Kiinaujaliqidjutainik Munaridjutait
Kiinaujaliqidjutainik Munaridjutait
Kiinaujaliqidjutainik Munaridjutait havaktaujut Atangujamin, Mliruagahakkut, Upalungaijautikkut Maligakullu havagvia, Kiinaujaliqijit Kivgaqtungnirmun havagiva, ukualu Hilap Aalanguqtirniranun Titiraliqivik.
Atanngujaq munaqihijuq tamainun munaridjutinun atugahaillu Havagviat Avatiliqijit Havagvianun ilaujullu havagviit Tugliqrup Ministap unalu Ikajuqti Tugliq Minista. Atangujaq tunihijuq hivuliqhungnirmik havagvingmun pihimablugillu pinahuarutit ukualu kivgaqtuutit tunijaujut havagvingmin pidjutiqaqtut hivuliujaghait kavamatkut. Atangujaplu havaarijaa hivuliqhungnirmik atulirniranun Inuit Inuudjuhiini Aturniqaqtut tamainun havagviit hulidjutainun.
Atugakhanun, Upalungaijautit Maligallu havagvia havaarijaat havakhugit tutqighaqhugillu maliruagahat, maligat pivalliadjutait, upalungaijainirmun havauhighait havagviit, tunihijullu uqaujinirmik maliruagahatigut hanaqidjutinunlu atugahainik Atanngujaqarvingmun, pijariaqaqata. Havagviup havaqatigiblugit ihuaqtumik tuhaqtidjutinik havagvingmi, ukua GNkut ukualu Nunavummiut, kanadamilu nunajuamilu inuit. Havagviuplu havakhugit avatiliqinirmun ilihaidjutit tutqighaqhugillu amigaitut havagviitigut ihaangnirmun pinahuarutit.
Kiinaujaliqijit Kivgaqtungnirmun havagviat tunihijut tamainun ikajuutinik havagvingmun pihimablugillu tamaita pinahuaurtit kivgaqtuutillu ihuaqtumik munarijaujut. Pipkaiblugillu tapkua maniliqinirmun ukualu havaktuliqijit auladjutait Havagvianun Avatiliqijit havaktaujut malikhugit maliruagahat havauhiillu havakviup ukualu GNkut.
Hilap Aallangunguqniranun Titiraqtia maligaqaqtuq hapkunanga: Upagiaqtavut - ukua GNkut Hilap Aalangunguqniranun hungniutinirmun hanaqidjutaa; ukua Tamaini-Ukiuqtaqtumi Hungiutinirmun Hanaqidjutit; ukualu halumajunik auladjutinun-ilaujut pidjutigijaujut haffumunga Ikummatiit - ukua GNkut auladjutikkut hanaqidjutait, ilaungmata Nunavunmi aghuurutinun hilap aalanguqtirniranun hungiutinirmun ihuaqhijuumirnirmunlu. Hilap Aalanguqpalianiranun Titiraqti havakhugit inungnun ilituqhaidjutit hulaqutainun hilap aalanguqtirniranun havakhugillu aviktuqhimajumi-tamaani ihaangnikkut hulidjutit. Hilap Aalanguqpalianiranun Titiraqti ikajuqhugit kanadami nunaqjuamilu pinahuarutit hilap aalanguqtirniranun aghuurutigiblugillu ilituqhaidjutait hapkua Inuit Qaujimajatuqangit hilap aalanguqtirniranunlu havaqatigiigutait ihumaliurutinun Nunavunmi.