ᐅᖃᐅᓯᖃᕐᓂᖅ ᐃᓱᒪᒋᔭᖃᖅᓯᒪᓂᕐᒥᒃ ᐃᓂᑖᖅᑎᑕᐅᔪᓐᓇᕐᓂᕐᒥᒃ ᐅᑯᓄᖓ, ᐃᖅᑲᓇᐃᔭᖅᑏᑦ ᒪᓕᒋᐊᓕᖏᓐᓄᑦ ᑲᑎᒪᔩᑦ
ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᐅᖃᐅᓯᖃᕐᓂᖅ ᐃᓱᒪᒋᔭᖃᖅᓯᒪᓂᕐᒥᒃ ᐃᓂᑖᖅᑎᑕᐅᔪᓐᓇᕐᓂᕐᒥᒃ ᐅᑯᓄᖓ, ᐃᖅᑲᓇᐃᔭᖅᑏᑦ ᒪᓕᒋᐊᓕᖏᓐᓄᑦ ᑲᑎᒪᔩᑦ
ᒪᓕᒐᓕᕆᔨᒃᑯᑦ ᕿᓂᖅᐳᑦ ᐱᔪᒃᓯᔪᓂᒃ ᐃᓄᖕᓂᒃ ᐱᔨᑦᑎᕋᕐᕕᖃᕈᒪᓇᔭᖅᑐᓂᒃ ᐃᖅᑲᓇᐃᔭᖅᑏᑦ ᒪᓕᒋᐊᓕᖏᓐᓄᑦ ᑲᑎᒪᔨᓄᑦ.
ᑖᒃᑯᐊ ᑲᑎᒪᔩᑦ ᐊᐅᓚᑦᑎᔨᐅᓪᓗᑎᒃ ᐱᖓᓱᐃᓕᖅᑲᖓᓪᓗᑎᒃ ᑲᑎᒪᔨᑯᓘᕗᑦ, ᐋᖅᑭᒃᑕᐅᓚᐅᖅᓯᒪᓪᓗᑎᒃ ᐅᑯᑎᒎᓇᖅ ᐃᖃᓇᐃᔭᖅᑏᑦ ᒪᓕᒐᖏᓐᓄᑦ ᐱᖁᔭᕐᒥ ᐱᓚᔪᒃᑲᓐᓂᕈᑕᐅᔪᓄᑦ ᐊᖏᖅᑕᐅᙱᓐᓂᕐᒧᑦ ᐃᖅᑲᓇᐃᔭᖅᑎᒥᓪᓘᓐᒡᓂᑦ ᐃᖅᑲᓇᐃᔭᖅᑎᑦᑎᔪᒥᓪᓘᓐᓃᑦ ᐃᖅᑲᓇᐃᔭᕐᓂᕐᒧᑦ ᒪᓕᒋᐊᓕᖕᓄᑦ ᐱᓕᕆᔨᒥᑦ.
ᐱᓇᔪᒃᑐᑦ ᐱᓕᕆᖃᑦᑕᖅᓯᒪᓂᑰᓪᓗᐊᖅᐳᑦ ᐊᒻᒪᓗ/ᐅᕝᕙᓗᓃᑦ ᖃᐅᔨᒪᓗᑎᒃ ᐃᖅᑲᓇᐃᔭᕐᓂᐅᕙᒃᑐᓂᒃ ᓇᖕᒥᓂᕆᔭᐅᔪᓂᓪᓘᓐᓃᑦ ᐅᑎᖅᑎᑦᑎᓂᐊᕐᓗᑎᒃ ᒪᓕᒐᓕᕆᓂᕐᒥᒃ. ᐅᖃᐅᓯᒃᑯᑦ ᑎᑎᕋᖅᓯᒪᔪᑎᒍᓪᓗ ᐊᔪᙱᓐᓂᖃᑦᑎᐊᕐᓂᖅ ᖃᓪᓗᓈᑎᑐᑦ ᐱᒻᒪᕆᐊᓘᕗᖅ, ᐃᒪᒋᔭᐅᓂᐊᕐᓗᓂ ᑖᒃᑯᓄᖓ ᐱᔭᕆᐊᖃᕐᓂᖓᓂᒃ ᐊᖏᔪᒻᒪᕆᖕᓂᒃ ᐅᖃᓕᒫᖅᓯᓂᕐᒥᒃ, ᑐᑭᓯᓂᕐᒥᒃ ᒪᓕᒐᑎᒍᑦ ᐃᓱᒪᒋᔭᒃᓴᓂᒃ, ᐊᔪᙱᓐᓂᖃᕐᓂᕐᒥᒡᓗ ᕿᒥᕐᕈᐊᖅᓯᒃᑲᓐᓂᕈᓐᓇᕐᓂᕐᒥᒃ/ᑎᑎᕋᖅᓯᔪᓐᓇᕐᓂᕐᒥᒃ ᑐᑭᓯᓇᑦᑎᐊᖅᑐᒃᑯᑦ ᓇᐃᑦᑐᑎᒍᓪᓗ ᐋᖅᑭᒃᓯᒪᓕᖅᑎᑕᐅᔪᑎᒍᑦ. ᐅᖃᓪᓚᒍᓐᓇᑦᑎᐊᕐᓂᖅ ᑎᑎᕋᕈᓐᓇᑦᑎᐊᕐᓂᕐᓗ ᐃᓄᒃᑎᑐᑦ, ᐃᓄᐃᓐᓇᖅᑐᓐ, ᐅᐃᕖᑎᑐᓪᓘᓐᒡᓂᑦ ᐱᓇᔪᒃᑐᓄᑦ ᐱᕚᓪᓕᕈᑕᐅᓯᒪᓇᔭᖅᐳᖅ.
ᐱᓇᔪᒃᑐᑦ ᐱᑐᐃᓐᓇᕆᐊᖃᖅᓯᒪᓪᓗᐊᖅᐳᑦ ᐊᑐᕐᓂᕐᒥᒃ 5-ᓂᑦ 15−ᓄᑦ ᐃᑲᕐᕋᓂᒃ ᐊᑕᐅᓯᕐᒥ ᐱᓕᕆᕝᕕᒋᔭᐅᔪᒥ (ᑕᖅᑭᓂ ᐱᖓᓱᓂ) ᐃᓚᐅᖃᑦᑕᕐᓂᐊᕐᓗᑎᒃ ᑲᑎᒪᔩᑦ ᐱᔭᒃᓴᖏᓐᓄᑦ ᓲᕐᓗ ᕿᒥᕐᕈᐊᖅᓯᒃᑲᓐᓂᕐᓂᕐᒥᒃ ᐱᓇᔪᒍᑕᐅᒃᑲᓐᓂᖅᑐᓂᒃ ᐊᖏᖅᑕᐅᙱᓐᓂᕐᒧᑦ ᑎᑎᕋᖅᑕᐅᔪᕕᓂᕐᒥᒃ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᖁᔭᒥ, ᕿᒥᕐᕈᐊᖅᓯᒃᑲᓐᓂᖅᐸᒡᓗᓂ/ᑎᑎᕋᖅᓯᕙᒡᓗᓂ ᐋᖅᑭᒃᓯᒪᓕᕈᑕᐅᔪᓂᒃ ᑲᔪᓯᑎᑦᑎᕙᒡᓗᓂᓗ ᑐᓵᑎᑦᑎᓂᕆᔭᐅᔪᓂᒃ. ᑕᒪᕐᒥᑲᓴᒃ ᑕᒪᓐᓇ ᐱᓕᕆᐊᒃᓴᖅ ᐱᔭᕇᖅᑕᐅᕙᒃᐳᖅ ᐅᐸᒃᓯᒪᙱᒃᑲᓗᐊᕐᓗᒍ ᕿᓪᓕᖅᑐᑎᒍᑦ ᐱᓕᕆᖃᑎᒌᒃᐸᖕᓂᒃᑯᑦ.
ᐃᓕᓐᓂᐊᖅᑎᑕᐅᓇᔭᖅᑐᖅ ᐊᒻᒪ ᑲᑎᒪᔩᑦ ᐊᑭᓕᖅᑕᐅᖃᑦᑕᕐᓂᐊᖅᐳᑦ ᐱᔨᑦᑎᕋᕐᕕᒋᔭᕆᐊᖃᖅᑕᒥᓂᒃ ᐅᓪᓗᕐᓂᒃ.
ᒫᓐᓇᒃᑯᑦ, ᐃᖅᑲᓇᐃᔭᖅᑏᑦ ᒪᓕᒋᐊᓕᖏᓐᓄᑦ ᑲᑎᒪᔩᑦ ᐃᓱᒪᒃᓴᖅᓯᐅᕈᑎᖃᖅᐸᒃᐳᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᑎᑦᑎᑦᑕᐃᓕᒪᓂᕐᒧᑦ ᑐᐊᕕᕐᓇᖅᑐᒥᒃ ᑕᒪᐃᓐᓂᒃ ᐱᓕᕆᐊᒃᓴᒥᓂᒃ ᐱᓕᕆᓕᕌᖓᒥᒃ.
ᑕᒪᑐᒧᖓ ᐃᓱᒪᒋᔭᖃᕈᕕᑦ, ᑐᓂᓗᒍ ᐱᓇᔪᒍᑎᒋᔭᐃᑦ ᐱᕋᔭᒃᓯᒪᓂᑰᓂᕐᒧᓪᓗ ᖃᐅᔨᓴᖅᑕᐅᔾᔪᑏᑦ ᐅᕗᖓ, ᔭᐃᑯᑉ ᐸᓛᒃᐴᓐ ᐅᕙᓂ, 975-6565 ᐅᕗᖓᓘᓐᓃᑦ @email.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑳᕐᓖ ᑭᓐᑖᓪ
ᐊᑐᐊᒐᓕᕆᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ ᕿᒥᕐᕈᔨ
ᒪᓕᒐᓕᕆᔨᒃᑯᑦ
867-975-6174
@email