Nunallaani Kavamatkut havaktait unalu Haamlatkunnullu Nuutirutikhait
Havagvingit Nunalaani Pivalliadjutikharni imaalu Nunalaani Ikajuuqtikhainnik munaqhivaktut pivalliadjutikhainnik nunamingni piliurutikhanik havaqatigiiklutik imaalu ajuiqharvikhainnik niruaqtauhimajut katimajiit imaalu hamlatkut havaktiinnut. Havagvingit ikajuqpaktut nunallaanik atuqtakhainnik ikajuutikhainniklu piqaqtittugit munaqhidjutikhainnik naunaijautikhainniklu ikajuutikhanik. Kiinajaliqinikkut ikajuutikhainnik tunijauvaktut ihuaqhaqhimajunut nunallaani ikajuutikhainnik atuqtakhainnik.
Nunallaani Upalungaijautikhat Nunaniklu munaqhijukhaujut aullaniinik Kamisinap Nunannik maliqatijunik uminga Kamisinap Nunanik Maligaq umingalu Nunavunmi Nunataarutaanut Angirutaa, tuniplugit munariplugillu nunallaani upalungaijautikhainnik hulipkaidjutikhanik imaalu tuniplugit piqutait nunagijanik naunaijautikhanut ikajuutikhanik tamainnut nunanut Nunavunmi. Nunallaani Upalungaijautikhat Nunaniklu ikajuutikhainniklu nunallaani piliurnirmik Nunallaani aulapkaihimmarnirmut upalungaijautikhanik.
Ulapqidjutinik Ulapqipkaijununlu munaqhivaktut akhuuqhaidjutikhannik, pivalliadjutikhanik ulapqipkaidjtuikhaniklu nutaanik ulapqidjutikhanik, ulapqidjutinik iqaijautikhaniklu hulipkaidjutikhainnik Nunavummiut talvuuna atanngujaqarviat havagviat Qamanittuarmi aimaalu aalllanik havaktikhanik nunaqaqtunik Kugluktumi Iqalungnillu. Ulapqidjutinik Ulapqipkaijununlu atuqtiinnut ilaujut avikturnianni Ulapqidjutinik Ulapqipkaijununlu timiqutigijait, ulapqiqatigiiktut, akiittumik ikajuqtujut timiqutigijait hamlatkuni kuapuliisiujut. Havagvingat ihuaqhaivaktut Nunavuntim ilaudjutikhainnik amigaittuni ulapqidjutikhani imaittunik Ukiuqtaqtumi Ukiumi Ulapqidjut, Kanadami Ukiumi Aujamillu Ulapqidjutit, Hivuraani Kanadami Aujamillu Ulapqidjutit ukuallu North American Nunaqaqqaaqtut Ulapqidjutit.
Tapkuat Nunavut Amigarnarhijumi Munaridjutimi Havagvia havakvia munarijaat tuniudjutmi qinirhianikkut aulapkaidjutainnik amigarnarhijunilu upalungaiqhimanirnik.
Nunallaani Napaqtirinirmun ikajuutit ikajuqtait nunallaani kavamatkut akitujutigut upalungaijautait ukualu aturaaqpauhiit munaridjutait haamlatkullu igluqpait. Havaktaaktuq ukuallu Nunavut Nunallaani Aulapkaidjutikhanik Uqaudjit Katimajiita naunaiqtait nunallaani akitijut aulapkaidjutikhanut upalungaijautikhat imaalu hivulliutijakhat ikajuqhugillu nunallaani pivalliadjutikhanik munaqhilutiklu Ilaliutihimajut Nunallaanun Atuqhimaginaqtukhanut Upalugaijautit. Havagviup turaangajumik havaarijaat atulirnirit, munaridjutit uniudjutillu ataani ukua Kaasiliit itkaptaaksiinun mangit, Nutaaq Igluqpinirmun Kanadami Manikhaq aalallu Kanadami Igluqpinirmun Pinahuarutit.