ᓄᓇᕗᒻᒥ ᒥᓂᔅᑕ ᒪᓕᒐᓕᕆᔨᒃᑯᓐᓄᑦ − ᓄᓇᕗᒻᒥ ᐸᓖᓯᒃᑯᑦ, ᑐᑭᒧᐊᖃᑎᒌᓐᓂᕐᒧᑦ ᐅᖃᐅᓯᑦᓴᐃᑦ 2019-2021

ᓄᓇᕗᒻᒥ ᒥᓂᔅᑕ ᒪᓕᒐᓕᕆᔨᒃᑯᓐᓄᑦ − ᓄᓇᕗᒻᒥ ᐸᓖᓯᒃᑯᑦ

ᑐᑭᒧᐊᖃᑎᒌᓐᓂᕐᒧᑦ ᐅᖃᐅᓯᑦᓴᐃᑦ 2019-2021

ᑕᒪᓐᓇ ᐱᓕᕆᖃᑎᒌᖕᓂᒃᑯᑦ ᑐᑭᒧᐊᖃᑎᒌᖕᓂᕐᒧᑦ ᐅᖃᐅᓯᒃᓴᖃᕐᓂᖅ ᐊᒃᑐᐊᓂᖃᖅᑐᖅ ᐃᓕᓴᕆᔭᐅᓂᖏᓐᓂᒃ ᑕᒪᐃᓐᓂᒃ ᐱᓕᕆᖃᑎᒌᖕᓂᐅᔪᓂ ᐸᓖᓯᓕᕆᔾᔪᓯᕐᓂ ᓄᓇᕗᒻᒥ ᐊᔾᔨᖃᙱᑦᑐᖅ.

ᓄᓇᕗᑦ ᒐᕙᒪᖓ (GN) ᑲᓇᑕᐅᓪᓗ ᒐᕙᒪᒃᑯᖏᑦ (GC) ᐱᓕᕆᖃᑎᒌᖕᓂᐅᔪᑦ ᐊᕐᕌᒍᓄᑦ 20-ᓄᑦ ᐊᖏᖃᑎᒌᒍᑎᒃᑯᑎᒍᑦ ᐊᑐᐃᓐᓇᐅᑎᑦᑎᓂᕐᒧᑦ ᐊᓯᔾᔨᖅᐸᓪᓕᐊᙱᑦᑐᓂ ᐸᓖᓯᓕᕆᑦᑎᐊᕐᓂᕐᒥᒃ ᓄᓇᕗᒻᒥ ᐊᑐᓕᖅᑎᑦᑎᓂᕐᒥᒃ ᐸᓖᓯᒃᑯᓐᓂᑦ ᓄᓇᕗᒻᒥ ᐸᓖᓯᒃᑯᓐᓂᑦ ᐱᔨᑦᑎᕋᖅᑎᐅᓪᓗᑎᒃ. ᑕᒪᓐᓇ ᐊᖏᖃᑎᒌᖕᓂᐅᔪᖅ ᓇᓗᓇᐃᖅᓯᒪᔪᖅ ᐱᓕᕆᖃᑎᒌᖕᓂᐅᔪᓂᑦ ᐊᖏᕈᑕᐅᓯᒪᓂᖓᓂᒡᓗ ᓄᓇᕗᒻᒥ ᑲᓇᑕᒥᓗ ᐱᓕᕆᖃᑎᒌᖕᓂᒃᑯᑦ ᐊᑐᐃᓐᓇᐅᑎᑦᑎᓂᕐᒧᑦ ᓄᓇᕗᒻᒥᐅᓄᑦ ᐸᓖᓯᒃᑯᑦ ᐱᔨᑦᑎᕋᕐᓂᖏᓐᓂᒃ ᐱᓕᕆᐊᕆᔭᐅᔪᓂ ᐊᑐᕐᓂᖃᑦᑎᐊᖅᑐᒃᑯᑦ, ᑲᔪᓯᓂᖃᑦᑎᐊᖅᑐᒃᑯᑦ, ᐱᖅᑯᓯᑎᒍᓪᓗ ᐃᓱᒪᒃᓴᖅᓯᐅᕈᑕᐅᔪᓐᓇᖅᑐᒃᑯᑦ.

ᐱᓕᕆᐊᖃᖅᐸᓪᓕᐊᓂᖅ ᓯᕗᓪᓕᐅᔾᔭᐅᔭᕆᐊᓕᖕᓂᒃ ᓇᓗᓇᐃᖅᑕᐅᓯᒪᔪᓂ ᓄᓇᕗᒻᒥᐅᓂᒃ, ᓄᓇᕗᑦ ᒐᕙᒪᖓᓐᓂ ᐸᓖᓯᒃᑯᓐᓂᓗ ᑲᔪᓯᑎᑦᑎᓂᐅᓂᕐᒧᑦ ᐊᑑᑎᖃᑦᑎᐊᖅᑐᓂ ᐱᓕᕆᖃᑎᒌᖕᓂᕐᓂᒃ ᐃᓄᖕᓂᒃ ᓄᓇᓕᖕᓂᓗ ᑐᕌᒐᖃᕐᓗᑎᒃ ᑭᒃᑯᑐᐃᓇᑦ ᐊᑦᑕᕐᓇᖅᑕᐃᓕᒪᓂᖏᓐᓂᒃ ᑐᓴᐅᒪᖃᑦᑕᐅᑎᓂᒃᑯᑦ, ᑕᑯᒃᓴᐅᑦᑎᐊᕐᓂᒃᑯᑦ, ᓵᑕᐅᔪᓐᓇᕐᓂᒃᑯᑦ, ᑭᐅᔪᓐᓇᕐᓂᒃᑯᓪᓗ ᐱᔭᐅᔭᕆᐊᓕᖕᓂ ᓄᓇᓕᖕᓂ ᐊᑦᑕᕐᓇᖅᑐᒦᑦᑐᓂ, ᐱᓕᕆᐊᖃᕐᓂᕐᒥᒡᓗ ᐱᕋᔭᒃᑕᐃᓕᒪᑎᑦᑎᓂᕐᒧᑦ/ᐱᕋᔭᓗᐊᕈᓐᓃᖅᑎᑦᑎᓂᕐᒧᓪᓗ ᐱᓕᕆᐊᖑᕙᓪᓕᐊᔪᒪᔪᓂ. ᐸᓖᓯᓕᕆᔾᔪᓰᑦ ᑐᕌᒐᕆᔭᐅᔪᑦ ᐊᑐᖅᑕᐅᕙᒃᑐᑦ ᓄᓇᕗᑦ ᒐᕙᒪᖓᓐᓂ ᐸᓖᓯᒃᑯᓐᓂᓗ ᐱᔭᕇᖅᑕᐅᓇᔭᖅᑐᑦ ᐱᓕᕆᖃᑎᒌᖕᓂᒃᑯᑦ ᓯᕗᓪᓕᐅᔾᔨᓂᒃᑯᑦ ᐱᐅᓯᒋᐊᖅᑎᑦᑎᓂᒃᑯᑦ ᖃᓄᐃᙱᑦᑎᐊᕐᓂᕐᓂᒃ ᐊᒻᒪ ᐊᑦᑕᕐᓇᖅᑕᐃᓕᒪᓂᒃᑯᑦ ᓄᓇᓕᖕᓂ ᓄᓇᕗᒻᒥ ᓇᓗᓇᐃᖅᓯᓂᕐᒥᒡᓗ ᐸᓖᓯᒃᑯᑦ ᑎᒥᖁᑎᒋᔭᐅᔪᓐᓇᕐᓂᖏᓐᓂᒃ ᐱᐅᓛᖑᓂᕐᒥᒃ ᓵᑕᐅᔪᓐᓇᕐᓂᖏᓐᓂᒡᓗ ᐃᑲᔪᖅᑕᐅᔭᕆᐊᖃᖅᑐᓄᑦ ᐱᖃᖅᑎᐅᖃᑕᐅᔪᓪᓗ ᓂᕆᐅᒋᔭᖏᓐᓂᒃ.

ᐅᑯᐊ ᑕᕝᕙ ᐱᓕᕆᖃᑎᒌᖕᓂᐅᔪᒪᔪᑦ:

• ᖁᕝᕙᖅᐹᓪᓕᖅᑎᓪᓗᒍ ᐃᓄᖕᓄᑦ ᐅᒃᐱᕆᔭᐅᓂᖅ ᖁᓱᔾᔪᑎᖃᙱᓐᓂᕐᓗ ᐃᓄᖕᓂᒃ;
• ᓵᑕᐅᔪᓐᓇᕐᓂᖅ ᒐᕙᒪᒃᑯᓐᓄᑦ ᓄᓇᓕᖕᓄᓪᓗ;
• ᓄᓇᓖᑦ ᐊᑦᑕᕐᓇᖅᑐᒦᑦᑐᑦ; ᐊᒻᒪ,
• ᐱᕋᔭᒃᑕᐃᓕᒪᑎᑦᑎᓂᖅ/ ᐱᕋᔭᓗᐊᕈᓐᓃᖅᑎᑦᑎᓂᖅ

ᖁᕝᕙᖅᐹᓪᓕᖅᑎᓪᓗᒍ ᐃᓄᖕᓄᑦ ᐅᒃᐱᕆᔭᐅᓂᖅ ᖁᓱᔾᔪᑎᖃᙱᓐᓂᕐᓗ ᐃᓄᖕᓂᒃ

ᖃᓄᐃᓕᐅᖅᐸᓚᐅᕈᓯᖏᑦ ᐊᔾᔨᐅᙱᓐᓂᖏᓪᓗ ᐸᓖᓯᓕᕆᓃᑦ ᑕᒫᓂ ᓄᓇᑦᑎᓐᓂ ᐱᒋᐊᓚᐅᖅᓯᒪᕗᑦ ᓄᓇᕗᑦ ᐱᒋᐊᓚᐅᖅᑳᖅᑎᓐᓇᒍ. ᐸᓖᓯᒃᑯᑦ ᐃᓚᐅᓂᖃᑦᑎᐊᓚᐅᖅᑐᑦ ᐱᓕᕆᐊᖃᑦᑎᐊᖅᖢᑎᒡᓗ ᐊᐅᓚᑦᑎᑎᓪᓗᒋᑦ ᒐᕙᒪᒃᑯᑦ ᐊᑐᐊᒐᖏᓐᓂᒃ ᐅᑭᐅᖅᑕᖅᑐᒥ. ᑕᒪᑐᒪᖓ ᐱᔾᔪᑕᐅᔪᒧᑦ, ᐱᓕᕆᖃᑎᒌᖕᓂᐅᔪᑦ ᐃᓄᖕᓂᒃ ᐅᒃᐱᕈᓱᓕᖅᑎᑦᑎᓂᖃᕆᐊᓕᒃ ᑲᔪᓯᓂᖃᑦᑎᐊᕐᓗᓂᓗ ᐱᓕᕆᕝᕕᖕᒥ. ᑕᒪᓐᓇ ᐊᑐᓕᖅᑎᑦᑐᓐᓇᖅᑕᕗᑦ ᓄᓇᕗᒻᒥᑦ ᐱᕈᖅᐸᓪᓕᐊᖏᓐᓇᕐᓂᒃᑯᑦ ᐱᓕᕆᖃᑎᒌᖕᓂᒃᑯᓪᓗ ᓇᖕᒥᓂᖃᖃᑎᒌᖕᓂᒃᑯᓪᓗ ᐊᑑᑎᖃᑦᑎᐊᖅᑐᒃᑯᑦ ᑐᓴᐅᒪᖃᑦᑕᐅᑎᓂᒃᑯᑦ ᓄᓇᓕᖕᓂ ᐃᓄᖕᓂᓪᓗ.

ᓯᕗᓪᓕᐅᑎᑕᐅᔪᒪᔪᑦ ᐅᑯᐊᖑᕗᑦ:

• ᐊᑐᖅᓯᑦᑎᐊᖃᑦᑕᕐᓂᕐᒥᒃ ᐅᔾᔨᕐᓇᖅᓯᑎᑦᑎᓂᕐᒥᒡᓗ ᐃᓄᒃᑐᑦ ᐱᓕᕆᕝᕕᖕᒥ. ᓄᓇᕗᑦ ᒐᕙᒪᖓ ᐸᓖᓯᒃᑯᓪᓗ ᓇᓗᓇᐃᖅᓯᔪᑦ ᐱᒻᒪᕆᐅᓂᖓᓂᒃ ᐸᓖᓯᒃᑯᑦ ᑐᓴᐅᒪᖃᑦᑕᐅᑎᓂᖃᖃᑦᑕᕐᓂᖏᓐᓂᒃ ᐃᓄᐃᑦ ᐅᖃᐅᓯᖅᑕᖏᑦᑎᒍᑦ, ᑕᒪᐃᓐᓄᑦ ᑭᒃᑯᑐᐃᓇᑦ ᐸᓖᓰᓪᓗ ᐊᑦᑕᕐᓇᖅᑕᐃᓕᒪᓂᖏᓐᓄᑦ. ᐊᒻᒪᓗᑦᑕᐅᖅ, ᒐᕙᒪᒃᑯᑦ ᓄᓇᕗᒻᒥ ᐸᓖᓯᒃᑯᓪᓗ ᐱᓕᕆᐊᖃᕐᓂᐊᖅᑐᑦ ᐊᑐᐃᓐᓇᐅᑎᑦᓯᓂᕐᒧᑦ ᑎᑎᖃᐃᑦ ᓇᓗᓇᐃᔭᐃᓯᒪᔪᑦ ᑭᓲᓂᖓᓂᑦ, ᐱᔨᑦᓯᕋᕐᓂᕐᒥᑦ Tc 0 Tw (, ᑎᑎᖅᑲᕐᓂᓪᓗ ᓄᓇᕗᒻᒥᐅᓄᑦ ᐃᓄᐃᑦ ᐅᖃᐅᓯᖏᓐᓄᑦ;
• ᑲᒪᒋᔭᖃᕐᓂᕐᒥᑦ ᑎᓕᐅᕆᓂᕐᒥᓪᓗ ᐃᖅᑲᓇᐃᔭᖅᑎᑖᕐᓂᕐᒥᑦ ᐃᓄᓐᓂᑦ ᐸᓖᓯᑖᕐᓂᕐᒧᑦ ᐃᖅᑲᓇᐃᔭᖅᑎᓂᓪᓗ ᑲᔪᓰᓐᓇᖅᑐᓂᑦ;
• ᓇᓗᓇᐃᖅᓯᓂᕐᒥᑦ ᓄᑖᓂᑦ ᐸᓖᓯᓂᑦ ᓄᓇᕗᒻᒨᖅᑐᓄᑦ ᑐᓴᐅᒪᑎᑦᓯᓂᕐᒥᑦ ᐃᑉᐱᒍᓱᒋᐊᕐᓂᕐᒥᓪᓗ ᐃᓄᐃᑦ ᐃᓕᖅᑯᓯᖓᓂᑦ: ᐊᑐᐃᓐᓇᐅᑎᑦᓯᓂᕐᒥᑦ ᐊᑕᖏᑦᓯᐊᖅᑐᓂᑦ ᖃᐅᔨᒪᓕᖅᑎᑕᐅᒃᑲᓐᓂᕐᓂᕐᒥᑦ ᐃᓅᖃᑎᒌᖃᑦᑕᕐᓂᖏᓐᓄᑦ ᐱᐅᓯᕆᔭᐅᕙᓚᐅᖅᑐᓂᑦ ᐃᓄᐃᑦ ᐸᓖᓰᓪᓗ; ᐊᑐᐃᓐᓇᐅᑎᑦᓯᓂᕐᒥᑦ ᖃᐃᔨᒪᓕᖅᑎᑦᑕᐅᒃᑲᓐᓂᕐᓂᕐᒥᑦ ᓄᓇᓕᓐᓄᑦ ᐱᔨᑦᓯᕋᕐᕕᒋᓂᐊᖅᑕᖏᓐᓂᑦ; ᑎᓕᐅᕆᑲᓐᓂᕐᓂᕐᒥᑦ ᑲᔪᓰᓐᓇᖅᑐᒥ ᐃᓕᖅᑯᓯᕐᒥᓂ ᐱᔪᓐᓇᑦᓯᐊᕐᓂᖏᓐᓄᑦ ᐱᓕᒻᒪᒃᓴᕐᓂᕐᒧᑦ ᒫᓐᓇᐅᔪᖅ ᐸᓖᓯᓄᑦ;
• ᓇᓗᓇᐃᖅᓯᓂᕐᒥᑦ ᐸᓖᓯᓂᑦ ᓅᑉᐸᓕᐊᔪᓂᑦ "V" ᐱᓕᕆᕝᕕᖓᓄᑦ ᐅᑭᐅᖅᑕᖅᑐᒦᒍᓐᓇᕐᓂᖓᓄᑦ ᓈᒻᒪᓐᓂᖓᓄᑦ ᖃᐅᔨᓴᖅᑕᐅᓂᕐᒧᑦ; ᐊᒻᒪᓗ
• ᓇᓗᓇᐃᖅᓯᓂᕐᒥᑦ ᐱᒐᓱᐊᕐᓂᕐᒥᑦ ᓇᓗᓇᐃᖅᓯᓂᕐᒧᑦ ᐸᓖᓯᓂᑦ ᐱᓯᒪᑦᓯᔪᓂᑦ ᓇᓗᓇᙱᔾᔪᑎᖏᑦ ᑲᔪᓯᓂᖃᑦᓯᐊᕐᓂᕐᒧᑦ ᐸᓖᓯᓕᕆᔾᔪᓯᕐᓂᑦ ᓄᓇᓕᑦᑎᓐᓄᑦ ᐅᖓᓯᑦᑐᒥᐅᓂᖅᓴᐅᔪᓄᑦ. ᑖᓐᓇ ᐱᒻᒪᕆᐅᓗᐊᖅᑐᖅ ᖃᓄᐃᖏᑦᓯᐊᕐᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᑕᒪᒃᑮᓐᓄᑦ ᐸᓖᓯᓄᑦ ᓄᓇᓕᓐᓂᓪᓗ ᐱᔨᑦᓯᕋᖅᑕᖏᓐᓄᑦ.

ᓵᑕᐅᔪᓐᓇᕐᓂᖅ ᒐᕙᒪᒃᑯᓐᓄᑦ ᓄᓇᓕᓐᓄᓪᓗ

ᒐᕙᒪᒃᑯᓐᓄᑦ ᑎᒥᐅᔪᑦ, ᑲᒪᒋᔭᑦᓴᖃᕋᑦᑕ ᐊᐅᓚᑦᓯᓂᕐᒧᑦ ᐃᑲᔫᑎᓄᑦ ᐊᑑᑎᖃᑦᓯᐊᖅᑐᒃᑯᑦ, ᑲᒪᒋᔭᖃᕐᓂᕐᒥᓪᓗ ᓄᓇᕗᒻᒥᐅᓕᒫᓂᑦ ᑭᒡᒐᖅᑐᐃᓗᑕ. ᓱᓕᑲᓐᓂᖅ, ᑲᒪᒋᔭᑦᓴᖃᕐᒥᔪᒍᑦ ᓇᓗᓇᐃᖅᓯᓂᕐᒥᑦ ᒐᕙᒪᒃᑯᑦ ᓵᑕᐅᓕᕈᓐᓇᕐᓂᖏᓐᓄᑦ ᖃᓄᐃᓕᐅᕐᓂᖏᓐᓄᑦ. ᑕᐃᒪᐃᓐᓂᖓᓄᑦ, ᐸᓯᐅᕆᓂᖅ ᐸᓖᓯᒃᑯᓂᑦ ᐱᕋᔭᓐᓂᕋᐃᓂᕐᒧᑦ ᐅᖃᐅᓯᐅᒋᐊᓕᒃ ᐊᑯᓂᐅᖏᑦᑐᒥᑦ ᓈᒻᒪᑦᑐᒥᓪᓗ. ᑖᒃᑯᐊ ᐃᓱᒫᓘᑕᐅᔪᑦ ᐅᖃᐅᓯᕆᒍᓐᓇᖅᑐᕗᑦ ᓄᓇᕗᒻᒥ ᐃᓱᒪᒋᔭᐅᓯᒪᑦᓯᐊᖅᑐᓂᑦ ᐅᖃᐅᓯᖃᕐᓂᕐᒥᑦ ᐊᐅᓚᑦᓯᓂᕐᒥᑦ ᑮᓇᐅᔭᓕᕆᓂᕐᒥᓪᓗ ᐊᑦᓱᕉᑕᐅᔪᓂᑦ ᐸᓖᓯᓕᕆᔾᔪᓯᕐᓂᑦ ᓄᓇᕗᒻᒥ ᓇᓗᓇᐃᖅᓯᓂᕐᒥᓪᓗ ᐱᓕᕆᑦᓯᐊᓂᕐᒧᑦ, ᐱᓕᕆᐊᕆᖏᑦᑕᖏᓐᓂᑦ ᑭᒃᑯᑐᐃᓐᓇᕐᓂᓗ ᐅᔾᔨᕈᓱᑦᑎᑦᓯᓂᕐᒥᑦ ᐃᓘᓐᓇᖏᓐᓂᑦ ᐱᕙᓪᓕᐊᔾᔪᑕᐅᔪᓂᑦ ᐊᑐᐃᓐᓇᐅᔪᓂᑦ ᐅᖃᐅᓯᖃᕐᓂᕐᒥᑦ ᐸᓖᓯᒃᑯᓐᓂᑦ ᐱᕋᔭᓐᓂᕋᐃᓂᕐᒧᑦ.

ᓯᕗᓪᓕᐅᑎᑕᐅᔪᒪᔪᑦ ᐅᑯᐊᖑᕗᑦ:

• ᑲᑐᔾᔨᖃᑎᒌᓐᓂᖅ ᒐᕙᒪᒃᑯᓐᓂᑦ ᓄᓇᕗᒻᒥ ᐸᓖᓯᒃᑯᓐᓂᓪᓗ ᐅᖃᐅᓯᖃᕐᓂᕐᒥᑦ ᐃᑲᔫᑎᑦᓴᓄᑦ ᐊᑦᓱᕉᑕᐅᔪᓂᑦ;
• ᓇᓗᓇᐃᖅᓯᓂᕐᒥᑦ ᐸᓯᐅᕆᓂᐅᔪᐃᑦ ᐸᓖᓯᒃᑯᓐᓂᑦ ᐱᕋᔭᓐᓂᕋᐃᓂᕐᒧᑦ ᐱᒻᒪᕆᐅᑎᑕᐅᓂᖏᓐᓄᑦ ᐱᓕᕆᐊᕆᔭᐅᓗᑎᓪᓗ. ᐸᓖᓯᒃᑯᑦ ᐊᑕᖏᑦᓯᐊᖅᑐᓂᑦ ᕿᒥᕐᕈᓂᕐᒧᑦ ᐋᖅᑭᑦᓯᒪᓂᖃᖅᑐᑦ ᐃᒻᒥᒃᑰᖅᑐᓂᑦ ᑲᒪᑦᓯᐊᖏᓐᓂᕐᒧᑦ ᐱᓕᕆᔾᔪᓯᖃᕐᓂᕐᒥᑦ ᐅᖃᐅᓯᖃᕐᓂᕐᒧᑦ ᐃᓘᓐᓇᖏᓐᓂᑦ ᐸᓯᐅᕆᓂᐅᔪᓄᑦ ᐸᓖᓯᒃᑯᑦ ᐱᕋᔭᓐᓂᐊᕋᐃᓂᕐᒧᑦ. ᐱᓕᕆᐊᖃᕐᓂᐊᖅᑐᒍᑦ ᓇᓗᓇᐃᖅᓯᓂᕐᒥᑦ ᑭᒃᑯᑐᐃᓐᓇᐃᑦ ᐅᔾᔨᕈᓱᒐᓗᐊᕐᒪᖔᑕ ᖃᓄᐃᓕᐅᕆᐊᖃᕐᓂᕐᒥᑦ ᐃᓱᒫᓘᑎᖃᖅᐸᑕ ᐱᔾᔪᑎᓕᓐᓂᑦ ᐸᓖᓯᒃᑯᓂᑦ ᐱᕋᔭᓐᓂᕋᐃᓂᕐᒧᑦ ᓄᓇᕗᒻᒥ; ᐊᒻᒪᓗ
• ᓇᓗᓇᐃᖅᓯᓂᕐᒥᑦ ᑐᓴᐅᒪᖃᑦᑕᐅᑎᑦᓯᐊᕐᓂᕐᒥᑦ ᓄᓇᓕᓐᓄᑦ, ᐱᕙᓪᓕᐊᑎᑦᓯᓂᕐᒥᑦ ᑲᑐᔾᔨᖃᑎᒌᓐᓂᕐᒥᑦ ᓄᓇᕗᒻᒥᐅᓂᑦ ᐸᓖᓯᖏᓐᓂᓪᓗ. ᑖᓐᓇ ᐱᔾᔪᑎᒋᑦᓱᒍ, ᐃᓚᐅᑎᑦᓯᓂᕐᒥᑦ ᐸᓖᓯᒃᑯᓐᓄᑦ ᕼᐋᒻᒪᓚᒃᑯᓪᓗ ᑲᑎᒪᔨᖏᓐᓂᑦ ᓄᓇᓕᓕᓐᓂᓪᓗ, ᐊᒻᒪ ᑭᒃᑯᑐᐃᓐᓇᕐᓂᑦ ᐃᓕᓐᓂᐊᑎᑦᓯᓂᕐᒥᑦ ᓄᓇᓕᓐᓂᓪᓗ ᑐᙵᕕᓕᓐᓂᑦᑲᑐᔾᔨᖃᑎᒌᓐᓂᕐᒥᑦ, ᐃᑲᔪᖅᑐᖅᑕᐅᓂᐊᖅᑐᖅ ᑕᐃᒪᐃᖏᓐᓇᖅᑎᑕᐅᓗᓂᓗ.

ᓄᓇᓖᑦ ᐊᑦᑕᕐᓇᖅᑐᒦᑦᑐᑦ

ᒪᒃᑯᒃᑐᑦ

ᓄᓇᕗᑦ ᓄᑖᖑᓛᖑᕗᖅ ᓱᒃᑲᓂᖅᐹᒥᒡᓗ ᐃᓐᓄᒃᐸᓪᓕᐊᓪᓗᓂ ᑲᓇᑕᓕᒫᒥᑦ. ᐃᓕᑕᖅᓯᓯᒪᔪᒍᑦ ᐊᒥᓲᒻᒪᑕ ᓄᑕᖅᑲᐃᑦ ᒪᒃᑯᑦᑐᐃᓪᓗ ᓄᓇᕘᓕᒫᒥᑦ ᐃᑲᔪᖅᑕᐅᒋᐊᖃᕐᓂᖏᓐᓄᑦ. ᒐᕙᒪᒃᑯᑦ ᓄᓇᕗᒻᒥ ᐸᓖᓯᒃᑯᓪᓗ ᐊᖏᖃᑎᒌᑦᑐᑦ ᑐᕌᒐᖃᕐᓂᕐᒥᑦ ᓄᖅᑲᖓᑎᑦᓯᓂᕐᒥᑦ ᓄᖅᑲᖓᑎᑦᓯᑦᓴᐅᑎᒋᒐᓱᐊᕐᓂᕐᒥᓪᓗ ᐱᓕᕆᐊᖑᔪᓂᑦ ᒪᒃᑯᑦᑐᓄᑦ ᑎᓕᐅᕆᓂᕐᒥᓪᓗ ᐃᓚᒋᔭᐅᑎᑦᓯᓂᕐᒥᑦ ᓄᓇᓕᓐᓂᑦ ᐱᓕᕆᐊᓂᑦ ᓇᓗᓇᐃᖅᓯᓂᕐᒧᑦ ᓵᖁᖏᓪᓗᒋᑦ ᐱᕋᔭᓐᓂᕐᒧᑦ ᓄᓇᓕᖏᓐᓂᑦ.

ᓯᕗᓪᓕᐅᑎᑕᐅᔪᒪᔪᑦ ᐅᑯᐊᖑᕗᑦ:

• ᐃᑲᔪᖅᑐᕋᓱᐊᕐᓂᕐᒥᑦ ᒪᒃᑯᑦᑐᓂᑦ ᐅᓗᕆᐊᓇᖅᑐᒦᑦᑐᓂᑦ, ᒐᕙᒪᒃᑯᑦ ᓄᓇᕗᒻᒥᑦ ᐸᓖᓯᒃᑯᓪᓗ ᐱᓕᕆᖃᑎᒌᓐᓂᐊᖅᑐᑦ ᓇᓂᓯᓂᕐᒧᑦ ᓄᖅᑲᖓᑎᑦᓯᓂᕐᒥᑦ ᒪᒃᑯᑦᑐᓂᑦ ᐱᕋᔭᓐᓂᕐᒥᑦ ᐅᖃᐅᓯᖃᕐᓂᕐᒥᓪᓗ ᐊᑦᓱᕉᑕᐅᔪᓂᑦ ᒪᒃᑯᑦᑐᓄᑦ ᐱᕋᔭᑉᐸᑦᑐᓄᑦ;
• ᒐᕙᒪᒃᑯᑦ ᓄᓇᕗᒻᒥᑦ ᐸᓖᓯᒃᑯᓪᓗ ᐊᖏᖃᑎᒌᑦᑐᑦ ᐱᓕᕆᖃᑎᒌᒋᐊᖃᕐᓂᕐᒥᑦ ᑲᑐᔾᔨᖃᑎᒌᓂᑦ ᐱᖃᖃᑕᐅᔪᓂᓪᓗ ᐃᓚᒋᔭᐅᓗᑎᒃ: ᕼᐋᒻᒪᓚᒃᑯᑦ ᑲᑎᒪᔨᖏᑦ, ᓄᓇᓕᓐᓂᑦ ᒪᓕᒐᓕᕆᓂᕐᒧᑦ ᑲᑎᒪᔨᖏᑦ, ᐃᖅᑲᖅᑐᐃᔨᒃᑯᑦ, ᐸᓯᑦᓯᔩᑦ ᐱᔨᑦᓯᕋᖅᑎᖏᓐᓂᑦ, ᖃᓄᐃᖏᓐᓂᕐᒧᑦ ᐱᔨᑦᓯᕋᖅᑎᖏᓐᓂᑦ, ᓴᐳᓐᓂᐊᖅᑏᑦ ᑭᒡᒐᖅᑐᐃᔨᖏᓐᓂᑦ, ᐊᓯᖏᓐᓂᓪᓗ ᐱᕙᓪᓕᐊᑎᑦᓯᓂᕐᒥᑦ ᐊᐅᓚᑦᓯᓂᕐᒥᑦ ᐋᖅᑭᒋᐊᕈᑎᓂᑦ ᐱᔾᔪᑕᐅᓗᐊᖅᑐᓂᑦ ᒪᒃᑯᑦᑐᓄᑦ ᐱᕋᔭᓐᓂᕐᒧᑦ ᓱᓕᕆᓂᐅᔪᑦ ᑲᒪᒋᔭᖃᑦᓯᐊᕐᓂᕐᒥᓪᓗ ᐊᑦᑐᐃᓂᐅᔪᓂᑦ ᒪᒃᑯᑦᑐᑦ ᐱᕋᔭᓐᓂᖏᑦ;
• ᐸᓖᓯᒃᑯᑦ ᑐᕌᒐᖃᖏᓐᓇᕐᓂᐊᖅᑐᑦ ᓄᖅᑲᖓᑎᑦᓯᒐᓱᐊᕐᓂᕐᒥᑦ ᓄᓇᕗᒻᒨᖅᑎᑕᐅᑎᑦᓯᓂᕐᒥᑦ ᐊᑐᖅᑕᐅᓂᖏᓐᓄ ᐊᖓᔮᕐᓇᖅᑐᓂᑦ ᐃᒥᐊᓗᓐᓂᓪᓗ ᒥᑭᓪᓕᕚᓪᓕᑎᑦᓯᓂᕐᒧᑦ ᐊᑐᕐᓂᕐᒥᑦ ᒪᒃᑯᑦᑐᓄᑦ ᐅᓗᕆᐊᓇᖅᑐᒦᑦᑐᓂᑦ; ᐊᒻᒪᓗ
• ᒐᕙᒪᒃᑯᑦ ᓄᓇᕗᒻᒥ ᐸᓖᓯᒃᑯᓪᓗ ᐃᑲᔪᖅᑐᖏᓐᓇᕐᓂᐊᖅᑐᑦ ᒪᒃᑯᑦᑐᓂᑦ ᐱᓕᒻᒪᒃᓴᕐᓂᕐᒧᑦ ᐃᖅᑲᓇᐃᔭᖅᑎᑖᕐᓂᕐᒧᓪᓗ ᐱᓕᕆᐊᓂᑦ ᓲᕐᓗ:
  • ᐃᓕᓐᓂᐊᕐᕕᖕᒥ ᐱᓕᕆᐊᒃᓴᑦ;
  • ᐸᓖᓯᒃᑯᑦ ᒪᒃᑯᒃᑐᓂ ᑲᔪᖏᖅᓴᐃᔪᓕᕆᓂᖅ; ᐊᒻᒪ
  • ᐸᓖᓯᒃᑯᓐᓂ ᐊᐅᔭᒃᑯᑦ ᐃᓕᓐᓂᐊᖅᑎᓄᑦ ᐱᓕᕆᐊᒃᓴᑦ.

ᐃᒻᒥᓃᖅᑕᐃᓕᒪᑎᑦᑎᓂᖅ, ᑐᑭᓯᒋᐊᖅᑎᑦᑎᒃᑲᓐᓂᕐᓂᖅ ᐊᒃᓱᕈᕐᓇᖅᑐᖅᓯᐅᖅᑐᓂᒡᓗ ᐊᑲᐅᓂᖅᓴᒃᑰᖅᑎᑦᑎᓂᖅ

ᐃᓅᓯᕐᒥᑦ ᑭᐱᓯᓂᖅ ᐊᔪᕈᑕᐅᕗᖅ ᑲᔪᓯᓂᖃᑦᓯᐊᕐᓂᖓᓄᑦ ᓄᓇᕗᑦ. ᐱᕙᓪᓕᐊᑎᑦᓯᓂᕐᒥᑦ ᐊᑐᓕᖅᑎᑦᓯᓂᕐᒥᓪᓗ ᓄᓇᕗᒻᒥᑦ ᐃᓅᓯᕐᒥᑦ ᑭᐱᓯᑎᑦᓯᑕᐃᓕᒪᓂᕐᒧᑦ ᐱᕙᒌᔭᕐᓂᖅ ᐃᓕᑕᖅᓯᓯᒪᔪᑦ ᐊᔪᕈᑕᐅᔪᓂᑦ. ᐅᔾᔨᕈᓱᕐᓂᕐᒥᑦ ᐃᓅᓯᕐᒥᑦ ᑭᐱᓯᓂᕐᒥᑦ, ᐸᓖᓯᒃᑯᑦ ᐱᓕᕆᕝᕕᐅᔪᓂᑦ ᑲᑐᔾᔨᖃᑎᒌᖏᓐᓇᕐᓂᐊᖅᑐᑦ ᓄᓇᕗᒻᒥᑦ ᐃᓅᓯᕐᒥᑦ ᑭᐱᓯᑎᑦᓯᑕᐃᓕᒪᓂᕐᒧᑦ ᐱᕙᒌᔭᕐᓂᖅ.

ᓯᕗᓪᓕᐅᑎᑕᐅᔪᒪᔪᑦ ᐅᑯᐊᖑᕗᑦ:

• ᐅᔾᔨᕈᓱᕐᓂᕐᒥᑦ ᐃᓅᓯᕐᒥᑦ ᑭᐱᓯᓂᕐᒥᑦ, ᐸᓖᓯᒃᑯᑦ ᐱᓕᕆᕝᕕᐅᔪᓂᑦ ᒐᕙᒪᒃᑯᓪᓗ ᓄᓇᕗᒻᒥ ᑲᑐᔾᔨᖃᑎᒌᖏᓐᓇᕐᓂᐊᖅᑐᑦ ᑐᕌᒐᖃᕐᓂᕐᒥᑦ ᓇᓗᓇᐃᖅᓯᕐᓂᒥᑦ ᑲᒪᒋᔭᖃᕆᐊᖃᕐᓂᕐᒥᓪᓗ ᐱᔾᔪᑕᐅᔪᓂᑦ ᐃᓅᓯᕐᒥᑦ ᑭᐱᓯᓕᕈᑕᐅᖃᑦᑕᖅᑐᓂᑦ. ᑲᑐᔾᔨᖃᑎᒌᓚᕆᓐᓂᖏᓐᓄᑦ ᓄᓇᕗᒻᒥᑦ ᐃᓅᓯᕐᒥᑦ ᑭᐱᓯᑎᑦᓯᑕᐃᓕᒪᓂᕐᒧᑦ ᐱᕙᒌᔭᕐᓂᕐᒧᑦ, ᐸᓖᓯᒃᑯᑦ ᐊᑐᓕᖅᑎᑦᓯᓂᐊᖅᑐᑦ ᐊᑦᑐᐊᓂᓕᓐᓂᑦ ᐸᓖᓯᓕᕆᓂᕐᒧᑦ ᖃᓄᐃᓕᐅᕐᓂᕐᒧᑦ ᐃᑲᔪᖅᑐᕐᓂᕐᒥᑦ ᐃᓘᓐᓈᒍᑦ ᐱᕙᒌᔭᕐᓂᕐᒥᑦ;
• ᐸᓖᓯᒃᑯᑦ ᓴᖏᔪᒥᑦ ᐃᑲᔪᖅᑐᖏᓐᓇᕐᓂᐊᖅᑐᑦ ᐃᓱᒪᔮᖅᑐᓕᕆᓂᕐᒥᑦ ᑲᒪᒋᔭᖃᕐᓂᕐᒧᑦ ᐃᓕᓐᓂᐊᕐᓂᕐᒧᑦ ᐱᓕᕆᐊᓂᑦ ᐃᓚᐅᖃᑕᐅᓂᐊᖅᓱᑎᓪᓗ ᐃᓕᓐᓂᐊᑎᑦᓯᓂᕐᒥᑦ ᓇᓗᓇᐃᖅᓯᓂᕐᒥᑦ ᐸᓖᓰᑦ ᐊᑐᐃᓐᓇᐅᓂᖏᓐᓄᑦ ᑲᒪᒋᔭᖃᕐᓂᕐᒥᑦ ᑐᐊᕕᕐᓇᖅᑐᓕᕆᒍᓐᓇᕐᓂᕐᒥᑦ ᐃᓅᓯᕐᒥᑦ ᑭᐱᓯᓂᐅᔪᓂᑦ.
• ᐸᓖᓯᒃᑯᑦ ᐃᓕᓐᓂᐊᑎᑦᓯᓂᕐᒥᑦ ᑲᔪᓯᑎᑦᓯᖏᓐᓇᕐᓂᐊᖅᑐᑦ ᐃᓚᒋᔭᐅᔾᔪᑎᖏᓐᓄᑦ ᐊᑦᑐᐊᓂᖃᖅᑐᓄᑦ ᐊᔪᙱᑕᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒥᑦ ᑲᒪᒋᔭᖃᕐᓂᕐᒧᑦ ᐃᓄᓐᓂᑦ ᐊᑦᓱᕈᓐᓇᖅᑐᒦᑦᑐᓂᑦ ᐃᓱᒪᒥᒍᓪᓘᓐᓃᑦ ᐊᑦᓱᕉᑎᖃᖅᑐᓂᑦ. ᐅᑯᐊ ᐃᓕᓐᓂᐊᕐᓂᕐᒧᑦ ᐱᓕᒻᒪᒃᓴᕐᓂᕐᒧᑦ ᒪᓕᑦᑕᐅᒋᐊᖃᕐᓂᖏᑦ ᐊᑐᓕᖅᑎᑕᐅᖏᓐᓇᕐᓂᐊᖅᑐᑦ:
  • ᑐᐊᕕᕐᓇᖅᑐᓕᕆᔪᓐᓇᕐᓗᓂᑦ ᐊᑲᐅᓯᕚᓪᓕᖅᑎᑦᑎᓂᕐᒧᓪᓗ;
  • ᐃᓕᑕᖅᓯᔪᓐᓇᓂᕐᒥᑦ ᐃᓱᒪᔮᖅᑐᓂᑦ ᐃᓄᓐᓂᑦ; ᐊᒻᒪᓗ
  • ᐊᖅᑯᑎᖃᕐᓂᕐᒧᑦ ᐃᓱᒪᒃᑯᑦ ᐊᑐᐃᓐᓇᐅᓂᕐᒧᑦ

ᐃᓚᒌᓂᑦ ᐋᓐᓂᖅᑎᕆᖃᖅᑕᕐᓂᖅ (ᐃᓄᑐᖃᕐᒥᑦ, ᐊᐃᑉᐸᕐᒥᓂᑦ ᓄᑕᖅᑲᓂᕐᓗ ᐋᓐᓂᖅᑎᕆᓂᖅ) ᒐᕙᒪᒃᑯᑦ ᓄᓇᕗᒻᒥ ᐸᓖᓯᒃᑯᓪᓗ ᐃᓕᑕᖅᓯᓯᒪᔪᑦ ᐃᓚᒌᓂᑦ ᐋᓐᓂᖅᑎᕆᓂᕐᒥᑦ ᐊᑦᓱᐊᓗᒃ ᐃᑉᐱᓐᓇᕐᓂᖃᕐᒪᑦ ᓄᓇᕗᒻᒥᐅᓄᑦ ᐃᓚᒌᓄᑦ ᐱᓕᕆᐊᕆᔭᐅᒋᐊᖃᕐᒪᓪᓗ ᐃᑲᔪᕐᓂᕐᒥᑦ ᐱᕋᔭᑦᑕᐅᓯᒪᔪᓄᑦ ᐅᖃᐅᓯᖃᕐᓂᕐᒥᓪᓗ ᖃᓄᐃᓐᓂᐅᔪᐃᑦ ᐋᓐᓂᖅᑎᕆᓂᐅᓯᖃᑦᑕᖅᑐᑦ ᐊᖏᕐᕋᕐᒥᑦ.

ᓯᕗᓪᓕᐅᑎᑕᐅᔪᒪᔪᑦ ᐅᑯᐊᖑᕗᑦ:

• ᐸᓖᓯᒃᑯᑦ ᒐᕙᒪᒃᑯᓪᓗ ᓄᓇᕗᒻᒥ ᐱᓕᕆᖃᑎᖃᖏᓐᓇᕐᓂᐊᖅᑐᑦ ᑲᑐᔾᔨᖃᑎᒌᖏᓐᓂᑦ ᑐᑦᑕᕐᕕᐅᔪᓂᑦ ᐊᖏᖅᓯᒪᓂᓕᓐᓂᑦ ᐃᓚᒌᓂᑦ ᐋᓐᓂᖅᑎᕆᓗᐊᑦᑕᐃᓕᒪᑎᑦᓯᓂᕐᒥᑦ ᓄᓇᕗᒻᒥᑦ. ᐸᓖᓯᒃᑯᑦ ᐊᖏᖅᓯᒪᓂᖃᖅᑐᑦ ᖃᐅᔨᓴᓪᓚᕆᓐᓂᕐᒥᑦ ᐃᓘᓐᓇᖏᓐᓂᑦ ᖃᓄᐃᓐᓂᐅᔪᓂᑦ ᐃᓚᒌᓄᑦ ᐋᓐᓂᖅᑎᕆᓂᕐᒧᑦ;
• ᖃᓄᐃᓐᓂᐅᔪᑦ ᐱᔪᓐᓇᑎᑦᓯᑉᐸᑕ, ᐸᓖᓯᒃᑯᑦ ᐃᓱᒪᒋᔭᖃᕐᓂᐊᖅᑐᑦ ᐊᑐᕐᓂᕐᒥᑦ ᓄᓇᓕᓐᓂᑦ ᑐᑦᑕᕐᕕᐅᔪᓂᑦ ᐊᒻᒪᓗ/ᐅᕝᕙᓘᓐᓃᑦ ᐃᓄᑐᖃᕐᓂᑦ ᐅᖃᐅᔾᔨᒋᐊᖅᑎᖃᕐᓂᕐᒥᑦ;
• ᐊᑐᓕᖅᑎᑦᓯᓂᕐᒥᑦ ᐊᑦᓱᕈᓐᓇᓗᐊᖅᑐᓄᑦ ᑐᓴᐅᒪᑎᑦᓯᓂᕐᒧᑦ ᐸᓖᓯᓕᕆᔾᔪᓯᕐᓂᑦ ᓇᓗᓇᐃᖅᓯᓂᕐᒧᑦ ᐱᐅᓛᒃᑯᑦ ᐊᑐᕈᓐᓇᖅᑐᓂᑦ ᐊᑐᐃᓗᐊᕐᓂᖃᖏᓐᓂᖓᓄᑦ ᐱᕋᔭᓐᓂᕐᒧᑦ ᐊᑦᓱᕈᓐᓇᕐᒧᓪᓗ ᑭᒃᑯᑐᐃᓐᓇᕐᓄᑦ. ᐸᓖᓯᒃᑯᑦ ᒐᕙᒪᒃᑯᓪᓗ ᓄᓇᕗᒻᒥ ᐱᓕᕆᐊᖃᕐᓂᐊᖅᑐᑦ ᐊᑐᓕᖅᑎᑦᓯᓂᕐᒥᑦ ᑕᐃᒪᐃᑦᑐᓂᑦ ᑲᒪᒋᔭᖃᕐᓂᕐᒧ ᐋᓐᓂᖅᑎᕆᓂᕐᒧᑦ;
• ᒐᕙᒪᒃᑯᑦ ᓄᓇᕗᒻᒥᑦ ᐊᖏᖅᓯᒪᓂᖃᖅᑐᑦ ᑮᓇᐅᔭᖃᖅᑎᑦᓯᖏᓐᓇᓂᕐᒥᑦ ᓄᓇᓕᓐᓂᑦ ᑐᙵᕕᖃᕐᓂᕐᒥᑦ ᐃᓅᓯᓕᕆᓂᕐᒥᑦ ᓄᓇᓕᓐᓂᓪᓗ ᒪᓕᒐᓕᕆᓂᕐᒧᑦ ᐱᓕᕆᐊᖃᕐᓂᕐᒥᑦ; ᐊᒻᒪᓗ
• ᒐᕙᒪᒃᑯᑦ ᓄᓇᕗᒻᒥ ᐸᓖᓯᒃᑯᓪᓗ ᐊᖏᖅᓯᒪᓂᖃᖅᑐᑦ ᒥᑭᓪᓕᕚᓪᓕᑎᑦᓯᓂᕐᒥᑦ ᐃᓛᒋᓂᑦ ᐋᓐᓂᖅᑎᕆᓂᕐᒥᑦ ᖃᐅᔨᓇᓱᐊᕐᓂᒃᑯᑦ ᖃᓄᖅ ᐱᐅᓯᕚᓪᓕᖁᓪᓗᒋᑦ ᐊᑐᓕᖅᑎᑦᓯᓂᕐᒧᑦ ᐊᐅᓚᑦᓯᓂᕐᒧᓪᓗ ᐃᓚᒌᓐᓄᑦ ᐋᓐᓂᖅᑎᕆᑦᑕᐃᓕᒪᑎᑦᓯᓂᕐᒧᑦ ᐱᖁᔭᖅ ᓇᓗᓇᐃᖅᓯᓂᕐᒧᑦ ᐊᑐᖅᑕᐅᑦᓯᐊᕋᓗᐊᕐᒪᖔᑕ ᐱᔪᓐᓇᕐᓂᓕᒫᖓᒍᓪᓗ.

ᐱᕋᔭᒃᑕᐃᓕᒪᑎᑦᑎᓂᖅ/ ᐱᕋᔭᓗᐊᕈᓐᓃᖅᑎᑦᑎᓂᖅ

ᓄᓇᕗᒻᒥᐅᑕᐅᓂᑦᑎᓐᓂᑦ, ᐃᑉᐱᒍᓱᓐᓂᖃᑦᓯᐊᖅᑐᒍᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᓄᐃᖏᑦᓯᐊᓂᖏᓐᓄᓪᓗ ᓄᓇᓖᑦ, ᐃᓚᒌᑦ ᓄᑕᖅᑲᐃᓪᓗ. ᓄᓇᓕᕗᑦ ᓴᙱᓕᓂᖅᑖᖅᑎᑕᐅᖃᑦᑕᕋᑦᑕ ᑭᒃᑯᑐᐃᓐᓇᐃᑦ ᐃᓚᒌᓪᓗ ᐊᑦᑕᕐᓇᐃᖅᓯᒪᑎᓪᓗᒋᑦ ᐊᖏᕐᕋᖏᓐᓂᑦ ᓄᓇᓕᓐᓂᓪᓗ, ᐱᔪᓐᓇᕐᓂᖃᖅᑎᓪᓗᒋᑦ ᐃᑲᔪᖅᑐᖅᑕᐅᓂᕐᒥᑦ ᐃᑲᔫᑎᖃᕐᓂᕐᒥᓪᓗ ᐱᔭᕆᐊᓕᖏᓐᓂᑦ ᐃᑲᔪᖅᑕᐅᒐᓱᐊᕐᓂᖏᓐᓂᓪᓗ ᓴᐳᔾᔭᐅᓂᕐᒥᑦ ᐋᓐᓂᖅᑕᐅᖁᓇᒋᑦ ᐱᔭᕆᐊᖃᕋᐃᑉᐸᑕ.

ᓯᕗᓪᓕᐅᑎᑕᐅᔪᒪᔪᑦ ᐅᑯᐊᖑᕗᑦ:

• ᖃᑦᓯᑲᓪᓚᓐᓂᑦ ᑐᑦᑕᕐᕕᐅᔪᓂᑦ ᑲᑐᔾᔨᖃᑎᒌᓐᓂᑦ, ᖁᑭᐅᑎᓄᑦ ᐊᑦᑕᕐᓇᖅᑕᐃᓕᒪᑎᑦᓯᓂᕐᒧᑦ ᐃᓕᓐᓂᐊᑎᑦᓯᓂᕐᒥᓪᓗ ᐱᓕᕆᐊᑦ ᐊᑐᓕᖅᑎᑕᐅᓂᐊᖅᑐᑦ ᑐᕌᒐᖃᕐᓂᕐᒥᑦ ᐱᐅᓯᕚᓪᓕᑎᑦᓯᓂᕐᒥᑦ ᑭᒃᑯᑐᐃᓐᓇᕐᓄᑦ ᐊᑦᑕᕐᓇᖅᑕᐃᓕᒪᑎᑦᓯᓂᕐᒥᑦ ᓄᓇᓕᓐᓂᓪᓗ ᖃᓄᐃᙱᑦᓯᐊᕐᓂᕐᒧᑦ. ᑲᑐᔾᔨᖃᑎᒌᑦ ᐱᖃᖃᑕᐅᔪᓪᓗ ᐃᓚᒋᔭᖃᕐᓂᐊᖅᑐᑦ ᒐᕙᒪᒃᑯᓐᓂᑦ ᓄᓇᕗᒻᒥᑦ, ᐸᓖᓯᒃᑯᓐᓂᑦ, ᒐᕙᒪᑐᖃᒃᑯᑦ ᑐᑦᑕᕐᕕᖏᓐᓂᑦ, ᓄᓇᓕᓐᓂᒥᐅᑕᐅᖃᑕᐅᔪᑦ, ᒐᕙᒪᐅᖏᑦᑐᑦ ᑲᑐᔾᔨᖃᑎᒌᑦ, ᐃᓄᐃᓪᓗ ᑲᑐᔾᔨᖃᑎᒌᖏᑦ; ᐊᒻᒪᓗ
• ᐃᒥᐊᓗᒃ ᐱᔾᔪᑕᐅᓗᐊᖅᑎᓪᓗᒍ ᐊᒥᓱᐃᑦ ᐱᕋᔭᓐᓂᐅᔪᑦ ᐅᖄᓚᐅᑕᐅᔪᓪᓗ ᐱᔨᑦᓯᕋᖅᑕᐅᔪᒪᓂᕐᒧᑦ ᓄᓇᕗᒻᒥ, ᒐᕙᒪᒃᑯᑦ ᓄᓇᕗᒻᒥ ᐸᓖᓯᒃᑯᓪᓗ ᐊᖏᖅᓯᒪᓂᖃᖅᑐᑦ ᐅᖃᐅᓯᖃᕐᓂᕐᒥᑦ ᐅᓗᕆᐊᓇᕈᑕᐅᔪᓂᑦ ᐱᕋᔭᓐᓃᓪᓗ ᐊᑦᑐᐊᓂᖃᖅᑐᑦ ᐃᒥᐊᓄᓐᓂᑦ ᓂᐅᕕᐊᑦᓴᖃᖅᑎᓂᑦ ᐋᖓᔮᕐᓇᖅᑐᓂᓪᓗ ᐊᑐᕐᓂᓗᕐᓂᕐᒧᑦ ᓄᓇᓕᑦᑎᓐᓂᑦ.

ᓇᐃᓈᖅᓯᒪᔪᑦ

ᒥᓂᔅᑕ ᒪᓕᒐᓕᕆᔨᒃᑯᓐᓄᑦ ᓄᓇᕗᒻᒧᑦ ᐊᖓᔪᖅᑳᖓᓪᓗ ᐸᓖᓯᒃᑯᓐᓄᑦ “V” ᐱᓕᕆᕝᕕᖓᓂᑦ (ᓄᓇᕗᒻᒥᑦ) ᐃᓕᑕᖅᓯᓯᒪᔪᑦ ᐊᖏᖅᓯᒪᖏᓐᓇᓂᕐᒥᑦ ᐊᖏᖅᓯᒪᓂᕐᒥᓪᓗ ᐸᓖᓯᒃᑯᑦ ᐃᖅᑲᓇᐃᔭᖅᑎᖏᑦ ᓇᑦᓴᕐᓂᕐᒧᑦ ᓄᓇᕗᒻᒧᑦ.

ᐊᑐᖅᑕᐅᖃᑦᑕᖅᑐᖅ ᐸᓖᓯᓕᕆᓂᖅ ᐊᑐᐃᓐᓇᐅᑎᑦᓯᔪᖅ ᓄᓇᕗᒻᒧᑦ ᑐᙵᓂᖃᐃᓐᓇᖅᑐᖅ ᐱᔨᑦᓯᕋᕐᓂᕐᒥᑦ ᑲᔪᓯᑎᑦᓯᓂᕐᒥᑦ ᐱᐅᓂᖅᓴᒧᑦ. ᐊᑐᖅᑕᐅᖃᑦᑕᖅᑐᖅ ᐱᔨᑦᓯᕋᕐᓂᖅ ᓄᓇᕗᒻᒥᐅᓄᑦ ᖃᐅᔨᒪᔭᐅᔪᖅ ᑐᑦᓯᕋᐅᑎᖏᓐᓂᑦ ᐸᓖᓯᒃᑯᑦ ᐱᓪᓚᕆᐅᓛᖑᕗᖅ ᓵᑕᐅᔾᔪᑎᖃᕈᓐᓇᕐᓂᖅ, ᐃᑉᐱᒍᓱᓐᓂᕐᒥᑦ, ᐱᓕᕆᔨᒻᒪᕆᐅᓂᕐᒥᑦ, ᓱᓕᓂᖅ, ᑐᙵᓇᕐᓂᖅ ᓱᓕᔪᓐᓇᑦᓯᐊᕐᓂᕐᒥᓪᓗ.

ᐱᐅᓯᕚᓪᓕᑎᑦᓯᓂᕐᒥᑦ ᑭᒃᑯᑐᐃᓐᓇᐃᑦ ᐊᑦᑕᕐᓇᖅᑐᒦᒋᐊᖃᖏᓐᓂᖏᓐᓂᑦ ᓄᓇᓕᓐᓂᓪᓗ ᖃᓄᐃᖏᑦᓯᐊᕐᓂᕐᒧᑦ, ᐊᒻᒪ ᑲᒪᒋᔭᖃᕐᓂᕐᒥᓪᓗ ᐱᕙᓪᓕᐊᑎᑦᓯᓂᕐᒥᑦ ᐱᓕᕆᖃᑎᒌᑦᓯᐊᕐᓂᕐᒥᑦ ᐃᓘᓐᓇᖏᓐᓂᑦ ᓄᓇᓕᑦᑎᓐᓂᑦ, ᐱᕙᓪᓕᐊᖏᓐᓇᕐᓂᐊᖅᑐᖅ ᐊᑦᑕᕐᓇᖏᑦᑐᒥᑦ ᐊᖏᕐᕋᖃᕐᓂᕐᒥᑦ ᐊᑦᑕᓇᖏᑦᑐᓂᓪᓗ ᓄᓇᓕᓐᓂᑦ ᓄᓇᕗᒻᒥ.