ᑎᑎᕋᖕᓂᖅ ᐃᖅᑲᓇᐃᔮᒃᓴᖅᓯᐅᕈᑎᒃᓴᒥᑦ

ᑎᑎᕋᖕᓂᖅ ᐃᖅᑲᓇᐃᔮᒃᓴᖅᓯᐅᕈᑎᒃᓴᒥᑦ ᐃᖅᑲᓇᐃᔭᖅᑐᓕᕆᔨᒃᑯᑦ ᑎᑎᕋᖕᓂᖅ ᐃᖅᑲᓇᐃᔮᒃᓴᖅᓯᐅᕈᑎᒃᓴᒥᑦ ᐃᖅᑲᓇᐃᔮᒃᓴᖅᓯᐅᕈᑏᑦ ᐱᒻᒪᕆᐅᓛᖑᔪᖅ ᕿᓂᖅᑎᓪᓗᑎᑦ ᐃᖅᑲᓇᐃᔮᒃᓴᒥᑦ. ᐅᓇ ᒪᓕᒋᐊᓕᒃ ᐃᑲᔫᑎᖃᖕᓂᐊᖅᑐᖅ ᓇᓕᐊᖕᓂᖅ ᐃᖅᑲᓇᐃᔮᒃᓴᖅᓯᐅᕈᑎᒥᑦ ᐃᓕᖕᓅᖓᔪᒥᑦ. ᖃᐅᔨᔾᔪᑎᒃᓴᖃᕐᓂᐊᕆᓪᓗᓂ ᐃᑲᔫᑎᓂᐊᖅᑐᑦ ᐋᖅᑭᒋᐊᕋᓱᒡᓗᒍ ᐃᖅᑲᓇᐃᔮᒃᓴᖅᓯᐅᕈᑏᑦ ᐃᖅᑲᓇᔮᒧᑦ ᐱᓇᔪᒃᑕᖕᓄᑦ, ᓴᖅᑭᔮᑦᑎᐊᕐᓗᓂᓗ ᑖᒃᑯᓄᖓ. ᑭᓲᖕᒪᑦ ᐃᖅᑲᓇᐃᔮᒃᓴᖅᓯᐅᕈᑎ? ᐃᖅᑲᓇᐃᔮᒃᓴᖅᓯᐅᕈᑎ ᑎᑎᖅᑲᐅᕗᖅ ᐃᖅᑲᓇᐃᔭᖅᑎᑦᑎᔨᓄᐊᓲᑦ ᑐᓴᖅᑎᑦᑎᓪᓗᑎᒃ ᐃᖅᑲᓇᐃᔭᓕᒪᔭᖕᓂᑦ, ᐃᓕᓐᓂᐊᕐᓯᒪᔭᖕᓂᑦ ᐊᔪᙱᑕᖕᓂᓪᓗ. ᑕᑭᔫᔭᕆᐊᖃᙱᓚᖅ ᑭᓯᐊᓂᓕ ᑕᑯᒃᓴᐅᑎᑦᑎᑦᑎᐊᕆᐊᓕᒃ ᐊᔪᙱᓐᓂᕆᔭᖕᓂᑦ ᐃᖅᑲᓇᐃᔮᒧᑦ ᐱᓇᓱᐊᖅᑕᖕᓄᑦ. ᐃᒡᕕᑦ ᒥᒃᓵᓅᖓᔪᑦ ᓯᕗᓪᓕᖅᐹᕐᓕ ᐃᖅᑲᓇᐃᔭᖅᑎᑦᑎᔨᓂᑦ ᑕᑯᔭᐅᔪᒪᓲᑦ ᕿᒥᕐᕈᓕᕌᖓᒥ ᐃᖅᑲᓇᐃᔮᒃᓴᖅᓯᐅᕈᑎᓂᑦ ᐊᑏᑦ.

ᑐᑭᓯᓇᑦᑎᐊᕐᓗᓂ, ᓴᖅᑭᔮᑦᑎᐊᕐᓗᓂ ᐅᖃᓕᒫᒐᖕᓂᕐᓗᓂᓗ. ᐃᖅᑲᓇᐃᔮᒃᓴᖅᓯᐅᕈᑏᑦ ᐃᓚᖃᓪᓗᐊᖅᑐᑦ ᑐᕌᕈᑎᖕᓂᑦ, ᓇᒧᑦ ᐅᖄᓚᕕᐅᔪᓐᓇᖕᒪᖔᖅᐱᑦ ᐃᕐᖐᓐᓇᒃᑰᕈᑎᖕᓂᓪᓗ. ᓄᓇᕗᒻᒥᑦ ᐃᓅᒍᕕᑦ ᓄᓇᕗᑦ ᐊᖏᕈᑖᓂ, ᓇᓗᓇᐃᕐᓗᒍ ᐃᖅᑲᓇᐃᔮᒃᓴᖅᓯᐅᕈᑎᖕᓂᑦ.

ᐃᓕᓐᓂᐊᕐᓯᒪᓃᑦ ᐃᓕᓐᓂᐊᕐᓯᒪᔭᓕᒫᑎᑦ ᑎᑎᕋᕐᓗᒋᑦ, ᑭᖑᓪᓕᖅᐹᒥᑦ ᐃᓕᓐᓂᐊᓚᐅᖅᑕᖕᓂᑦ ᐱᒋᐊᕐᓗᑎᑦ, ᑭᖑᒻᒧᒃᐸᓪᓕᐊᓗᑎᑦ ᑕᒡᕙᙵᑦ. ᐃᓕᓐᓂᐊᕐᕕᐅᑉ ᐊᑎᐊ ᐃᓚᓕᐅᑎᓗᒍ, ᓄᓇᓕᐸᐅᔭᖓ ᓄᓇᓕᐊᓘᓐᓃᑦ ᐃᓕᓐᓂᐊᕐᕕᒋᓚᐅᖅᑕᖕᓂᑦ (ᐃᓕᓐᓂᐊᒃᑲᓐᓂᖕᓃᑦ ᐅᖓᑖᓄᓪᓗ) ᐊᕐᕌᒍᑦ ᐃᓕᓐᓂᐊᕐᓂᕆᔭᑎᑦ, ᐃᓱᓕᑦᑎᓚᐅᖕᒪᖔᖅᐱᓪᓘᓐᓃᑦ. ᑎᑎᕋᕐᓗᒋᑦ ᓇᓗᓇᐃᒃᑯᑕᖅᑖᕆᓯᒪᔭᓕᒫᑎᑦ ᐱᔭᕇᕈᓯᐊᑎᓪᓘᓐᓃᑦ, ᐃᓚᓕᐅᑎᓗᒋᑦ ᓇᐃᑦᑐᑦ ᐃᓕᓐᓂᐊᕐᓃᑦ ᓲᕐᓗ ᖃᕆᑕᐅᔭᓕᕆᓃᑦ ᖃᕆᑕᐅᔭᒃᑯᑦ ᐱᓕᕆᔾᔪᑎᓂᒡᓘᓐᓃᑦ, ᐋᓐᓂᖅᑐᓕᕆᓃᑦ, ᐊᖁᑦᑐᓐᓇᐅᑏᑦ, ᑭᓱᑐᐃᓐᓇᓪᓘᓐᓃᑦ ᐊᓯᖏᑦ ᐃᓕᓐᓂᐊᕐᓯᒪᔭᑎᑦ ᐊᑑᑎᖃᑐᐃᓐᓇᕆᐊᓖᑦ ᐃᖅᑲᓇᐃᔮᒧᑦ ᐱᓇᓱᐊᖅᑕᖕᓄᑦ. ᐊᔪᙱᑕᑦ ᐱᓕᒻᒪᒃᓯᒪᔭᓪᓗ ᐃᖅᑲᓇᐃᔮᒃᓴᖅᓯᐅᕈᑏᑦ ᐊᑐᕐᓗᒍ ᓇᒥᑦ ᐃᖅᑲᓇᐃᔭᓚᐅᖅᓯᒪᖕᒪᖔᑦ, ᑭᓱᓂᑦ ᐃᓕᑦᑎᖕᒪᖔᑦ, ᖃᓄᕐᓗ ᐊᔪᙱᓐᓂᑎᒃ ᐱᓕᒻᒪᒃᓯᒪᓂᑯᑎᓪᓗ ᐊᑑᑎᖃᕋᔭᖕᒪᖔᖏᑦ ᐃᖅᑲᓇᐃᔮᖅᑖᕆᓇᓱᒃᑕᖕᓄᑦ.

ᑕᑯᒃᓴᐅᑎᓪᓗᒋᑦ ᐊᔪᙱᑕᑎᑦ, ᐱᓕᒻᒪᒃᓯᒪᔭᑎᓪᓗ ᑐᕌᖓᔪᑦ ᐃᖅᑲᓇᐃᔮᖅᑖᕆᓇᓱᒃᑕᖕᓄᑦ. ᑖᒃᑯᐊ ᐊᑭᓕᖅᑕᐅᔾᔪᑎᕕᓂᕆᑐᐃᓐᓇᕆᐊᓕᑎᑦ ᐋᒃᑲᓘᓐᓃᑦ, ᐃᑲᔪᖅᐸᖕᓂᕕᓂᖅᑎᑦ, ᖁᕕᐊᒋᔭᑎᓪᓗ. ᐅᖃᓕᒫᕐᓗᒋᑦ ᐃᖅᑲᓇᐃᔮᑉ ᓇᓕᖅᑲᖏᑦ ᐃᖅᑲᓇᐃᔮᒃᓴᕐᓗ ᑐᑭᓯᐅᒪᖁᓪᓗᑎᑦ ᖃᓄᐃᑦᑐᓂᑦ ᐃᖅᑲᓇᐃᔭᖅᑎᑦᑎᔨ ᕿᓂᖕᒪᖔᑦ.

ᐱᓕᒻᒪᒃᓯᒪᓂᑯᐃᑦ ᑐᕌᖓᙱᑉᐸᑦ ᐃᖅᑲᓇᐃᔮᖅᑖᕆᓇᓱᒃᑕᖕᓄᑦ, ᐱᓕᕆᐊᕆᓗᒋᑦ ᐊᓯᐊᓄᑦ ᐊᔪᙱᓐᓂᖅᑎᑦ ᐃᓕᓯᒪᔭᑦ ᐊᑐᕐᑕᐅᔪᓐᓇᖅᑐᑦ ᐃᖅᑲᓇᐃᔮᖅᑖᕆᓇᓱᒃᑕᖕᓄᑦ (ᐆᒃᑑᑎᒋᓗᒍ: ᐱᓕᕆᖃᑎᒌᖕᓂᖅ, ᐊᒥᓱᓂᑦ ᐊᑕᐅᑦᑎᒃᑯᑦ ᐱᓕᕆᔪᓐᓇᖕᓂᖅ, ᐃᓄᓕᒫᓄᑦ ᐅᖃᓪᓚᒍᓐᓇᖕᓂᖅ, ᐅᓂᒃᑳᕆᐊᖅᑐᖕᓂᖅ ᑐᑭᓕᐅᕆᓂᕐᓗ). ᑎᑎᕋᓕᕈᕕᒋᑦ ᐃᖅᑲᓇᐃᔭᓕᒪᓂᑯᑎᑦ, ᐃᓚᓕᐅᑎᓗᒋᑦ ᓇᒥᐅᓚᐅᖕᒪᑖ (ᓄᓇᓕᐸᐅᔭᓂ, ᓄᓇᕗᒻᒥᑦ) ᐅᓪᓗᖏᓪᓗ ᐃᖅᑲᓇᐃᔭᖕᓂᑯᑎᑦ (ᑕᖅᑭᖅ, ᐊᕐᕌᒍᐊ) ᐃᖅᑲᓇᐃᔭᓚᐅᖅᓯᒪᔭᖕᓄᑦ ᐃᑲᔪᕈᑎᒋᓚᐅᖅᓯᒪᔭᖕᓄᓪᓘᓐᓃᑦ. ᐱᓕᕆᓂᖕᒧᑦ ᐅᖃᐅᓯᖕᓂᑦ ᐊᑐᕐᓗᑎᑦ ᖃᓄᐃᓕᐅᖕᓂᕆᓚᐅᖅᓯᒪᔭᖕᓂᖅ ᐃᖅᑲᓇᐃᔮᖕᓂᑦ (ᓲᕐᓗ: ᖃᐅᔨᓴᖅᐸᓚᐅᖕᓃᑦ, ᑐᑭᒧᐊᒃᓯᕙᓚᐅᖕᓃᑦ, ᕿᒥᕐᕈᕙᓚᐅᖕᓃᑦ, ᖃᐅᔨᓴᐃᕙᓚᐅᖕᓃᑦ, ᑐᓴᐅᒪᖃᑎᒌᖕᓂᕆᕙᓚᐅᖕᓃᑦ).

ᐃᓱᒪᒋᓪᓗᐊᑕᕐᓗᒋᑦ ᖁᓪᓕᖅᐹᖑᔪᑦ ᑕᓪᓕᒪᑦ ᐱᓕᕆᐊᖑᔪᑦ ᐃᖅᑲᓇᐃᔮᓕᒫᒧᑦ. ᐊᒻᒪᓗᑦᑕᐅᖅ, ᐃᓚᓕᐅᑎᓗᒋᑦ ᑲᒪᒋᕙᒃᑕᑎᑦ ᐃᖅᑲᓇᐃᔮᖕᓂᑦ ᐃᖅᑲᓇᐃᔮᕆᓚᐅᖅᓯᒪᔭᖕᓂᓪᓗ ᑐᕌᖓᔪᑦ ᐃᖅᑲᓇᐃᔮᖅᑖᕋᓱᒋᔭᖕᓄᑦ. ᑎᑎᕋᑐᐃᓐᓇᖕᓂᖅ ᐃᖅᑲᓇᐃᔮᑦ ᑕᐃᔭᐅᔾᔪᓯᐊᓂᑦ ᓈᒻᒪᙱᒻᒪᑦ ᓂᕈᐊᖅᑎᐅᔪᓄᑦ ᖃᐅᔨᓇᓱᒋᐊᒃᓴᖅ ᐊᔪᙱᓐᓂᕆᔭᑦ ᐊᓯᐊᓄᑦ ᐊᑐᕈᓐᓇᖕᒪᖔᑦ ᐱᔭᕆᐊᓕᖕᓂᑦ ᐃᖅᑲᓇᐃᔮᒧᑦ. ᖁᓪᓕᖅᐹᑦ ᖁᓖᑦ ᖃᐅᔨᒪᔾᔪᑎᑦ ᐃᖅᑲᓇᐃᔮᒃᓴᖅᓯᐅᕈᑎᒧᑦ

1. ᐃᓱᒪᒃᓴᖅᓯᐅᖅᓯᒪᕙᒌᕐᓗᑎ. ᐅᑕᖅᑭᒍᕕᑦ ᑭᖑᓪᓕᖅᐹᒧᑦ ᓇᒃᓯᐅᑎᓂᐊᕐᓗᒍ ᐃᖅᑲᓇᐃᔮᒃᓴᖅᓯᐅᕈᑏᑦ, ᑭᖑᕙᑐᐃᓐᓇᕆᐊᖃᖅᐳᑎᑦ ᐃᓱᓕᕝᕕᒃᓴᖓᓄᑦ ᐃᓱᒪᒋᔭᐅᙱᑐᐃᓐᓇᕆᕆᐊᖃᓕᕐᓗᑎᓪᓗ ᐃᖅᑲᓇᐃᔮᒧᑦ.
2. ᐊᓯᔾᔨᕐᓗᒍ ᐃᖅᑲᓇᐃᔮᒃᓴᖅᓯᐅᕈᑎᒃᓴᐃᑦ. ᐃᓚᓕᐅᑎᓗᒋᑦ ᑐᓴᐅᒪᔭᒃᓴ ᑐᕌᖓᔪᑦ ᐃᖅᑲᓇᐃᔮᒧᑦ ᐊᔪᙱᓐᓂᕆᔭᐅᔭᕆᐊᓖᑦ ᐃᖅᑲᓇᐃᔮᖅᑖᕆᓇᓱᒃᑕᖕᓄᑦ. ᐅᖃᐅᓯᒃᑯᑦ ᐊᓯᐊᒍᑦ, ᐅᖃᓕᒫᕐᓗᒍ ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖓ ᐊᓯᔾᔨᕐᓗᒍᓗ ᐃᖅᑲᓇᐃᔮᒃᓴᖅᓯᐅᕈᑏᑦ ᒪᓕᒡᓗᓂ.
3. ᐋᖅᑭᒋᐊᕐᓗᒍ. ᑐᓴᐅᒪᔭᒃᓴᖃᐅᖅᐸᑦ, ᐊᕕᒃᑐᕐᓗᒋᑦ ᐃᓛᒃᑰᖓᓕᖅᑎᓪᓗᒋᑦ ᖁᓛᒍᑦ ᑎᑎᖅᑲᖃᕐᓗᑎᒃ ᐊᔪᕐᓇᙱᓐᓂᕐᓴᐅᖁᓪᓗᒍ ᓂᕈᐊᖅᑎᐅᔪᓄᑦ ᐅᖃᓕᒫᒐᖕᓂᖁᓪᓗᒋᑦ ᑐᑭᓯᓇᕐᓗᑎᒡᓗ. 4. ᐊᑐᕐᓗᑎᑦ ᐅᖃᐅᓯᖕᓂᑦ ᖃᓄᐃᓕᐅᖅᓯᒪᔪᓂᑦ. ᐱᓕᕆᐊᕆᓗᒋᑦ ᐱᐊᓂᒃᓯᒪᔭᑎᑦ, ᐱᒋᐊᖅᐸᙱᓪᓗᑎᓪᓗ "ᐅᕙᖓ"−ᒥᑦ.
5. ᐅᖃᓕᒫᒃᑲᓐᓂᕐᓗᒍ. ᑕᒻᒪᕇᒃᑯᑎᑦ ᑕᑎᒋᓗᐊᙱᓪᓗᒋᑦ. ᐱᖃᓐᓇᕆᔭᖕᓄᑦ ᕿᒥᕐᕈᔭᐅᑎᓪᓗᒋᑦ.
6. ᐊᑐᒃᑲᓐᓂᕐᓗᒍ ᖃᐅᔨᒋᐊᕈᑎ 5. ᐃᖅᑲᓇᐃᔮᒃᓴᖅᓯᐅᕈᑏᑦ ᓂᕈᐊᖅᑎᓄᑦ ᑕᑯᒃᓴᐅᔾᔪᑕᐅᕗᖅ ᑎᑎᕋᒃᑲᐅᓂᖕᓂᑦ ᖃᓄᑎᒋᓗ ᐅᔾᔨᖅᓱᑦᑎᐊᖕᒪᖔᖅᐱᑦ ᑭᓱᑯᓗᖕᓂᑦ.
7. ᑕᑯᔪᒥᓇᖅᑎᓪᓗᒍ. ᐃᖅᑲᓇᐃᔮᒃᓴᖅᓯᐅᕈᑏᑦ ᓴᓗᒪᓗᓂ ᐋᖅᑭᑦᑎᐊᕐᓯᒪᓗᓂ. ᐊᑐᕐᓗᑎᑦ ᖃᐅᓪᓗᖅᑐᒥᑦ, ᑎᑎᖅᑲᖅᓯᐅᑎᒥᑦ (8.5 x 11 ᐃᓐᔅ) ᑎᑎᖅᑲᓂᒡᓗ ᐊᑐᕐᓗᑎᑦ ᐅᖃᓕᒫᒐᖕᓂᖅᑐᓂᑦ (ᓲᕐᓗ Times New Roman ᐅᕝᕙᓘᓐᓃᑦ Arial).
8. ᓇᐃᓈᕐᓗᒍ. ᐃᖅᑲᓇᐃᔮᒃᓴᖅᓯᐅᕈᑏᑦ ᓇᐃᓈᕐᓯᒪᒋᐊᕐᓗᒍ − ᐃᒻᒪᖄ ᒪᕐᕈᖕᓂᒃ ᐱᖓᓱᓂᒡᓗ ᐊᓕᓚᔪᖕᓂᑦ ᐊᒥᓲᓛᑦ.
9. ᓱᓕᓗᑎᑦ. ᓴᒡᓗᓇᓱᒡᓗᑎᑦ ᐃᖅᑲᓇᐃᔮᒃᓴᖕᓄᑦ ᐱᐅᙱᑦᑐᖅ. ᐊᒥᓱᑦ ᓴᒡᓗᓪᓗᑎᒃ ᐱᓇᔫᑎᖏᑎᒍᑦ ᐃᖅᑲᓇᐃᔮᖃᕈᓐᓃᓲᖑᕗᑦ ᖃᐅᔨᔭᐅᒑᖓᒥᒃ.
10. ᐱᓕᕆᔨᒻᒪᕆᒃᑑᕐᓗᑎᑦ. ᐃᖅᑲᓇᐅᒪᓂᐊᖅᐳᑎᑦ, ᐅᓇ ᐱᓕᕆᔾᔪᑎᒃᓴᒧᑦ ᑎᑎᖅᑲᐅᖕᒪᑦ, ᐃᓚᕈᓘᔭᙱᓪᓗ ᕿᓪᓕᖅᑐᓂᑦ ᐊᔾᔨᙳᐊᓂᒡᓘᓐᓃᑦ. ᐆᒃᑑᑎ ᐃᖅᑲᓇᐃᔮᒃᓴᖅᓯᐅᕈᑎᒧᑦ ᐊᑎᖅ ᑎᑎᖅᑲᒃᑯᕕᐊ ᐃᐅᐊ ᐃᖃᓗᐃᑦ, ᓄᓇᕗᑦ X0A 0H0 ᖃᐅᔨᒋᐊᕐᕕᒃᓴᖅ: 867-979-0000 @email

ᐱᓇᓱᐊᖅᑕᑦ: ᐱᓇᓱᐊᖅᑕᑦ ᐃᖅᑲᓇᐃᔮᒃᓴᖅᓯᐅᕐᖢᑎᑦ ᐃᖅᑲᓇᐃᔮᖕᓂᓪᓘᓐᓃᑦ, ᐅᓂᒃᑳᕈᒪᑐᐃᓐᓇᕆᐊᖃᖅᐳᑎᑦ ᐅᖃᕐᓗᑎᑦ ᐊᑕᐅᓯᑐᐃᓐᓇᒥᑦ ᑭᓱᒥᑦ ᐱᓇᓱᐊᖕᒪᖔᖅᐱᑦ: ᓄᓇᕗᒻᒥᑦ ᐃᓅᔪᖓ ᐃᖅᑲᓇᐃᔮᒃᓴᖅᓯᐅᖅᑐᖓ ᐃᓕᓐᓂᐊᕐᓂᓕᕆᓂᖕᒥᑦ ᐃᓕᓴᐃᔨᐅᓂᖕᒥᓪᓗ. ᐊᔪᙱᓐᓂᑎᑦ

ᓴᖅᑭᔮᖅᑎᓪᓗᒋᑦ ᐊᔪᙱᓛᑎᑦ, ᓲᕐᓗ:

● ᐃᓄᓕᒫᓄᑦ ᐅᖃᓪᓚᒍᓐᓇᖕᓂᖅ ᖃᓪᓗᓈᑐᑦ ᐃᓄᒃᑎᑐᓪᓗ
● ᐱᓕᒻᒪᒃᓴᐃᓂᖅ ᐃᓕᓐᓂᐊᕐᑎᓂᑦ ᐅᑭᐅᖅᑕᖅᑐᒥᑦ ᐅᑭᐅᒃᑯᑦ ᐱᙳᐊᕕᒡᔪᐊᖕᓂᑦ ᐃᓄᒃᑎᑐᑦ ᕿᑎᖃᑎᒌᓄᑦ ᐱᓕᕆᓯᒪᓂᑯᑎᑦ ᐃᓕᓴᐃᔨ, ᓇᑲᓱᒃ ᐃᓕᓐᓂᐊᕐᕕᒃ ᐃᖃᓗᐃᑦ, ᓄᓇᕗᑦ ᔫᓐ 2000-ᒥᑦ ᐅᓪᓗᒥᒧᑦ

ᑎᑎᕋᕐᓗᒋᑦ ᐱᓕᕆᐊᕆᖃᑦᑕᓚᐅᖅᑕᑦ ᐃᖅᑲᓇᐃᔭᖅᐸᓚᐅᖅᑕᑎᓪᓗ ᐃᖅᑲᓇᐃᔮᒥᑦ:
● ᐃᓕᓐᓂᐊᒐᒃᓴᓕᐅᖕᓂᖅ
● ᓄᑖᓂᑦ ᐃᓕᓐᓂᐊᕐᑎᑦᑎᔾᔪᑎᒃᓴᓕᐅᖕᓂᖅ ᐃᓕᖅᑯᓯᒨᖓᔪᓂᑦ ᐃᓕᓐᓂᐊᖅᓯᒪᔭᑎᑦ ᓄᓇᕗᒻᒥᑦ ᓯᓚᑦᑐᖅᓴᕐᕕᒃ ᐃᖃᓗᐃᑦ, ᓄᓇᕗᑦ ᓄᓇᕗᒻᒥᑦ ᐃᓕᓴᐃᔨᐅᓂᒃᓴᒧᑦ ᐃᓕᓐᓂᐊᕇᕈᓯᐊᕈᑎ, ᐱᐊᓂᒃᖢᒍ ᒪᐃ 1999 ᐃᓄᒃᓱᒃ ᐃᓕᓐᓂᐊᕐᕕᐊᓗᒃ ᐃᖃᓗᐃᑦ, ᓄᓇᕗᑦ ᐃᓕᓐᓂᐊᒃᑲᓐᓂᕈᓯᐊᖅ, ᐅᖃᖅᑎᑦᑎᔨ ᐃᓱᓕᑎᓪᓗᒋᑦ, ᐱᐊᓂᓚᐅᖅᑐᖅ ᔫᓐ 1994 ᑐᑭᓯᒋᐊᕈᒪᒍᕕᑦ ᐊᑐᐃᓐᓇᐅᔪᓐᓇᖅᑐᑦ ᑐᒃᓯᕋᕈᕕᑦ ᑐᑭᓯᒋᐊᒃᑲᓐᓂᕈᒪᒍᕕᑦ ᐅᕗᙵᐅᓗᑎᑦ: https://www.gov.nu.ca/iu/iqkanaijaqtulirijikku/information/titirangniq-… ᑐᑭᓯᒋᐊᕐᕕᐅᔪᓐᓇᖅᑐᑦ: @email ᓄᓇᕗᑦ ᒐᕙᒪᒃᑯᖏᑦ − ᐃᖅᑲᓇᐃᔭᖅᑐᓕᕆᔨᒃᑯᑦ www.gov.nu.ca