ᑲᖏᖅᖠᓂᕐᒥ ᓄᕙᓗᐊᕐᓇᙱᑦᑐᒧᑦ ᑲᐱᔭᐅᓐᓇᕐᓂᐊᖅᑐᑦ ᐅᓪᓗᖏᑦ 2020-ᒥ
ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ
ᑲᖏᖅᖠᓂᕐᒥ ᓄᕙᓗᐊᕐᓇᙱᑦᑐᒧᑦ ᑲᐱᔭᐅᓐᓇᕐᓂᐊᖅᑐᑦ ᐅᓪᓗᖏᑦ 2020-ᒥ
ᐃᓕᔅᓯᓐᓂᒃ, ᐃᓚᔅᓯᓐᓂᒃ ᐊᒻᒪ ᓄᓇᖅᑲᑎᔅᓯᓐᓂᒃ ᓴᐳᔾᔨᓗᓯ ᓄᕙᓗᐊᕐᓇᙱᑦᑐᒧᑦ ᑲᐱᔭᐅᓗᓯ.
ᐃᓯᑐᐃᓐᓇᕐᓗᑎᒃ ᓄᕙᓗᐊᕐᓇᙱᑦᑐᒧᑦ ᑲᐱᔭᐅᑲᑕᖕᓂᐊᖅᑐᑦ ᓯᕙᑖᕐᕕᖕᒥ, ᐅᑐᐱᕆ 24 10:30-ᒥᑦ ᐅᓪᓛᒃᑯᑦ ᐱᒋᐊᕐᓗᓂ 1:30-ᓇᓱᖕᓂᖓᓄᑦ ᐅᓐᓄᒃᓴᒃᑯᑦ ᐳᓛᕆᐊᕐᕕᖓᓄᑦ. ᐃᓂᒃᓴᓕᐅᕆᐊᖃᙱᑦᑐᑎᑦ ᑲᐱᔭᐅᔭᖅᑐᕈᒪᒍᕕᑦ.
ᐃᓯᑐᐃᓐᓇᖅᑐᓄᑦ ᐅᐸᒍᑎᔪᓐᓇᙱᒃᑯᕕᑦ, ᐃᓂᒃᓴᓕᐅᕈᓐᓇᖅᐳᑎᑦ ᐅᖁᒪᐃᓐᓂᕐᓂᐊᕐᕕᖕᒧᑦ ᐊᒻᒪ ᐃᓅᓯᖃᑦᑎᐊᖅᑐᓕᕆᔨᓄᑦ ᑲᖏᖅᖠᓂᕐᒥ. ᐃᓂᒃᓴᓕᐅᕈᓐᓇᖅᐳᑦ ᓄᕙᓗᐊᕐᓇᙱᑦᑐᒧᑦ ᑲᐱᔭᐅᔪᒪᔪᑦ ᑖᒃᑯᓇᓂ ᐃᓂᒋᔭᐅᔪᓂᑦ ᐅᓇᐅᓕᕌᖓᑦ.
- ᕿᑎᖅᑰᑕᒫ ᓄᕕᐱᕆᐅᑉ ᑕᖅᑭᖓᓂ 4:30-ᒥᑦ 7-ᒧᐊᕋᓱᖕᓂᖓᓄᑦ ᐅᓐᓄᒃᑯᑦ.
- ᐅᓪᓗᑐᐃᓐᓇᐅᓕᕌᖓᑦ ᐅᓐᓄᒃᓴᒃᑯᑦ ᐋᖅᑭᒃᑕᐅᓯᒪᔪᓄᑦ ᐃᓐᓇᐃᑦ ᐊᒻᒪ ᑎᒥᒥᒍᑦ ᐊᓐᓇᐅᒪᔾᔪᑎᖃᑦᑎᐊᙱᑦᑐᑦ ᐳᓛᕆᐊᖅᑕᐅᓂᐊᖅᑐᓄᑦ.
ᐃᓂᒃᓴᓕᐅᕈᒪᒍᕕᑦ ᓄᕙᓗᐊᕐᓇᙱᑦᑐᒧᑦ ᑲᐱᔭᐅᔪᒪᓗᑎᑦ ᐊᑭᖃᙱᑦᑐᒥᒃ ᐅᕗᖓ ᐅᖄᓚᒋᑦ 867-645-8070. ᐃᓅᓯᖃᑦᑎᐊᖅᑐᓕᕆᔨᒃᑯᑦ ᕼᐋᒪᓚᒃᑯᑦ ᓴᓂᑦᑎᐊᖓᓃᑉᐳᑦ, ᓯᓂᒃᑕᕐᕕᒃ ᑐᔪᕐᒥᕕᐅᑉ ᐊᑭᑦᑎᐊᖓᓂ ᑲᖏᖅᖠᓂᕐᒥ.
ᐊᒻᒪᓗ, ᐅᑯᐊ ᓇᖕᒥᓂᓖᑦ, ᐃᖅᑲᓇᐃᔭᕐᕖᑦ ᐃᓕᓐᓂᐊᕐᕐᕖᓪᓗ ᓇᖕᒥᓂᖅ ᐋᖅᑭᒃᓱᐃᓯᒪᕗᑦ ᓄᕙᓗᐊᕐᓇᙱᑦᑐᒧᑦ ᑲᐱᔭᐅᑲᑕᖕᓂᐊᖅᑐᓂᒃ.
| ᐅᓪᓗᖅ | ᓇᓂ | ᖃᐅᔨᓴᐅᑦ |
| ᓇᒡᒐᔾᔭ, ᐅᒃᑑᐱᕆ 26 | ᐆᒥᓕᒃ ᐃᒡᓗᖁᑖ 9 | 9-ᒥᑦ 11−ᒧᑦ ᐅᓪᓛᒃᑯᑦ |
| ᓴᓇᔪᓕᕆᓂᕐᒧᑦ ᐃᓕᓐᓂᐊᕐᕕᖕᒥ | 1−ᒥᑦ − 2:30−ᒧᑦ ᐅᓪᓗᒃᑯᑦ | |
| ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ | 2:30−ᒥᑦ − 4−ᒧᑦ ᐅᓐᓄᒃᓴᒃᑯᑦ | |
| ᐊᐃᑉᐹ ᐅᑐᐱᕆ 27 | ᒪᒥᓴᕐᕕᒃ | 1−ᒥᑦ − 3−ᒧᑦ ᐅᓐᓄᒃᓴᒃᑯᑦ |
| ᐱᖓᔪᐊᑦ, ᐅᑐᐱᕆ 28 | ᒫᓂ ᐅᓗᔪᒃ ᐃᓕᓐᓂᐊᕐᕕᐊᓗᒃ |
10-ᒥ ᐅᓪᓛᒃᑯᑦ 3:30-ᒧᑦ ᐅᓐᓄᒃᓴᒃᑯᑦ |
| ᕿᑎᖅᑰᑦ, ᐅᑐᐱᕆ 29 | ᓴᐃᒪᓐ ᐊᓚᐃᑦᑐᖅ ᐃᓕᓐᓂᐊᕐᕕᒃ | 9-ᒥ ᐅᓪᓛᒃᑯᑦ 1-ᒧᐊᕋᓱᖕᓂᖓᓄᑦ ᐅᓪᓗᒃᑯᑦ |
| ᐅᓪᓗᑐᐃᓐᓇᖅ, ᐅᑐᐱᕆ 30 | ᓄᓇᕗᑦ ᑐᙵᕕᒃᑯᑦ ᑎᒥᖓᑦ | 9-ᒥᑦ 10:30−ᒧᑦ ᐅᓪᓛᒃᑯᑦ |
| ᑭᕙᓪᓕᕐᒥ ᐋᓐᓂᐊᕕᒃ | 1−ᒥᑦ − 4−ᒧᑦ ᐅᓐᓄᒃᓴᒃᑯᑦ |
ᓇᖕᒥᓂᕆᔭᓯ ᑎᑎᕋᖅᑕᐅᓯᒪᙱᑉᐸᑦ, ᐅᖁᒪᐃᓐᓂᕐᓂᐊᕐᕕᖕᒧᑦ ᖃᐅᔨᒋᐊᕐᓂᐊᖅᐳᑎᑦ ᑲᖏᖅᖠᓂᕐᒥ ᓄᕙᓗᐊᕐᓇᙱᑦᑐᒧᑦ ᑲᐱᔭᐅᑲᑕᖕᓂᐊᖅᑐᓂᒃ ᐋᖅᑭᓯᓗᑎᑦ.
ᖃᓂᒌᓗᐊᖃᑦᑕᙱᓪᓗᓯ, ᐊᒡᒐᓯ ᐃᕐᒥᖃᑦᑕᕐᓗᒋᑦ ᐊᒻᒪ ᓴᓗᒻᒪᖅᓴᐃᔾᔪᑎᑦᑎᐊᕙᐃᓪᓗ ᓴᖅᑭᑎᑕᐅᓂᐊᖅᐳᑦ ᑭᒃᑯᓕᒫᑦ ᖃᓄᐃᙱᑦᑎᐊᖁᓪᓗᒋᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
@email