ᓇᓗᓇᐃᖅᑕᐅᓯᒪᔪᖅ ᖁᐃᖅᓱᕐᔪᐊᕐᓇᖅᑐᖅ Calm Air−ᑯᑦ ᖃᖓᑕᓲᖓᓂ MO 261
ᑭᖑᓪᓕᖅᐹᒥᒃ ᓄᑖᙳᕆᐊᖅᑎᑕᐅᓚᐅᖅᑐᖅ ᕿᑎᖅᑰᑦ, ᐊᐃᕐᕆᓕ 4, 2024
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᓄᓇᕗᒻᒥᐅᓂᑦ ᑐᓴᖁᔨᕗᑦ ᓇᓗᓇᐃᖅᑕᐅᓯᒪᔪᒥᑦ ᖁᐃᖅᓱᕐᔪᐊᕐᓇᖅᑐᖅ (ᐳᑑᓯᒡ) Calm Air ᖃᖓᑕᓲᖓᓂ MO 261 ᑎᑭᕋᕐᔪᐊᖅ ᑲᖏᖅᖠᓂᕐᒧᑦ ᒫᔾᔨ 17, 2024−ᒥᑦ. ᓄᓇᕗᑦ ᒡᐊᓐᓂᐊᖃᕐᓇᙱᑦᑐᓕᕆᔨᒻᒪᕆᖓ ᐅᖃᐅᔾᔨᕗᖅ ᑭᓇᑐᐃᓐᓇᕐᒥᒃ ᖃᖓᑕᖃᑕᐅᓚᐅᖅᑐᒥᑦ ᑎᑭᕋᕐᔪᐊᒥᑦ ᑲᖏᖅᖠᓂᕐᒧᑦ ᓇᐅᑦᑎᖅᓱᑦᑎᐊᖁᓪᓗᒋᑦ ᖃᐅᔨᔾᔪᑕᐅᔪᓐᓇᖅᑐᓂᒃ.
ᐋᓐᓂᐊᕐᕕᔅᓯᓐᓄᑦ ᐅᖃᓗᑲᐅᑎᒋᓗᑎᑦ ᖃᖓᑕᖃᑕᐅᓚᐅᕈᕕᑦ ᐱᓗᐊᙱᑦᑐᒥᒃ ᖁᐃᖅᓱᑲᑕᒡᓗᑎᓪᓗ, ᑕᒋᐅᒃᓴᑲᑕᒡᓗᑎᑦ, ᑲᒃᑭᓕᑲᑕᒡᓗᑎᓪᓘᓐᓃᑦ. ᐊᓯᖏᑦ ᖃᐅᔨᔾᔪᑕᐅᔪᓐᓇᖅᑐᑦ ᐅᑯᐊᖑᕗᑦ:
- ᖁᐃᖅᓱᖃᑦᑕᒡᓗᓂ ᐱᓇᓱᐊᕈᓯᐅᑉ ᐅᖓᑖᓂ.
- ᖁᐃᖅᓱᓚᐅᕐᓗᓂ ᓂᐱᒋᒐᔪᙱᑕᒥᓂᒃ ᓂᓪᓕᖅᑐᖃᓕᖅᐸᒡᓗᓂ ᓲᓪᓗ "ᖁᐃᖅᓱᑰᔨᓗᓂ".
- ᐊᓂᕐᓂᑭᓪᓗᓂ.
- ᖁᐃᖅᓱᐊᓂᒃᑳᖓᑦ ᒥᕆᐊᖅᓴᓕᖅᐸᒡᓗᓂ.
- ᐅᓐᓄᐊᒃᑯᑦ ᖁᐃᖅᓱᕐᓂᖅᓴᐅᖃᑦᑕᕐᓗᓂ.
- ᐆᓇᕐᓂᖓ (39°C ᐅᖓᑖᓄᓪᓗ) ᑎᑭᐅᑎᑲᑕᒡᓗᓂ ᐅᓪᓗᑦ ᐱᖓᓱᑦ ᐅᖓᑖᓄᑦ.
ᖁᐃᖅᓱᑰᔨᓐᓇᖅᑐᖅᑖᖅᑕᐃᓕᔪᓐᓇᖅᐳᑎᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓗᑎᑦ. ᐃᓄᐃᑦ ᖃᐅᔨᒋᐊᕆᐊᖃᖅᐳᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᔾᔪᑎᖏ ᐊᙳᒻᒪᑎᒐᓗᐊᕐᒪᖔᑕ. ᐅᑯᐊ ᐅᔾᔨᖅᓱᕈᑎᑦ:
- ᐊᒡᒐᑎᑦ ᐅᐊᓴᕋᔪᒡᓗᒋᑦ.
- ᐊᐃᕐᓄᑦ ᒪᑐᐊᕐᓗᑎᑦ ᖁᐃᖅᓱᖅᐸᒡᓗᑎ ᐅᕝᕙᓘᓐᓃᑦ ᑲᒃᑭᐅᑎᒃᓴᒧᑦ.
- ᓂᕆᔭᑎᑦ, ᓂᐅᖅᑲᖅᑕᑎᑦ ᐊᒥᖅᑳᖅᐸᙱᓪᓗᒋᑦ, ᓂᕆᔾᔪᑎᑎᑦ ᐅᕙᓘᓐᓃᑦ ᑭᒍᑎᓯᐅᑎᑎᑦ.
ᖁᐃᖅᓱᑰᔨᓐᓇᖅᑑᑉ ᒥᒃᓵᓄᑦ ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᐅᑯᐊ ᐅᖃᓕᒫᕈᓐᓇᖅᑕᑎᑦ ᐅᕙᓂ ᖁᐃᖅᓱᑰᔨᓐᓇᖅᑑᑉ ᖃᓄᐃᑦᑑᓂᖓᐊᑐᐃᓐᓇᔪᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑭᐊᖅᑭᕕᖓᓂ.