ᐃᒥᐊᓗᒃᑖᕈᓐᓇᖅᐸᖕᓂᕐᒧᑦ ᑭᒡᓕᖃᖅᑎᑕᐅᓂᕐᒧᑦ ᐊᑐᖅᑕᐅᕙᒃᑐᑦ ᓄᓇᕗᒻᒥ

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᐃᒥᐊᓗᒃᑖᕈᓐᓇᖅᐸᖕᓂᕐᒧᑦ ᑭᒡᓕᖃᖅᑎᑕᐅᓂᕐᒧᑦ ᐊᑐᖅᑕᐅᕙᒃᑐᑦ ᓄᓇᕗᒻᒥ

ᑮᓇᐅᔭᓕᕆᔨᒃᑯᑦ ᐃᖅᑲᐃᑎᑦᑎᕗᑦ ᓄᓇᕗᒻᒥᐅᓂᒃ ᐃᒥᐊᓗᖕᒧᑦ ᒪᓕᒋᐊᖃᖅᐸᒃᑐᑦ ᐊᔾᔨᒌᙱᑉᐸᒃᐳᑦ ᓄᓇᓕᒃᑎᒍᑦ. ᓄᓇᕗᒻᒥ, ᓄᓇᓖᑦ ᐃᒥᐊᓗᓕᕆᓂᕐᒧᑦ ᐱᖓᓱᓂᒃ ᒪᓕᒐᖃᖅᐳᑦ: ᐊᔪᖅᑎᑕᐅᔪᑦ, ᑭᒡᓕᖃᖅᑎᑕᐅᔪᑦ ᐊᒻᒪ ᑭᒡᓕᖃᖅᑎᑕᐅᙱᑦᑐᑦ.
ᐊᔪᖅᑎᑕᐅᔪᑦ ᑐᑭᖃᖅᐳᖅ ᐃᒥᐊᓗᒃᑕᐅᔪᑦ, ᐱᓯᒪᔭᐅᔪᑦ, ᓂᐅᕕᐊᕆᔭᐅᔪᑦ, ᓂᐅᕐᕈᑕᐅᔪᑦ ᐅᕝᕙᓘᓐᓃᑦ ᓇᒃᓴᖅᑕᐅᔪᑦ ᐃᒥᐊᓗᐃᑦ ᐊᔪᖅᑎᑕᐅᕗᑦ. ᐅᑯᐊ ᓄᓇᓖᑦ ᐊᔪᖅᑎᑕᐅᔪᑦ: ᐊᕐᕕᐊᑦ, ᓴᓪᓕᖅ, ᐅᖅᓱᖅᑑᖅ, ᑰᒑᕐᔪᒃ, ᐸᓐᓂᖅᑑᖅ ᐊᒻᒪ ᓴᓂᑭᓗᐊᖅ.

ᑭᒡᓕᖃᖅᑎᑕᐅᔪᑦ ᑐᑭᖃᖅᐳᖅ ᐃᒥᐊᓗᓕᕆᔨᒃᑯᑦ ᑲᒪᒋᔭᒃᓴᖃᖅᖢᑎᒃ ᐅᔾᔨᕈᓱᓕᖅᑎᑦᑎᓂᕐᒥᒃ ᐃᒥᐊᓗᖕᒥ ᐊᐅᓚᑦᑎᓂᕐᒥᒡᓗ ᓂᐅᕕᐊᕆᔭᐅᓲᓂᒃ, ᓂᐅᕐᕈᑕᐅᔪᓂᒃ ᐊᒻᒪ ᑎᑭᑎᑕᐅᓲᑦ ᐃᒥᐊᓗᖕᓂᑦ ᓄᓇᓕᖕᓄᑦ. ᐅᑯᐊ ᓄᓇᓖᑦ ᑭᒡᓕᖃᖅᑎᑕᐅᔪᑦ: ᐃᒃᐱᐊᕐᔪᒃ, ᑭᙵᐃᑦ, ᐃᒡᓗᓕᒑᕐᔪᒃ, ᑲᖏᖅᑐᒑᐱᒃ, ᓴᓂᕋᔭᒃ; ᐃᒡᓗᓕᒃ; ᑭᒻᒥᕈᑦ; ᓇᐅᔮᑦ, ᒥᑦᑎᒪᑕᓕᒃ, ᕿᑭᖅᑕᕐᔪᐊᖅ, ᖃᐅᓱᐃᑦᑐᖅ ᐊᒻᒪ ᑎᑭᕋᕐᔪᐊᖅ.

ᑭᒡᓕᖃᖅᑎᑕᐅᙱᑦᑐᑦ ᑐᑭᖃᖅᐳᖅ ᒪᓕᒐᓪᓗᐊᑕᑦ ᐱᔾᔪᑎᓖᑦ ᓄᓇᓖᑦ ᐊᓯᐊᓂᖔᖅᖢᑎᒃ ᑎᑭᑎᑕᐅᔪᑦ, ᓂᐅᕕᐊᖑᔪᑦ ᐊᒻᒪ ᐃᒥᐊᓗᒃᑕᐅᔪᑦ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᐱᖁᔭᕐᒧᑦ ᒪᓕᒋᐊᖃᖅᐳᑦ. ᐅᑯᐊ ᓄᓇᓖᑦ ᑭᒡᓕᖃᖅᑎᑕᐅᙱᑦᑐᑦ: ᖃᒪᓂ'ᑐᐊᖅ, ᐃᖃᓗᒃᑑᑦᑎᐊᖅ, ᐊᐅᓱᐃᑦᑐᖅ, ᐃᖃᓗᐃᑦ, ᖁᕐᓗᖅᑐᖅ, ᑲᖏᖅᖠᓂᖅ ᐊᒻᒪ ᑕᓗᕐᔪᐊᖅ.

ᑐᑭᓯᒋᐊᒃᑲᓐᓂᕈᒪᒍᔅᓯ ᑭᒡᓕᖃᖅᑎᑕᐅᔪᑦ ᒪᓕᒐᓕᐊᖑᓯᒪᔪᓂᒃ ᓄᓇᔅᓯᓐᓂ ᐅᕝᕙᓘᓐᓃᑦ ᐃᒥᐊᓗᓕᕆᔨᒃᑯᓐᓄᑦ ᖃᐅᔨᒋᐊᕐᕕᒃᓴᒥᒃ, ᐅᕗᖓ ᐅᖃᓗᒍᓐᓇᖅᐳᓯ 867-975-6816 ᐅᕝᕙᓘᓐᓃᑦ ᐅᕗᙵᕐᓗᓯ http://bit.ly/NULC-Regulations-INUK.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐅᐃᓯᓐ ᓵᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
@email