ᑕᕐᕋᖅᑐᐃᔨ

ᑖᓐᓇ ᐃᖅᑲᓇᐃᔮᒃᓴᖅ ᒪᑐᐃᖓᔪᖅ ᐆᒃᑐᕈᒪᔪᓕᒫᓄᑦ.

ᓄᓇᕗᒻᒥ ᒐᕙᒪᒃᑯᑦ ᓂᕈᐊᖅᑕᐅᓯᒪᔪᑦ ᑲᓇᑕᒥ ᐃᖅᑲᓇᐃᔭᖅᑎᖃᕐᓂᖅᐹᖑᓂᖓᓄᑦ ᒪᒃᑯᑦᑐᓂᑦ ᐱᔭᕇᕋᑖᖅᑐᓂᓪᓗ ᐃᓕᓐᓂᐊᕐᓂᕐᒧᑦ 2021-ᒥ. ᐱᕈᖅᐸᓪᓕᐊᓂᖅᐸᐅᖃᑕᐅᔪᖅ ᒪᒃᑯᑦᑐᐃᓪᓗ ᐃᓄᒋᐊᓐᓂᖅᐸᐅᓂᖏᓐᓂᑦ ᑲᓇᑕᒥ, ᓄᓇᕗᑦ ᐆᒻᒪᕇᑦᑐᖅ, ᐱᔪᒪᓂᖃᑦᓯᐊᖅᑐᖅ, ᐊᖏᖅᓯᒪᓂᖃᖅᓱᓂᓗ ᐱᐅᓂᖅᓴᐅᑎᑦᓯᓂᕐᒧᑦ ᐃᓂᖃᖅᑎᑦᓯᓂᕐᒧᑦ ᑭᖑᕚᑦᓴᖏᓐᓄᑦ. ᒐᕙᒪᐅᑎᓪᓗᒋᑦ, ᐊᐅᓚᓂᕆᔭᕗᑦ ᐊᔾᔨᐅᖏᓐᓂᖓ ᓴᙱᓂᖅᑖᖅᑎᑉᐸᓪᓕᐊᕙᕗᑦ - ᐃᓚᓕᐅᔾᔨᓂᕐᒧᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᓴᖅᑭᔮᖅᑎᑦᓯᓂᕐᒧᑦ ᐊᑐᕐᓂᕐᒥ ᐃᓄᒃᑐᑦ ᐅᖃᐅᓯᖓᓂᑦ, ᑭᒡᒐᖅᑐᐃᑦᓯᐊᕐᓂᕐᒧᑦ ᒐᕙᒪᒃᑯᓐᓂᑦ ᐃᖅᑲᓇᐃᔭᖅᑎᓂᑦ, ᐱᓕᕆᖃᑎᖃᖃᑦᑕᖅᓱᓂᓗ ᑲᑐᔾᔨᖃᑎᒥᓐᓂᒃ ᑲᔪᓯᑎᑦᓯᓂᕐᒧᑦ ᐊᖏᖅᓯᒪᓂᕆᔭᖓᓂᑦ ᓄᓇᕗᒻᒧᑦ. ᑲᔪᓯᓂᖃᑦᓯᐊᖅᑐᑦ ᐃᖅᑲᓇᐃᔮᖅᑖᖅᑐᑦ ᖁᕕᐊᒋᔭᖃᕐᓂᐊᖅᑐᑦ ᐊᑭᓕᖅᑐᖅᑕᐅᑦᓯᐊᕐᓂᕐᒧᑦ, ᐋᓐᓂᐊᕐᕕᓕᐊᕐᓂᕐᒧᑦ ᑭᒍᑎᓕᕆᔭᐅᓂᕐᒧᓪᓗ ᐃᑲᔫᑎᓂᑦ, ᓇᓗᓇᐃᔭᖅᑕᐅᓯᒪᔪᓂᑦ ᐃᓐᓇᑐᖃᐅᔪᓯᐊᑦᓴᓄᑦ ᐸᕐᓇᐅᑎᓂᑦ, ᓅᑦᑎᑕᐅᔾᔪᑎᔅᓴᓄᑦ ᐱᕕᖃᕐᓂᕐᒧᑦ, ᐱᕕᖃᖅᑎᑕᐅᓂᕐᒧᓪᓗ ᐱᓕᒻᒪᑦᓴᕐᓂᕐᒧᑦ ᐃᖅᑲᓇᐃᔮᒥᓪᓗ ᖁᕝᕙᖅᐸᓪᓕᐊᓂᕐᒧᑦ.

ᖃᐅᔨᑎᑦᑎᕙᒃᓗᓂ ᐊᐅᓚᑦᑎᔨᖓᓄᑦ ᐊᔾᔨᙳᐊᒃᑯᑦ ᑕᑯᒃᓴᕈᖅᑎᑕᕐᓄᑦ, ᑕᕐᕋᖅᑐᐃᔨ ᐱᔨᑦᑎᖅᐸᒃᓗᓂ ᐋᓐᓂᐊᕕᓕᐊᖅᑐᓄᑦ ᐊᔾᔨᙳᐊᒃᑯᑦ ᑕᑯᒃᓴᕈᖅᑎᓕᕆᕕᖕᒥ. ᑖᓐᓇ ᐃᖅᑲᓇᐃᔮᒃᓴᖅ ᐊᔾᔨᓕᐅᕆᕙᒃᓗᓂ, ᑐᑭᓕᐅᕆᕙᒃᓗᓂ, ᐋᖅᑭᒃᓯᕙᒃᓗᓂᓗ ᑕᒪᒃᑭᖅᑐᓂᒃ ᐊᔾᔨᙳᐊᓂᒃ ᐃᑲᔪᕐᓗᒍ ᑕᕐᕋᖅᑐᐃᔨᒻᒪᕆᒃ ᑕᕝᕗᖓᑦᑎᐊᖅ ᖃᖓᒃᑰᕆᐊᖃᕐᓂᖓᒍᑦᑎᐊᖅ ᐊᔾᔨᙳᐊᖏᓐᓂᒃ ᐋᓐᓂᐊᕕᓕᐊᖅᓯᒪᔪᑦ. ᐃᖅᑲᓇᐃᔮᖅ ᐱᖃᖅᑎᐅᓪᓗᓂ ᐃᓗᐊᖅᓴᐃᔨᓄᑦ ᓄᓇᓕᖕᓂ ᐋᓐᓂᐊᕕᖏᓐᓂ ᐊᒻᒪ ᕿᑭᖅᑕᓂ ᐋᓐᓂᐊᕕᖕᒥ ᐃᕐᓂᓱᒃᓰᔨᓂᑦ ᐅᐸᒍᑎᖃᑦᑕᕐᓂᒃᑯᑦ ᐱᓇᓱᐊᕈᓯᑕᒫᑦ ᕿᑐᕐᖓᒃᓴᓕᖕᓄᑦ ᓘᒃᑖᓕᐊᕈᑎᖏᓐᓄᑦ.

ᐃᖅᑲᓇᐃᔮᖅ ᐊᑕᐅᓯᕈᖅᑎᑦᑎᓪᓗᓂ ᑕᕐᕋᖅᑐᐃᔾᔪᑎᑦ ᐱᖁᑎᖏᓐᓂᒃ ᐃᓄᑑᓗᓂ ᐋᖅᑭᒃᓯᓗᓂ ᑐᑭᓕᐅᕆᓗᒍᓗ ᑕᒪᒃᑭᖅᑐᓂᒃ ᐊᔾᔨᙳᐊᖏᓐᓂᒃ ᐱᔭᕆᐊᖃᖅᑎᑕᐅᒃᐸᑦ ᐅᐸᖑᑎᓯᒪᙱᑦᑐᒥᒃ ᑕᕐᕋᖅᑐᐃᔨᒥᒃ ᐱᔭᕇᕐᖁᓪᓗᒋᑦ ᑖᒃᑯᐊᑦᑎᐊᑦ ᐊᔾᔨᙳᐊᖏᑦ ᐋᓐᓂᐊᕕᓕᐊᖅᑐᑦ. ᑖᑦᓱᒧᖓ ᐃᖃᓇᐃᔮᒧᑦ ᑐᕌᑕᐅᓇᓱᐊᖅᑐᖅ ᑕᕐᕋᖅᑐᐃᔨ ᐅᐸᒃᓯᒪᔭᕆᐊᖃᖅᑕᖓᓃᑉᐸᒃᓗᓂ ᐊᐅᓪᓚᕈᓐᓇᕐᓗᓂᓗ ᐱᔨᑦᑎᕋᕆᐊᖅᑐᕐᓗᓂ ᐊᒃᑐᐃᕙᒃᖢᓂᓗ ᐋᓐᓂᐊᕕᓕᐊᖅᑐᖅ ᑲᒪᒋᓂᖓᓄᑦ, ᒪᒥᓴᕐᓇᐅᓂᖓᓄᑦ ᖃᐅᔨᔭᐅᓂᖓᓄᓪᓗ ᐋᓐᓂᐊᕕᖕᒥ ᑲᒪᒋᔭᖃᖃᑎᒌᓂᑦ. ᖃᐅᔨᓴᕈᑎᑦ ᐊᑐᖅᑕᐅᓗᑎᒃ ᒪᓕᒃᓗᒋᑦ ᐊᑐᐊᒐᑦ ᐱᓕᕆᔾᔪᓯᓪᓗ ᐋᖅᑭᒃᑕᑦ ᕿᑭᖅᑕᓂ ᐋᓐᓂᐊᕕᖕᒥ, ᑕᕐᕋᖅᑐᐃᔨᑦ ᑲᓇᑕᒥ, ᐊᒻᒪ ᐅᓂᒃᑳᓕᐅᖅᑎᕗᑦ ᑕᕐᕋᖅᑐᐃᔨᑦ.

ᖃᐅᔨᒪᓂᖏᑦ, ᐊᔪᓐᖏᓐᓂᖏᓐᓂᖏᓪᓗ ᐱᔭᐅᓯᒪᔪᓐᓇᖅᑐᑦ ᐆᒧᖓ ᐃᖅᑲᓇᐃᔮᒧᑦ ᐱᔭᕇᑦᑎᐊᖅᓯᒪᓗᓂ ᐃᓕᓴᕆᔭᐅᓯᒪᔪᒥᒃ ᑕᕐᕋᖅᑐᐃᔨᑦ ᐃᓕᓐᓂᐊᕈᑎᒥᒃ ᒫᓐᓇᓕᓴᕐᒥᓗ ᐊᑎᓕᐅᖅᑕᐅᓯᒪᓂᖅ ᑕᕐᕋᖅᑐᐃᔨᑦ ᑲᓇᑕᒥ ᒪᕐᕉᖕᓂᒃᓗ ᐊᕐᕌᒎᖕᓂᒃ ᑕᕐᕋᖅᑐᐃᔨᑦ ᐊᑐᖅᓯᒪᓗᓂ. ᐃᓕᓐᓂᐊᖏᓐᓇᕐᓂᖅ ᐱᔭᕆᐊᓕᒃ ᐋᖅᑭᒃᓯᒪᑎᓪᓗᒍ ᑕᕐᕋᖅᑐᐃᔨᑦ ᑲᓇᑕᒥ ᐊᑎᓕᐅᖅᑕᐅᓯᒪᓂᖅ ᒫᓐᓇᒨᖓᔪᒧᓪᓗ ᐊᓯᔾᔨᖅᐸᓪᓕᐊᖏᓐᓇᓲᒧᑦ ᖃᕆᑕᐅᔭᓕᕆᔾᔪᑎᓂᒃ (40 ᐊᒥᐊᒃᑯᖃᕐᓂᖅ ᑲᔪᓯᓗᓂ ᑕᕐᕋᖅᑐᐃᔨᑦ ᐃᓕᓐᓂᐊᕐᓂᕐᒥᒃ ᐊᒻᒪᓘᓐᓃᑦ ᑖᒃᑯᓄᖔᖅᑐᒥᒃ ᐊᑐᕋᓲᑎᓂᒃ ᐃᓕᓐᓂᐊᕐᓂᕐᓄᑦ ᐊᒥᐊᒃᑯᖃᕐᓂᖅ ᐱᔭᕇᖅᑕᐅᔭᕆᐊᓕᒃ ᐱᖓᓱᑦ ᐊᕐᕌᒍᑕᒫᑦ). ᐃᖅᑲᓇᐃᔭᓕᖅᑐᖅ ᐱᖃᕆᐊᖃᕐᒥᔪᖅ ᐊᕐᕌᒍᑕᒫᑦ ᓇᓗᓇᐃᒃᑯᑕᕐᒥᒃ ᐃᓅᓕᑦᑎᔪᓐᓇᕐᓂᕐᒥᒃ ᐊᓂᖅᓵᖅᑐᖅᑎᑦᑎᓇᓱᐊᕈᑎᒥᒃ ᐊᒻᒪ ᐃᖅᑲᓇᐃᔭᖅᑏᑦ ᐊᑦᑕᓇᖅᑐᓕᕆᓂᕐᒥᑦ ᐊᐅᓚᑦᑎᓂᕐᒧᑦ ᑐᑭᓯᒋᐊᕈᑎᒃᓴᑦ ᐋᖅᑭᒃᓯᒪᓂᖓ .

ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓗ. ᐱᓇᔪᒃᑐᑦ ᐃᖅᑲᓇᐃᔭᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ. ᐅᖃᕈᓐᓇᕈᓂ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᑦ ᐊᑑᑎᖃᕐᓂᕋᖅᑕᐅᓪᓗᓂ. ᖃᐅᔨᒪᒃᐸᑦ ᐃᓄᐃᑦ ᓄᓇᓕᖏᓐᓂᒃ, ᐃᓕᖅᑯᓯᖏᓐᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐃᓄᒃᑐᑦ ᐱᓕᕆᖃᑦᑕᖅᓯᒪᓗᓂᓪᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ. 

ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᑦ ᑖᑦᓱᒧᖓ ᐃᖅᑲᓇᐃᔮᕐᒧᑦ. ᑎᓕᐅᕆᑲᓐᓂᖅᑐᒍᑦ ᐱᓇᔪᖁᔨᓪᓗᑕ ᑕᐃᒫᓪᓗᐊ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒪᒍᕕᑦ ᐃᓕᓐᓂᐊᖅᓯᒪᔭᕕᑦ ᐱᓕᕆᐊᕆᖃᑦᑕᖅᓯᒪᔭᕆᐊᓕᖏᑕᓗ ᐊᔾᔨᓪᓗᐊᖓᓂ ᖁᓛᓂᑦ ᑎᑎᕋᖅᓯᒪᔪᓂᑦ.

ᐃᖅᑲᓇᐃᔭᐃᓐᓇᖅᑐᓄᑦ, ᐊᑕᐃᓐᓇᕐᓂᐊᖅᑐᓄᑦ ᑕᕐᕋᖅᑐᐃᔨᓄᑦ, ᐃᖅᑲᓇᐃᔮᖃᐃᓐᓇᖅᑐᑦ ᐊᑭᓕᖅᑕᐅᒃᑲᓐᓂᖃᑦᑕᕐᓂᐊᖅᐳᑦ: $3,000 ᐃᖅᑲᓇᐃᔮᒥ ᐱᒋᐊᓕᓵᖅᑎᓪᓗᒋᑦ: $3,000 ᐃᖅᑲᓇᐃᔮᒥ ᐱᒋᐊᓵᖅᑎᓪᓗᒋᑦ, $3,000 ᑕᖅᑭᓄᑦ 6-ᓄᑦ ᐃᖅᑲᓇᐃᔭᖅᓯᒪᓕᖅᑎᓪᓗᒋᑦ, $5,000 ᐊᕐᕌᒍᒥ ᐃᖅᑲᓇᐃᔭᖅᓯᒪᓕᖅᑎᓪᓗᒋᑦ ᐊᒻᒪᓗ $7,000 ᐊᕐᕌᒍᓄᑦ ᒪᕐᕉᖕᓄᑦ ᐃᖅᑲᓇᐃᔭᖅᓯᒪᓕᖅᑎᓪᓗᒋᑦ.

ᐊᔪᙱᑎᑕᐅᔪᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓖᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.

ᑖᔅᓱᒥᖓ ᐃᖅᑲᓇᐃᔮᒃᓴᒥᑦ ᐆᒃᑐᕈᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕐᓗᑎᑦ ᐃᖅᑲᓇᐃᔮᒧᑦ ᐱᔪᒥᓴᐅᑎᑦ ᓇᒃᓯᐅᑎᓗᒍ ᐅᕗᖓ @email. ᐃᓚᓕᐅᑎᓯᒪᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᐃᕐᖐᓐᓈᖅᑕᐅᑎᖕᓂ.
• ᓄᓇᕗᑦ ᒐᕙᒪᒃᑯᖏᑦ ᐱᓕᕆᓇᓱᓪᓚᕆᒻᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᓂᕐᒥᑦ ᐃᖅᑲᓇᐃᔭᖅᑎᓂᒃ, ᑕᐃᒪᐃᓐᓂᖓᓄᑦ ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᒻᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᒪᓕᓪᓗᒍ ᓯᕗᓪᓕᐅᔾᔭᐅᔭᕆᐊᓖᑦ ᐃᖃᓇᐃᔭᑖᕐᓂᕐᒧᑦ ᐊᑐᐊᒐᖅ.
• ᒐᕙᒃᑯᓐᓂᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᖃᐅᔨᓴᖅᑕᐅᓂᕐᒦᑦᑐᑦ ᐱᔭᕆᐊᖃᖅᑐᑦ ᐊᑐᐃᓐᓇᐅᑎᑦᑎᓂᕐᒥᓪᓗ ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓐᓂᑦ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓄᑦ ᐊᑕᔭᕆᐊᓕᒃ ᐱᓇᓱᐊᕈᑎᖕᓄᑦ ᐃᓱᒪᒋᔭᐅᓂᐊᕐᒪᑦ.
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᑦ ᐊᔪᓕᕈᑕᐅᙱᑐᐃᓐᓇᕆᐊᓕᒃ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᓂᖏᓐᓄᑦ. ᖃᐅᔨᓴᖅᑕᐅᓂᖏᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐱᓕᕆᐊᒃᓴᕆᔭᐅᔪᑦ ᐃᖅᑲᓇᐃᔮᒃᓴᒥ. ᑖᓐᓇ ᐱᔭᐅᔭᕆᐊᖃᖅᐳᖅ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᓈᒻᒪᒋᔭᐅᔪᓂᒃ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᓄᑦ ᐅᕝᕙᓘᓐᓃᑦ ᐃᓄᖕᓂ ᐱᔭᕆᐊᑭᑦᑐᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ.
• ᐃᖅᑲᓇᐃᔭᖅᑖᕋᓱᐊᖅᑐᑦ ᐃᖅᑲᓇᐃᔭᖅᑖᕋᓱᐊᕈᒻᒥᑦ ᑎᑎᕋᕈᓐᓇᖅᑐᑦ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᑕᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ. ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᕈᑏᑦ ᐋᒡᒑᖅᑕᐅᑐᐃᓐᓇᕆᐊᓕᒃ. 

Contact: 

ᐃᖅᑲᓇᐃᔭᖅᑐᓕᕆᔨᒃᑯᑦ (Department of Human Resources, Iqaluit)

ᓄᓇᕗᑦ ᒐᕙᒪᒃᑯᑦ
P.O. Box 1000, Station 430 Iqaluit, Nunavut  X0A 0H0
ᐅᖃᓘᑖ: 867-975-6222
ᐊᑭᖃᙱᑦᑐᖅ: 1-888-668-9993
ᓱᒃᑲᔪᖅ: 867-975-6220
ᐃᕐᖐᓐᓇᖅ: [email protected]