ᑎᕆᒐᓐᓂᐊᖅ ᐱᖦᖤᙱᓴᕐᓂᖓᓂᒃ ᓇᓗᓇᐃᖅᑕᐅᕗᖅ ᐊᕐᕕᐊᓂᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᕐᕕᐊᒥᐅᓂᑦ ᐅᖃᐅᔪᐃᕗᑦ ᑎᕆᒐᓂᐊᖅ ᐱᖦᖤᙱᓴᕋᓱᒋᔭᐅᓚᓚᐅᑐᖅ ᐱᖦᖤᙱᓴᖅᑐᕉᖅ. ᑎᕆᒐᓂᐊᖅ ᕿᒻᒥᒥᒃ ᐅᒋᐊᖅᓯᓚᐅᕐᐳᖅ ᓄᓇᓕᖕᓂ ᐊᐃᕆᓕ 3, 2024−ᒥ, ᐊᒻᒪ ᕿᒻᒥᖅ ᑎᒍᔭᐅᓚᐅᖅᖢᓂ ᑕᐃᒪᙵᑦ ᐅᒋᐊᖅᑕᐅᓚᐅᖅᑎᓪᓗᒍ ᑐᖁᑕᐅᓂᐊᓕᖅᖢᓂᓗ.
ᐱᖦᖤᙱᓴᖅᑐᑦ ᐅᓗᕆᐊᓇᕐᓂᖏᓐᓄᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᔾᔨᖅᓱᑦᑎᐊᖁᔨᕗᑦ ᑎᕆᒐᓂᐊᓂᒃ ᖃᓂᒋᔭᖓᓐᓃᑦᑐᓂᒃ.
ᑮᔭᐅᓐᓂᕈᕕᑦ ᑕᓪᓕᒃᑕᐅᓐᓂᕈᕕᓪᓘᓐᓃᑦ ᑎᕆᒐᓂᐊᒧᑦ ᕿᒻᒥᕐᒧᓪᓘᓐᓃᑦ, ᐋᓐᓂᐊᕕᓕᐊᕐᓗᑎᑦ ᖃᓄᐃᓕᐅᖅᑕᐅᓂᕆᔭᐃᓪᓗ ᐅᖃᐅᓯᕆᑲᐅᑎᒋᓗᒍ. ᐃᓅᓕᓴᖅᑕᐅᓯᑲᐅᑎᒋᔭᕆᐊᖃᖅᐳᖅ ᑮᔭᐅᓐᓂᕈᓂ, ᐱᖦᖤᙱᓴᖅᑐᒧᑦ ᐊᐃᑦᑐᕐᓗᒃᑕᐅᔪᑦ ᐊᑦᑕᕐᓇᖅᑐᒦᕐᔪᐊᓕᕋᔪᖕᒪᑕ.
ᓄᓇᓕᖕᓂ ᐃᐱᖅᓯᒪᐃᓐᓇᐅᔭᖅᑐᑦ ᕿᒻᒦᑦ ᓯᓚᒥ ᖃᐅᔨᓴᖅᑕᐅᖃᑦᑕᕆᐊᖃᖅᐳᑦ ᐃᓕᖅᑯᓯᖓ ᐊᓯᔾᔨᖅᓯᒪᖕᒪᖔᑦ ᐊᒻᒪ ᐱᖦᖤᙱᓴᖅᑰᔨᖕᒪᖔᑦ.
ᐱᖦᖤᙱᓴᖅᑐᑦ ᐃᒪᐃᑦᑐᓐᓇᖅᐳᑦ ᐃᓕᖅᑯᓯᖅᓱᕈᓐᓃᕐᓗᑎᒃ, ᐱᓱᒡᒐᕐᓗᑎᒃ, ᖃᓂᒃᑯᑦ ᖃᐳᐊᒡᓗᑎᒃ, ᐊᓂᖅᓵᖅᑐᒡᒐᕐᓗᑎᒃ ᐅᕝᕙᓘᓐᓃᑦ ᓂᐱᒋᙱᑕᒥᓂᒃ ᓂᓪᓕᐊᓗᑎᒃ. ᓂᕐᔪᑎᑦ ᐱᖦᖤᙱᓴᖅᑐᑦ ᐅᓇᖅᑰᔨᔪᓐᓇᖅᐳᑦ ᐊᒻᒪ ᐃᓄᖕᒧᑦ ᐅᐸᒍᑎᔪᓐᓇᖅᖢᑎᒃ ᑲᑉᐱᐊᓱᙱᓪᓗᑎᒃ. ᐆᒪᔪᒥᒃ ᑕᐃᒪᐃᓕᖓᔪᒥᒃ ᑕᑯᒍᕕᑦ ᓱᖁᑎᒋᔭᕆᐊᖃᙱᑕᑦ ᐅᖃᐅᓯᕆᓗᒍᓗ ᐊᕙᑎᓕᕆᔨᒃᑯᑦ ᑎᑎᕋᕐᕕᐊᓄᑦ ᐅᕝᕙᓘᓐᓃᑦ ᐆᒪᔪᕐᓂᐊᖅᑎᒧᑦ.
ᑎᕆᒐᓂᐊᕐᒥᒃ ᐊᒪᖅᑯᒥᒡᓘᓐᓃᑦ ᓄᓇᓕᖕᒦᑦᑐᒥᒃ ᑕᑯᓐᓂᕈᕕᑦ, ᐆᒪᔪᕐᓂᐊᖅᑎ ᑐᓴᖅᑎᑦᑕᕆᐊᖃᖅᑐᖅ ᐅᖃᓗᒡᕕᐅᓗᓂᓘᓐᓃᑦ ᐅᕗᖓ 867-857-2976. ᕿᒻᒦᑦ ᖃᓂᕝᕕᓯᐅᕐᓂᕈᓂ ᑎᕆᒐᓂᐊᕐᒧᑦ ᐊᒪᖅᑯᒧᓪᓘᓐᓃᑦ, ᐅᖄᓚᓗᑎᑦ ᐊᕕᒃᑐᖅᓯᒪᔪᓂ ᐊᕙᑎᓕᕆᔨᒧᑦ ᐅᕗᖓ 867-222-0163 ᐅᕝᕙᓘᓐᓃᑦ 867-975-4815-ᒧᑦ.