25 nutaat aannialiqtut COVID-19 qalagjuarnirmik, malruuk aanniaqtuk nakuuhijuk
Tuhaqtidjutikhaq
25 nutaat aannialiqtut COVID-19 qalagjuarnirmik, malruuk aanniaqtuk nakuuhijuk
Iqaluit, Nunavut (Hikutirvia 21, 2020) - Ublumi, Nunavunmi attautimut 107-nguqtut ilitturijauhimajut aannialiqtut COVID-19 qalagjuarnirmik. Tapkuak malruuk aanniaqtuuk Sanikiluarmi nakuuhijuuk. 22 nutaat aannialiqtut ilitturijaujut Arviani, nunangani imaatut amigaiqtut ilitturijauhimajut aannialiqtut 80-nguqtut. Pingahut nutaat aannialiqtut ilitturijaujut Tikirarjuarmi imaatut amigaiqtut attautimut 14 naunaiqtaujut aannialiqtut nunangani. Aallangungittut amigaitilangit aanniaqtut Kangiqlinirmi. "Ukuak malruuk aanniaqtuuk Sanikiluarmi nakuuhijuuk, tadja pittailijaujut nunangani atuqqujaujut huli imaalu akhuuqujatka nunaqaqtut Sanikiluarmi amikhimmaarlugit inungnut aanniaqtailinikkut maliqatqujaujut,” uqaqtuq Dr. Patterson, Nunavunmi Atanilluaq Nunalaani Aanniaqtailinikkut Havakti. “Puiguqtailitqujatkalu tamaita Nunavummiut taimaatut aanniaqtailinikkut havaktingit iniqqata kihianik aktuqtauhimajunik aanniaqtumit qaujihaidjutinginnik imaalu aannialaqidjutit hiamitirningat nutqaqtitaungitpat, amigaitilangit ilitturijauhimajut aannialiqtut aallanguqattarniaqtut.”
"Naunaiqhimangittuq nunangani hiamitiriakhanik nunangini Kangiqlinirmi uvaniluuniit Tikirarjuarmi. Tamaita 107 inuit aanniaqtut COVID-19 qalagjuarnirmik avalingaaqtut imaalu naamainnaqtut, nakuunginnaqtut mihingnautingit qihgikhiurjuangittumik mihingnautingit. Aktuqtauhimajut aanniaqtumit qaujihaqtaujut tamainni aktuqtauhimajuni nunallaani aullaranginnaqtuq imaalu inungnut aanniaqtaiinrmut havaktingit munaqhijut avalingaaqtitaujunik.
Talvanga Hikutirvia 20, 110 qaujihaqtaujut Kangiqlinirmi naunaiqtaujut aanniarutiqangittut. Arviani qaujihaqtaudjutait naunairutaujut 210 aanniarutiqangittut qaujihaidjutait. Qaujihaidjutait Tikirarjuarmi naunairutaujut 26 aanniarutiqangittut qaujihaidjutait. Munarijauhimmaaqtut huli Sanikiluarmi qanurinniariakhainnik.
“Ilihimajunga ubluq tamaat amigaitilangit COVID-19 qalagjuarnirmik aanniaqtut Nunavunmi ihumaalungnaqtut, kihimi qurluumajakhaittugut. Takuhimmaarniaqtugut aallanguqattaqtunik aannialiqtut amigaitilanginnik hivituvjaktumut huli,” uqaqtuq Hivuliqti Joe Savikataaq. “Nangarijatka Nunavummiut fuukturninganik kajuumilaarahuaqhugu hiamitirninga aannialaqidjutit imaalu qujagitakpiaktatka tamaita ilaujut Nunavni inungnut aanniaqtailinikkut havaktiujut akhuuqpiakhutik havakpiakpangmata imaatullu havakpakhutik nunallaani. Tamapta uuktuqhimmaaqta akhuurutigilugit nakuuhinahuarutikhanik COVID-19 qalagjuarnirmik Nunavunmi.”
Kinaliqaak inuk ihumagumi aktuqhimanirmun COVID-19 qalagjuarnirmik hivajaqtukhat COVID hivajautaanut 1-888-975-8601 akkungani 10 ublaami unalu 6 mun. EST-kut ubluqhiutagut, imaaluniit tuhaqtinniaqtait nunamingni munaqhitkut qilamik, ahiit qilamiurlutik avalingarvikhamingnik aimavingmingni imaatut 14-ni ubluni. Munaqhiliaqtailutin upautihuirlutillu.
Nutaanik naunaiqtakhanik atuqtakhaniklu talvuuna COVID-19 qalagjuarniq Nunavunmi, takulugu una: https://www.gov.nu.ca/health/information/covid-19-novel-coronavirus.
Nutaanik naunaitkutikhanik tadja inungnut aanniaqtailinikkut malqatqujaujunik, takuluhu: https://www.gov.nu.ca/health/information/nunavuts-path
Nutaat ilitturipkaidjutikhat tunijauniaqtun tuhaumapkaidjutimi 11 mungaqqan. EST, Hivulliunmi,Hikutirvia 23.
###
Tuhaqtipkainikkut Uqarvikhat
Cate Macleod
Tuhaqtakhanut Titiraqti uumunga Hivuliqtimun Savikataaq
867-975-5059
@email
Chris Puglia
Atan'ngujaullaqtuq, Tuhaqtidjutinun
Havagviat Aanniaqtailinikkut
867-975-5949
@email