ᐃᓐᓇᕐᓄᑦ ᐅᖅᓱᐊᓗᖕᒧᑦ ᐃᑲᔫᑎᑦ (SFS)
ᐃᓐᓇᕐᓄᑦ ᐅᖅᓱᐊᓗᖕᓂᑦ ᐃᑲᔫᑏᑦ ᐃᑲᔫᑕᐅᕙᒃᑐᑦ ᐊᑭᑐᓗᐊᕐᓂᖏᓐᓄᑦ ᐅᖅᑰᑎᑦᑎᓇᓱᐊᖅᑎᓪᓗᒋᑦ ᐊᖏᕐᕋᕆᔭᒥᓂᑦ ᓇᖕᒥᓂᕆᔭᒥᓂᑦ.
ᐱᔪᓐᓇᒃᑐᑦ ᓇᖕᒥᓂᖃᖅᑐᑦ ᐃᒡᓗᒥᑦ ᐅᑎᖅᑎᑦᑎᕕᐅᔪᓐᓇᖅᑐᖅ ᐊᑭᖏᓐᓂ ᐅᖅᓱᐊᓗᒃᑖᕈᑎᒃᓴᓂᑦ ᑎᑭᓪᓗᒍ 3,500 ᓖᑕᓂᑦ.
ᑮᓇᐅᔾᔭᒃᓵᖏᑦ ᖃᐅᔨᓴᖅᑕᐅᔭᕆᐊᓖᑦ ᐱᔪᓐᓇᕋᔭᕐᒪᖔᖅ ᑕᐃᒪᐃᑦᑐᒥᑦ ᑐᑦᓯᕋᖅᑐᐃᓪᓘᓐᓃᑦ ᒪᓕᒃᑲᓗᐊᕐᒪᖔᖅ ᐊᑐᕆᐊᓕᑦ ᑭᒡᓕᖏᓐᓂᑦ.
ᐱᔪᓐᓇᕐᑐᑦ* ᐱᔪᓐᓇᕐᓂᐊᕐᓗᑎᑦ ᐆᒧᖓ ᐃᑲᔫᑎᒧᑦ, ᑐᒃᓯᕋᖅᑐᑦ ᐃᒪᐃᑦᑕᕆᐊᓕᑦ:
- ᓄᓇᕗᒻᒥᐅᑕᐅᒋᐊᓕᒃ
- ᐅᑭᐅᖃᕆᐊᓕᒃ 60−ᓂᑦ ᐅᖓᑖᓄᓪᓘᓐᓃᑦ
- ᓇᖕᒥᓂᖅ ᐊᖏᕐᕋᖃᕐᓗᓂ ᓇᔪᕐᓗᓂᐅᒡᓗ ᐃᑲᔫᓯᐊᖅᑖᕈᑎᒋᓇᓱᒃᑕᒥᓄᑦ
- ᐊᖑᒻᒪᑎᓗᑎᑦ ᐱᔪᓐᓇᖅᑎᑕᐅᔪᓄᑦ ᐋᖅᑭᒃᑕᐅᓯᒪᔪᓄᑦ ᑮᓇᐅᔭᓕᐊᓄᑦ ᐅᑎᖅᑎᒐᒃᓴᐅᔪᓐᓃᕐᕕᖓᓄᑦ ᓇᓕᖅᑲᖃᙱᓪᓗᓂ ᓂᖃᐃᓱᕐᓂᕐᒧᑦ
- ᑐᒃᓯᕋᕐᓗᑎᑦ ᐊᕐᕌᒍᑕᒫᑦ
ᐅᑯᐊ ᖃᐅᔨᒪᓗᒋᑦ:
ᓇᖕᒥᓂᖃᖅᑎᑦ ᑮᓇᐅᔭᓕᐅᕐᑎᑦ $75,000−ᓂᑦ ᐱᔪᓐᓇᑐᐃᓐᓇᕆᐊᓕᑦ ᐅᖅᓱᐊᓗᖕᒧᑦ ᐃᑲᔫᑎᒧᑦ 100 ᐳᓴᓐᑎᒥᑦ.
ᐃᑦᑐᐃᑦ ᐃᓐᓇᓪᓚᕇᓪᓘᓃᑦ ᑮᓇᐅᔾᔭᒃᓴᒍᑎᒃ $75,000 ᐅᖓᑖᓂ ᑭᓯᐊᓂ $100,000 ᑐᖔᓃᑉᐸᑦ ᐊᑭᓕᐅᑎᒋᔭᖏᑦᑕ ᓇᑉᐸᖓᓂᒃ ᐃᑲᔫᓯᐊᕈᓐᓇᖅᖢᑎᒃ.
ᓇᒻᒥᓂᖃᖅᑎ (ᑏᑦ) ᑮᓇᐅᔭᓕᐅᕐᑐᑦ ᐅᖓᑖᓄᑦ $100,000 ᐱᔪᓐᓇᙱᑦᑐᑦ ᐅᖅᓱᐊᓗᒻᒧᑦ ᐃᑲᔫᑎᒥᑦ.
ᖃᓄᖅ ᐱᓇᓱᐊᕐᕕᑦᓴᐅᒻᒪᖔᑦ:
ᓄᓇᓕᑦᓯᓂ ᐃᑲᔫᓯᐊᖅᑎᑦᓯᔨ ᐃᑲᔪᕈᓐᓇᖅᑐᖅ ᐃᓕᓐᓂᑦ ᑐᑦᓯᕋᐅᓯᐅᕐᓂᕐᒥᒃ.
ᐅᑯᐊ ᑎᑎᖅᑲᖁᑎᒋᔭᐅᔭᕆᐊᓖᑦ ᐱᔭᕇᖅᓯᓂᕐᒧᑦ ᖃᐅᔨᓴᖅᑕᐅᖁᔨᔾᔪᑎᒧᑦ:
- ᐱᔭᕇᖅᓯᒪᔪᖅ ᑐᑦᓯᕋᐅᑎ ᑕᑕᑎᕆᐊᓕᒃ;
- ᓇᓕᖅᑲᓄᑦ ᐱᔪᓐᓇᐅᑎᑖᖅᑎᑕᐅᔪᓪᓗ ᑕᑕᑎᕆᐊᓕᒃ;
- ᐃᓅᔪᖅᓯᐅᑎ ᐊᒻᒪ ᓴᓇᔪᓐᓇᐅᑎ
- ᖃᔅᓯᐅᓂᖏᑦ ᐃᓄᓕᒫᓄᑦ ᑕᐃᔭᐅᓯᒪᔪᑦ ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᑎᑎᖅᑲᖁᑎᒋᔭᐅᔪᓂᒃ;
- ᐃᓪᓗᒥᑦ ᓇᒻᒥᓂᖃᕐᓂᕐᒧᑦ ᓇᓗᓇᐃᒃᑯᑕᖃᕐᓗᓂ (ᑕᐃᒎᓯᖓ, ᐱᓯᒪᔾᔪᑏᑦ ᓇᒻᒥᓂᖅᑖᐸᓪᓕᐊᓂᕐᒧᓪᓘᓐᓃᑦ ᐊᑭᓕᖅᓱᒐᒃᓴᕐᒧᑦ ᑎᑎᖅᑲᖁᑎᓂᒃ);
- ᐃᓐᑲᒥᑖᒃᓯᑎᒃᑯᑦ ᖃᐅᔨᓴᕈᑕᐅᔪᓂᒃ ᓇᓗᓇᐃᔭᐃᓃᑦ ᐊᕐᕌᒎᓚᐅᖅᑐᒥ ᐊᑎᖃᖅᑐᓕᒫᓄᑦ ᓇᖕᒥᓂᖁᑎᖃᖅᑑᑉ ᑎᑎᖅᑲᖁᑎᖏᓐᓂᒃ
ᑐᑭᓯᒋᐊᕐᕕᒃᓴᑦ
ᐃᑲᔪᖅᑕᐅᔪᒪᓗᓂ ᑐᑭᓯᒋᐊᕈᒪᓗᓂᓘᓐᓃᑦ, ᖃᐅᔨᒋᐊᕐᕕᒋᓗᒋᑦ ᓂᖃᐃᓱᕐᕕᖕᓄᑦ ᓄᓇᓄᑦ ᐊᕕᒃᑐᖅᓯᒪᔪᓄᑦ ᐊᖓᔪᖅᑳᖃᕐᕖᑦ:
ᑭᕙᓪᓕᖅ (ᑲᖏᖅᖠᓂᖅ): 867-645-5040 ᑐᕌᕈᑖ 1604 ᐅᕝᕙᓘᓐᓃᑦ 1-800-953-8516
ᕿᑭᖅᑕᓂ (ᐸᖕᓂᖅᑑᖅ): 867-473-2615; 867-473-8800 ᐅᕝᕙᓘᓐᓃᑦ 1-800-567-1514
ᕿᑎᕐᒥᐅᑦ (ᐃᖃᓗᒃᑑᑦᑎᐊᖅ): 867-983-4082 ᐅᕝᕙᓘᓐᓃᑦ 1-800-661-0845