ᐱᖓᔪᕆᔭᐅᔪᖅ ᓯᓚᑖᓂᖓᖅᓯᒪᔪᖅ ᓇᓪᓕᐅᒃᑯᒫᖅ
ᐃᓚᓕᐅᑎᓗᒍ ᓄᓇᕗᑦ ᒐᕙᒪᒃᑯᑦ ᓇᓪᓕᐅᑯᒫᓕᕆᔨᒃᑯᑦ, ᐱᔪᓐᓇᑐᐃᓐᓇᕆᐊᖃᖅᑯᑎᑦ ᐱᖓᔪᕆᔭᐅᔪᖅ ᓯᓚᑖᓂᖓᖅᓯᒪᔪᖅ ᓇᓪᓕᐅᒃᑯᒫᕐᒥᒃ. ᓇᓪᓕᐅᒃᑯᒫᕐᑖᕈᓐᓇᖅᑯᑎᑦ ᐃᖅᑲᓇᐃᔭᕐᕕᒋᔭᓐᓂᒃ ᐅᕝᕙᓘᓐᓃᑦ ᓇᒻᒥᓂᖅ ᓂᐅᕕᕈᓐᓇᖅᑯᑎᑦ ᓇᓪᓕᐅᑯᒫᕈᑎᒥᒃ.
ᑕᓱᐃᒐᓱᒋᐊᖃᖅᐳᑎᑦ ᑕᐃᑰᓇ ᐱᖓᔪᐊᓐᓂᒃ ᓯᓚᑖᓃᙵᖅᓯᒪᔪᒥᒃ ᓇᓪᓕᐅᒃᑯᒫᓕᕆᔨᒃᑯᓐᓂᑦ ᑕᓱᐃᓐᓇᓱᓚᐅᙱᓂᓐᓂᒃ ᑕᐃᑲᙵᑦ ᒐᕙᒪᒃᑯᓐᓂᑦ ᓇᓪᓕᐅᒃᑯᒫᕈᑎᒃᑯᑦ ᒐᕙᒪᒃᑯᓐᓂᑦ ᓇᓕᐅᒃᑯᒫᕆᔭᐅᔪᓂᒃ, ᐅᕝᕙᓘᓐᓃᑦ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕐᕕᖕᒥᑦ ᐱᔨᑦᑎᕈᑕᐅᔪᓐᓇᖅᑐᑦ.
ᐃᖅᑲᓇᐃᔭᕐᕕᒃᑯᑦ ᓇᓪᓕᐅᒃᑯᒫᖅ
ᐊᒥᓱᑦ ᐃᖅᑲᓇᐃᔭᕐᕖᑦ ᒪᓂᒪᑎᑦᑎᓲᖑᕗᑦ ᓇᓪᓕᐅᒃᑯᒫᖃᐅᑎᓂᑦ ᐃᖅᑲᓇᐃᔭᖅᑎᖏᓐᓄᑦ. ᐃᖃᓇᐃᔭᕐᕕᒋᔭᑎᑦ ᐊᐱᕆᔪᓐᓇᖅᑕᑎᑦ ᒪᓂᒪᑎᑦᑎᒪᖔᑕ ᓇᓪᓕᐅᑯᒫᕈᑎᓂᑦ. ᐊᑭᓖᔭᕆᐊᖃᑐᐃᓐᓇᕆᐊᖃᖅᑐᑎᑦ ᓇᓪᓕᐅᒃᑯᒫᕈᑎᓂᑦ ᐃᕝᕕᑦ ᐃᖃᓇᐃᔭᕐᕕᖓᑎᒍᑦ
ᐃᖅᑲᓇᐃᔭᕐᕖᑦ ᓇᓪᓕᐅᒃᑯᒫᕐᕕᔅᓴᐅᓲᖑᕗᑦ ᐃᓪᓗᒥᐅᖃᑎᒌᓄᑦ. ᓇᓪᓕᐅᒃᑯᒫᖃᕈᕕᑦ ᐃᕝᕕᑦ ᐃᖃᓇᐃᔭᕐᕕᖓᒍᑦ ᐃᓪᓗᒥᐅᖃᑎᑎᑦ ᓇᓪᓕᐅᒃᑯᒫᕐᓯᒪᑐᐃᓐᓇᕆᐊᖃᖅᑯᑦ. ᐊᐃᑉᐸᐃᑦ ᐃᖃᓇᐃᔭᕐᕕᖓᑎᒍᑦ ᓇᓪᓕᐅᒃᑯᒫᖃᖅᑲᑦ ᐃᓚᑎᑦ ᓇᓪᓕᐅᒃᑯᒫᕐᓯᒪᑐᐃᓐᓇᕆᐊᖃᕆᓪᓗᑎᒃ
ᓇᓪᓕᐅᒃᑯᒫᕐᓂᐅᑉ ᒥᔅᓵᓄᑦ ᑐᑭᓯᒋᐊᕐᕈᓐᓇᖅᑐᑎᑦ ᐃᕝᕕ ᐃᖅᑲᓇᐃᔭᕐᑐᓕᕆᕕᖓᓂᒃ
ᓇᒻᒥᓂᖁᑎᒋᔭᐅᔪᑦ ᓇᓪᓕᐅᒃᑯᒫᕈᑏᑦ
ᓂᐅᕕᕈᓐᓇᕐᒥᔪᑎᑦ ᓇᓪᓕᐅᒃᑯᒫᕈᑎᓂᑦ ᐃᕝᕕᑦ ᐃᖅᑲᓇᐃᔭᕐᕕᖓᑕ ᐊᓯᐊᓂᒃ. ᓇᓪᓕᐅᒃᑯᒫᕐᕖᑦ ᐊᑐᕋᔅᓴᐅᓲᖑᕗᖅ ᐊᑭᓖᔾᔪᑎᒋᓗᒋᑦ ᐋᓐᓂᐊᕕᓕᐊᕈᑎᒥᓂᕐᓂᑦ ᓄᓇᕘᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐊᑭᓕᕈᓐᓇᖏᑕᖏᓐᓂᑦ.
ᓂᐅᕕᕐᓂᖅ ᐱᖓᔪᕆᔭᐅᔪᒥᒃ ᓯᓚᑖᓂᖓᖅᓯᒪᔪᒥᒃ ᓇᓪᓕᐅᒃᑯᒫᕐᒥᒃ
ᓂᐅᕕᕈᒪᒍᕕᑦ ᓇᓪᓕᐅᑯᒫᕐᒥᒃ, ᐃᕝᕕᑦ ᓂᕈᐊᕆᐊᖃᕐᑐᑎᑦ ᐃᓕᓐᓄᑦ ᓈᒻᒪᑦᑐᒥᒃ. ᐱᓇᓱᒍᓐᓇᖅᐳᑎᑦ ᓇᓪᓕᐅᒃᑯᒫᕐᒥᒃ ᐃᖅᑲᓇᐃᔭᕐᕕᐅᑉ ᐃᑭᐊᖅᑭᕕᒃᑯᑦ ᑐᑭᓯᒋᐊᖅᕕᖓᓂ
ᓇᒻᒥᓂᖁᑎᒋᔭᐅᔪᑦ ᓇᓪᓕᐅᑯᒫᑦ ᒪᓂᒪᑎᑕᐅᕗᑦ ᐅᑯᓇᙵᑦ. ᓇᕿᓪᓗᒍ ᑖᓐᓇ ᑲᓱᕐᕕᒃ ᑕᕝᕙᓂ ᐃᑭᐊᖅᑭᕕᒃᑯᑦ ᑐᑭᓯᒋᐊᕐᕕᖓᓂ:
ᓇᓪᓕᐅᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕋᕈᑕᐅᔪᑦ (ᓂᕼᑉ)
ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕋᕈᑕᐅᔪᑦ ᑭᓇᐅᔭᖃᖅᑎᑕᐅᕙᑦᑐᑦ ᓄᓇᖃᖅᑳᕐᓯᒪᔪᑦ ᐋᓐᓂᐊᕐᑐᓕᕆᔨᒃᑯᑦ ᒐᕙᒪᑐᖃᒃᑯᓐᓂᑦ.
ᓄᓇᕘᒥ ᐸᐃᑉᐹᓕᕆᔭᐅᓂᖏᑦ ᐊᕕᒃᓯᒪᕘᒃ ᓄᓇᖃᖅᑳᕐᑐᒥᓃᑦ ᐊᒻᒪ ᐃᓄᐃᑦ ᐋᓐᓂᐊᕐᑐᓕᕆᔨᒃᑯᓐᓂ ᒐᕙᒪᑐᖃᒃᑯᓐᓂ. ᐋᓐᓂᐊᕐᑐᓕᕆᓂᐅᑉ ᓇᓪᓕᐅᒃᑯᒫᖏᑦ ᐊᓪᓚᕝᕕᓕᒃ ᑲᖏᖅᓯᓂᕐᒥ ᐊᖏᖃᑎᒌᒍᑎᒃᑯᑦ.
ᐃᓕᓴᕆᔭᐅᓯᒪᔪᑦ ᑕᕝᕙᓂ ᐃᓄᐃᑦ ᓄᓇᑖᕈᑎᓂ ᐊᑎᖃᖃᑕᐅᔪᑦ ᐱᔪᓐᓇᖅᑎᑕᐅᕗᑦ.