Talvuuna Nunavunmi Aanniaqtailinikkut Munagidjutikharnik Upalungairutikhaq
Kavamanga Nunavut havaariyaat una Nunavunmi Aanniartailinirmut Qanuriliurutikhaq malikhugu una Kanatami Aanniartailinirmut Maligaq.
Nunavunmi Aanniartailinirmut Qanuriliurutikhaq munariyauyuq ukunanga Nunavunmi Munarhiliqinikkut Qullangnaiyautikhanut Havakvia Kangiqliniqmi nunataaqatauhimayut Nunavunmiutat pivikhaqarianginni ihuaqtunik munaqhiliqitjutikhanut.
Nunavunmi Aanniartailinirmut Nampaa
Tamaita inuit ilauyut uumunga Nunavunmi Aanniartailinirmut Qanuriliurutikhaq tuniyauvaktut Aannairtailinirmut Nampamik Naunaitkutikhamik inmik pikhamingnik 9-nik nampalik. Nunavunmi Aanniartailinirmut Nampaa naunaikhitjutaa taamna naunaitkutikaktuq ilauyuq talvani Nunavunmi Aanniartailinirmut Qanuriliurutikhaq.
Akilikhivagianginni munaqhiliakpaktunut, nampalik naunaitkutaq takupkauyakhaq aanniarvikni, munarhiliqivikni, munarhiliqinikkut taaktitluuniit havakviit talvani hilataanilu Nunavut.
Nunavunmiutat takupkaingitkumik naunaitkutamik munarhiliqiviinni ahini Nunavunmit inmiknik akilikhiyughauyungnaqhiyut munarhiiqtjutinut upautigaangamik akiligakhainikluuniit tuyuktaulutik.
Nampanik naunaitkutikaktut akilikhivaktut upautigaangamik tuyuktauyutluuniit akiligakhamik uuktuinnarialgit akiliuhiaffaarutikhamik Munarhiliqinikkut Qullangnaiyautikhamit ataani titiraqarviani:
Nunavunmi Munarhiliqinikkut
Qullangnaiyautikhanut Havakvia Munarhiliqiyikkut
Puunga 889
Kangiqliniq, NU
X0C 0G0
Hivayautaa: (867) 645-8001
Akiligakhaittumut: (800) 661-0833
Qaritauyakkut: @email
Ilautaaqtunut
Ilautaaqtut
- Nunamiutat Nunavunmi. Una “nunamiutaq” Nunavunmi inuk Nunavunmik nunagilluarivlugu.
- Inuit pikaktut havaktut ilihaqtutluuniit aallanit nunakyuanit naunaitkutamik atuqtauyumik atauhiqmut ukiunganut amigaitqiyaanitluuniit. Aallanit nunakyuanit nunaptingnungautjutaat pikaktughaq Nunavunmi titiraqarvinganik.
Ilaulimaittut
- Aquivaktut Nunavunmut
- Havallaktut havaamut kaantulaakakhutik ikitqiyaanit atauhiqmit ukiunganit
- Ilihaqtut nunamiutariyaat aviktuqhimayuq nunagiyaatluuniit aallamik Nunavunmiungittumik
- Inuit pikaktut havaaqarutikhamut unaluuniit ilihaqnahuaqtunut nunakyuamit nunaptingnungautjutikhamik atuqtaaqtamik ikittiyaanit atauhiqmit ukiunganit
- Inuit pikaktut uuminga havaktut ilihaqtutluuniit aallanit nunakyuanit naunaitkutamik pikangittumik Nunavunmi titiraqaringanut naunaitkutakhamik
- Itiktauhimayut kanataup kavamanga itiktauvikyuanit
Naqittarlugu hamani takugiangani qanurittunik Nunavut Aaniaqtailinirnut Parnautikhaq aaniarviliarnahuaqtunut tingmidjutikhanit qanuq tukhiutigiangani
Akiliktakhainut
Nunavunmi Aanniartailinirmut Qanuriliurutikhaq akilikpagait akiligakhat taaktiliqiyunut aanniarviliaqhimayunullu.
Taaktiliqinikkut
Nunavunmi Aanniartailinirmut Qanuriliurutikhaq akilikpagait akiligakhat laisikaktunut taaktiliqiyunut titirariikhimayumut talvani Iliharvikyuangat Taaktinut Pilaktuiyinutlu Kanatami.
Taaktiliqitjutingit Akiliktaaktait
- Naunaikhiniq ikayuqtauniklu aanniarutimut aanniutigiyaanutluuniit
- Pilakhirnikkut, ukuatlu hiningnautinut pilaktuinikkullu, piyakhaukpat
- Irniyunut munaqtit, ukuatlu hingaihimayunut nutaranihaaktunullu munarhiniq
- Iiliqiyikkut, iyuklukhimanirmut iiliqiniq pilakhirnirmullu talvanga iiliqiyiuyumit naunaiyaiyimit
Ilangiinnait pinarungnaqhiyait aallaniklu pilimaittutikluuniit.
Taaktiliqitjutingit Akililimaitait
- Havautikhat
- Timikkut ihivriuqhinikkut pihimayuq pitquyauhimayumut pingahuanit iluayumit ukununga: nutaqqat aullaqtirutikhaat ilihaqnikut iliharvianit unaluuniit qullangnaiyautikhanut munarhiliqiniq, niqiliqiyiit unaluuniit akhaluutinut laisikhaqnikkut ihivriurutit, pinahualirumikluuniit uuminga itqutihaq nunakyuamut havaliriami piyakhauyanut, hunavaluit.
- Iiliqiyiit ilgakhaliqiyiit
- Kiguhiliqiyiit ukunungaungittuq aallanut naunaikhimayunut piyakhanut pihimayut aglirumut aannirhimayunut aanniarutimutluuniit
- Havakpagainut ukuat hauniit ipirikniinnik nalruqtiriyit, havautituqhimaittumik inuuhirikhirnikniq, itigaliqiyiit, hauniitigut havauhiktuiniq, unalu mitqutinut ulurianaiyaiyut
- Ingutaaruhirnikkut iqaihainiq, uqqaqluktunik ikayuqniq unalu ihumaliqinikkut pihimayanginnut havakvikmi qullangnaiyautaittumik aanniarvikmi
- Hunalikaak nunamiutaq pittaaktangit ataani maligakhani, ukunatut Havaktinut Aanniqtailinirmullu Havalimaiqqata Maligaq, Aanniartailinirmut Maligaq ikayuutikhatluuniit pitjutauhimayut havakhutik Armed Forces-kuni
Aanniarviliqinikkut
Nunavunmi Aanniartailinirmut Qanuriliurutikhaq akilikpagait akikhait ilanginnik aanniarviliqitjutinut aanniarvikmiittunut ikayuqtauyutluuniit upautivlutik taaktiliqiyunut.
Aanniarviliarutit Akiliktaaktait
- Atuqpagainut Aanniarpiaktunut Munarhiviat ICU (Intensive Care Unit) igluamut akikhaanut
- Munarhiliqinikkut, pihimakpata aanniarvikmi
- Naunaiyainikkut, iksuliiq unalu iksuliinik naunaiyaitjutit, kangikhitjutikhanullu
- Havautikhat pitquyauhimayainut taaktimit havaariyaitlu aanniarvikmi
- Atuqtunik pilakhirvikmik, pilakhirnikkut havakvia, unalu hiningnautinut havakviit piyakhauyut naunaiyainikkut ikayuqtaunikkullu, unalu atuqtakhainut tamayanik atuqtakhaniklu
- iksuliirutinut atuqpagainut, iauyainikkut, unalu ingutaaruhirnikkut iqaihainiq pihimakpata qullangnaiyautikkaktuni havakvikni
Aanniarviliarutit Akililimaitait
- Aanniarvikmi akiligakhat aallanit akilikpagainut igluamut akikhaanut ilikkuuktut ilikkuuvyaktullu nayukvikhamut
- Havaktauvaktut munarhiliqinikkut piyakhaungittunut, ukunatut timikkut ihuarhainiq pilaktuivlutik
- Havaktauvaktut ihumagiyauyut naunaiyainikkut
- Akhaluutikkut kayumiktuutit aanniarvikmut akiligakhat (ukunungaungittut aanniarvikmit aanniarvikmut nuutirtunut)
- Kiguhiliqitjutit, ukunungaungittuq aallanut naunaikhimayunut piyakhanut pihimayut aglirumut aannirhimayunut aanniarutimutluuniit
- Taanganut aangayaangnaqtunutluuniit mamittirpalliaviit
Tingmitikkut Aanniarviliaktunut
Imaa taakti, munarhi, kiguhiqiyi aallaluuniit munaqhiliqirvikmi ayuittiaqhimayut uqaqqata ilingnut ahinungauyughauyutit nunallaangnit munarhiliqinikkut ikayuqtauyaangni, pittaaqniarungnaqhiyutit munarhiliqinikkut tingmitjutikhanut ikayuutauyanit.
Nunavunmi Aanniartailinirmut Qanuriliurutikhaq akilikhiniaqtut tingmitjutingnik mikhilaaqlugu $250-nik utikyaktunut piiktauyughaq (akiligakhaq) nunallaangnit qanitqiyamut munarhiliqivikmit aanniarvikmit aanniarutimut takuyaktuutikhamut.
hamunga naqitaqlutit naunaitkutakhanut aanniarviliariami tingmitjutikhanut