ᐊᐅᓱᐃᑦᑑᑉ ᒥᕝᕕᖓ
ᒥᕝᕕᖕᒥ ᓈᓚᐅᑎᓕᕆᔨᒃᑯᑦ ᑎᑎᕋᕐᕕᖓ: 867-980-9946, @email
ᒥᑦᑕᕐᕕᓕᕆᔨ: 867-980-9946/9959, @email
ᐅᖅᓱᐊᓗᖃᖅᑎᑦᑎᔨ: 867-980-4144, @email
ᐊᐅᓱᐃᑦᑑᑉ ᒥᕝᕕᖓ ᒥᑭᔫᓗᓂᑦ ᑭᒃᑯᑐᐃᓐᓇᕐᓂᑦ ᐊᑐᖅᑕᐅᕗᖅ ᐱᔨᑦᑎᕋᕈᑕᐅᓪᓗᓂᑦ ᐊᐅᓱᐃᑦᑐᕐᒧᑦ. ᒥᕝᕕᒃ ᐊᐅᓱᐃᑦᑑᑉ ᐅᐊᖕᓇᓪᓗᐊᖓᓃᑉᐳᖅ. ᒥᕝᕕᒃ ᐱᔨᑦᑎᕋᕈᑕᐅᕗᖅ ᖃᖓᑕᓲᓕᕆᔨᓄᑦ ᐋᖅᑭᒃᓱᖅᑕᐅᓯᒪᔪᒃᑯᑦ ᓵᑕᖅᑕᐅᓯᒪᔪᒃᑯᓪᓗ ᐃᑭᒪᕝᕕᐅᔪᒃᓴᓄᑦ.
ᒥᕝᕕᐅᑉ ᒥᒃᓵᓄᑦ
ᒥᕝᕕᒃ ᐃᒪᐃᑦᑐᖃᖅᐳᖅ:
- ᐊᑕᐅᓯᖅ ᑐᐊᐸᒃ ᒥᕝᕕᒃ, ᖃᖓᑦᑕᕐᕕᒃ ᐊᒻᒪᓗ ᒥᓯᒪᕝᕕᒃ
- ᖃᖓᑦᑕᕐᕕᒃ (14/32) 1675 ᐃᓯᒑᒃ ᑕᑭᓂᖓ 75 ᐃᓯᒑᒃ ᓯᓕᖕᓂᖓ
ᐊᐅᓚᓂᖓᑦᑕ ᖃᓄᐃᓕᖓᓂᖏᑦ
ᒥᕝᕕᒃ ᐊᑐᐃᓐᓇᐅᔪᖅ ᒪᑯᓄᖓ:
- 24 ᐃᑲᕐᕋᓄᑦ, 7 ᐅᓪᓗᓄᑦ ᐱᓇᓱᐊᕈᓯᕐᒥᑦ
- ᐊᑐᓂ ᐅᓪᓗᒃᑯᑦ ᐅᓐᓄᐊᒃᑯᓪᓗ ᑕᐅᑦᑐᒃᑯᑦ ᖃᖓᑕᔾᔪᑕᐅᔭᕆᐊᓖᑦ ᐊᒻᒪᓗ ᐊᑐᒐᒃᓴᖏᒍᑦ ᖃᖓᑕᔾᔪᑕᐅᔭᕆᐊᓖᑦ
ᐃᖏᕐᕋᓂᖓᑕ ᐃᑲᕐᕋᖏᑦ
ᒥᕝᕕᒃ ᐃᖅᑲᓇᐃᔭᖅᑎᖃᓲᖅ ᐃᑲᕐᕋᖏᑦ ᒪᓕᒃᖢᒋᑦ. ᐅᖄᓚᕕᐅᔪᓐᓇᖅᑐᑦ ᐃᑲᕐᕋᖏᑦᑕ ᓯᓚᑖᒍᑦ.
ᐊᑐᖅᑕᐅᓂᖅᐹᖅ ᖃᖓᑕᓲᖅ
- ᐊᑐᖅᑕᐅᓂᖅᐹᖅ (ᐋᖅᑭᐅᒪᓂᖓ) ᖃᖓᑕᓲᖅ: de Havilland ᒪᕐᕈᓕᒃ
- ᖃᖓᑕᓲᑉ ᓇᓃᓐᓂᖓᑕ ᓈᓴᐅᑖ II (ᓇᓗᓇᐃᒃᑯᑖ 1B TP312 ᑎᓴᒪᖓᒍᑦ)
- ᖃᖓᑕᓲᖅ ᐊᖏᓂᖅᓴᖅ ᐊᑐᖅᑕᐅᓂᖅᐹᕐᒥᑦ ᐊᑐᕈᓐᓇᖅᑐᖅ, ᑭᓯᐊᓂ ᒪᓕᒋᐊᓕᒃ ᑲᓇᑕᒥ ᖃᖓᑕᓲᕐᓄᑦ ᐊᑐᐊᒐᕐᒥᑦ
ᓯᓚᓕᕆᓂᕐᒧᑦ ᖃᖓᑕᓲᓕᕆᓂᕐᒧᓪᓗ ᐱᔨᑦᑎᕋᐅᑏᑦ
ᒥᕝᕕᐅᑉ ᓯᓚᓕᕆᓂᕐᒧᑦ ᖃᖓᑕᓲᓕᕆᓂᕐᒧᓪᓗ ᐱᔨᑦᑎᕋᐅᑎᖏᑦ ᒥᕝᕕᖕᒥ ᓈᓚᐅᑎᓕᕆᔨᒃᑯᓐᓂᑦ ᐊᑐᐃᓐᓇᐅᑎᑕᐅᕗᑦ. ᓈᓚᐅᑎᓕᕆᔨᒃᑯᑦ ᐱᔨᑦᑎᕋᐅᑎᖏᑦ ᐊᐅᓚᑕᐅᕗᖅ ᑲᓇᑕᒥ ᖃᖓᑕᕝᕕᐅᕙᒃᑐᓕᒫᓂᒃ ᓇᐅᑦᑎᖅᓱᖅᑎᓂᑦ. ᐃᑲᕐᕋᖏᑦ ᑎᑎᕋᖅᓯᒪᕗᑦ ᑲᓇᑕᒥ ᖃᖓᑕᓲᓄᑦ ᐊᑐᖅᑕᐅᕙᒃᑐᒥᑦ ᓇᓗᓇᐃᖅᓯᒪᒍᓂᓗ, ᐱᔨᑦᑎᕋᐅᑏᑦ ᐃᑲᕐᕋᕆᔭᐅᔪᑦ ᓯᓚᑖᒍᑦ ᐊᑐᐃᓐᓇᐅᑐᐃᓐᓇᕆᐊᓖᑦ ᐅᖄᓚᕕᐅᓗᑎᒃ.
ᓈᓚᐅᑎᑦ ᓇᓃᑦᑕᕆᐊᖃᕐᓂᖏᑦ ᖃᖓᑕᓲᓕᕆᔨᓪᓗ ᓈᓚᐅᑎᖏᑦᑕ ᓇᓃᑦᑕᕆᐊᖃᕐᓂᖏᑦ ᒥᕝᕕᖕᒥᑦ: 122.1 MHz
ᐃᓚᐅᑎᑕᐅᙱᑦᑐᑦ / ᐊᓯᐊᒎᕈᓐᓇᖅᑎᑕᐅᔪᑦ / ᐱᔪᓐᓇᖅᑎᑕᐅᔪᑦ
ᐃᓚᐅᑎᑕᐅᙱᑦᑐᑦ ᐊᓯᐊᒎᕈᓐᓇᖅᑎᑕᐅᔪᓪᓗ TP312−ᒥᑦ, ᐊᓯᖏᓪᓗ ᐱᔪᓐᓇᖅᑎᑕᐅᔪᑦ ᒥᓂᔅᑕᒥᑦ, ᑐᖅᑯᖅᑕᐅᓯᒪᕗᑦ ᑲᖏᖅᖠᓂᕐᒥᑦ ᑐᖅᑲᖅᑕᕐᕕᖓᓂᑦ.
ᑎᑎᕋᖅᓯᒪᔪᑦ ᐃᓚᐅᑎᑕᐅᙱᑦᑐᑦ / ᐊᓯᐊᒎᕈᓐᓇᖅᑎᑕᐅᔪᑦ / ᐱᔪᓐᓇᖅᑎᑕᐅᔪᑦ
- ᒥᑉᐸᓪᓕᐊᓗᓂᑦ ᒥᕝᕕᐅᑉ ᐅᕕᖓᑎᒋᓂᖓ 14 ᓄᓇᑎᒍᑦ (5% ᐱᖃᑖ 17%). ᖃᖓᑕᓲᖑᕙᒃᑐᑦ ᑭᓐ ᐳᐊᕆᒃᑯᑦ ᑭᓯᐊᓂ ᒥᕝᕕᒃ 14 ᐊᑐᖅᑕᐅᙱᒃᑯᓂᑦ ᑎᑭᑉᐸᓪᓕᐊᔪᓄᑦ ᐅᕝᕙᓘᓐᓃᑦ ᒥᕝᕕᒃ 32 ᐊᐅᓪᓚᕆᐊᖅᑐᖅᑐᓄᑦ.
- ᐊᑐᕈᓯᐅᙱᑦᑐᒃᑯᑦ ᓴᙴᖅᑐᒃᑯᑦ ᒥᑦᑕᖅᑐᕈᓯᖅ ᒥᕝᕕᖕᒧ 32. ᐊᑐᕈᓯᐅᙱᑦᑐᒃᑯᑦ ᒥᑦᑕᖅᑐᕈᓯᖅ ᓴᙴᖅᑐᒃᑯᑦ ᖃᐅᒻᒪᖅᑯᑎᒃᑯᑦ ᖄᖏᐅᑎᔾᔪᑎᒧᑦ ᓇᓗᓇᐃᒃᑯᑕᖃᖅᖢᓂᓗ ᐊᒻᒪᓗ VASIS ᓵᙵᓪᓗᓂᑦ ᓴᙴᖅᑐᒧᑦ ᒥᑦᑕᖅᑐᕐᕕᖕᒧᑦ ᒪᓕᒡᓗᒍ ICAO−ᑎᒍᑦ ᐊᑐᖁᔭᐅᔪᑦ. ᓴᙴᖅᑐᒃᑯᑦ ᒥᑦᑕᖅᑐᕈᓯᖅ ᐊᑦᑕᕐᓇᙱᑦᑐᒃᑯᑦ ᒥᑦᑕᖅᑐᕈᑎᐅᕗᖅ ᓄᓇᖓᓄᑦ ᖃᖓᑕᓲᕐᓄᑦ ᐊᑐᖅᑕᐅᕙᒃᑐᓄᑦ ᐊᐅᓱᐃᑦᑐᕐᒧᑦ.
- ᖃᖓᑕᓲᖅ ᓄᖅᑲᕆᐊᓕᒃ ᒥᓯᒪᕝᕕᐅᑉ ᑲᓇᖕᓂᖅᐸᓯᐊᓂᑦ, ᒥᕝᕕᐅᑉ ᐅᑕᖅᑭᕕᖓᑕ ᖃᓂᒋᔭᖓᓂ, ᒥᕝᕕᐅᑉ ᓯᓚᑖᓃᖁᓪᓗᒍᑦ (ᐆᒃᑐᕋᖅᖢᒍᑦ 60m ᒥᕝᕕᐅᑉ ᕿᑎᐊᓂ).
- ᒥᕝᕕᐅᑉ ᑭᒡᓕᐊᓃᑦᑐᑦ ᖃᐅᒻᒪᖅᑯᑏᑦ ᐃᓕᓯᒪᔪᑦ ᖁᑦᑎᖕᓂᖅᓴᐅᓪᓗᑎᒃ ᐊᑐᖅᑕᐅᕙᒃᑐᒥᑦ (70 cm ᐅᕝᕙᓘᓐᓃᑦ 27 ᐃᓐᓯᔅᓗᐊᖅ ᖁᑦᑎᖕᓂᖓ ᑕᓪᓕᒪᑦ ᐃᓯᒐᑦ ᒥᕝᕕᐅᑉ ᐊᕙᑖᓂ).