ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᒡᓗᓂᒃ ᐅᖅᓱᐊᓗᖕᒧᑦ ᐃᑲᔫᑎᑦ ᐊᑐᐃᓐᓇᐅᑎᑕᐅᒃᑲᓐᓂᕐᓂᐊᖅᑐᑦ 2024-ᒥ
ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᒡᓗᓂᒃ ᐅᖅᓱᐊᓗᖕᒧᑦ ᐃᑲᔫᑎᑦ ᐊᑐᐃᓐᓇᐅᑎᑕᐅᒃᑲᓐᓂᕐᓂᐊᖅᑐᑦ 2024-ᒥ
ᐃᖃᓗᐃᑦ, ᓄᓇᕗᑦ (ᑎᓯᐱᕆ 5, 2023) - ᓄᓇᕗᑦ ᒐᕙᒪᒃᑯᑦ ᐊᑐᐃᓐᓇᕈᖅᑎᑦᑎᒃᑲᓐᓂᕐᓂᐊᖅᑐᑦ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᒡᓗᓂᒃ ᐅᖅᓱᐊᓗᖕᒧᑦ ᐃᑲᔫᑎᓂᒃ 2024-ᒥ.
ᐃᑲᔫᑎᑦ ᐊᑐᐃᓐᓇᐅᑎᑦᑎᕗᑦ $1,000 ᑖᒃᓰᔭᕈᑎᖃᙱᑦᑐᒃᑯᑦ ᐃᓗᐃᑦᑑᓗᒍ ᐊᑭᓕᐅᓯᐊᓂᒃ ᓄᓇᕗᒥᐅᓄᑦ ᓇᖕᒥᓂᖃᖅᑎᐅᔪᓄᑦ ᐃᒡᓗᓂᒃ ᐃᑲᔫᑎᒃᓴᐅᓪᓗᑎᒃ ᐅᖅᑰᓴᐅᑎᒧᑦ ᐊᑭᖏᓐᓄᑦ.
"ᐃᒡᓗᓂᒃ ᓇᖕᒥᓂᖃᖅᑎᐅᔪᓄᑦ ᐅᖅᓱᐊᓗᖕᒧᑦ ᐃᑲᔫᑎᑦ ᓴᖅᑭᑕᐅᓚᐅᖅᓯᒪᔪᖅ 2023-ᒥ ᐃᑲᔪᖅᑕᐅᖁᓪᓗᒋᑦ ᓄᓇᕗᒻᒥ ᐃᒡᓗᓂᒃ ᓇᖕᒥᓂᖃᖅᑏᑦ ᐊᑭᑐᓂᖅᓴᐅᓕᖅᑎᓪᓗᒋᑦ ᐃᒡᓗᖏᑦ ᐅᖅᑰᓴᖅᑎᒋᐊᒃᓴᖅ ᑭᓱᑐᐃᓐᓇᑦ ᐊᑭᑦᑐᖅᐸᓪᓕᐊᓂᖏᓐᓄᑦ ᐊᒻᒪ ᑲᓇᑕᒥ ᐸᐅᕐᒧᑦ ᑖᒃᓯᓕᕆᔾᔪᑎᓄᑦ ᐊᑭᑦᑐᕆᐊᖅᑐᓄᑦ. ᐊᑐᐃᓐᓇᐅᑎᑦᑎᒃᑲᓐᓂᕐᓂᐊᖅᑐᒍᑦ ᑖᒃᑯᓂᖓ ᐃᑲᔫᑎᓂᒃ 2024-ᒥ ᐃᑲᔪᖅᑐᐃᓐᓇᕐᓗᒋᑦ ᐃᒡᓗᓂᒃ ᓇᖕᒥᓂᖃᖅᑏᑦ," ᐅᖃᓚᐅᖅᐳᖅ ᑮᓇᐅᔭᓕᕆᔨᒃᑯᓐᓄᑦ ᒥᓂᔅᑕ ᖁᐊᓴ ᑯᓱᒐᖅ.
ᐱᓇᔫᑎᑦ 2024-ᒧᑦ ᐃᑲᔫᑎᓄᑦ ᐊᑐᐃᓐᓇᐅᓕᕐᓂᐊᖅᐳᑦ ᐱᒋᐊᕐᓗᒍ ᑎᓯᐱᕆ 1. ᐃᒡᓗᓂᒃ ᓇᖕᒥᓂᖃᖅᑏᑦ ᐱᓇᔪᒍᓐᓇᕐᒥᔪᑦ ᒫᓐᓇᓕᓴᕐᒧᑦ 2023 ᐃᑲᔫᑎᓄᑦ ᑎᓯᐱᕆ 31, 2023−ᖑᕋᓱᖕᓂᖓᓄᑦ, ᐱᓚᐅᙱᑉᐸᑕ ᓱᓕ.
ᑐᑭᓯᒋᐊᒐᒃᓴᑦ ᖃᓄᖅ ᐱᓇᔪᒍᓐᓇᕐᒪᖔᑕ ᓄᓇᕗᒻᒥ ᐃᒡᓗᓂᒃ ᓇᖕᒥᓂᖃᖅᑎᓄᑦ ᐅᖅᓱᐊᓗᖕᒧᑦ ᐃᑲᔫᑎᓂᒃ ᐱᔭᒃᓴᐅᕗᑦ ᑮᓇᐅᔭᓕᕆᔨᒃᑯᑦ ᐃᑭᐊᖅᑭᕕᖓᓐᓂ.
ᑐᑭᓯᒋᐊᒃᑲᓐᓂᕈᒪᒍᕕᑦ, @email ᖃᐅᔨᒋᐊᕐᕕᒋᔪᓐᓇᖅᑕᑦ ᐅᖄᓚᓗᑎᓪᓘᓐᓃᑦ 1-800-316-3324−ᒧᑦ ᐅᕝᕙᓘᓐᓃᑦ ᖃᐅᔨᒋᐊᕐᓗᑎᑦ ᐊᐱᖅᑯᑕᐅᒐᔪᒃᑐᓄᑦ ᑎᑎᖅᑲᒧᑦ ᐃᓚᓕᐅᑎᓯᒪᔪᒧᑦ.
###
**ᖃᐅᔨᒪᔭᐅᒋᐊᓕᒃ − ᖃᓄᓗᒃᑖᖅ ᐊᐱᖅᑯᑎᓄᑦ ᖃᓄᖅ ᐱᓇᔪᒋᐊᖃᕐᒪᖔᑕ ᐃᒡᓗᓂᒃ ᓇᖕᒥᓂᖃᖅᑎᑦ ᐅᖅᓱᐊᓗᖕᒧᑦ ᐃᑲᔫᑎᒧᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕈᓐᓇᖅᐳᑦ ᐅᑯᓄᖓ @email ᐅᖄᓚᓗᑎᓪᓘᓐᓃᑦ 1-800-316-3324−ᒧᑦ**