ᐊᐅᐸᔪᒃᑐᒧᑦ ᐅᓪᓗᕆᔭᐅᔪᖅ 2020: ᐊᔪᙱᑦᑐᖓ!
ᑭᖑᓪᓕᖅᐹᒥᒃ ᓄᑖᙳᕆᐊᖅᑎᑕᐅᓚᐅᖅᑐᖅ ᐱᖓᔪᐊᑦ, ᕖᕝᕗᐊᕆ 19, 2020
ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᐊᐅᐸᔪᒃᑐᒧᑦ ᐅᓪᓗᕆᔭᐅᔪᖅ 2020: ᐊᔪᙱᑦᑐᖓ!
ᐃᓕᓐᓂᐊᕐᓂᓕᕆᔨᒃᑯᑦ ᓄᓇᕗᒻᒥᐅᓂᒃ ᐊᐅᐸᔪᒃᑐᒥᑦ ᐊᑐᖁᔨᓛᖅᐳᑦ ᐱᖓᔪᐊᖑᓕᖅᐸᑦ, ᕕᕝᕗᐊᕆ 26−ᒥᑦ, ᐊᐅᐸᔪᒃᑑᑉ ᐅᓪᓗᖓᓂ ᐃᑲᔪᖅᑐᐃᓗᑎᒃ. ᑖᓐᓇ ᐊᕐᕌᒍᑕᒫ ᓲᖑᓴᒃᑎᑦᑎᑦᑕᐃᓕᒪᓂᕐᒧᑦ ᐱᓕᕆᐊᖑᑎᑕᐅᕙᒃᑐᖅ ᓴᖅᑭᑎᑦᑎᓪᓗᑎᒃ ᐃᒻᒥᑰᖅᑐᓂᑦ ᑲᑐᔾᔨᔪᓂᓪᓗ ᐃᓕᓐᓂᐊᕐᕕᖕᓂ ᓄᓇᓕᖕᓂᓗ ᐱᐅᔪᒃᑯᑦ ᐊᓯᔾᔩᓯᒪᔪᓂᑦ, ᓴᖅᑭᔮᖅᑎᑦᑎᒃᑲᓐᓂᕋᓱᒃᖢᑎᒃ ᐃᒃᐱᒍᓱᑦᑎᐊᕐᓂᕐᒥᑦ ᐱᑦᑎᐊᕐᓂᕐᒥᓪᓗ, ᐊᒻᒪᓗ ᓲᖑᓴᒃᑎᑦᑎᑦᑕᐃᓕᒪᔪᓂᑦ.
ᓄᓇᕗᑦ ᒐᕙᒪᒃᑯᓐᓂ ᐱᓕᕆᐊᖑᔪᖅ ᑕᒪᑐᒪᓂ ᐊᕐᕌᒍᒥ ᐊᐅᐸᔪᒃᑑᑉ ᐅᓪᓗᖓᓂ ᐅᓇ "Ajunngitunga," ᐅᕝᕙᓘᓐᓃᑦ, ᐊᔪᙱᑦᑐᖓ.” ᐃᓕᓐᓂᐊᕐᕖᑦ ᓄᓇᓖᓪᓗ ᐃᓚᒋᔭᐅᔪᓐᓇᖅᑐᑦ ᖃᓄᑐᐃᓐᓇᖅ ᐊᔾᔨᒌᖏᑦᑐᑎᒍᑦ:
- ᐊᐅᐸᔪᒃᑐᒥᑦ ᐊᑐᕐᓗᑎᑦ ᐃᑲᔪᖅᑐᐃᓂᕐᓂᑦ ᑕᑯᒃᓴᐅᑎᑦᑎᓗᑎᑦ ᓲᖑᓴᖃᑦᑕᖁᔨᙱᓐᓂᕐᒥᒃ.
- ᓱᖑᓴᖃᑦᑕᖅᑐᑦ ᐊᑭᕋᖅᑐᖅᑕᐅᓂᖏᓐᓂᒃ ᐱᔾᔪᑎᖃᕐᓗᑎᑦ ᑲᑎᙵᑎᑕᐅᓗᑎᑦ.
- ᑕᕐᕆᔮᒃᓴᓕᐅᕐᓗᑎᑦ ᐊᒻᒪ ᑕᕐᕆᔭᖅᑎᑦᑎᓗᓯ ᖃᓄᑎᒋ ᐱᐅᙱᑦᑑᓂᖓᓂᑦ ᓱᖑᓴᖃᑦᑕᕐᓂᖅ.
- ᓄᓇᓕᖕᓃᑦᑐᑦ ᑐᙵᓱᒃᑎᑕᐅᓗᑎᒃ ᐃᓕᓐᓂᐊᖅᑏᓪᓗ ᐅᓂᒃᑳᑲᑕᒡᓗᑎᒃ ᓲᖑᓴᖃᑦᑕᕐᓂᐅᑉ ᒥᒃᓵᓄᑦ;
- ᐃᓚᒌᖕᓂᑦ ᐅᖃᖃᑎᖃᕐᓗᑎᑦ ᓲᖑᓴᖃᑦᑕᕐᓂᐅᑉ ᒥᒃᓵᓄᑦ.
- ᓱᓕᓂᕋᕐᓗᑎᑦ ᐊᒻᒪ ᑕᑯᒃᓴᐅᑎᑦᑎᓗᑎᑦ ᐃᑲᔪᖅᑐᐃᓂᕐᓂᑦ ᖃᕆᓴᐅᔭᒃᑯᑦ ᑐᓴᐅᒪᖃᑦᑕᐅᑎᔾᔪᑎᒃᑯᑦ ᐊᑐᕐᓗᒍ #Ajunngitunga ᐊᒻᒪ #PinkDay
ᑭᒃᑯᓕᒫᑦᑎᐊᑦ ᐊᑦᑕᕐᓇᖅᑐᒦᑦᑕᕆᐊᖃᙱᑉᐳᑦ ᐊᒻᒪ ᐱᕈᖅᐸᓪᓕᐊᑦᑎᐊᕐᓗᑎᒃ ᐃᓕᓐᓂᐊᕐᕕᖕᒥ, ᐃᖅᑲᓇᐃᔭᕐᕕᖕᒥᓂ, ᐊᒻᒪ ᓄᓇᓕᖕᓂ. ᐃᓚᐅᒋᑦ ᐃᑲᔪᖅᑐᐃᓗᑎᓪᓗ ᐊᐅᐸᔪᒃᑑᑉ ᐅᓪᓗᖓᓂ ᓴᙱᒃᑎᒋᐊᖅᑎᑦᑎᓇᓱᒃᑎᓪᓗᑕ ᓴᖅᑭᑦᑎᓇᓱᒃᑎᓪᓗᑕᓗ ᐃᓅᖃᑎᒌᑦᑎᐊᖅᑐᓂᑦ ᓄᓇᕘᒥ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑐᕋᐃ ᕉᑦᔅ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᔨᒃᑯᓐᓄᑦ
ᐃᓕᓐᓂᐊᕐᓂᓕᕆᔨᒃᑯᑦ
867-975-5680
@email