ᐱᐅᓯᒋᐊᕈᑎᑦ ᐅᖅᓱᐊᓗᖕᒧᑦ ᐱᐅᓂᖓᓄᑦ ᐊᐅᓚᑦᑎᔾᔪᑎᒧᑦ
ᓄᓇᕗᑦ ᒐᕙᒪᒃᑯᖏᑦᑕ ᐅᖅᓱᐊᓗᓕᕆᔨᒃᑯᖏᑦ ᐊᑐᓕᖅᑎᑦᑎᕙᓪᓕᐊᕗᑦ ᐊᑐᖅᑕᐅᔪᓐᓇᖅᑐᓂᒃ ᐱᐅᓯᒋᐊᖅᑎᑦᑎᔪᒪᓪᓗᑎᒃ ᐅᖅᓱᐊᓗᖕᒧᑦ ᐱᐅᓂᕆᔭᖓᓂᒃ ᐊᐅᓚᑦᑎᕝᕕᖃᕐᓂᕐᒥᒃ, ᓇᓗᙱᑦᑎᐊᕈᒪᓂᕐᒥᓄᑦ ᐱᐅᓛᓂᒃ ᐊᑐᖅᑕᐅᕙᒃᑐᓂᒃ.
2024−ᒥ, ᐅᖅᓱᐊᓗᓕᕆᔨᒃᑯᑦ ᓴᖅᑭᑦᑎᓚᐅᖅᐳᑦ ᐊᕐᕌᒍ ᕿᑎᖅᐸᖅᑎᓪᓗᒍ ᐃᓕᑕᕆᔭᐅᔾᔪᑎᑖᖅᓯᒪᓕᕐᓂᖏᓐᓂᒃ ᒑᓴᓖᒥᒃ, ᓇᓗᓇᐃᖅᓯᓪᓗᑎᒃ ᖃᐅᔨᓴᒐᒃᓴᓕᒫᑦ ᒪᓕᑦᑎᐊᕐᓂᖏᓐᓂᒃ ᖄᖏᐅᑎᓗᑎᒡᓘᓐᓃᑦ ᑲᓇᑕᒥ ᑭᓱᑐᐃᓐᓇᓄᑦ ᒪᓕᒃᑕᐅᕙᒃᑐᓂᒃ ᑲᑎᒪᔨᓄᑦ ᒪᓕᒋᐊᓕᖏᓐᓂᒃ ᐊᕐᕌᒍᓕᒫᒥ. ᑕᒪᓐᓇ ᒪᓕᒃᑎᑦᑎᕗᖅ ᒑᓴᓖᒥᒃ ᖃᐅᔨᓴᖅᓯᓂᕐᒥᒃ ᑎᖕᒥᓲᓄᑦ ᐅᖅᓱᐅᓗᖕᒧᑦ ᐊᑐᖅᑕᐅᕙᒃᑐᓄᑦ.
ᐱᕚᓪᓕᖅᑎᑦᑐᒪᓪᓗᒋᑦ ᓂᐅᕕᖅᐸᒃᑐᑦ ᐃᓚᐅᖃᑦᑕᕐᓂᖏᑦ ᑭᐅᑦᑎᐊᕈᓐᓇᕐᓂᖏᓪᓗ, ᐅᖅᓱᐊᓗᓕᕆᔨᒃᑯᑦ ᐋᖅᑭᒃᓯᓯᒪᓕᖅᑐᑦ ᐃᕐᖐᓐᓈᖅᑕᐅᒃᑯᑦ ᑎᑎᕋᐅᑎᓂᒃ, @email, ᖃᐅᔨᒋᐊᕈᒪᔪᓄᑦ ᐅᕝᕙᓘᓐᓃᑦ ᐃᓱᒫᓘᑕᐅᔪᓄᑦ ᐅᖅᓱᐊᓗᒃ ᐱᐅᓂᕆᔭᖓᓄᑦ.
ᐅᖅᓱᐊᓗᓕᕆᔨᒃᑯᑦ ᐊᑐᐃᓐᓇᐅᓕᖅᑎᑦᑎᒃᑲᓐᓂᕆᕗᑦ ᖃᐅᔨᓴᖅᑕᐅᔾᔪᑎᓂᒃ ᖃᐅᔨᓴᕐᕕᖕᓂ ᖃᐅᔨᓴᑦᑎᐊᒃᑲᓐᓂᖁᓪᓗᒋᑦ ᐅᖃᐅᓯᐅᔪᓄᑦ ᐱᐅᓂᖏᑦ ᐊᐅᓚᑦᑎᓂᕐᒧᑦ ᐱᔾᔪᑕᐅᔪᑦ. ᑲᔪᓯᔪᒃᑯᑦ ᑐᒃᓯᕋᐅᑎᓂᒃ ᐱᔪᒪᔾᔪᑏᑦ ᐊᖏᓪᓕᒋᐊᖅᑕᐅᓂᖏᓐᓄᑦ ᖃᐅᔨᓴᕐᓂᕐᒧᑦ ᐱᔨᑦᓯᕋᐅᑎᓄᑦ, ᐃᓚᒋᔭᖃᕐᒥᔪᖅ ᐅᖅᓱᐊᓗᒻᒧᑦ ᓱᕈᔾᔭᐃᒃᑯᑎᓂᒃ, ᐱᕙᓪᓕᐊᔪᖅ ᓴᙱᓕᑎᑦᓯᓂᕐᒥᒃ ᐱᐅᓂᖏᓐᓂᒃ ᖃᐅᔨᓴᕋᓱᐊᕐᓂᑎᓐᓄᑦ.
ᖃᐅᔨᒋᐊᕈᒪᒍᕕᓪᓘᓐᓃᑦ ᐅᖅᓱᐅᓗ ᐱᐅᓂᖓᓄᑦ ᐃᓱᒫᓘᑎᓂᑦ, ᖃᐅᔨᒋᐊᕐᕕᒋᓗᒋᑦ @email.