ᐊᓯᔾᔨᖅᑕᐅᓂᖓ ᐱᐊᕋᐃᑦ ᖃᐅᔨᓴᖅᑕᐅᓂᕆᖃᑦᑕᖅᑕᖏᑦ ᐳᕙᓪᓗᓂᕐᒧᓪᓗ ᐋᓐᓂᐊᕇᒃᑯᓯᖅᑕᐅᓂᖅ

ᐃᓄᐃᑦ ᖃᓄᐃᙱᑦᑎᐊᖁᓪᓗᒋᑦ ᑐᓴᖅᑎᑦᑎᔾᔪᑦ

ᐊᓯᔾᔨᖅᑕᐅᓂᖓ ᐱᐊᕋᐃᑦ ᖃᐅᔨᓴᖅᑕᐅᓂᕆᖃᑦᑕᖅᑕᖏᑦ ᐳᕙᓪᓗᓂᕐᒧᓪᓗ ᐋᓐᓂᐊᕇᒃᑯᓯᖅᑕᐅᓂᖅ

ᐱᒋᐊᕐᓗᓂ ᓯᑦᑎᒻᕙ 1, 2020, ᐊᓯᔾᔨᖅᑕᐅᓂᖓ ᓄᓇᕗᒻᒥ ᐋᓐᓂᐊᕇᒃᑯᓯᖅᑕᐅᓂᕐᒧᑦ ᐱᓕᕆᐊᖅ ᐱᐊᕋᓂᓪᓗ ᖃᐅᔨᓴᖅᑕᐅᓂᕆᖃᑦᑕᖅᑕᖏᓐᓂᑦ ᐱᓕᕆᕙᓪᓕᐊᓂᖏᓐᓄᑦ ᐃᑲᔪᕐᓂᐊᖅᑐᖅ ᓴᐳᔾᔨᓯᒪᑦᓯᐊᕐᓂᕐᒧᑦ ᖃᓄᐃᖏᑦᓯᐊᕐᓂᖏᓐᓄᑦ ᓄᓇᕗᒻᒥ ᐃᓅᓕᕋᑖᓄᑦ.

ᐃᓅᓕᕋᑖᖅᑐᑦ Bacille Calmette-Guérin (BCG) ᑲᐱᔭᐅᖃᑦᑕᓚᖓᓕᖅᑐᑦ ᐊᑕᐅᓯᕐᒥ ᑕᖅᑭᖃᓕᖅᑎᓪᓗᒋᑦ ᐃᓅᓕᕋᑖᓕᖅᑎᓪᓗᒋᐅᖏᑦᑐᖅ ᐱᕕᖃᖅᑎᑦᓯᓂᐊᕐᒪᑦ ᐱᐊᕋᕐᓂᑦ ᖃᐅᔨᓴᖅᑕᐅᓂᕆᖃᑦᑕᖅᑕᖏᓐᓄᑦ ᑎᒥᒧᑦ ᓴᐴᓗᑕᕐᓗᒻᒪᕆᖕᓂᖕᒧᑦ ᐃᓅᓵᒧᑦ ᖃᐅᔨᓴᕐᓂᖅ (SCID).

ᑎᒥᒧᑦ ᓴᐴᓗᑕᕐᓗᒻᒪᕆᖕᓂᖕᒧᑦ ᐃᓅᓵᒧᑦ ᖃᐅᔨᓴᕐᓂᖅ ᐊᓐᓇᐅᒪᔾᔪᑎᕐᓗᒻᒪᕆᒃᓂᖅ ᐃᓚᒋᔭᐅᕗᖅ ᓯᕗᓕᓂᖔᕐᐸᒃᑐᓂᑦ ᐊᒃᑐᐃᓲᖅ ᑎᒥᐅᑉ ᐊᐃᑦᑐᕐᑕᐅᑦᑕᐃᓕᔾᔪᑎᖏᓐᓂᑦ.

BCG ᑲᐱᔭᐅᓂᕐᒧᑦ ᐃᑲᔪᖃᑦᑕᖅᑐᖅ ᓴᐳᔾᔨᓂᕐᒥᑦ ᐱᐊᕋᕐᓂᑦ ᒪᒃᑯᑦᑐᓂᓪᓗ ᖃᓄᐃᑦᑑᓂᖏᓐᓄᑦ ᐱᕐᔪᐊᖅᑐᑦ ᐳᕙᓪᓗᓂᕐᒧᑦ (TB). ᐱᐊᕋᖅ ᑎᒥᒧᑦ ᓴᐴᓗᑕᕐᓗᒻᒪᕆᖕᓂᖕᒧᑦ ᑲᐱᔭᐅᑉᐸᑦ BCG−ᒧ, ᐊᑦᑕᕐᓇᖅᑐᒦᓕᕋᔭᖅᑐᖅ ᐱᕐᔪᐊᖅᑐᒥ ᐳᕙᓪᓗᓂᕐᒧᑦ.

ᐊᓯᔾᔨᖅᑐᐃᓂᖅ ᑲᐱᔭᐅᖃᑦᑕᕐᓂᕐᒧᑦ ᐋᖅᑭᑦᓯᒪᓂᖓᓂᑦ ᐅᓪᓗᕆᐊᓇᖅᑐᒦᓗᐊᕈᓐᓃᑎᑦᓯᓂᐅᕗᖅ, ᓇᓗᓇᐃᖅᓯᓂᕐᒧᑦ BCG-ᒧ ᑲᐱᔭᐅᖃᑦᑕᕐᓂᐊᖅᑐᑦ ᑭᖑᓂᖓᒍᑦ ᓇᓗᓇᐃᖅᓯᓂᕐᒧᑦ ᐱᐊᕋᖅ ᑎᒥᒧᑦ ᓴᐴᓗᑕᕐᓗᒻᒪᕆᖕᓂᖕᒧᑦ ᐱᑕᖃᖏᒃᑲᓗᐊᕐᒪᖔᑦ. ᑎᒥᒧᑦ ᓴᐴᓗᑕᕐᓗᒻᒪᕆᖕᓂᖕᒧᑦ ᖃᐅᔨᓴᖅᑕᐅᖃᑦᑕᖅᑐᑦ ᖃᐅᔨᓴᖅᑕᐅᒐᔪᑕᐅᔾᔪᑎᓄᑦ ᐃᓅᓕᕋᑖᓄᑦ, ᑲᒪᒋᔭᐅᖃᑦᑕᖅᑐᖅ ᐱᐊᕋᖅ ᐋᓐᓂᐊᕕᒻᒥ ᐊᓂᑎᑕᐅᓚᐅᖅᑎᓐᓇᒍ.

ᖃᐅᔨᒃᑲᕐᓗᒍ ᓄᓇᓕᓐᓂᑦ ᐋᓐᓂᐊᕐᕕᓯ ᐅᖁᒪᐃᓐᓂᕐᓂᐊᕐᕕᓯᓘᓐᓃᑦ ᐊᓪᓚᕝᕕᖓ ᑐᑭᓯᒋᐊᑲᓐᓂᕈᒪᒍᕕᑦ.

ᑐᓴᒐᒃᓴᓕᕆᔨᒃᑯᑦ ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
@email