ᑲᓇᑕᒥ ᐃᓱᒪᓕᕆᓂᕐᒧᑦ ᐱᓇᓱᐊᕈᓯᖅ

ᐃᓱᒪᓕᕆᓂᕐᒧᑦ ᐱᓇᓱᐊᕈᓯᖅ ᒪᐃ 6−ᒥ 12−ᒧᓄ, 2024 ᐋᓐᓂᐊᖃᕐᓇᙱᑦᑐᓕᕆᔨᒃᑯᓪᓗ ᑎᓕᐅᕆᕗᑦ ᓄᓇᕗᒥᐅᓂᒃ ᐱᕕᖃᖁᓪᓗᒋᑦ ᐃᓕᑦᑎᕙᓪᓕᐊᓂᕐᒧᑦ, ᐅᖃᖃᑎᖃᕐᓂᕐᒧᑦ ᑲᓲᑎᖃᑎᖃᕐᓂᕐᒧᓪᓗ ᐱᖃᑎᓐᓂᒃ, ᐃᓚᓐᓂᒃ ᐃᓄᑐᖃᕐᓂᓪᓗ ᐃᓱᒪᓕᕆᓂᐅᑉ ᖃᓄᐃᙱᑦᓯᐊᕐᓂᐅᓪᓗ ᒥᑦᓵᓄᑦ.

ᑕᕝᕙᓂ ᐊᕐᕌᒍᒥ ᐱᔾᔪᑕᐅᓂᐊᖅᑐᖅ, ᒪᒥᓴᕐᓂᖅ ᓇᓪᓕᒍᓱᓐᓂᒃᑯᑦ, ᓄᓇᕗᒻᒥᐅᑦ ᑐᙵᓇᖁᓪᓗᒋᑦ ᐃᒻᒥᓄᑦ ᐊᓯᒥᓄᓪᓗ. ᑲᑐᔾᔨᓪᓗᑕ ᐊᒻᒪ ᐃᓛᒃᑯᑦ, ᐱᔪᓐᓇᕐᓂᖃᖅᑐᐃᓐᓇᐅᒐᑦᑕ ᓇᓪᓕᒍᓱᓐᓂᕐᒥᑦ, ᑕᐃᒪᐃᓐᓂᕈᑦᑕᓗ ᐃᑲᔪᕐᓂᖃᕈᓐᓇᒻᒪᕆᒻᒪᑦ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑎᓕᐅᕆᕗᑦ ᑭᒃᑯᑐᐃᓐᓇᑦᓯᐊᕐᓂᒃ ᑲᑎᖃᑦᑕᖁᔨᓪᓗᑎᒃ ᐱᕕᒃᓴᖃᕐᓗᑎᓪᓗ ᖁᕕᐊᓱᖃᑎᒌᖁᓪᓗᒋᑦ ᓯᕿᓐᓂᖅᑎᓪᓗᒍ ᓄᓇᒥ. ᐃᓚᖏᑦ ᓱᓕᕆᓂᐅᔪᑦ ᐃᓱᒪᒧᑦ ᖃᓄᐃᙱᑦᓯᐊᕐᓂᕐᒧᑦ ᓇᒻᒥᓂᕐᓗ-ᑲᒪᒋᔭᖃᑦᓯᐊᕐᓂᕐᒧᑦ ᐃᓚᖃᖅᑐᑦ: ᓯᓚᒥ ᐊᓂᖅᑎᕆᑲᐃᓐᓇᖃᑦᑕᕐᓂᕐᒧᑦ, ᑎᑎᖅᑐᒐᕐᓂᕐᒧᑦ, ᒥᖅᓱᕐᓂᕐᒧᑦ, ᓴᓇᙳᐊᕐᓂᕐᒧᑦ, ᐱᙳᐊᕐᓂᕐᒧᑦ, ᓈᓚᓐᓂᕐᒧᑦ ᐅᔾᔨᕈᓱᑦᓯᐊᕐᓂᕐᒧᑦ ᑐᓴᕐᓈᒐᕐᓂᑦ ᐃᓱᒪᑦᓴᖅᓯᐅᕐᓂᕐᒧᓪᓘᓐᓃᑦ, ᑕᓯᓴᕐᓂᕐᒧᑦ, ᐱᓱᖃᑎᒋᓗᒍ ᕿᒻᒦᑦ, ᐃᖃᓪᓕᐊᕐᓂᖅ, ᐊᖑᓇᓱᓐᓂᖅ, ᓄᓂᕙᒋᐊᕐᓂᖅ, ᐊᒻᒪᓘᓐᓃᑦ ᖃᒧᑕᐅᔭᕐᓂᒃᑯᑦ.

ᐃᕝᕕ ᖃᐅᔨᒪᔭᓐᓂᓪᓘᓐᓃᑦ ᐊᑦᓱᕈᕐᓇᖅᑐᖅᓯᐅᖅᑐᒥᒃ ᐃᓱᒪᒃᑯᑦ ᖃᓄᐃᙱᑦᓯᐊᕐᓂᕐᒧᓪᓗ, ᐳᐃᒍᖅᑕᐃᓕᒋᑦ ᐃᓄᑑᙱᓐᓇᕕᑦ. ᖃᓄᐃᙱᑦᑐᖅ ᐃᑲᔪᖅᑕᐅᔪᒪᓗᓂ.

ᑲᙳᓇᖅᑐᒃᑯᑦ ᐃᑲᔪᖅᑕᐅᔪᒪᒍᕕᑦ, ᖃᐅᔨᒃᑲᕈᓐᓇᖅᑕᐃᑦ:

ᐃᓅᓯᓕᕆᔭᐅᓂᖅ

• ᒪᒥᓴᕐᓂᖅ ᐅᖃᓪᓚᓐᓂᒃᑯᑦ.
  • ᖃᕆᑕᐅᔭᒃᑯᑦ ᐊᑐᐃᓐᓇᐅᑎᑦᓯᓲᑦ, ᐊᑯᓂᐅᔪᒃᑯᑦ ᐃᓅᓯᓕᕆᔭᐅᓐᓇᖅᑐᖅ ᐃᓄᓐᓄᑦ ᓄᓇᕘᓕᒫᒥᑦ.
  • ᐋᓐᓂᐊᕕᑦᓯᓐᓄᐊᕈᓐᓇᖅᐳᑎᑦ ᑐᑭᓯᒋᐊᒃᑲᓐᓂᕈᒪᒍᕕᑦ, ᐃᕐᖐᓐᓈᖅᑕᐅᒃᑯᑦ @email ᐊᑭᖃᙱᑦᑐᒧᓪᓘᓐᓃᑦ ᐅᖄᓛᓗᑎᑦ ᐅᕗᖓ 1-888-648-0070 ᐅᕝᕙᓘᓐᓃᑦ 867-975-5367.
• ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ/ᐃᓚᒌᓄᑦ ᐃᑲᔫᑏᑦ.
  • 1-800-663-1142.

• ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ ᐃᓅᓯᖃᑦᑎᐊᖅᑐᓕᕆᔨᑦ ᐃᑲᔪᖅᑎᖏᑦ
  • ᐅᖄᓚᐅᑎᒃᑯᑦ ᐊᑐᐃᓐᓇᐅᑎᑦᓯᓲᑦ ᐃᓅᓯᓕᕆᔭᐅᓂᕐᒧᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓂᑦ ᐃᓚᖏᓐᓂᓪᓗ. ᐅᖄᓚᓗᑎᑦ ᐊᑭᖃᙱᑦᑐᒧᑦ ᐅᕗᖓ 1-800-464-8106.
• ᐃᓕᓴᖅᓯᕕᒃ ᐅᖄᓚᐅᑎᒃᑯᑦ ᐃᓅᓯᓕᕆᔭᐅᓂᖅ
  • ᐅᖄᓚᐅᑎᒃᑯᑦ ᐊᑐᐃᓐᓇᐅᑎᑦᓯᓲᖅ ᐃᓅᓯᓕᕆᔭᐅᓂᕐᒧᑦ ᖃᓪᓗᓈᑎᑐᑦ ᐃᓄᒃᑎᑐᓪᓗ, ᓇᒡᒐᔾᔭᐅᒥ-ᑕᓪᓕᒥᕐᒧᓄ 8:30 ᐅᓪᓛᒃᑯᑦ 5-ᒧᓄ ᐅᓐᓄᓴᒃᑯᑦ. ᐅᖄᓚᓗᑎᑦ ᐊᑭᖃᙱᑦᑐᒧᑦ ᐅᕗᖓ 1-888-331-4433.

ᐃᑲᔪᖅᑕᐅᔪᒪᔪᓄᑦ ᐅᖄᓚᕝᕕᒃ ᖃᕆᑕᐅᔭᒃᑯᓪᓗ ᐅᖃᖃᑎᒌᓐᓂᖅ

• ᑲᓇᑕᒥ ᐃᓅᓯᕐᒥ ᑭᐱᓯᓂᕐᒧᑦ ᐃᑲᔪᖅᑕᐅᔪᒪᔪᓄᑦ
  • ᐅᖄᓚᓗᑎᑦ ᑎᑎᕋᕐᓗᑎᓪᓘᓐᓃᑦ 988−ᒧ ᑐᕌᖅᑎᓐᓂᐊᕐᓗᒍ ᐃᑲᔪᖅᑕᐅᕝᕕᒻᒧᑦ ᐱᐅᓛᒧᑦ ᐱᔭᕆᐊᖃᖅᑕᕐᓄᑦ.
• ᓄᓇᕗᒻᒥ ᑲᒪᑦᓯᐊᖅᑐᑦ ᐅᖄᓚᕝᕕᖓᑦ (ᐃᑲᕐᕋᓄᑦ 24−ᓄᑦ ᐅᖄᓚᕝᕕᒃᓴᖅ, ᐱᓇᓱᐊᕈᓯᓕᒫᖅ).
  • ᐅᖄᓚᓗᑎᑦ ᐅᕗᒐ 867-979-3333 ᐊᑭᖃᙱᑦᑐᒧᓪᓘᓐᓃᑦ ᐅᕗᖓ 1-800-265-3333.
• ᐊᑦᓱᕈᕐᓇᖅᑐᒃᑰᖅᑐᓄᑦ ᐱᔨᑦᓯᕋᐅᑏᑦ ᑲᓇᑕᒥ.
  • ᐅᖄᓚᓗᑎᑦ ᑎᑎᕋᕐᓗᑎᓪᓘᓐᓃᑦ 1-833-456-4566.
  • ᐃᑭᐊᖅᑭᕕᒃᑯᑦ ᐅᖃᖃᑎᖃᕈᓐᓇᕐᓂᖅ ᐊᑐᐃᓐᓇᖅ ᐅᕙᓂ www.crisisservicescanada.ca.

• Youthspace.ca.
  • ᐅᖄᓚᓗᑎᑦ 1-833-456-4566 - ᑎᑎᕋᕐᓗᑎᑦ 778-783-0177.
  • ᐃᑭᐊᖅᑭᕕᒃᑯᑦ ᐅᖃᖃᑎᖃᕈᓐᓇᕐᓂᖅ ᐊᑐᐃᓐᓇᖅ ᐅᕙᓂ www.youthspace.ca.
  • ᐃᕐᖐᓐᓈᖅᑕᐅᒃᑯᑦ ᐃᓅᓯᓕᕆᔭᐅᓂᖅ ᐊᑐᐃᓐᓇᖅ ᐅᖄᓚᓗᑎᑦ ᐊᑭᖃᖏᑦᑐᒧᑦ ᐅᕗᖓ 1-866-478-8357.
• ᓄᑕᖅᑲᓄᑦ ᐃᑲᔪᖅᑕᐅᕕᖓᓄᑦ ᐅᖄᓚᐅᑎᖓ.
  • ᐅᖄᓚᓗᑎᑦ 1-800-668-6868.
  • ᑕᕝᕙᑲᐅᑎᒋ ᐅᖃᖃᑎᖃᕐᓂᖅ ᐊᑐᐃᓐᓇᖅ ᐅᕙᓂ kidshelpphone.ca.
  • ᓇᕿᑦᑕᕐᓗᒍ 'CONNECT' ᐅᕗᖓ 686868 ᑐᓴᖅᑎᑦᓯᓗᑎᑦ ᐃᓕᓐᓂᐊᖅᓯᒪᔪᒧᑦ ᐃᑲᔪᖅᑎᒧᑦ.

ᐃᑭᐊᖅᑭᕕᒻᒧᑦ ᐃᑲᔫᑎᑦᓴᐃᑦ

• ᐃᓵᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᑦ.
  • ᐃᑭᐊᖅᑭᕕᒃᑯᑦ ᑕᑯᒋᐊᕐᓗᑎᑦ www.inuusiq.com ᑐᑭᓯᒋᐊᒃᑲᓐᓂᕈᒪᒍᕕᑦ, ᐃᑲᔪᖅᑐᖅᑕᐅᓂᕐᒧᑦ ᐃᑲᔫᑎᑦᓴᓄᓪᓗ. 

ᐃᕝᕕᑦ ᖃᐅᔨᒪᔭᖃᕈᕕᓪᓘᓐᓃᑦ ᐊᑦᓱᕈᕐᓇᖅᑐᖅᓯᐅᖅᑐᒥᒃ, ᐅᖄᓚᑦᓴᐅᑎᒋᓗᑎᑦ ᐸᓖᓯᒃᑯᓐᓄᑦ, ᐋᓐᓂᐊᕐᕕᓕᐊᑦᓴᐅᑎᒋᓗᑎᓘᓐᓃᑦ ᐋᓐᓂᐊᕐᕕᐊᓗᒻᒧᓪᓘᓐᓃᑦ.