ᖃᓂᒃᑯᑦ ᖃᓄᐃᙱᑦᑎᐊᕐᓂᕐᒧᑦ ᑕᖅᑭᖅ
ᐊᐃᕆᓕ ᖃᓂᒃᑯᑦ ᖃᓄᐃᙱᑦᑎᐊᕐᓂᕐᒧᑦ ᑕᖅᑭᐅᕗᖅ, ᐱᔾᔪᑎᖃᕐᓂᐊᖅᑐᑦ "ᖃᓂᒃᑯᑦ ᖃᓄᐃᙱᑦᑎᐊᕐᓂᖅ ᖃᓄᓕᒫᖅ ᖃᓄᐃᙱᑦᑎᐊᕈᓐᓇᕋᑦᑕ".
ᖃᓂᒃᑯᑦ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᒃᓴᖅ ᑭᒍᑎᓕᕆᓂᕐᒧᑦ ᐱᔨᑦᑎᕋᖅᑎᑦᑎᕙᒃᐳᖅ ᐃᓕᓐᓂᐊᖅᑎᑦᑎᓂᕐᒧᓪᓗ ᐊᑐᖅᑕᐅᔪᓐᓇᖅᑐᓂᒃ ᓄᓇᕗᒻᒥᐅᓄᑦ ᓄᑕᖅᑲᓄᑦ 12 ᑐᖔᓂ ᐅᑭᐅᓕᖕᓄᑦ ᓄᓇᕗᒥᐅᑕᐃᑦ ᖁᖓᔮᑦᑎᐊᕈᓐᓇᖁᓪᓗᒋᑦ.
ᑕᒪᑐᒪᓂ ᐊᕐᕌᒍᒥ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᖃᓂᒃᑯᑦ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᒃᓴᑦ ᑎᓕᐅᕆᕗᑦ ᓄᑕᖅᑲᓂᒃ 18 ᑐᖔᓂ ᐅᑭᐅᓕᖕᓂᒃ ᓄᓇᕗᒻᒥ ᑭᒍᑎᓯᐅᖅᑐᓂᒃ ᐱᒡᒍᓴᐅᔾᔪᐊᖁᔨᓪᓗᑎᒃ.
ᐃᓐᓇᐃᑦ ᓄᑕᖅᑲᓂᒃ ᑭᒍᑎᓯᐅᖅᑎᑦᑎᔪᓐᓇᖅᑐᑦ ᒪᕐᕈᐃᖅᓱᕐᓗᑎᒃ ᐅᓪᓗᕐᒥ 2 ᒥᓂᑦᓯᓄᑦ ᑯᒃᑭᖐᔭᕐᓗᑎᒃ ᓱᑲᓕᖕᓂᓪᓗ ᐱᙱᓐᓂᖅᓴᐅᓕᕐᓗᑎᒃ ᑭᒍᑎᑦᑎᐊᕆᖕᓂᖅᓴᐅᓕᕈᓐᓇᕋᑦᑕ ᖃᓄᓕᒫᕐᓗ ᖃᓄᐃᙱᑦᑎᐊᕐᓗᑕ. ᐱᖓᓱᑦ ᓄᑕᖅᑲᑦ ᑕᒪᐃᓐᓂ ᓄᓇᓂ ᐊᕕᒃᑐᖅᓯᒪᔪᓂ ᓵᓚᒃᓴᕈᓐᓇᖅᐳᑦ ᓂᕈᐊᕆᔭᒥᓂᒃ ᓇᒃᓴᖃᑦᑕᕐᒥᒃ ᖃᕆᑕᐅᔭᕋᓛᕐᒥᒃ, ᖃᕆᑕᐅᔭᕋᓛᕐᒥᒃ, ᐅᕝᕙᓘᓐᓃᑦ ᓴᕕᒐᐅᔭᖃᙱᑦᑐᓂᒃ ᓯᐅᒻᒥᒑᓂᒃ.
ᐊᐃᒃᖠᕈᓐᓇᖅᑐᓯ "ᓄᓇᕗᒻᒥ ᐊᕕᒃᑐᖅᓯᒪᔪᓂ ᑭᒍᑎᑦᑎᐊᕆᖕᓂᕐᒧᑦ ᐱᒡᒍᓴᐅᔾᔪᐊᕈᑎ ᑎᑎᕋᕐᕕᒃᓴᖅ" ᓄᓇᔅᓯᓐᓂᑦ ᖃᓂᒃᑯᑦ ᖃᓄᐃᙱᑦᑎᐊᕐᓂᕐᒧᑦ ᑲᒪᔨᒧᑦ (COHC) ᐅᕝᕙᓘᓐᓃᑦ ᓄᓇᓕᖕᓂᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒡᒐᖅᑐᖅᑎᒧᑦ. ᑎᑎᕋᕐᕕᒃᓴᖅ ᒪᓕᒋᐊᖃᖅᑐᓄᑦ ᑲᑎᖅᓱᖅᓯᒪᔪᑦ ᖃᐅᔨᒪᔾᔪᑎᒃᓴᑦ ᖃᐅᑕᒫᑦ ᖃᓂᒃᑯᑦ ᓴᓗᒪᒋᐊᖃᕐᓂᕐᒥᒃ.
ᐅᑎᖅᑎᓪᓗᒋᑦ ᑎᑎᕋᖅᓯᒪᔪᑦ ᓄᓇᕗᒻᒥ ᐊᕕᒃᑐᖅᓯᒪᔪᓂ ᑭᒍᑎᓯᐅᑦᑎᐊᕐᓂᕐᒧᑦ ᐱᓇᔪᖕᓂᖅ ᑭᒍᑎᓯᐅᕐᓂᕐᒧᑦ ᑎᑎᕋᕐᕕᒃᓴᖅ ᓄᓇᓕᖕᓂᑦ ᖃᓂᒃᑯᑦ ᖃᓄᐃᙱᑦᑎᐊᕐᓂᕐᒧᑦ ᑲᒪᔨᒧᑦ ᐅᕝᕙᓘᓐᓃᑦ ᓄᓇᓕᖕᓂᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᑭᒡᒐᖅᑐᖅᑎᒧᑦ ᒪᐃ 3, 2024−ᒧᑦ ᑎᑭᓪᓗᒍ ᐱᓇᔪᒃᑐᓂᒃ ᐃᓚᐅᔪᒪᒍᔅᓯ. ᐱᖓᓱᑦ ᓵᓚᖃᖅᑐᑦ ᑕᒪᐃᓐᓂᒃ ᓄᓇᓕᖕᓂ ᐊᕕᒃᑐᖅᓯᒪᔪᓂ ᓂᕈᐊᖅᑕᐅᓂᐊᖅᑐᑦ ᖃᐅᔨᒃᑲᖅᑕᐅᓗᑎᒡᓗ ᐅᖃᓘᑎᒃᑯᑦ ᒪᐃ 21, 2024−ᒥ.
ᑐᑭᓯᒋᐊᒃᑲᓂᕈᒪᒍᕕᑦ, ᖃᐅᔨᒋᐊᕐᕕᒋᓗᒍ ᐊᕕᒃᑐᖅᓯᒪᔪᓂ ᓄᓇᓕᖕᓂ ᖃᓂᒃᑯᑦ ᖃᓄᐃᙱᑦᑎᐊᖅᑐᓕᕆᔨᒧᑦ ᐅᕗᖓ:
- ᕿᑎᕐᒥᐅᓂ: 867-983-4081
- ᑭᕙᓪᓕᕐᒥ: 867-645-8041
- ᕿᑭᖅᑖᓗᖕᒥ: 867-975-5778