ᕿᒧᒃᓯᖅᑐᓄᑦ ᐊᑦᑕᕐᓇᖅᑕᐃᓕᒪᓂᖅ ᓄᓇᕗᑦ ᒥᕐᖑᐃᖅᓯᕕᐊᓂᑦ
ᑭᖑᓪᓕᖅᐹᒥᒃ ᓄᑖᙳᕆᐊᖅᑎᑕᐅᓚᐅᖅᑐᖅ ᐅᓪᓗᑐᐃᓐᓇᖅ, ᓄᕕᐱᕆ 24, 2023
ᕿᒧᒃᓯᖅᑐᖃᕋᔪᖕᒪᑦ ᓄᓇᕗᒻᒥ ᒥᕐᖑᐃᖅᓯᕐᕕᒃᑰᖅᐸᒃᑐᓂᒃ. ᓄᓇᕗᒥᐅᑦ ᐊᑦᑕᕐᓇᖅᑐᒧᐊᖁᔭᐅᙱᖦᖢᑎᒃ, ᒪᓕᒐᒃᓴᓕᐊᖑᓯᒪᔪᑦ ᒪᓕᖃᑦᑕᖁᔭᐅᕗᑦ ᕿᒧᒃᓯᓂᒃ ᒥᕐᖑᐃᖅᓯᕐᕕᖕᒦᑦᑐᖃᖅᑎᓪᓗᒍ:
- ᐊᖅᑯᑎᑦᑎᐊᕙᒃᑯᑦ: ᐃᓕᖕᓂᒃ ᕿᒧᒃᓯᖅᑎᒥᓪᓗ ᐊᑦᑕᕐᓇᖅᑐᒧᐊᖁᙱᖦᖢᓯ 30 ᒦᑕᓂᒃ ᐅᖓᓯᒃᑎᒌᒃᐸᒡᓗᓯ (100 ᐃᓯᒃᑲᓂᒃ ᐅᖓᓯᒃᑎᒌᒡᓗᓯ) ᐱᓱᕋᔭᒃᑎᓪᓗᓯ, ᓯᑭᑑᒃᑯᑦ ᓇᕈᓇᒃᑎᓪᓗᓯ, ᓯᑮᑯᑖᓄᑦ ᓯᑮᖅᑎᓪᓗᓯ, ᐅᕝᕙᓘᓐᓃᑦ ᐱᓱᔪᒃᑎᓪᓗᓯ.
- ᕿᒻᒦᑦ ᐊᓄᓯᒪᒋᐊᓕᑦ: ᑎᒍᐊᓕᔭᕈᕕᑦ, ᐊᓄᓯᒪᑎᑦᑎᐊᕆᐊᖃᖅᑕᓯ 50 ᒦᑕᓂᒡᓗ ᐅᖓᓯᒋᔮᒎᖅᑎᓪᓗᒍ (160 ᐃᓯᒃᑲᑦ ᐅᖓᓯᒃᑎᒋᓗᒍ) ᕿᒧᒃᓯᕐᓂᒃ.
- ᓄᒃᑕᖅᑎᓪᓗᓯ ᒪᓕᒃᑕᐅᒋᐊᖃᖅᑐᑦ: ᕿᒧᒃᓯᓂᒃ ᐊᐳᖅᓯᒍᕕᑦ ᐃᖏᕐᕋᕝᕕᒋᔭᒃᑰᖅᑎᓪᓗᑎᑦ, ᐃᖏᕐᕋᔾᔪᑏᑦ ᓄᖅᑲᖅᑎᓪᓗᒍ ᕿᒧᒃᓰᑦ ᖄᖏᖅᓯᐊᕆᓗᒋᑦ, ᐅᕝᕙᓘᓐᓃᑦ, ᐊᖅᑯᓵᕆᐊᖃᖅᐸᑕ, ᓱᒃᑲᐃᓵᕐᓗᓯ ᐊᖅᑯᓵᕋᔮᕈᓐᓇᖅᑕᓯ.
- ᓯᑭᑑᒃᑯᑦ/ᑎᓴᒪᓕᒃᑯᑦ: ᐃᒡᓕᓂᒃᑯᑦ, ᑲᑦᑐᖅᐸᒡᓗᓯ ᐅᖓᓯᒃᑎᒋᓗᓯᐅᒡᓗ ᐃᒻᒪᖄ 30 ᒦᑕᒥᒃ ᐅᖓᓯᒃᑎᒋᓗᓂ (100 ᐃᓯᒃᑲᑦ) ᕿᒧᒃᓯᓂᒃ ᐊᖅᑯᓵᖅᓯᑎᓪᓗᓯ.
- ᐅᓚᕕᓴᐃᕙᙱᓪᓗᓯ: ᕿᒻᒥᓄᑦ ᓱᑲᓴᖅᐸᙱᓪᓗᓯ, ᑕᑯᒥᓇᕋᓱᒃᐸᙱᓪᓗᓯ, ᐅᓚᕕᓴᐃᕙᙱᓪᓗᓯᓗ ᕿᒧᒃᓯᓂᒃ ᖃᓄᑐᐃᓐᓇᑦᑎᐊᖅ ᐱᐅᓯᖃᕐᓗᓯ.
ᓄᓇᕗᒻᒥ ᒥᕐᖑᐃᖅᓯᕐᕖᑦ ᓄᓇᐃᓪᓗ ᓴᐳᔾᔭᐅᓯᒪᔪᑦ, ᐃᖃᓗᐃᑦ ᕿᒧᒃᓯᖅᑏᑦ ᑲᑎᒪᔨᖏᑦ, ᖁᔭᓕᕗᑦ ᐱᓕᕆᖃᑕᐅᑦᑎᐊᕈᓐᓇᕋᔅᓯ ᐊᓯᐅᔨᑦᑕᐃᓕᓪᓗᒍ ᑖᓐᓇ ᐱᒻᒪᕆᐅᓪᓗᓂ ᐱᓕᕆᔾᔪᓯᖅ ᖃᐅᔨᒪᓇᓱᒃᖢᒋᓪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᖅᑯᓵᖅᑕᐅᖃᑦᑕᖅᑐᑦ ᓄᓇᕗᒥᐅᓄᑦ.