Havaktingit

You are here

Cinq projets d’infrastructure reçoivent un financement gouvernemental conjoint au Nunavut

Iitjirurvia 29, 2016

Tuhaayukhaq 

Tallimauyut Napaqtirutikhangit Havaaqhat Nunavunmi Pivakhimayut Katitiqhimaplutik Gavamanmi Maniktaqvikharnik 
Havaaqhangit angirutiqaqhimayut talvanga Nuutaani Napaqtirutikharnik Kanatami Maniktaqvikhangit Mikiuniituni Nunalaani Maniktaqvikhaq 

Iidjirurvia 29, 2016 Iqaluit, Nunavut 

Nan’ngariyauyuq Hunter Tootoo, Ministauyuq Iqaluliqiyunik, Tariungnik, Kanaitian Umiaqyuangit Munaqtiuyut Ministauyuqlu Maligaliuqyuarvingmi Nunavunmun, Iqalungmiitpaktuq ublumi tuhaqtitiyaangat maniktaqvikhangit tallamauyunik havaaqhangit Nunavunmi nunalaangit talvanga Gavamangit Kanatam Mikiuniituni Nunalaani Maniktaqvikhaq. Minista Tootoo qaiqatigivaktaingit Nunavutim Hivuliqtia Peter Taptuna, Joe Savikataaqlu, Ministauyuq Nunalingni Gavamatkunnilu Pivikhaqautikkutni. 

Havaaqhangit nallaumaniqaqtun havaktauluaqtukhat nunalaani napaqtirutikhat nunaptingni, ilauqaqtun pitquhiliqinikkut katimavikharnik Kinngaitmi, ihuaqhaidjutikharnik Iqaluktuutiaq Ulapqivikyuangit, Iqalungni Puivyaliqivikhaarnik. Ilaqaqtutlu qaffiuyut nunalaaniitunik ulapqivikyuangit ihuaqhaidjutikharnik nuutaanguqtirutikharniklu, tamnalu himiqtautikharnik utuqangayut hilami ulapqidjutikhangit aviktuqvingniitunik. Iniqtirumitkik, ukuat havaaqhangit aituutiniaqtun anginirmik hivutunirmik, ilaugiaqaqtunik atuguminaqtukharniklu nunalaani talvani Tunnganirmi. 

Talvanga Mikiuniituni Nunalaani Maniktaqvikhaq, gavamangit Kanatami Nunavunmilu havakhimaaqtun ilaqatigiikhutik tuniyaangat maniktaqvikharnik piqaluaqtukharnik nunalaani napaqtirutikharnik havaaqharnik aulatitiniaqtun nunalaani piumaluaqtunik nunalaaqni tamainilu nunaptingni. 

Kanatam Gavamangit tuniniaqtun manikharnik taimaitumik $25,363,862 tallamik katitiqhimayut havaktauniaqtun akikhaqaqniaqtun taima $49,919,318 tallamik ukuninga tallimauyut havaaqhangit. Nunavut Gavamanlu aituiniaqtun $6,540,600 tallamik. Tamangnun Hamilaatkunnun Kinngaitmi Nunalipauyaqmunlu Iqalungmun aituniaqtun nallautiqhimayumik akikharnik imaa $18,100,918 tallanik talvunga nanminigiyaingit napaqtirutikharnik havaaqharnun. Tamna Mikiuniituni Nunalaani Maniktaqvikhaq piutikhangit Nunavut manikhangit imaatun ituq $$25,620,000 tallanik. 

Uqaqhimayait 

“Quviahuktunga tuhaqtitiyaangat maniktaqvikhangit ukuninga havaaqhangit havaqatigiyaga Amarjeet Sohi, Ministauyuq Napaqtiliqinikkut Nunalaaniklu. Gavamavut atuguminaqtunik aulatitihimaaliqtun maniliqidjutikharnik nunalaaptingnun, inulramiinun, pitquhiptigun, maniliurutikharniklu nunaptingni. Havaqatigiikhimaaqtavutlu Nunaptingni gavamangit nunalaangitlu tamaini Nunavunmi.” 

Nan’ngariyauyuq Hunter Tootoo, 
Ministauyuq Iqaluliqiyunik, Tariungnik, Kanaitian Umiaqyuangit Munaqtiuyut Ministauyuqlu Maligaliuqyuarvingmi Nunavunmun 

“Nuutaanguqtigiyaangat nunalaani napaqtirutikhangit piumaluaqtangit Nunavut Gavamangit. Aulahimaarniaqtugut havaqatigiyaangat Kanata takuyaangat pidjutikharnik havaktavut pidjutikharnik tamainun Nunavunmi. Ublumimun tuniqhaidjutikhangit ikayuutiginiaqtun hivunikharnik pidjutikharnik nunalaaptingnun atuqhimaaqtilugit ukuat inikhangit hulilukaagianganik taima aulainaqtun ubluumanin aulahimaaqtun ulapqivikyuangani.” 

Nan’ngariyauyuq Peter Taptuna 
Nunavunmi Hivuliqtiuyuq 

“Taima atuguminaqtuq takuyaangat ikayuutikharnik napaqtirutikharnik havaaqhangit ihuaqhaiqyumiqtitiyaangat pidjutikharnik talvuuna pitquhiliqinikkut ulapqivikhangitlu katimayuarutingnik. Ukuat havaaqhangit ikayuutiniaqtun pidjutikharnik atuguminaqtunik nunalaani inuuhiridjutikharnik tamaini nunaptingnik hivutunigaalungnirmun.” 

Nan’ngariyauyuq Joe Savikataaq 
Ministauyuq Nunalingni Gavamatkunnilu Pivikhaqautikkut, Nunavunmi 

Aulayut Katitirutikhat Qaritauyakkut 

Takulugu http://news.gc.ca/web/article-en.do?nid=1036559 tamaat titiraqhimayunik havaaqhangit tapkuninga maniktaqvikhangit. 

Naunaiqyumigumaguvit talvuuna Mikiuniituni Nunalaani Maniktaqvikhaq, pulaaqlutin: http://www.infrastructure.gc.ca/plan/sc-cp-eng.html

- 30 - 

Hivayagiaqaqtan 

Brook Simpson 
Tuhaqtitiyukharnik Titiraqti 
Afisiani Ministam Napaqtiliqiyunik Nunalaangitlu 
613-219-0149 
Brook.Simpson@Canada.ca 

Kris Mullaly 
Atugakhat Qauyihaiyi/Tuhaqtitiliqihimaaqtiuyuq Havakti 
Nunavut Gavaman 
867- 975-5342 
kmullaly@gov.nu.ca 

Napaqtitiliqiyikkut Kanatami 613-960-9251 
Akiituq: 1-877-250-7154 
media@infc.gc.ca 

Twitter-kut: @INFC_eng 

Qaritauyakkut: Infrastructure Canada

 

Kangiqhidjutikhaq 

Gavamangit Kanatami Nunavunmilu tuhaqtitihimaaqtun maniktaqvikhangit tallimanik napaqtiginiaqhimayut havaaqhangit nunalaani talvani nunaptingni havaktauniaqtun talvani Nuutaanguyut Napatigidjutingnik Kanatam Upalungaiyaiyiingit Mikiuniituni Nunalaani Maniktaqvikhaq. Gavamangit Kanatami maningnik pihimaniaqtun katitiqhimayumik taima $25,363,863-mik tallimanun havaktauniaqtunik havaaqhangit, tamaat katitiqhimayut akiqaqniaqtun taima $49,919,318- mik. 

Tamna Mikiuniituni Nunalaani Maniktaqvikhaq tunihimaaqniaqtun ikayuutikharnik piluaqtauhimayunun nunalaani napatirutingit havaaqhat taima aituutiniaqtun pidjutikharnik nunalaanun tamaini Kanatami taima ikitqiyauqaqtunik 100 tausinik inugainik. Taima, 82 pusannik havaaqhangit angirutihimayut uvaniituni Maniktaqvikhangit nunalaaniiliqtunlu inugaitilaaqaqtunik ikitqianganik 25 tausinik. 

Havaaqhangit tuhaqtitauliqtun ublumi ukuanguyut havaaqhat havaktaunaiqtun:

Aituqtauhimayut

Havaaqhaq Atiangit

Katitiqhimayuq Akinga*

Hamilaatkuni Kinngaitmi 

Kenojuak Pitquhiliqinikkut Katimaviat Pivallianiaqtun 

$10,020,000 

Nunalingni Gavamatkunnilu Pivikhaqautikkut 

Iqaluktuutiaq Ulapqivikyuangat Ihuaqhainiaqtun 

$4,200,000 

Nunalingni Gavamatkunnilu Pivikhaqautikkut 

Nutaanguqtiqhimaaqlugit Nunalaanitun Ulapqivikyuangit 

$19,918,400 

Ilinniaqtuliqiyikkut 

Himiqtauniaqtun Hilamiitun Ulapqidjutikhat 

$1,700,000 

Nunalipauyaq Iqaluit 

Iqaluit Puivyaliqivik Havaktauninga 3mi Pivalliadjutikhaq 

$14,080,918 

*Katitiqhimayut nallautiqhimayut havaaqhangit akingit. 

Naunaiqyumigumaguvit talvuuna Mikiuniituni Nunala