Nunalingni Kavamatkunnilu Pivikhaqautikkut

CGS-kut havarivagait havagvikmit ikayuqhugit nunallaat haamlatkullu Nunavunmi havalluaqpagainullu ukununga Nunavut Kavamangani havagviit. 

Qaritauyakkuurutikhanut Qanuriliurutikhait Havakpagaillu

Qaritauyakkuurutikhanut Qanuriliurutikhait Havakpagaillu Havagvia havaarivagait tamaat kavamatkuni qaritauyakkuurutikhanut naunaitkutikhanullu munarivlugit taminnut GN-kuni havagviinut havaktakhainullu.

Uqhuqyuanut Havagvia

Uqhuqyuanut Havagvia havaariyaat niuvirhugit, akyakhugit umiakkut, tutquumavlugit, niuvrutigivlugillu tamaita Uqhuqyuanut Pihimayut Nunavunmi.

Maliktakhanut Upalungaiyautikhanullu

Maliktakhanut Upalungaiyautikhanullu Havagvia tunihivaktut naunaitkutikhanik ikayuutikhaniklu Ministaup havagvianut ukuningalu maliktakhanut tuhaqtidjutikhanut ikayuutikhainut atan’nguyalluanut havaktinut talvani Nunalingni Kavamatkunillu Pivikhaqautikkut.

Havaakhamut Pivalliadjutikhanut Munaridjutikhanullu

Havaakhamut Munaridjutikhat ikayuutauyut nunani avikturviinni havakpagianginni havaakhauyanik, munarilugit havaktangit, maniit atugakhanut naunaitkutikhat, qanurinnia, nakuuyumik pidjutikhainut amiriyakhanullu havaktauyakhamut havanahuaqtainut. Havaakhamut Munaridjutikhat havaarivagait kaantraakhat titrauyaqtinut hanadjutikhainullu qauyihaiyinut havaknahuaqtunut kaantraaqaqtunullu. Angiqpagait akiliutikhat, aallan’nguqtirutit unnirutikhallu avagvingmut maniliqinikkullu qanuriliurutainut ikayuqpaktunut havagviknut ukuallu Nunavunmi nunallaat.

Niuvrutikhanut, Kaantraakhanut Upalungaitkutikhanullu

Niuvrutikhanut, Upalungaitkutikhanut Kaantraanullu Ikayuutikhanut havagvia CGS-kuni kaantraaliqiuyut Nunavut Kavamanganut. Ayuittiaqhimavlutik ikayuqpiakpaktut tamainnut niuvvaanikkut upalungaiyautikhainullu pidjutainut, upalungaiyautikhanullu uuktuutikhanut, Tukhiutikhanullu Uukturumayunut kaanraakhanullu.

Uuma havagviup munarivaktaat qaritauyakkut takuyakturvianik naunaitkutikhaqaqtumik kaantraamut piliuqhimayainut Nunavut Kavamanganit. Qaritauyakkut takuyakturvia una: http://public.govnu.ca/.

Nanminiriyanut Piqutinullu Munaridjutikhat

Nanminiriyanut Piqutinullu Munaridjutikhat ikayuutauyut itquumayunut nanminiriyanut munaridjutikhanut havakpagainut akituvallangittunut piqutikhanut ihuaqtunullu munaridjutikhanut GN-kuni akilikhugit atuqpagainut havagviknut ukununga GN-kuni havagviit, katimayiit Timiuyullu.

Nunani Avikturviinni Havagviit

Nunani avikturviinni havagviit Ikayuqpagait nunallaani havaktauyakhat havaktauvaktuniklu. Nunani avikturviinni havagviit ilagiyait CGS-kut ikayuutikhat ukununga Nunavut Kavamanga havakpiakniaqtainut nuutirnirmut.

Kavamatkut Havakpagainut Auladjutikhat

Kavamatkut Havakpagainut Auladjutikhat havagvia havaariyaat angiyunut kavamatkuni piqutinut aturaaqpagianginni munaridjutikhainut unalu: Upalungaiyaklutik ikayuqlutiklu inugnik ikayuqtamingnik ilauqatiiktullu naunaiklugit inmik aturaaqpaktakhanut akituyunut piyakhanut, piliuqlugit ihuaqtut kavamatkut havakpagainut atuqpagait ukununga aulapkaidjutikhanut, qanuq piliuriakhainut munaridjutikhanut havaktakhainut kavamatkuni havaakhanut, ilingaiyainikkut munaridjutikhanullu kavamatkut nanminiriyainut tamayanut hunavalungnulu nanminiriyait atuqtaillu akilikhivlutik iglukpanik.

Uqaqvigivikhat:

Nunalingni Kavamatkunillu Pivikhaqautikkut

Titiraqarvinga 1000, Nayugaa 700, 4th Floor, W.G. Brown Iglukpak, Iqaluit, Nunavut

X0A 0HO

Hivayautaa: (867) 975-5400

Kayumiktukkut: (867) 975-5305