ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᔪᑦ − ᑭᙵᕐᓂ
ᑭᖑᓪᓕᖅᐹᒥᒃ ᓄᑖᙳᕆᐊᖅᑎᑕᐅᓚᐅᖅᑐᖅ ᕿᑎᖅᑰᑦ, ᓄᕕᐱᕆ 9, 2023
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᒪᕐᒥᒃ ᖃᓛᖅᑎᑦᑎᑲᑕᖁᔨᔾᔪᑎᒥᒃ ᓴᖅᑭᑎᑦᑎᕗᑦ ᑭᙵᕐᓂ. ᑖᓐᓇ ᐅᔾᔨᖅᓱᕈᑕᐅᕗᖅ ᑲᑎᖦᖢᒋᑦ ᖁᐱᕐᕈᐊᕐᔪᐃᑦ ᖃᐅᔨᔭᐅᓚᐅᖅᑎᓪᓗᒋᑦ ᖃᐅᔨᓴᑐᐃᓐᓇᖅᑎᓪᓗᒋᑦ.
ᑖᓐᓇ ᐅᓗᕆᐊᓇᖅᑐᒦᑦᑐᖃᖁᓇᒍ ᐃᒪᕐᒧᑦ ᓴᓗᒻᒪᖅᓴᐃᕕᒃ ᐱᐅᓯᒋᐊᖅᑕᐅᑎᓪᓗᒍ ᐃᑭᐊᖅᑭᕕᒃᑯᑦ.
ᐃᒪᓕᒫᑦᓯᐊᑦ ᖃᓛᖅᑎᑕᐅᔭᕆᐊᖃᓪᓚᕆᒃᐳᑦ ᐅᑯᓄᖓ ᐊᑐᖅᑕᐅᓂᐊᑐᐊᕈᑎᒃ:
- ᐃᒥᕐᓂᐊᕐᓗᒍ.
- ᐊᒫᒪᒃᑎᑦᑎᓂᐊᖅᑎᓪᓗᑎᑦ ᓄᑕᕋᓛᒥᒃ.
- ᐃᒥᒐᒃᓴᓕᐅᕐᓂᐊᕐᓗᑎᑦ ᓂᓚᓕᐅᕐᓂᐊᕈᕕᓪᓘᓐᓃᑦ.
- ᓰᕐᓇᖅᑐᓂᒃ ᐱᕈᖅᑐᓂᒡᓗ ᐃᕐᕈᖅᑐᐃᓂᐊᕈᕕᑦ.
- ᓂᖅᖠᐅᕐᓂᐊᕐᓗᓂ; ᐅᕝᕙᓘᓐᓃᑦ
- ᑭᒍᑎᓯᐅᕐᓂᐊᕐᓗᓂ.
ᐃᒥᕐᒥᑦ ᖃᓛᖅᑎᑦᑎᔪᓐᓇᖅᑐᑎᑦ ᐅᒃᑯᓯᖕᒧᑦ ᖃᑦᑕᕐᒧᓪᓘᓐᓃᑦ ᐃᒐᐅᑉ ᖄᖓᒍᑦ ᐅᕝᕙᓘᓐᓃᑦ ᑲᑉᐳᔾᔭᕆᐊᓕᖕᒧᑦ ᐆᓇᖅᓯᑦᑏᔾᔪᑎᒧᑦ ᐃᒻᒥᓂᒃ ᖃᒥᓲᖑᙱᑦᑐᒧᑦ.
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑐᓴᖅᑎᑦᑎᓂᐊᕐᐳᑦ ᓄᓇᓕᖕᓂᑦ ᖃᓛᕐᑎᑦᑎᔭᕆᐊᖃᕈᓐᓃᕐᐸᑕ ᐃᒪᕐᒥᑦ.