ᓄᑕᕋᓛᑦ ᐊᓂᕐᓂᖃᙱᑎᓪᓗᒋᑦ ᐃᖅᑯᒻᒪᐅᑕᐅᕙᒃᑐᑦ ᐅᔾᔨᕆᔭᐅᒃᑲᓐᓂᖁᓪᓗᒋᑦ ᑕᖅᑭᖓ

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᓄᑕᕋᓛᑦ ᐊᓂᕐᓂᖃᙱᑎᓪᓗᒋᑦ ᐃᖅᑯᒻᒪᐅᑕᐅᕙᒃᑐᑦ ᐅᔾᔨᕆᔭᐅᒃᑲᓐᓂᖁᓪᓗᒋᑦ ᑕᖅᑭᖓ

ᐅᑐᐱᕆ ᑕᖅᑭᕆᔭᐅᕗᖅ ᓄᑕᕋᓛᑦ ᐊᓂᕐᓂᖃᙱᑎᓪᓗᒋᑦ ᐃᖅᑯᒻᒪᐅᑕᐅᕙᒃᑐᑦ ᐅᔾᔨᕆᔭᐅᒃᑲᓐᓂᖁᓪᓗᒋᑦ. ᓄᑕᕋᓛᑦ ᐊᓂᕐᓂᖃᙱᑎᓪᓗᒋᑦ ᐃᖅᑯᒻᒪᐅᑕᐅᕙᖕᓂᖏᑦ ᐃᒪᓐᓇ ᓇᓗᓇᐃᖅᑕᐅᕗᖅ ᓂᕆᐅᓇᙱᑦᑐᒥᑦ ᓇᓗᓇᐃᖅᑕᐅᔪᓐᓇᙱᑦᑐᒥᑦ ᓯᓂᒃᑎᓪᓗᒍ ᐃᓅᔪᓐᓃᖅᑐᖅ ᓄᑕᕋᓛᖅ ᓱᓕ ᐊᕐᕌᒍᑖᓚᐅᙱᑎᓪᓗᒍ.

ᐅᑯᐊ ᐊᑦᑕᕐᓇᙱᑦᑐᒦᔾᔪᑕᐅᔪᓐᓇᕐᓂᖅᓴᐃᑦ ᓄᑕᕋᓛᓂᒃ ᐊᓂᕐᓂᖃᙱᑎᓪᓗᒋᑦ ᐃᖅᑯᒻᒪᐅᑕᐅᕙᒃᑐᓂᒃ:

• ᓄᑕᕋᓛᖅ ᓂᕐᕋᓚᖓᑏᓐᓇᐅᔭᕐᓗᒍ ᓯᓂᒃᑎᓪᓗᒍ.
• ᐃᒡᓗᕈᓯᕐᒥᐅᑕᖃᑎᒋᕙᒡᓗᒍ, ᑐᑎᒃᐸᙱᓪᓗᒍ.
• ᐃᕕᐊᖏᒃᑯᑦ ᐊᒫᒪᒃᑎᑉᐸᒡᓗᒍ.
• ᓱᐴᖅᑐᕐᕕᐅᙱᓪᓗᓂ ᐃᓂᖃᕐᑎᓪᓗᒍ.
• ᓂᕈᒥᒃᑐᓂᑦ ᖃᓱᖓᔪᓂᓪᓗ ᐊᓪᓕᓂᓕᕐᐸᙱᓪᓗᒍ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᔭᐅᖅᑐᐃᕗᑦ ᐊᖓᔪᖅᑳᕆᔭᐅᔪᓂᑦ ᐸᖅᑭᔨᓂᓪᓗ ᐋᖅᑭᒃᓯᓯᒪᖁᔭᐅᓪᓗᑎᑦ ᐊᑦᑕᖕᓇᙱᑦᑐᒥᑦ ᓯᓂᒡᕕᖕᒥᑦ ᓄᑕᕋᓛᒥᓄᑦ ᐊᑦᑕᖕᓇᓗᐊᕐᑐᒦᖁ ᓄᑕᕋᓛᑦ ᐊᓂᕐᓂᖃᙱᑎᓪᓗᒋᑦ ᐃᖅᑯᒻᒪᐅᑕᐅᕙᖕᓂᖏᑦ. ᐊᑦᑕᖕᓇᙱᓛᖅ ᐃᓂᓪᓚᖕᓂᐊᕐᓗᒍ ᓄᑕᕋᓛᑦ ᓯᓂᖕᓂᐊᕐᓗᓂ ᐃᒡᓕᑯᓗᖕᒥᑦ ᒪᓕᒃᑐᐃᑦ ᑲᓇᑕᒥᑦ ᐊᑦᑕᖕᓇᖅᑕᐃᓕᒪᓂᖕᒧᑦ ᒪᓕᒋᐊᓕᖏᓐᓂᑦ.

ᑐᑭᓯᒋᐊᒃᑲᓂᕈᒪᒍᕕᑦ ᐊᑦᑕᖕᓇᙱᑦᑐᒥᑦ ᓯᓂᒡᕕᓕᐅᖕᓂᖕᒥᑦ ᐊᑦᑕᖕᓇᖅᑕᐃᓕᒪᑎᓪᓗᒍᓗ ᓄᑕᕋᓛᑦ ᐊᓂᕐᓂᖃᙱᑎᓪᓗᒋᑦ ᐃᖅᑯᒻᒪᐅᑕᐅᕙᖕᓂᖏᑦ, ᖃᐅᔨᒋᐊᕐᕕᒋᓗᒍ ᐋᓐᓂᐊᕕᓯ, ᐅᕗᙵᐅᓗᑎᑦ www.livehealthy.gov.nu.ca, ᐅᕝᕙᓘᓐᓃᑦ www.livehealthy.gov.nu.ca/sites/default/files/SIDS_Factsheet%20Inuk.pdf

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
@email