Inunnguqsaivik Ajuiqhainirnun Havagvik
Inunnguqsaivik: Ajuirharniq Pidjutikhanun
Ikajuutiqaqtut ilihautit apqutighait nunamun ikajuutinun munaridjutinunlu havaaghat piinarialgit hapkununga Nunavunmi Inuinnarnun.
Ilauqatigilugit Inunnguqsaivik, aalangajuq iliharnirmun nunallaaq, iliturijaarni ajuiqhautiniklu ihariagijarnik havaaghanun nunami ikajuutinunlu munaridjutinun.
Havaqatigilugit Iliharnirmun Ajuqiqtuijit havagiangini inungmun pihimajut ilihautinun apqutighat uvalu pijaami ihuaqhaqhimajunik ikajuutinik ihariagijarnik ilihariarni, inuuhirnun, maniliqinirmun, pitquhirnun, ilakpit ihariagijainik,amigaitullu!
Atiliuqlutit tuhaqtidjutinun pijaarnir nutaanguqtiqhimajunik kangiqhidjutinik iliharnirmun nunallaami qanuqtullu ilaujaarni ikajuqlugiluuniin.
Iliharnirmun Qiniqhiadjut 2023-24
Inunnguqsaivik Iliharjuummivingni Iliharnirmun Qiniqhiajut 2023-24
Atuqlugu una ikajuut qiniqhiajaami iliharnirmun apqutighat ukualu havaaghanun pijaghat nunanun ikajuutinunlu munaridjutinun, ukualu aalangajut ikajuutit tapkua Inunnguqsaivik Iliharnirmun Nunallaat ataliqtiniaqtaatit iliharnirmun atuqtarnun.
Uvani iliharnirmun qiniqhidjutini, paqiniaqtatit:
- Kangiqhipkaidjutit haffumunga Inunnguqsaivik Iliharnirmun Nunallaaq.
- Atungnikkut maligahaq unalu apirhuutauhuimaaqtut apirhuutit upalungaijainirmun iliharjuuminirmun pinahuarutit, qanuqtullu uuturiami, maniktigut upalungaijautinun maligahat, amigaitullu!
- Kangiqhidjutit ilihaqvikjuat iliharviinik avatiini nunaqjuap ilaujut naunaijautait atautit nunat humi hapkua iliharvikjuat najugait.
- Ikajuutaujut ilihaqjuuminirmun pinahuarutit tapkua upalungaijautiginiaqtatit havaaghanun nunanun ikajuutinunlu munaridjutinun havaaghat.
- Quvianaqtuq havaaghanun pijaghat nunatigut ikajuutikkullu munaridjutit.
Apirhuutigijauraanginnaqtun
Hunauva Inunguqsaivik iliharnirmun nunallaaq?
Inunnguqsaivik tamangnik upautijunun qaritaujakkut ilihautinun nunallaat tapkua ikajuqtut ilihaqtunun pijaarnirmun iliharnirmun ilihaidjutinunlu, aikajuutinun, havangnirmunlu atungnirmun nunami ikajuutinunlu munaridjutinun. Ilauniq hapkununga Inunnguqsaivik pijaghaqaniaqtutit atanirmun aalanun atiliuqhimjunun aadjikiivjaktunun pinahuarutinun pijaarnirmunlu amigaitut aalakiit ihuaqhaqhimajut ikajuutit ihariagijarnun.
Hunat ikajuutit tunijaujut?
Inunguqsaivik tuniniaqtaatin ajurhaittunik pidjutkkhahik amigaittunun ikajurutikhanun taapkuat ihuarhaqtauttaaqtun ihariagijarnun iniqtiqtillutin ajuirharnikkut pidjutinun. Hapkuat ikajuutit ilaqaqtun ajuirhaijiqarluni, ikajuqtiqarluni, ajuirhaqatigiiktuni ikajurnikkut katimadjutit pidjutikhaniklu aallanun ajuittunun ikajuqtaaqtaatin havaakhakkut hivunikhaliurnirnun, ilihautikhanun hivunikhaliurnirnun, nutaanguinnaqtunun ikajuutinik, aanniaqtailirnirmun inuuhiriknirnullu ikajuutinik, maniliqinirnun ikajuutinik, ikajuutikhaniklu ilagiiktunun.
Iniqhimaitara angajukhiinni ilihaidjutit; ilaujaaqqinga huli?
Hii! Ilaunia Inunguqsaivingmi pidjutiqangittuq ikinikhaanun iliharhimanirnun. Naliak inirniuguvin iniqhimajutin ilanganik angajukhiit iliharniinnik imaaluunniit ilihaqtutin iliharvingmi, pijumaguvin havaakhamik ukunani nunamun piqutainnullu munaridjutainnun, pilik amigaittunik ilihautikhanun uuktuqvikhanik upalungaijautikharni nutaamun havaakharnun. Ilangit ajuirharnikkut pidjutikhat pitquiniarungnarhijun aallaniklu iliharutikhanik ajuirharutikhanikluunniit, pilunilu kingullikkullu iliharvigjuani ilihautinik. Angajukhiinni iliharuvin tadja, ikajuqtaaqtugun hivunikhaliurnikkut qanuriliurutikharnik iniruvin iliharvingmin. Kinaliqaak uuktuqtaaqtuq!
Hunat (qanuriniit) havaaghat piinariaqaqqat?
Pilik aallakkiingnik havaakhat ilaujun uvani munaridjtainni Nunavunmi kavamatkunni nunainni piqutainnilu ilaujullu nalunaqtuni-tunnganiqaqtuni ajuittuni nutaanguraanginnaqtunilu havaakhani, atugakhani havaakhani, pinahuarutillu titiqiqinirmun havaaghat. Hapkua havaaghat aalakiini aktilaangit ilihalirnirmun atangujaunirmun.
Huuq hapkuat havaakhat hailihimaliqqat?
Nutaat havaakhakkut uuktuqvikhat hailihimalirniaqtun uvani Nunavut Kavamangani pidjutaani Nanminiqhuurnikkut - nutirniani munaridjutainni ukunani Nunavutim kavamatkunni nunait (nuna) piqutainnilu talvannga Kanadaup Kavamanganin uvunga Nunavut Kavamanganun. Angirutit aivaqtauhimajuq ukunani Nunavut Kavamanganin, Kanadaup Kavamanganin Nunavut Tunngavitkunnillu pidjutaani uumani nutirutimi.
Ilitturijuummirutikhanun mighaagun Nanminiqhuurnikkut takulugu: https://www.gov.nu.ca/ikt/devolution/talvuuna-nanminiqhurnikkut
Huuq nuna piqutinilu munaridjutait aghungnaqqat Nunavunmun?
Nuna piqutinilu munaridjutait ihariagijaujuq tammaqtailinirnun, munaridjutainnullu auladjutikhainnullu nakuunikhainnullu nunami najurvigijaujunilu, ukunanilu pitquhikkut ingilraangnikkullu anginiqarutainnun. Hapkuat havaangit munariyakhangillu hapummiutigiami pihimagiamilu nuna ilaani taiyauyuq uuminnga nuna "munariniq" unaluuniit "munaqtiuyut" akhuurutauyutlu taimaa piliuriami nakuuyunik ilaliutiniq uumunnga Inuit Qaujimajatuqangit unalu Inuit inmikkut-ihumaliurniq.
Kitut timiqutit ilaujun uumani havaktami?
Inunnguqsaivik ilaujuq hapkununga Nuulaaqtuq Havaktuliqijikkut Pivallianinginik Qanuriliurutikhat Nanminiqtuurniq havaktauhimajuq havaqatigiblugit Kavamatkut Nunavunmi , Nunavut Tunngavik Incorporated, ukualu Kavamatkut Kanadami.