ᑲᓇᑕᒥ ᓄᑕᖅᑲᑦ ᐅᓪᓗᖓ 2023-ᒥ
ᑭᖑᓪᓕᖅᐹᒥᒃ ᓄᑖᙳᕆᐊᖅᑎᑕᐅᓚᐅᖅᑐᖅ ᓇᒡᒐᔾᔭ, ᓄᕕᐱᕆ 20, 2023
ᓄᕕᐱᕆ 20-ᒥ, ᐃᓕᓐᓂᐊᕐᓂᓕᕆᔨᒃᑯᑦ ᑐᙵᓱᒃᑎᑦᑎᓂᐊᖅᑐᑦ ᓄᓇᕗᒥᐅᓕᒫᓂᒃ ᖁᕕᐊᓱᖃᑕᐅᖁᓪᓗᒋᑦ ᑲᓇᑕᒥ ᓄᑕᖅᑲᑦ ᐅᓪᓗᖓᓂ.
ᑲᓇᑕᒥ ᓄᑕᖅᑲᑦ ᐅᓪᓗᖓ ᖁᕕᐊᓲᑎᒋᔭᐅᓲᖅ ᑲᓇᑕᓕᒫᒥ ᐊᖏᖅᓯᒪᓂᖏᑦ ᓴᐳᑎᓗᒋᑦ ᓄᑕᖅᑲᑦ ᐱᔪᓐᓇᐅᑎᖏᑦ ᒪᕐᕉᖕᓂᒃ ᐊᑐᖅᑕᐅᔪᕕᓂᕐᓂᒃ: 1959−ᒥ ᐊᑎᓕᐅᖅᑕᐅᑎᓪᓗᒍ ᑲᑐᔾᔨᖃᑎᒌᒡᔪᐊᑦ ᓄᓇᕐᔪᐊᒥ ᐱᖁᔨᔾᔪᑎ ᐱᔪᓐᓇᐅᑎᖏᓐᓂ ᓄᑕᖅᑲᓄᑦ ᐊᒻᒪᓗ ᑎᒍᐊᖅᓯᓂᕐᒧᑦ ᑲᑐᔾᔨᖃᑎᒌᒡᔪᐊᑦ ᓄᓇᕐᔪᐊᒥ ᑲᑎᒪᕕᒡᔪᐊᕐᓂᖅ ᐱᔪᓐᓇᐅᑎᖏᓐᓄᑦ ᓄᑕᖅᑲᓄᑦ 1989−ᒥ.
ᐊᖏᖅᑕᐅᓗᑎᒃ ᓄᓇᕐᔪᐊᕐᒥ ᑲᑎᒪᕐᔪᐊᖅᑐᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐱᔾᔪᑕᐅᓪᓗᑎᒃ 1991−ᒥ, ᑲᓇᑕᒥ ᐊᖏᓚᐅᖅᓯᒪᕗᑦ ᖃᐅᔨᒪᔪᒪᓪᓗᑎᒃ ᓄᑕᕋᓕᒫᑦ ᐃᒃᐱᒋᔭᐅᑦᑎᐊᕐᓂᖏᓐᓂᒃ. ᐅᓇ ᐊᖏᕈᑕᐅᔪᖅ ᐃᓚᓕᐅᔾᔨᓯᒪᔪᖅ ᓄᑕᖅᑲᓄᑦ ᐱᕕᒃᓴᕆᔭᐅᔪᓐᓇᕐᒪᑦ ᓂᓪᓕᕈᓐᓇᖅᖢᑎᒃ, ᓴᐳᔾᔭᐅᓗᑎᒃ ᐋᓐᓂᖅᑕᐅᑦᑕᐃᓕᓂᕐᒧᑦ ᐊᑐᐃᓐᓇᕈᕐᕕᐅᕙᒡᓗᑎᒡᓗ ᖃᐅᑕᒫᑦ ᐊᑐᕆᐊᖃᖅᑕᖏᓐᓄᑦ ᑕᒪᕐᒥᑦᑎᐊᕐᓗ ᐱᕕᒃᓴᕆᔭᐅᔪᓐᓇᖅᑐᑦ ᐊᔪᙱᔾᔪᑎᒋᑦᑎᐊᖁᓪᓗᒋᑦ.
ᑲᓇᑕᒥ ᓄᑕᖅᑲᓄᑦ ᐅᓪᓗᕆᔭᐅᓕᖅᐸᑦ, ᐃᓕᑕᖅᓯᐅᒪᒐᑦᑕ ᖁᕕᐊᓲᑎᖃᖅᖢᑕᓗ ᓄᑕᖅᑲᓂᒃ ᒪᒃᑯᒃᑐᓂᒡᓗ ᐆᒻᒪᕆᑦᑎᐊᕐᓂᖏᓐᓄᑦ, ᐊᓐᓂᕐᓇᕐᓂᖏᓐᓄᑦ, ᓄᓇᑦᑎᓐᓂᓪᓗ ᓄᓇᖃᖃᑕᐅᓂᖏᓐᓄᑦ.