ᐊᓯᔾᔨᖅᓱᖅᑕᐅᓂᖓ ᓄᓇᕗᒻᒥ ᐸᐃᕆᕕᖕᒧᑦ ᐱᖁᔭᖅ
ᑭᖑᓪᓕᖅᐹᒥᒃ ᓄᑖᙳᕆᐊᖅᑎᑕᐅᓚᐅᖅᑐᖅ ᕿᑎᖅᑰᑦ, ᐊᐃᕐᕆᓕ 4, 2024
ᐃᓕᓐᓂᐊᕐᓂᓕᕆᔨᒃᑯᑦ ᐱᕙᓪᓕᐊᑎᑦᑎᖕᒪᑕ ᓄᑖᕐᒥ ᐃᓕᓐᓂᐊᕆᐅᖅᓴᔪᓄᑦ ᐊᒻᒪ ᐸᐃᕆᕕᖕᒧᑦ ᒪᓕᒐᓕᐊᖑᔪᒪᔪᑦ ᐊᑐᓕᖅᑎᑕᐅᖁᓪᓗᒋᑦ ᐱᐅᑦᑎᐊᖅᑐᑦ, ᐃᓄᖕᓄᑦ−ᑐᕌᖓᔪᑦ ᐃᓕᓐᓂᐊᕆᐅᖅᓴᕐᕕᖕᒥ ᐱᓕᕆᐊᖑᔪᓐᓇᖅᑐᑦ, ᐊᑭᑐᓗᐊᙱᑦᑐᑦ, ᐃᓚᓕᐅᔾᔨᒐᕐᓂᖅᑐᑦ, ᑲᒪᒋᔾᔪᑕᐅᔪᓐᓇᖅᑐᓪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᓄᐃᙱᑦᑎᐊᕈᓯᕐᒧᓪᓗ ᓄᑕᖅᑲᓄᑦ.
ᒫᓐᓇᓕᓴᖅ ᐸᐃᕆᕕᓕᕆᓂᕐᒧᑦ ᐱᖁᔭᖅ ᐊᑐᓕᖅᑎᑕᐅᓚᐅᖅᓯᒪᔪᖅ ᓄᓇᑦᓯᐊᕐᒥ ᑕᐃᒪᙵᓪᓗ 1988-ᖑᓚᐅᖅᑎᓪᓗᒍ ᓄᑖᙳᕆᐊᖅᑕᐅᓚᐅᖅᓯᒪᓇᓂ. ᓄᑖᖅ ᒪᓕᒐᓕᐊᖑᔪᒪᔪᖅ ᐊᒃᑐᐊᓂᖃᕆᐊᖃᖅᐳᖅ ᓄᓇᕗᒻᒥ ᑕᑯᓐᓇᒐᕆᔭᐅᓇᓱᐊᖅᑐᒧᑦ ᐃᓕᓐᓂᐊᕆᐅᖅᓴᔪᓄᑦ ᐊᒻᒪ ᐸᐃᕆᕕᖕᒥᑦ ᐱᓕᕆᐊᓄᑦ ᐊᒻᒪ ᐱᔨᑦᑎᕋᐅᑎᓄᑦ, ᐊᒻᒪ ᐱᕈᖅᐸᓪᓕᐊᑎᑦᑎᓗᑎᒃ ᐃᓄᐃᑦ ᐃᓕᖅᑯᓯᖓᓐᓂᑦ ᐊᒻᒪ ᐅᖃᐅᓯᖏᓐᓂᑦ. ᐅᖃᐅᓯᒃᓴᓯ ᐱᒻᒪᕆᐅᔪᑦ ᑖᔅᓱᒧᖓ ᐱᕙᓪᓕᐊᓂᕐᒧᑦ.
ᐃᓕᓐᓂᐊᕐᓂᓕᕆᔨᒃᑯᑦ ᐋᖅᑭᒃᓯᓯᒪᓕᖅᑐᑦ ᖃᔅᓯᑲᓪᓚᖕᓂᒃ ᐊᑐᖅᑕᐅᔪᓐᓇᖅᑐᓂᒃ ᓄᓇᕗᒻᒥᐅᓄᑦ ᑭᐅᔭᐅᑲᑕᖕᓂᐊᕐᓗᑎᒃ:
- ᐱᔭᕇᕐᓗᒍ ᖃᕆᑕᐅᔭᒃᑯᑦ ᖃᐅᔨᓴᕈᑎᑦ ᒪᐃ 31−ᖑᓚᐅᙱᓐᓂᖓᓂ, 2024−ᒥ.
- ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᓗᒋᑦ ᑭᐅᔾᔪᑎᑎᑦ ᐅᑯᓄᖓ: @email.
- ᐱᔭᕇᖅᓯᓗᑎᑦ ᐅᖃᐅᓯᒃᓴᕐᓄᑦ ᑎᑎᕋᕐᕕᒃᓴᒥᑦ ᐊᑐᐃᓐᓇᕐᒥ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᖓᑦᑎᒍᑦ ᐅᕝᕙᓘᓐᓃᑦ ᓄᓇᓕᔅᓯᓐᓂ ᒐᕙᒪᒃᑯᒃ ᑐᓴᐅᒪᔪᓕᕆᔨᐅᑉ ᐊᒡᓚᕝᕕᐊᓂ.
- ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᓄᓇᓕᖕᓂᑦ ᑐᓴᕆᐊᕐᕕᖃᕐᓂᖅ.
ᑐᑭᓯᒋᐊᒃᑲᓐᓂᕈᒪᒍᔅᓯ ᐊᒻᒪ ᓄᑖᙳᕆᐊᖅᓯᒪᔪᓂᒃ ᑎᑎᕋᖅᓯᒪᔪᓂᒃ ᓄᓇᓕᖕᓂ ᑐᓴᕋᓱᒡᕕᒃᓴᓂᒃ ᐅᓪᓗᕐᓂᒃ, ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᖓᓐᓄᐊᕈᓐᓇᖅᐳᓯ.