ᐅᖃᓚᐅᑎᓯᐅᑏᑦ

You are here

ᓄᓇᕗᑦ ᐊᑎᓕᐅᖅᐳᑦ ᑲᓇᑕᒥ ᐊᑭᖃᙱᑦᑐᒃᑯᑦ ᑕᐅᖅᓰᖃᑦᑕᕐᓂᕐᒧᑦ ᐊᖏᖃᑎᒌᒍᑎᒥᑦ

ᐄᐳᕈ 07, 2017

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ

ᓴᖅᑭᑎᑕᐅᑲᐅᑎᒋᔭᕆᐊᓕᒃ

ᓄᓇᕗᑦ ᐊᑎᓕᐅᖅᐳᑦ ᑲᓇᑕᒥ ᐊᑭᖃᙱᑦᑐᒃᑯᑦ ᑕᐅᖅᓰᖃᑦᑕᕐᓂᕐᒧᑦ ᐊᖏᖃᑎᒌᒍᑎᒥᑦ

ᐊᑐᕚ ᐋᓐᑎᐅᕆᐅ (ᐊᐃᕐᕆᓕ 7, 2017) – ᓄᓇᕗᑦ ᐅᓪᓗᒥ ᐊᑎᓕᐅᖃᑕᐅᖅᑲᐅᕗᑦ ᑲᓇᑕᒥ ᐊᑭᖃᙱᑦᑐᒃᑯᑦ ᑕᐅᖅᓰᖃᑦᑕᕐᓂᕐᒧᑦ ᐊᖏᖃᑎᒌᒍᑎᒧᑦ (CFTA), ᐅᑯᓂᖓᓗ ᑲᓇᑕᐅᑉ ᐊᕕᒃᑐᖅᓯᒪᓂᓕᒫᖏᓐᓂᒃ ᐊᒻᒪ ᓄᓇᕗ ᐊᕕᒃᑐᖅᓯᒪᓂᖏᓐᓂᒃ. ᑖᓐᓇ ᑲᓇᑕᒥ ᐱᓕᕆᕝᕕᖕᒥᓂ ᑕᐅᖅᓰᖃᑦᑕᕐᓂᕐᒧᑦ ᐊᖏᖃᑎᒌᒍᑎ ᓄᓇᕗᒻᒥ ᐃᓚᐅᔪᓐᓇᖅᑎᑦᑎᕗᖅ ᑲᓇᑕᒥ ᒪᑭᑕᓇᓱᐊᕐᓂᕐᒧᑦ ᑲᑐᔾᔨᖃᑎᒌᓄᑦ ᐊᔾᔨᒌᒥᒃ.

"ᓄᓇᕗᑦ ᒐᕙᒪᒃᑯᑦ ᑲᓇᑕᒥ ᐊᑭᖃᙱᑦᑐᒃᑯᑦ ᑕᐅᖅᓰᖃᑦᑕᕐᓂᕐᒧᑦ ᐊᖏᖃᑎᒌᒍᑎᒥ ᐃᓚᐅᓂᖏᓐᓄᑦ ᐊᖏᕈᑎᒋᓯᒪᔭᑦᑎᓐᓂᒃ ᓇᓗᓇᐃᖅᓯᕗᖅ ᓇᓗᓇᙱᑦᑐᒥᑦ ᐊᒻᒪ ᑲᔪᓯᑦᑎᐊᖅᑐᒥᑦ ᑭᒃᑯᑐᐃᓐᓇᓄᑦ ᒐᕙᒪᖃᖁᓪᓗᒋᑦ, "ᓯᕗᓕᖅᑎ ᐲᑕ ᑕᑉᑑᓇ ᐅᖃᖅᑐᖅ. "ᑲᓇᑕᒥ ᐊᑭᖃᙱᑦᑐᒃᑯᑦ ᑕᐅᖅᓰᖃᑦᑕᕐᓂᕐᒧᑦ ᐊᖏᖃᑎᒌᒍᑎᒃᑯᑦ ᐃᓚᐅᓂᑦᑎᓐᓄᑦ ᐱᓕᕆᐊᒃᓴᑦᑎᓐᓂᒃ ᒪᓕᒃᑎᑦᑎᕗᖅ ᓄᓇᕗᒻᒥ ᐊᖏᖃᑎᒌᒍᑎᒃᑯᑦ, ᐊᒻᒪ ᐊᑦᑕᕐᓇᙱᑦᑐᒦᑎᑦᑎᓪᓗᓂ ᐊᕕᒃᑐᖅᓯᒪᓂᕆᔭᑦᑕ ᐱᓕᕆᔪᒪᓂᖏᓐᓂᒃ. ᓄᓇᕗᒻᒥ ᑲᑐᔾᔨᖃᑎᒌᓂᒃ ᐊᑐᕈᓐᓇᖅᑎᑦᑎᕗᖅ ᑲᓇᑕᒥ ᓂᐅᕐᕈᑎᖃᕋᓱᐊᕐᓂᕐᒧᑦ ᐊᒻᒪ ᓴᐳᔾᔭᐅᓪᓗᑎᒃ ᑐᓗᖅᑕᕈᑕᐅᕙᒃᑐᓂᑦ ᑕᐅᖅᓰᖃᑦᑕᕐᓂᕐᒧᑦ. ᓂᕆᐅᒃᐳᖓ ᑲᓇᑕᒥ ᐊᑭᖃᙱᑦᑐᒃᑯᑦ ᑕᐅᖅᓰᖃᑦᑕᕐᓂᕐᒧᑦ ᐊᖏᖃᑎᒌᒍᑎᒧᑦ ᐃᓚᐅᓂᕆᔭᕗᑦ ᑭᖑᓂᖓᒍᑦ ᓄᓇᕗᒻᒥ ᓂᐅᕕᐊᒃᓴᓂᒃ ᐊᑭᒃᖠᒋᐊᕈᑕᐅᓂᐊᕐᓂᖓᓂᒃ."

ᑲᓇᑕᒥ ᐊᑭᖃᙱᑦᑐᒃᑯᑦ ᑕᐅᖅᓰᖃᑦᑕᕐᓂᕐᒧᑦ ᐊᖏᖃᑎᒌᒍᑎ ᓴᙱᒃᑎᒋᐊᖅᑎᑦᑎᕗᖅ ᓄᑖᙳᕆᐊᖅᑎᑦᑎᓪᓗᓂᓗ 1995-ᒥ ᐊᖏᖃᑎᒌᒍᑕᐅᓚᐅᖅᑐᒥᑦ ᓄᓇᕐᔪᐊᓕᒫᒥ ᑕᐅᖅᓰᖃᑦᑕᕐᓂᕐᒧᑦ, ᓄᓇᕗᑦ ᐱᖃᑕᐅᓚᐅᖅᓯᒪᙱᖦᖢᓂ. ᐃᓚᓕᐅᔾᔨᓯᒪᕗᖅ ᑕᒪᐃᓐᓂᑲᓴᑦᑎᐊᖅ ᑕᐅᖅᓰᖃᑎᒌᒍᑕᐅᔪᓂᒃ ᐱᖁᑎᓄᑦ ᐱᔨᑦᑎᕋᐅᑎᓄᓪᓗ, ᐊᒻᒪᓗᑦᑕᐅᖅ ᑮᓇᐅᔭᓕᐅᕈᑕᐅᓇᓱᒃᑐᓄᑦ ᐊᒻᒪ ᐃᖅᑲᓇᐃᔭᖅᑎᓂᒃ ᓄᒃᑕᖅᐸᒃᑐᓂᒃ ᑲᓇᑕᒥ ᑮᓇᐅᔾᔭᒃᓴᐅᑎᓂᑦ.

ᐃᓱᒪᒋᔭᐅᓗᐊᖅᖢᑎᒃ ᓄᓇᕗᒻᒧᑦ ᑲᓇᑕᒥ ᐊᑭᖃᙱᑦᑐᒃᑯᑦ ᑕᐅᖅᓰᖃᑦᑕᕐᓂᕐᒧᑦ ᐊᖏᖃᑎᒌᒍᑎᒃᑯᑦ ᐊᖏᕈᑕᐅᓯᒪᔪᖅ ᖃᓄᖅᑑᕈᑎᒃᓴᓂᒃ ᐋᖅᑭᒃᓱᐃᔪᒪᓪᓗᑎᒃ ᐋᖅᑭᒋᐊᕈᒪᓪᓗᒍ ᐱᕙᓪᓕᐊᑎᑦᑎᓂᖅ ᓂᕿᓕᕆᔨᑦ ᐃᓚᖏᑦ ᐊᕕᒃᑐᖅᓯᒪᓂᖏᓐᓂ.

ᑲᓇᑕᒥ ᐊᑭᖃᙱᑦᑐᒃᑯᑦ ᑕᐅᖅᓰᖃᑦᑕᕐᓂᕐᒧᑦ ᐊᖏᖃᑎᒌᒍᑎ ᐊᑐᓕᓛᖅᐳᖅ ᔪᓚᐃ 1, 2017-ᒥ. ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᕗᖓ ᑕᑯᒋᐊᕐᓗᑎᑦ: www.ait-aci.ca.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᑐᕆᐅᓇ ᒪᒡᓚᐅᑦ
ᑐᑭᒧᐊᒃᑎᑦᓯᔨ ᑐᓴᐅᒪᖃᑦᑕᐅᑎᓕᕆᓂᕐᒧᑦ
ᒐᕙᒪᓕᕆᔨᒃᑯᑦ
867-975-6049
cmacleod@gov.nu.ca