ᓄᓇᓕᓐᓂ ᐋᓐᓂᐊᓯᐅᖅᑎ

ᑖᓐᓇ ᐃᖅᑲᓇᐃᔮᒃᓴᖅ ᒪᑐᐃᖓᔪᖅ ᐆᒃᑐᕈᒪᔪᓕᒫᓄᑦ.

ᓄᓇᕗᒻᒥ ᒐᕙᒪᒃᑯᑦ ᓂᕈᐊᖅᑕᐅᓯᒪᔪᑦ ᑲᓇᑕᒥ ᐊᔾᔨᒌᙱᑦᑐᓂᒃ ᐃᖅᑲᓇᐃᔭᖅᑎᖃᕐᓂᖅᐹᖑᓂᖓᓄᑦ, ᐃᖅᑲᓇᐃᔭᕐᕕᑦᑎᐊᕙᐅᓛᖑᓂᖓᓄᑦ ᒪᒃᑯᒃᑐᓄᑦ ᐃᓕᓐᓂᐊᖅᑕᒥᓂᒡᓗ ᐊᓂᒍᐃᓵᓚᐅᖅᑐᓄᑦ 2023-ᒥ. ᐱᕈᖅᐸᓪᓕᐊᓂᖅᐹᖑᖃᑕᐅᔪᖅ ᒪᒃᑯᒃᑐᐃᓪᓗ ᐃᓄᒋᐊᖕᓂᖅᐹᖑᓪᓗᑎᒃ ᑲᓇᑕᒥ, ᓄᓇᕗᒻᒥ ᐆᒻᒪᕆᒃᑐᖅ, ᐱᔪᒃᓯᑦᑎᐊᖅᑐᑦ, ᐊᖏᖅᓯᒪᑦᑎᐊᖅᖢᑎᓪᓗ ᐱᐅᓂᖅᓴᒥᒃ ᐃᓂᖃᖅᑎᑦᑎᖁᔨᓪᓗᑎᒃ ᑭᖑᕚᒃᓴᑎᓐᓄᑦ. ᒐᕙᒪᐅᑎᓪᓗᑕ, ᐊᐅᓚᓂᕆᔭᕗᑦ ᐊᔾᔨᐅᙱᓐᓂᖓ ᓴᙱᓂᖅᑖᖅᑎᑉᐸᓪᓕᐊᕙᕗᑦ - ᐃᓚᓕᐅᔾᔨᓪᓗᑎᒃ ᐃᓄᐃᑦ ᐱᖅᑯᓯᖏᓐᓂᒃ, ᐅᖃᐅᓯᖓᓐᓂᑦ ᐊᑐᖅᑕᐅᑎᑦᑎᓇᓱᖃᑦᑕᖅᖢᑎᒃ, ᑭᒡᒐᖅᑐᐃᑦᑎᐊᖅᑐᓂᑦ ᒐᕙᒪᒃᑯᓐᓂᑦ ᐱᔨᑦᑎᕋᖅᑎᓂᒃ ᑲᔪᓯᑎᑦᑎᖃᑦᑕᖅᐳᑦ, ᐱᓕᕆᖃᑎᖃᖅᐸᒃᖢᑎᒡᓗ ᐱᓕᕆᖃᑎᒌᓂᑦ ᓄᓇᕗᒻᒥ ᐊᖏᕈᑕᐅᓯᒪᔪᓂᑦ ᑎᑭᐅᑎᖁᓪᓗᒋᑦ. ᐃᖅᑲᓇᐃᔮᖅᑖᖅᑐᖅ ᐊᑭᓕᖅᓱᖅᑕᐅᑦᑎᐊᕐᓂᐊᖅᑐᖅ, ᐋᓐᓂᐊᕐᕕᖕᒧᑦ ᑭᒍᑎᓕᕆᔭᐅᓂᕐᒧᓪᓗ ᐃᑲᔫᑎᖃᕐᓗᓂ, ᓇᓗᓇᐃᔭᖅᑕᐅᓯᒪᔪᓂᑦ ᐃᓐᓇᖅᓯᐅᑎᒃᓴᓄᑦ ᐃᑲᔫᑎᖃᕐᓗᓂ, ᓅᑕᐅᓂᕐᒧᑦ ᐱᔪᓐᓇᐅᑎᓂᑦ ᐃᓕᓐᓂᐊᕈᓐᓇᖅᑎᑕᐅᓗᓂ ᐃᖅᑲᓇᐃᔮᒥᓂᒡᓗ ᖁᕝᕙᖅᐸᓪᓕᐊᓗᓂ.

ᓄᓇᓕᓐᓂ ᐋᓐᓂᐊᓯᐅᖅᑎ (CHN) ᐃᑲᔪᖃᑦᑕᖅᑐᖅ ᐋᓐᓂᐊᕕᓕᐊᖅᑐᓂ ᓴᖅᑭᔮᖅᑎᑦᑎᓂᕐᒥᑦ, ᓴᐳᔾᔨᓂᕐᒥᑦ ᐊᒻᒪᓗ ᐅᑎᖅᑎᑦᑎᓂᕐᒥᑦ ᑎᒥᒃᑯᑦ ᖃᓄᐃᙱᑦᑎᐊᕐᓂᕐᒨᖓᔪᓂᑦ, ᐃᓕᓐᓂᐊᖅᑎᓪᓗᒋᑦ ᒪᑯᐊ ᒥᒃᓵᓄᑦ, ᓄᖅᑲᖓᑎᑦᑎᓂᕐᒥᑦ ᐊᒻᒪ ᐱᓗᐊᕈᓐᓃᖅᑎᑦᑎᓂᕐᒥᑦ ᐋᓐᓂᐊᖅᑖᖃᑦᑕᕐᓂᕐᒧᑦ, ᑎᒥᒃᑯᑦ ᐊᔪᕈᑎᖃᕐᓂᕐᒧᑦ ᐊᒻᒪᓗ ᑐᖁᔾᔪᑕᐅᔪᓐᓇᖅᑐᓂᒃ.  ᓄᓇᓕᓐᓂᑦ ᐋᓐᓂᐊᓯᐅᑦᑎ ᐊᑕᖐᑦᑎᐊᖅᑐᓂᑦ ᓄᓇᓕᓐᓂᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐱᔨᑦᑎᕋᖅᑎᐅᔪᖅ ᐱᖃᑎᒋᓪᓗᒋᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᑦ ᐱᓕᕆᔨᐅᔪᑦ ᑕᒪᑐᒥᖓᑦᑕᐅᖅ ᑲᒪᔪᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐱᐅᓯᕚᓪᓕᖅᑎᑦᑎᓇᓱᖕᓂᕐᒥᑦ ᐊᒻᒪ ᐊᔪᕈᓐᓃᖅᐸᓪᓕᐊᑎᑦᑎᓂᕐᒥᑦ ᐋᓐᓂᐊᖅᑐᓂᒃ ᓱᖏᐅᓴᕐᓗᓂᒋᑦ, ᑭᐅᕙᒡᓗᓂᒋᑦ ᐅᕝᕙᓘᓐᓃᑦ ᐊᐅᓚᑉᐸᓪᓗᓂᒋᑦ, ᐃᓅᓯᕐᒥ ᐊᒃᓱᕈᕐᓇᖅᑐᑦ, ᐊᒻᒪ ᐊᓯᔾᔨᖅᐸᓪᓕᐊᔪᑦ.

ᖃᐅᔨᒪᔭᕆᐊᓕᖏᑦ, ᐊᔪᙱᑦᑕᕆᐊᓕᖏᑦ, ᐱᓕᕆᔪᓐᓇᕆᐊᓕᖏᓪᓗ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᒃᑐᑦ ᐱᔭᕇᕈᓯᐊᖃᕐᓗᓂ ᓯᕗᓪᓕᕐᓂ ᐋᓐᓂᐊᓯᐅᖅᑎᐅᓂᕐᒧᑦ ᐊᑕᐅᓯᕐᒧᑦ ᐊᕐᕌᒍᒧ ᐱᓕᕆᖃᑦᑕᖅᓯᒪᓂᖅ ᐋᓐᓂᐊᕐᕕᒻᒥ ᐅᓂᒃᓯᒪᔪᓄᑦ ᐋᖅᑭᑦᓯᒪᓂᓕᒻᒥ ᐊᒻᒪᓗ/ᐅᕝᕙᓘᓐᓃᑦ ᐊᓯᖏᓐᓂᑦ ᓇᓕᒧᓱᒋᔭᐅᔪᓂ ᐊᑦᑐᐃᓂᖃᖅᑐᓂᓘᓐᓃᑦ ᐅᓄᖅᓯᕙᓪᓕᐊᔪᓂᑦ ᐊᔾᔨᒌᙱᕈᓘᔭᖅᑐᓂᑦ ᐋᖅᑭᑦᓯᒪᓂᕐᓂᑦ ᓲᕐᓗ ᓄᓇᓕᓐᓂ ᐋᓐᓂᐊᕐᕖᑦ, ᐃᓕᓐᓂᐊᕐᕖᑦ, ᐊᖅᑯᑎᒥ ᐋᓐᓂᐊᕐᕖᑦ, ᒪᒃᑯᑦᑐᒃᑯᕕᓐᓂᑦ, ᐋᓐᓂᐊᓯᖅᑎᓄᓪᓗᑦ ᖃᓂᖏᑦᑐᓂ, ᐊᔾᔨᒌᙱᕈᓘᔭᖅᑐᓂᓪᓗ ᐱᓕᕆᖃᑎᒌᑦ, ᐋᓐᓂᐊᖅᑐᓕᕆᓂᕐᒧᑦ ᐱᔭᕆᐊᓕᓐᓄᑦ ᓇᓗᓇᐃᖅᑕᐅᓯᒪᔪᓂᑦ ᖃᑦᓯᐅᓂᕆᔭᖏᑦ.

ᓄᓇᓕᓐᓂ ᐋᓐᓂᐊᓯᐅᑎ ᐊᓂᖅᓵᖅᑎᑦᑎᓇᓱᖕᓂᕐᒧᑦ ᐃᓕᓐᓂᐊᖅᓯᒪᓗᓂ ᐊᒻᒪᓗ ᐊᕐᕌᒍᓕᒫᒨᖓᔪᓂᑦ ᐃᓕᓴᕆᔭᐅᔾᔪᑎᑖᖃᑦᑕᕐᓗᓂ. ᐃᖅᑲᓇᐃᔮᖅᑖᕋᓱᐊᖅᑐᑦ ᐊᑎᖃᖃᑕᐅᔪᓐᓇᕆᐊᓖᑦ ᐱᒋᐊᙱᓐᓂᖏᓐᓂᑦ ᐋᓐᓂᐊᓯᐅᖅᑎᒃᑯᑦ ᑲᑐᔾᔨᖃᑎᒌᒃᑯᖏᓐᓄᑦ ᓄᓇᑦᓯᐊᕐᒥ ᓄᓇᕗᒻᒥᓗ (CANNN) ᐊᕐᕌᒍᑕᒫᖅ ᐃᓕᓴᕆᔭᐅᔾᔪᑎᑖᖃᑦᑕᕐᓂᐊᕐᓗᑎᑦ.

ᐱᓯᒪᑦᓯᓂᖅ ᐊᑕᐅᓯᕐᒥ ᐅᖓᑖᓄᓪᓘᓐᓃᑦ ᐅᑯᓇᖓᑦ ᐃᖅᑲᓇᐃᔮᖅᑖᕆᑕᐅᑎᓪᓗᒍ ᐱᔪᒪᒋᔭᐅᓂᖅᓴᖅ, ᐊᒥᐊᒃᑯᖓ (ᐱᖁᔭᐅᓯᒪᓂᖓ ᒪᓕᓪᓗᒍ) ᐱᐊᓂᒃᓯᓗᓂ ᓯᕗᓪᓕᖅᐹᖅ ᑕᖅᑮᑦ 12 ᐃᓗᐊᓂ ᐃᖅᑲᓇᐃᖅᑎᐅᓯᒪᓕᖅᑎᓪᓗᒍ ᐊᒻᒪᓗ

ᐊᐃᑉᐸᖓᓂᒃ ᐱᔭᕆᐊᖃᖅᑕᖓ ᐃᓕᓴᕆᔭᐅᔾᔪᑎᑖᕐᓗᓂ: ᐱᐅᓯᒋᐊᖅᓯᒪᔪᖅ ᐆᒻᒪᑎᓕᕆᓂᕐᒧᑦ ᐃᓅᓯᕐᒥ ᐃᑲᔪᖅᓱᐃᔾᔪᑦ (ACLS), ᖁᐊᖅᓵᖅᓯᒪᔪᓂᑦ ᐋᓐᓂᐊᓯᐅᖅᑎᐅᓂᕐᒧᑦ ᐃᓕᓐᓂᐊᖅᓯᒪᓂᖅ (TNCC), ᐊᓂᖅᑎᕆᔪᓐᓃᖅᑐᓄᑦ ᐊᓂᖅᓵᖅᑎᑦᑎᒃᑲᓐᓂᕐᓂᕐᒧᑦ ᐱᓕᕆᐊᖅ (NRP), ᓇᔾᔨᐊᓂ ᖃᐅᔨᓴᕐᓂᕐᒧᑦ,  ᑐᐊᕕᕐᓇᖅᑐᓕᕆᓂᕐᒧᑦ ᓄᑕᖅᑲᓂᒃ ᐋᓐᓂᐊᓯᐅᖅᑎᐅᔪᓐᓇᓂᕐᒧᑦ ᐃᓕᓐᓂᐊᒐᒃᓴᖅ (ENPC) ᐅᕝᕙᓘᓐᓃᑦ ᓄᑕᕋᓛᓄᑦ ᐊᓂᖅᓵᖅᑑᑎᓄᑦ ᑲᑉᐳᔾᔭᖅ (PALS), ᐃᕐᓂᓱᒃᑐᓕᕆᓂᖅ ᖁᐊᖅᓵᕐᓇᖅᑎᑦᑎᑦᑕᐃᓕᒪᓂᕐᓗ/ᑐᐊᕕᕐᓇᖅᑐᓕᕆᓂᕐᒧᑦ ᐃᓕᓴᕆᔭᐅᔾᔪᑎᑖᖅᓯᒪᓗᓂ/FHS, ᐋᓐᓂᖅᑎᕆᓂᒃᑰᙱᑦᑐᖅ ᖃᓄᖅᑑᕋᓱᐊᖅᑎᑦᑎᓂᖅ ᐊᒃᓱᕉᓴᓗᐊᖅᑐᓂᑦ, ᐃᓅᓯᕐᒥᒃ ᑭᐱᓯᑎᑦᑎᑦᑕᐃᓕᒪᓂᕐᒧᑦ ᐅᖃᖃᑎᖃᕈᓐᓇᖅᓯᓂᕐᒥᑦ ᐃᓕᓐᓂᐊᕐᓂᖅ ᐃᓱᒪᓕᕆᓂᕐᒧᓪᓘᓐᓃᑦ ᐃᓅᓕᓴᐃᓂᕐᒧᑦ. ᐃᑲᔪᕐᓂᖃᕋᔭᖅᑐᑦ ᐅᑯᓂᖓ ᐃᓚᖃᕈᓐᓇᖅᑐᖅ: ᖃᐅᔨᓴᐅᑎᓄᑦ ᐆᒻᒪᑎᒧᑦ ᑐᑭᓕᐅᕆᔪᓐᓇᕐᓗ, ᐱᕐᔪᐊᒍᔪᓂᒃ ᐊᒃᓱᕈᕐᓇᖅᑐᒃᑰᕐᖅᑐᑦ ᑐᓴᕋᓱᕝᕕᒋᒃᑲᓐᓂᖅᐸᓪᓗᒋᑦ, ᑰᑦᑎᖅᒥ ᖃᐅᔨᓴᕈᓐᓇᓂᕐᒧᑦ ᐱᓕᒻᒪᑦᓴᕐᓂᕐᒧᑦ, ᐃᓕᖅᑯᓯᖃᖃᑎᒌᖏᑦᑐᓂᑦ ᐱᓕᒻᒪᑦᓴᕐᓂᖅ, ᐋᓐᓂᐊᓯᐅᖅᑎᓪᓚᕆᙳᖅᓯᒪᓂᕐᒧᑦ ᐃᓕᓴᕆᔭᐅᔾᔪᑎ.

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᖃᐅᔨᒪᒋᑦ ᓄᕙᒡᔪᐊᕐᓇᖅ-19−ᒧᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᔭᕆᐊᓕᒃ ᐃᖅᑲᓇᐃᔮᖅᑖᕋᓱᒃᑐᖅ. ᑐᓐᓂᖅᑯᑎᒋᓗᒍ ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᔾᔪᑎᒧᑦ ᓇᓗᓇᐃᒃᑯᑕᐃᑦ ᐃᖅᑲᓇᐃᔮᖅᑖᕋᓱᒍᑎᒋᔭᕐᓄᑦ. ᖃᖓᑕᓲᒃᑯᑦ ᓄᒃᑕᖅᑎᑦ ᑲᒪᒋᔭᒃᓴᖃᖅᐳᑦ ᐃᓱᒪᓕᐅᕆᒋᐊᖃᖅᖢᑎᒃ ᑭᓱᑦ ᐃᓕᔅᓯᓐᓄᑦ ᓈᒻᒪᖕᒪᖔᑕ ᑐᙵᕕᒋᓗᒋᑦ ᓄᓇᕘᒥ/ᑲᓇᑕᒥ ᐊᕕᒃᑐᖅᓯᒪᔪᓂᒃ ᐱᔭᐅᒋᐊᓕᑦ ᒪᓕᒡᓗᒋᑦ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑐᑦ ᐅᐃᕖᑐᓪᓗ. ᐱᓇᔪᒍᒪᔪᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᑦ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᖅᑕᓂᒃ ᓄᓇᕗᒻᒥ. ᑐᓴᐅᒪᑎᑦᑎᔪᓐᓇᖅᐸᑦ ᓄᓇᕗᒻᒥ ᐅᖃᐅᓯᖅᑕᕆᔭᐅᔪᓂᒃ ᐊᑕᐅᓯᐅᙱᑦᑐᒥᒃ ᐃᑲᔫᑎᖃᑦᑎᐊᕋᔭᖅᐳᖅ. ᐃᓄᐃᑦ ᓄᓇᓕᖏᓐᓂ, ᐃᓕᖅᑯᓯᖓᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᖃᐅᔨᒪᒍᓂ ᐱᓕᕆᖃᑦᑕᖅᓯᒪᓗᓂᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑎᓕᐅᕆᒃᑲᓐᓂᖅᑐᒍᑦ ᐱᓇᔪᖁᔨᓪᓗᑕ ᐃᓕᖕᓂᑦ ᑕᐃᒪᓐᓇᓪᓗᐊᖅ ᐅᑭᐅᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒪᒍᕕᑦ ᐃᓕᓐᓂᐊᖅᓯᒪᔭᕆᐊᓕᑦ ᐱᓕᕆᖃᑦᑕᖅᓯᒪᔭᕆᐊᓕᒡᓗ ᐊᔾᔨᖓᓂ ᖁᓛᓂᑦ ᑎᑎᕋᖅᓯᒪᔪᓂᑦ.

ᐃᖅᑲᓇᐃᔭᐃᓐᓇᖅᑐᓄᑦ, ᐊᑕᐃᓐᓇᕐᓂᐊᖅᑐᓄᑦ ᐃᓗᐊᖅᓴᐃᔨᓄᑦ, ᐃᖅᑲᓇᐃᔮᖃᐃᓐᓇᖅᑐᑦ ᐊᑭᓕᖅᑕᐅᒃᑲᓐᓂᖃᑦᑕᕐᓂᐊᖅᐳᑦ: $5,000 ᐃᖅᑲᓇᐃᔮᒥ ᐱᒋᐊᓕᓵᖅᑎᓪᓗᒋᑦ, $5,000 ᑕᖅᑭᓄᑦ 18−ᓄᑦ ᐃᖅᑲᓇᐃᔭᖅᓯᒪᓕᖅᑎᓪᓗᒋᑦ ᐊᒻᒪ $10,000 ᑕᖅᑭᓄᑦ 30−ᓄᑦ ᐃᖅᑲᓇᐃᔭᖅᓯᒪᓕᖅᑎᓪᓗᒋᑦ. ᐃᓚᓕᐅᔾᔭᐅᓯᒪᔪᑦ ᐊᑭᓕᐅᑎᑦ ᐃᓚᖃᖅᐳᑦ $9,000 ᐊᕐᕌᒍᑕᒫᑦ ᐃᓄᖕᓄᑦ ᐱᔨᑦᑎᕋᖅᑎᐅᓂᕐᒧᑦ ᐃᑲᔫᑕᐅᕙᒃᑐᒥᑦ ᐊᒻᒪ $375 ᑕᖅᑭᑕᒫᑦ ᐃᖅᑲᓇᐃᔮᖃᐃᓐᓇᕐᓂᕐᒧᑦ ᑐᓂᔭᐅᒃᑲᓐᓂᖅᐸᒃᑐᖅ ᑲᑎᓕᒫᖅᖢᒍ $4,500 ᐊᕐᕌᒍᓕᒫᒧᑦ.

ᐱᓕᕆᐊᒃᓴᖅ 1 ᐊᑭᓕᐅᑎᑦ $10/ᐃᑲᕐᕋᒧᑦ ᐊᑕᐅᓯᕐᒧᑦ ᐱᐅᓛᒻᒪᕆᖕᒧᑦ ᐊᑐᐃᓐᓇᐅᕗᑦ ᐅᑯᓄᖓ ᐅᓪᓗᓕᒫᖅ ᐃᖅᑲᓇᐃᔭᖅᑎᐅᔪᓄᑦ, ᐃᖅᑲᓇᐃᔮᖃᐃᓐᓇᖅᑐᓄᑦ, ᐊᒻᒪ ᐃᖅᑲᓇᐃᔭᖃᑎᒌᓄᑦ: ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᖓᔪᖅᑳᓄᑦ, ᓄᓇᓕᖕᓂ ᐃᓗᐊᖅᓴᐃᔨᑦ, ᐃᓗᐊᖅᓴᐃᔨᙳᕆᐅᖅᓴᔪᑦ, ᐃᓄᖕᓄᑦ ᐃᓗᐊᖅᓴᐃᔨᑦ, ᐃᓱᒪᓕᕆᔨᑦ, ᐃᓱᒪᒥᒍᑦ ᐊᔪᕈᑎᓕᖕᓄᑦ ᖃᐅᔨᒃᑲᐃᔨᑦ ᐊᒻᒪ ᐃᕐᓂᓱᒃᓰᔨᑦ. ᐃᖅᑲᓇᐃᔮᒃᓴᑦ ᐊᔪᖅᑎᑕᐅᙱᑦᑐᑦ ᑖᒃᑯᓄᖓ ᐱᐅᑦᑎᐊᖅᑐᓄᑦ ᐅᑯᓇᓂ ᓄᓇᓕᖕᓃᑉᐳᑦ ᓴᓪᓕᖅ, ᓇᐅᔮᑦ, ᐃᖃᓗᒃᑑᑦᑎᐊᖅ, ᑰᒑᕐᔪᒃ, ᑕᓗᕐᔪᐊᖅ ᐃᒃᐱᐊᕐᔪᒃ, ᑲᖏᖅᑐᒑᐱᒃ, ᓴᓂᕋᔭᒃ, ᐃᖃᓗᐃᑦ, ᑭᒻᒥᕈᑦ, ᕿᑭᖅᑕᕐᔪᐊᖅ, ᖃᐅᓱᐃᑦᑐᖅ.

ᐱᓕᕆᐊᒃᓴᖅ 2−ᒧᑦ ᐊᑭᓕᐅᑎᑦ $15/ᐃᑲᕐᕋᒧᑦ ᐊᑕᐅᓯᕐᒧᑦ ᐱᐅᓛᒻᒪᕆᖕᒧᑦ ᐊᑐᐃᓐᓇᐅᕗᑦ ᐅᑯᓄᖓ ᐅᓪᓗᓕᒫᕐᒧᑦ ᐃᖅᑲᓇᐃᔮᓕᖕᓄᑦ, ᐃᖅᑲᓇᐃᔮᖃᐃᓐᓇᖅᑐᓄᑦ, ᐊᒻᒪ ᐃᖅᑲᓇᐃᔭᖃᑎᒌᓄᑦ: ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᖓᔪᖅᑳᓄᑦ, ᓄᓇᓕᖕᓂ ᐃᓗᐊᖅᓴᐃᔨᑦ, ᐃᓗᐊᖅᓴᐃᔨᙳᕆᐅᖅᓴᔪᑦ, ᐃᓄᖕᓄᑦ ᐃᓗᐊᖅᓴᐃᔨᑦ, ᐃᓱᒪᓕᕆᔨᑦ, ᐃᓱᒪᒥᒍᑦ ᐊᔪᕈᑎᓕᖕᓄᑦ ᖃᐅᔨᒃᑲᐃᔨᑦ ᐊᒻᒪ ᐃᕐᓂᓱᒃᓰᔨᑦ. ᐃᖅᑲᓇᐃᔮᒃᓴᑦ ᐊᔪᖅᑎᑕᐅᙱᑦᑐᑦ ᑖᒃᑯᓄᖓ ᐱᐅᓛᒻᒪᕆᖕᓄᑦ ᐅᑯᓇᓂ ᓄᓇᓕᖕᓃᑉᐳᑦ ᐊᕐᕕᐊᑦ, ᖃᒪᓂ'ᑐᐊᖅ, ᐃᒡᓗᓕᒑᕐᔪᒃ, ᐅᖅᓱᖅᑑᖅ, ᐊᐅᓱᐃᑦᑐᖅ, ᐃᒡᓗᓕᒃ, ᑭᙵᐃᑦ, ᖁᕐᓗᖅᑐᖅ, ᐸᖕᓂᖅᑑᖅ, ᒥᑦᑎᒪᑕᓕᒃ, ᑲᖏᖅᖠᓂᖅ, ᓴᓂᑭᓗᐊᖅ, ᑎᑭᕋᕐᔪᐊᖅ.

ᐃᖅᑲᓇᐃᔮᖅᑖᕋᓱᒃᑐᓄᑦ ᐊᑏᑦ ᐃᓚᔭᐅᑐᐃᓐᓇᕆᐊᓕᒃ ᓯᕗᓂᒃᓴᒥ ᐃᖅᑲᓇᐃᔮᒃᓴᓄᑦ ᐃᓐᓄᒃᑕᐅᔭᕆᐊᖃᓕᕐᓂᖅᐸᑦ ᓇᐅᑦᑎᐅᒪᖃᑕᐅᓛᕐᒪᑦ

ᐱᓇᔪᒍᒪᒍᕕᑦ ᐃᖅᑲᓇᐃᔮᒃᓴᒧᑦ, ᓇᒃᓯᐅᑎᓗᒍ ᐃᕐᖐᓐᓈᖅᑕᐅᒃᑯᑦ ᑎᑎᖅᑲᖃᕐᓗᓂᓗ ᐃᖅᑲᓇᐃᔮᖅᑖᕋᓲᑎᑦ ᐅᑯᓄᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.

• ᓄᓇᕗᑦ ᒐᕙᒪᒃᑯᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᔨᓂᒃ ᐃᖅᑲᓇᐃᔭᖅᑎᓂᒃ; ᑕᐃᒪᐃᒻᒪᑦ, ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᖕᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᖅ ᒪᓕᒡᓗᒍ.
• ᓄᓇᕗᑦ ᒐᕙᒪᖓᓂ ᐃᖅᑲᓇᐃᔭᓕᓵᖅᑐᑦ ᖃᐅᔨᓴᖅᑕᐅᔪᑦ ᐱᔭᕆᐊᖃᖅᑐᑦ ᑐᓂᓯᓗᑎᒡᓗ ᐱᔪᓐᓇᖅᑎᑕᐅᓂᕐᒧᑦ ᑎᑎᖅᑲᒥᒃ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᒥᒃ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐊᑕᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ. 
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᖅᑎᑕᐅᙱᑐᐃᓐᓇᕆᐊᓕᑦ ᐃᖅᑲᓇᐃᔮᖅᑖᕋᓱᒃᑐᑦ ᐃᓱᒪᒋᔭᐅᓂᐊᖅᑐᓄᑦ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐃᖅᑲᓇᐃᔮᒃᓴᒥ ᐱᓕᕆᐊᒃᓴᕆᔭᐅᔪᓂᑦ. ᑖᓐᓇ ᐱᔭᐅᔭᕆᐊᖃᖅᐳᖅ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒥᑦ ᓈᒻᒪᒋᔭᐅᓗᓂ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ. 
• ᐱᓇᔪᒍᒪᔪᑦ ᐃᖅᑲᓇᐃᔮᖅᑖᕋᓱᐊᕈᑎᒥᒃ ᑐᓂᓯᔪᓐᓇᖅᑐᑦ ᓄᓇᕗᒻᒥ ᐃᓕᓴᕆᔭᐅᓯᒪᔪᒥᑦ ᐅᖃᐅᓯᕐᒥᑦ ᓇᓕᐊᖕᓂᑐᐃᓐᓇᖅ ᐊᑐᕐᓗᓂ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᑕᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ.  ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᖅᑕᑦ ᐋᒃᑳᖅᑕᐅᑐᐃᓐᓇᕆᐊᓕᒃ.