaita taangat aquiktuutit havaktauavktut Ilittuqhaiyitkut havakvikluanganit Kangiqliniqmik aullaktittugit tingmitikkut uhitjutinut kitunitliqaaq Ilittuqhaiyit taanganut tutquqviinnit. Laisiqaqtut niuvikviit tigumiyutlu ilaani atuqnahuaqtamingnut laisinik pittaaqtangit, amigaitpiakmata niuviktait naunaittut piniarakhamingnit kanitqiyamiittumik Ilittquhaiyit tutquumaviinni.
Atuqlugu piyanganik Kavamanga Nunavunmi niuviknirmut hakugikniit, the Ilittuqhaiyit Ilittuqhaiyit tamaita taangangit pihimayait niuviktauvaktut niuvikhugit Ilittuhaiyit pikhainut ukunanga Nunaliriyiit Kavamaliqiyiitkullu’ Pinahuaqnirmut Havakvia.
Nunavunmi Taanganut Piqaqangnaittumut Pitjutait
Una Taanganut Maligaq tunihiyuq Nunavunmiutanut taanganut maliktakhanut pihimavlugit hitamani pitjutigiyanut, pivlugit atuqtauyanut talvungalu ilaupqaqhimaittugit. Nunallaat inmik piyumayamingnik piyughauyut niruaqtittilutik. Naunaikhimayut ilangani 48.2 Maligaqmi ukuat pitjutauyut:
Taangaqaqainaqtut talvani nunallaat malikhugit taanganut maligat Nunavunmi;
Taangaqaquingittut kaffinik talvani, ilavlugit taangatigut maliganut, kaffinik taanganik inuk niuviinnarialik ihuaqhihimayuq;
Katimayituqaqtut, nunammi niruaqtauhimayunik taangaliqiyit katimayiinnik ihumaliuqpaktut:
- kina imikniaqqa, pihimalugu, niuviklugu, tigumiaklugu tuyukluguluuniit taanganik nunallami, haamliqaqtuni pivianiluuniit , kina tigumaikniaqqa tuyukniaqqa taanganik nunallami, haamliqaqtuni pivianiluuniit ataani Maligaqmi,
- kina imikniaqqa, pihimalugu, niuviklugu, tigumiaklugu tuyukluguluuniit taanganik nunallami, haamliqaqtuni pivianiluuniit,
- kina tigumaikniaqqa tuyukniaqqa taanganik nunallami, haamliqaqtuni pivianiluuniit ataani Maligaqmi,
- kaffinik taanganik inuk piittaaqhuni pihimalugu, niuviklugu, tigumiaklugu tuyukluguluuniit nunallami, haamliqaqtuni pivianiluuniit , kina uuktukniaqqa wine-mut laisikhamik nunallami, haamliqaqtuni pivianiluuniit kaffiniklu wine-liuqniaqqat inuk, imaalu
- kina tangaliuqniqqat beer-mik inmikkut ilakatigiiktunutlu imiktakhainut nunallaami, haamliqaqtuni pivianiluuniit kaffiniklu taangaliuqniariakhainut beer-mik inukmit.
Taangatuqtailiniq pihimayut, tangatuqtailivlutik, pihimanirmut, niuvinirmut, niuviktittinirmut uhinirmutlu taanganik nunallaami, haamliqaqtuni pivianiluuniit.
Akikhait Qanurinningit
Atuqtakhamut, Pinahuaqnirmut Havakvia pinahugitpaktut niuvikhugit tamaita tangaliuqvingnit pittaarumik. Mikivatlaaqmata aquiktuat, ilangit niuviktauvaktut tahapkunuuna Société Alcoolique du Quebec (SAQ) ukunangaluuniit Liquor Control Board of Ontario (LCBO). Nunavunmi Taangaliqinirmut Ilittuqhaiyit atuqpaktut akiliutikhamik litre-mut akilikhipkakhugit taanganik. Aulatjutinut akianik $0.27 atauhiqmut litre-mut illiriyauvaktuq. Tatja akittuumitjutit atauhiqmut litre-mut ukuat:
- Spirits $25.84
- Wine $7.69
- Coolers $3.00
- Beer $1.91
Ilittuqhaiyit pitjutait tingmitikkut uhitjutinginnut agitaiyunik taanganik aquiktuqhimayanik imaatut ittuq taangat niuvikhimayut Nunavunmi akituyut atuqtanginnut tamainnni Kanatami.
Atauhiq ihumagiyauyuq akiliutigiyanginnut taanganut tahapkunuuna Ilittuqhaiyitkunut. Tatja akiliutit thapkuat tuyukvikkut himmiutit manikhanut, Situamit manikhanik tuyuktunut, naunairiikhimayamut akiliutikhamik, manikqaqvikyuamit akiliuqikhamik, maniit ilivlugitluuniit talvunga Ilittuqhaiyit maniqaqvikyuanganut ihuaqtut akiliutikhat.
Una Nunavunmi Taangaliqinirmut Ilittuqhaiyit pivagait atuqqiutit (VISA unalu MASTERCARD) akiliutikhamut, nunaqaqtut Iqalungni Kangiqliniqmilu atuinnarialgit maniqaqvikyuami akiliutimingnik. Akiliktaukpata, Taangaliqinirmut Ilittuqhaiyit aqiuqtuutauyuq havakpagait, puukhugit, agittivlugit tingmitiqaqvingnut uhiviinnut agitiyaanginni tuyugvikhaanut.
Ilivlugu akianut, aallamik akiligakhaqaqtuq uhitjutimut pivlugu $10.00-mik (GST-miklu) aquiktuamut, hikuliamut akilikhutik utiktiffaarutikhaanut. Tuyuktauvluni niuviktumut akiliktaughauyumik uhitjutigiyaanut tingmihiqinut uhiniaktunut naguuyumik ahiruktaililugu. Uhitjutit aallatkiiktut, ungahikpat, nunallamut, uhivaktutlu atuqtanginnik.
Ottawa-mik tingmitiqaqviuyumik ubluk tamaat tingmitinit tingmiyuni Nunavunmi aallanutlu nunallaanut tingmivlutik malruknik pingahunikluuniit atauhiqmi havainiqmi, tingmiviit Nunavunmi utaaqinaqtut tamainut taanganik niuviktunut nunami (Laisiliqiyit tigumiyutlu Ilaani Hulilukaaqtunut Laisinginnut pihimaittut).
Ihuaqtumik piyaanginni tamainni nunallaani, Iqalungmiutat niuviktughauyut taangahamingnik Kangiqliniqmi taangaqaqvianit hilataanitluuniit nunamit, taimaatutlu Kangiqliniqmiutat niuviktughauyut taanganik Iqalungnit hilataanitluuniit Nunavut. Tamaita piinnarialgit nunaqaqtut Nunavunmi aquiktuinarialgit kitumitliqaaq tangaqaqvingnit. Una pitjutaa piqaqnaittumik niuviktunik taanganik inungnut humiliqaaq Nunavunmi, kihimi laisiqaqtuni taanganik niuviktittutik.
Taanganut Laisikhat
Nunavunmiutat niuviinnarialgit taanganik laisiqaqlutik laisiittumikluuniit, niuviktaaqhutik piyumayamingnik akikittuniklu. Niuvirumagumik ahinit hilataanit nunamit, inuit niuviktughauyut laisimik atauhiqmit pingahunit laisiliqiyinit havakviinit Iqaluktuuttiami, Kangiqliniq, Iqalungnitluuniit. Akiliklugit uhitjutit, una piinnariakaktaat nunaqaqtut nunalgit taanganik niuviktaaqtuni nunallaani talvaniluuniit nunallaani katimayiqaqtuni.
Aquiktuutimut laisikhaq piyaghauyuq aquiktuqnahuaqtunut taanganut nunamut. Kihimi, tigumianginnarialgit, inmikkut, amigaitqiyaungittumik 1,140 ml taanganik unaluuniit 4,260ml beer-nik (12-nik 355 ml puuqaqtunik). Tatja aquiktuqtunut laisimut akia ataaniittuq:
Nunavunmiut niuvirumayut taanganik laisaittumik piinnarialgit Ialungnit Taangaqaqvingmit Kangiqliniqmit Taangaqaqvingmitluuniit. Humiittaakhainut inuk aallatkiinguyut maliktakhat.
Taanngaliqijit Ilinniaqtitijukhat Katimajiit
Niuviktittilimaittut taanganik inungnut nunaqaqtunik taangaqaqnaittumi. Inuk nunaqarumi taangaqaqnirmi piyughaungittut uuktuklutik AEC-kunut aquiktuinarialgit Taangaqaqvingmit kangiqliniqmi Iqalungitluuniit.
Nunallaani havaktauvlutik Taangaliqiyitkut Katimayiit (AEC), inuit uuktukpaktut nunamingni AEC-kunut angiktauyumavlutik akuiqturiamingni taanganik nunamingni. AEC-kut iliriinnarialgit maliktakhanik niuviknahuarumik angingitluguluuniit uuktuutinginnik. Inuk angiktaugumi nunallamini AEC-kunit (Katimayiit kayumiktukkut tuyukpagait angiktauhimayut titirqat inungnik Tangaliqiyitkut Ilittuqhaiyiinut), aquiktuinarialgit.
Atauhiq pitjutaa taanganik niuviktittinirmut Nunavunmi una Ilittuqhaiyit pinahugittaat hunaliutqiutigilugit nunami tahapkunuuna puunginnut akilikhivlutik.
Ilittuqhaiyit illigihimayut akiliutikhamut tamainut taanganik niuviktunut, pivlugitlu utiktiffaaqhimayanik imaikhimayunik taangat puunginnik akilihiyunik imaikhimayunik hikulianik havigalingniklu. Tatja puunginnut utiktiffaarutit akilikhiyut piqaqtuq Iqalungni. Ilittuqhaiyit akiliktittiyut $0.15 havigalingmut tunihiffaaqhutik $0.10 havigalingmut.
- Spirits $3.75 litre-mut
- Wine $2.00 litre-mut
- Coolers/ciders $0.59 litre-mut
- Beer $0.56 litre-mut