Hitamat nutaat aannialiqtut COVID-19 qalagjuarnirmik Nunavunmi
Tuhaqtidjutikhaq
Hitamat nutaat aannialiqtut COVID-19 qalagjuarnirmik Nunavunmi
Iqaluit, Nunavut (Hikutirvia 23, 2020) - Ublumi, Nunavunmi attautimut 132-nguqtut naunaiqtauhimajut aannialiqtut COVID-19 qalagjuarnirmik. Kangiqlinirmi pingahut nutaat naunaiqtauhimajut aannialiqtut, nunangani atautimun 18-nguqtut naunaiqtauhimajut aannialiqtut. Atauhiq nutaaq aannialiqtuq naunaiqtauhimajuq Tikirarjuami attautimut 16 nguqtut naunaiqtauhimajut aannialiqtut.
"Tamaqpiapta ikajuutikhaqaqtugut nutqaqtinnahuarlugu hiamitirninga haffuma aannialaqidjutip,” uqaqtuq Dr. Michael Patterson, Nunavunmi Atanilluaq Inungnun Aanniaqtailinikkut Havaktingat. “Avalingarniq anihimaittumik atauhiq nakuukpiatqijaujuq nutqaqtidjutikhaq imaalu maliqattiaqpiagakhaqqut. Maliqadjavahi inungnut aanniaqtailinikkut maliqujauhimajut imaalu puiguqtailutit, hapkuat maliktakhat aannialiqtailitikharnik, aannialiqtailitikhanik ilavit imaalu aannialiqtailitikhanik nunangni.”
Piqangittuq takunaqtunik nunallaami hiamitirninganik Kangiqlinirmi Tikirarjuamiluuniin. Tamaita atautit aaanniarutiqaqtut qalagjuarnirmik COVID-19 munarijauhimaaqtut avaliingaaqtitaublutik naamainaqtullu, mikivjaktunik mihingnautinik.
Talvanga Hikutirvia 22, 150 qaujihaqtauvaktut Kangiqlinirmi aanniarutiqangittut qaujihaidjutait. Arviani qaujihaqtaudjutait naunaiqtaujut 353 aanniarutiqangitut qaujihaidjutait. Qaujihaidjutait Tikirarjuarmi naunairutaujut 47 aanniarutiqangittut qaujihaidjutait. Munariyauhimmaaqtut Sanikiluarmi qanurinniariakhainnik.
Kinaliqaak inuk ihumagumi aktuqhimanirmun qalagjuarnirmik COVID-19 hivajaqujaujut ukununga COVID hivajautaanut 1-888-975-8601 akkungani 10 ublaami unalu 6 mun. EST-kut ubluqhiutagut, imaaluniit inmingni nunamingni munaqhitkut qilamik, aviilngaaktukhallu iglumingni 14ni ubluni. Munaqhiliaqtailutin upautihuirlutillu.
Nutaanik naunaiqtakhanik atuqtakhaniklu talvuuna COVID-19 qalagjuarnitmun Nunavunmi, takulugu una: https://www.gov.nu.ca/health/information/covid-19-novel-coronavirus.
Nutaanik naunaitkutikhanik tadja inungnut aanniaqtailinikkut malqatqujaujunik, takulugu una: https://www.gov.nu.ca/health/information/nunavuts-path
Nutaat ilitturipkaidjutikhat tunijauniaqtun tuhaumapkaidjutimi 11 mungaqqan. EST ublumi, Hikutirvia 23.
###
Tuhaqtipkainikkut Uqarvikhat
Cate Macleod
Tuhaqtakhanut Titiraqti uumunga Hivuliqtimun Savikataaq
867-975-5059
@email
Chris Puglia
Atan'ngujaullaqtuq, Tuhaqtidjutinun
Havagviat Aanniaqtailinikkut
867-975-5949
@email