ᑮᓇᐅᔭᑦ ᒥᒃᓵᓄᑦ ᐊᑐᐊᒐᓕᕆᓂᕐᒧᑦ ᓇᓗᓇᐃᔭᐃᔨᒻᒪᕆᒃ

ᐅᓇ ᐃᖅᑲᓇᐃᔮᒃᓴᖅ ᐃᖃᓗᖕᒥᐅᑕᑐᐊᓄᑦ ᒪᑐᐃᖓᔪᖅ.

ᐊᖓᔪᖅᑳᖃᕐᓗᓂ ᑮᓇᐅᔭᑦ ᒥᒃᓵᓄᑦ ᒪᑭᒪᔾᔪᑎᓄᓪᓗ ᐊᑐᐊᒐᐅᑉ ᐊᐅᓚᑦᑎᔨᖓᓂ, ᑮᓇᐅᔭᑦ ᒥᒃᓵᓄᑦ ᐊᑐᐊᒐᓕᕆᓂᕐᒧᑦ ᓇᓗᓇᐃᔭᐃᔨᒻᒪᕆᒃ (ᓇᓗᓇᐃᔭᐃᔨᒻᒪᕆᒃ) ᐊᑐᐃᓐᓇᐅᑎᑦᑎᓂᐊᖅᑐᖅ ᖃᐅᔨᓴᕐᓂᕐᒧᑦ ᐃᑲᔪᖅᑐᐃᔪᓂᒃ ᓄᓇᕗᑦ ᒐᕙᒪᖓᓄᑦ ᐱᕙᓪᓕᐊᑎᑕᐅᔪᓄᑦ ᑮᓇᐅᔭᑦ ᒥᒃᓵᓅᖓᔪᑦ ᐊᑐᐊᒐᖓᓂ ᓴᖅᑭᔮᖅᑎᑦᑎᓇᓱᒃᑐᒥᑦ ᐊᑲᐅᓛᒥᒃ ᐊᑐᕈᓐᓇᕐᓂᕐᒥᒃ ᑮᓇᐅᔭᖅᑖᕆᔭᐅᕙᓪᓕᐊᔪᓂᑦ ᐱᕙᓪᓕᐊᑎᑦᑎᔪᓂᓪᓗ ᐊᔾᔨᒌᖏᑦᑐᓂᑦ ᓄᓇᕗᒻᒥ ᒪᑭᒪᔾᔪᑎᓂᑦ ᐊᑐᐊᒐᕐᓂᑦ ᓈᒻᒪᒃᑐᓂᑦ ᐊᑐᕐᓗᑎᒃ ᒪᓕᒐᕐᓂᓪᓗ.  ᓇᓗᓇᐃᔭᐃᔨᒻᒪᕆᒃ ᑕᑎᒋᔭᐅᖃᑦᑕᖅᐳᖅ, ᐃᓚᒋᔭᐅᓪᓗᓂ ᐱᓕᕆᕝᕕᖕᒥᐅᑕᐅᖃᑎᒌᙱᑦᑐᑦ ᐱᓕᕆᖃᑎᒌᓄᑦ, ᐱᓕᕆᓪᓗᑎᒃ ᓯᕗᓂᒃᓴᒥ ᒫᓐᓇᓗ ᓄᓇᕗᑦ ᒐᕙᒪᒃᑯᑦ ᑮᓇᐅᔭᓕᐅᕈᑎᒋᔪᓐᓇᖅᑕᖏᓐᓂᒃ ᐊᑭᓕᐅᑎᓄᓪᓗ ᐱᔭᕆᐊᓕᖕᓂᑦ, ᕿᒥᕐᕈᓗᒋᓪᓗ ᓄᓇᕗᑦ ᒐᕙᒪᒃᑯᑦ ᐱᓕᕆᐊᒃᓴᖏᑦ ᐱᔨᑦᑎᕋᐅᑎᖏᓪᓗ ᖃᐅᔨᓇᓱᒃᓗᑎᒃ ᐃᑲᔫᑎᒃᓴᑦ ᐊᑐᖅᑕᐅᑦᑎᐊᕐᒪᖔᑕ ᓄᓇᕗᒻᒥᐅᑦ ᐱᔭᕆᐊᓕᖏᓐᓄᑦ ᖃᓄᐃᓕᐅᕈᑎᓄᑦ. ᑮᓇᐅᔭᑦ ᒥᒃᓵᓄᑦ ᐊᑐᐊᒐᓕᕆᔩᑦ ᖃᐃᖁᔭᐅᒐᔪᖕᒪᑕ ᐱᕙᒌᔭᖁᔭᐅᓪᓗᑎᒃ ᒥᓂᔅᑕᐃᑦ ᐅᖃᐅᓯᒃᓴᖏᓐᓂᒃ ᓄᓇᕗᑦ ᒐᕙᒪᒃᑯᑦ ᐱᓕᕆᐊᒃᓴᓪᓗᐊᑕᖏᓐᓂᒃ.

ᓇᓗᓇᐃᔭᐃᔨᒻᒪᕆᒃ ᐃᓚᒋᔭᐅᓪᓗᐊᑕᖅᐳᖅ ᐱᓕᕆᖃᑎᒌᓄᑦ ᐋᖅᑭᒃᓱᐃᕙᒃᖢᓂ ᑮᓇᐅᔭᓄᑦ ᐋᖅᑭᒃᓱᖅᓯᒪᓂᖓᓂ, ᓇᓗᓇᐃᖅᓯᓪᓗᓂ ᐊᐅᓚᑦᑎᓪᓗᓂᓗ ᑮᓇᐅᔭᑦ ᒥᒃᓵᓄᑦ ᐊᑐᐊᒐᕆᔭᐅᔪᓂᒃ, ᓇᓗᓇᐃᖅᓯᕙᒃᖢᓂ ᕿᒥᕐᕈᕙᒃᖢᓂᓗ ᓄᓇᕗᑦ ᒐᕙᒪᒃᑯᑦ ᑮᓇᐅᔭᑦ ᒥᒃᓵᓄᑦ ᓯᕗᓪᓕᐅᑎᔪᒪᔭᖏᓐᓂᒃ, ᐋᖅᑭᒃᓱᐃᕙᒃᖢᓂ ᐱᓕᕆᔾᔪᑎᓂᑦ ᖃᐅᔨᓴᕐᓂᐊᕐᓗᓂ ᐊᔾᔨᒌᙱᑦᑐᓂᒃ ᑮᓇᐅᔭᑦ ᒥᒃᓵᓄᑦ ᑕᐅᑐᙳᐊᖅᑕᐅᔪᓂᑦ, ᐱᕙᒌᔭᖅᐸᒃᖢᓂ ᖃᐅᔨᓴᕈᑎᒃᓴᓂᒃ ᓯᓚᑖᓃᑦᑐᓄᑦ ᑮᓇᐅᔭᖅᑖᕈᑕᐅᔪᑦ ᖃᐅᔨᓴᖅᑎᑦ ᑐᑦᑕᕐᕕᖏᓐᓂ, ᖃᐅᔨᓴᖅᐸᒃᖢᓂᓗ ᐊᒃᑐᖅᑕᐅᑐᐃᓐᓇᕆᐊᓕᖕᓂᒃ  ᑮᓇᐅᔭᓕᐅᕋᓱᖕᓂᕐᒧᑦ ᐱᓕᕆᐊᖑᔪᒪᔪᓂᑦ.  ᑖᔅᓱᒥᖓ ᐃᖅᑲᓇᐃᔮᓕᒃ ᑮᓇᐅᔭᑦ ᒥᒃᓵᓄᑦ ᖃᐅᔨᓴᖅᑎᑦᑎᖃᑦᑕᕐᒥᔪᖅ ᐅᑭᐅᖅᑕᖅᑑᑉ ᐊᕕᒃᑐᖅᓯᒪᔪᓂ ᑮᓇᐅᔭᓕᕆᓂᕐᒧᑦ ᐊᖏᖃᑎᒌᒍᑎᖓᓂ ᐊᓯᖏᓐᓂᓪᓗ ᑮᓇᐅᔭᓂᒃ ᓅᑎᑕᐅᔪᓂᑦ ᐊᔾᔨᒌᒃᑎᑦᑎᔪᒥᓪᓗ ᐋᖅᑭᒃᑕᐅᓪᓗᑎᒃ. ᓇᓗᓇᐃᔭᐃᔨᒻᒪᕆᒃ ᐱᒻᒪᕆᐅᔪᓂᒃ ᐃᑲᔫᑎᓂᒃ ᐋᖅᑭᒃᓯᖃᑦᑕᖅᐳᖅ ᓄᓇᕗᑦ ᒐᕙᒪᒃᑯᑦ ᑮᓇᐅᔭᖅᑑᑎᒃᓴᖏᑦ ᑲᔪᓯᓂᖓᓂ ᐊᔾᔨᒌᙱᓐᓂᖏᓐᓂᒃ ᖃᐅᔨᓴᖅᐸᒃᖢᓂ ᐊᓯᖏᓐᓂᒃ ᑭᒡᒐᖅᑐᐃᕕᐅᔪᓂᒃ, ᑮᓇᐅᔭᖅᑖᕆᔭᐅᕙᓪᓕᐊᔪᓂᒃ ᐊᒻᒪ ᐊᑭᓕᐅᑎᓂᒃ ᖃᐅᔨᓴᖅᐸᒃᖢᓂ ᖃᐅᔨᓇᓱᒃᖢᓂ ᐊᑐᖅᑕᐅᑦᑎᐊᓛᖑᖕᒪᖔᑦ ᐃᑲᔫᑎᒃᓴᑦ, ᐊᒻᒪ ᐊᑐᓕᖁᔨᕙᒡᓗᓂ ᑮᓇᐅᔭᓕᕆᓂᕐᒧᑦ ᐊᑐᐊᒐᕐᒥᒃ ᖃᐅᔨᒪᔾᔪᑕᐅᓂᐊᖅᑐᒥᒃ ᒐᕙᒪᒃᑯᓐᓄᑦ ᐊᐅᓚᑦᑎᑎᓪᓗᒋᑦ ᐱᓕᕆᐊᒃᓴᓂᒃ ᐱᔨᑦᑎᕋᐅᑎᓂᒡᓗ. ᖃᐅᔨᓴᖅᑎᒻᒪᕆᒃ ᐅᖃᐅᔾᔨᒋᐊᖅᑎᐅᓂᐊᖅᑐᖅ ᐊᒻᒪ ᐊᐅᓚᑦᑎᖃᑦᑕᕐᓗᓂ ᖃᐅᔨᓴᖅᑕᐅᔪᓂᑦ ᒐᕙᒪᑐᖃᒃᑯᑦ/ᐅᑭᐅᖅᑕᖅᑑᑉ ᐊᕕᒃᑐᖅᓯᒪᓂᖏᑦ ᐊᒻᒪ ᒐᕙᒪᑐᖃᒃᑯᑦ/ᑲᓇᑕᐅᑉ ᐊᕕᒃᑐᖅᓯᒪᓂᖏᑦ/ᐅᑭᐅᖅᑕᖅᑑᑉ ᐊᕕᒃᑐᖅᓯᒪᓂᖏᑦ ᑮᓇᐅᔭᑦ ᒥᒃᓵᓄᑦ ᐱᓕᕆᖃᑎᒌᒃᑐᓂᑦ ᐊᒻᒪ ᐃᑲᔪᖃᑦᑕᕐᓗᓂ ᑮᓇᐅᔭᑦ ᐊᑐᖅᑐᒃᓴᑦ ᒪᓕᒋᐊᓕᖏᓐᓂᒃ ᑮᓇᐅᔭᑦ ᒥᒃᓵᓄᓪᓗ ᐃᑲᔪᖅᑐᐃᕙᒡᓗᓂ ᐱᓕᕆᕝᕕᖕᒧᑦ.

ᖃᐅᔨᒪᔭᕆᐊᓕᖏᑦ, ᐊᔪᙱᑦᑕᕆᐊᓕᖏᑦ, ᐱᔪᓐᓇᕆᐊᓕᖏᓪᓗ ᑖᔅᓱᒥᖓ ᐃᖅᑲᓇᐃᔮᖃᕐᓂᐊᕐᓗᓂ ᐱᔭᐅᒐᔪᒃᑐᑦ ᐃᓕᑕᕆᔭᐅᓯᒪᔪᒃᑯᑦ ᐱᔭᕇᕈᓯᐊᕐᒥᑦ ᓇᖕᒥᓂᓕᖕᓄᑦ, ᒪᑭᒪᔾᔪᑎᒃᓴᓄᑦ, ᒐᕙᒪᓕᕆᓂᕐᒧᑦ ᖃᐅᔨᓴᕐᓂᕐᒥᑦ, ᑭᒃᑯᑐᐃᓐᓇᓄᑦ ᐊᐅᓚᑦᑎᔨᐅᓂᕐᒥᒃ ᐊᒃᑐᐊᓂᓕᖕᒥᓪᓘᓐᓃᑦ ᐱᓕᕆᖃᑦᑕᖅᓯᒪᓗᓂ ᐊᑐᐊᒐᕐᒥᒃ ᐱᕙᓪᓕᐊᑎᑦᑎᓂᕐᒥᒃ ᐊᒻᒪ/ᐅᕝᕙᓗᓃᑦ ᖃᐅᔨᓴᖃᑦᑕᖅᓯᒪᓗᓂ ᑲᑐᔾᔨᖃᑎᒌᒡᕕᒡᔪᐊᕐᒥ ᐅᕝᕙᓘᓐᓃᑦ ᒐᕙᒪᒃᑯᓐᓂ ᐋᖅᑭᒃᓱᐃᓂᕐᒥᒃ.  ᐅᑯᐊ ᐊᔪᙱᑦᑕᕆᐊᖃᕐᒥᔪᑦ: ᐱᓕᕆᖃᑦᑕᖅᓯᒪᓗᓂ ᐋᖅᑭᒃᓱᐃᕙᓪᓕᐊᓂᕐᒥᒃ ᑲᔪᓯᑎᑦᑎᓂᕐᒥᒡᓗ ᓇᓚᐅᑦᑖᖅᑕᐅᔪᓂᒃ ᐊᑐᖅᑕᐅᔪᓐᓇᖅᑐᓂᒃ, ᐊᒻᒪᓗᑦᑕᐅᖅ ᖃᐅᔨᓴᖅᐸᒡᓗᓂ ᐱᓕᕆᐊᕆᔭᖏᓐᓂᒃ; ᖃᐅᔨᓴᖃᑦᑕᖅᓯᒪᓗᓂ ᐋᖅᑭᒃᓯᒪᓂᖏᓐᓂᒃ, ᑎᑎᕋᖅᓯᒪᔪᓂᒃ ᑲᑎᖅᓱᐃᕙᒡᓗᓂ (ᐅᑯᓂᖓᓗ ᑲᓇᑕᒥ ᑭᒡᓕᓯᓂᐊᖅᑎᒃᑯᑦ ᐊᓯᖏᓪᓗ ᐃᓅᖃᑎᒌᑦ ᒪᑭᒪᔾᔪᑎᒃᓴᖏᓐᓂᒃ ᖃᐅᔨᒋᐊᕐᕕᐅᔪᓐᓇᖅᑐᑦ), ᐊᑐᐊᒐᕐᒥᒃ ᐋᖅᑭᒃᓱᐃᔪᓐᓇᕐᓗᓂ, ᐊᒻᒪ ᐱᓕᕆᐊᒃᓴᓂᒃ ᖃᐅᔨᓴᕈᓐᓇᕐᓗᓂ. ᐃᖅᑲᓇᐃᔭᕐᓂᑰᓗᓂ ᑭᒡᓕᓯᓂᐊᖅᑎᑦ ᐱᓕᕆᐊᖏᓐᓂ (ᓲᕐᓗ Stata, R ᐅᕝᕙᓘᓐᓃᑦ SPSS) ᐃᑲᔪᕐᓂᖃᕋᔭᖅᐳᖅ. ᑖᔅᓱᒥᖓ ᐃᖅᑲᓇᐃᔮᖃᕐᓂᐊᖅᑐᖅ ᐊᔪᙱᑦᑕᕆᐊᖃᕐᒥᔪᖅ ᐊᑐᕈᓐᓇᕐᓗᓂ ᒪᑭᒪᔾᔪᑎᓄᑦ ᐋᖅᑭᐅᒪᔪᓂᑦ ᑭᒃᑯᑐᐃᓐᓇᓄᓪᓗ ᑮᓇᐅᔭᓕᕆᓂᕐᒧᑦ ᐊᑐᐊᒐᕐᓂᑦ ᐃᓱᒪᒋᔭᖏᓐᓂᑦ ᐱᓗᐊᖅᑐᒥᑦ, ᖃᐅᔨᓴᖅᑕᐅᓂᐊᖅᑐᖅ ᑎᑎᕋᖅᓯᒪᔪᒃᑯᑦ ᐱᓕᕆᐊᒃᓴᒥᑦ.

ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑐᑦ ᐅᐃᕖᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᒥᑦ ᐅᖃᐅᓯᕐᒥᑦ ᐊᑐᕐᓗᑎᒃ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᒥᑦ ᐃᑲᔫᑎᖃᑦᑎᐊᕋᔭᖅᑐᖅ. ᖃᐅᔨᒪᒃᐸᑦ ᐃᓄᐃᑦ ᓄᓇᓕᖏᓐᓂ, ᐃᓕᖅᑯᓯᖏᓐᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐃᓄᒃᑐᑦ ᐱᓕᕆᖃᑦᑕᖅᓯᒪᓗᓂᓪᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐊᔪᙱᑎᑕᐅᔪᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓖᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.

ᐃᖅᑲᓇᐃᔮᒃᓴᒧᑦ ᐱᓇᔪᖃᑕᐅᔪᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᔪᓐᓇᖅᐸᑎᑦ ᑎᑎᕋᖅᑕᕕᑦ ᖄᖓ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᑎᑎᕋᖅᓯᒪᔪᑦ ᐅᕗᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑕᖓᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.

• ᓄᓇᕗᑦ ᒐᕙᒪᒃᑯᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᔨᓂᒃ ᐃᖅᑲᓇᐃᔭᖅᑎᓂᒃ; ᑕᐃᒪᐃᒻᒪᑦ, ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᖕᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᖅ ᒪᓕᒡᓗᒍ.
• ᓄᓇᕗᑦ ᒐᕙᒪᖓᓂ ᐃᖅᑲᓇᐃᔭᓕᓵᖅᑐᑦ ᖃᐅᔨᓴᖅᑕᐅᔪᑦ ᐱᔭᕆᐊᖃᖅᑐᑦ ᑐᓂᓯᓗᑎᒡᓗ ᐱᔪᓐᓇᖅᑎᑕᐅᓂᕐᒧᑦ ᑎᑎᖅᑲᒥᒃ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᒥᒃ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐃᓚᓕᐅᑎᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ. 
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᖅᑎᑕᐅᙱᑐᐃᓐᓇᕆᐊᓕᑦ ᐃᖅᑲᓇᐃᔮᖅᑖᕋᓱᒃᑐᑦ ᐃᓱᒪᒋᔭᐅᓂᐊᖅᑐᓄᑦ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐃᖅᑲᓇᐃᔮᒃᓴᒥ ᐱᓕᕆᐊᒃᓴᕆᔭᐅᔪᓂᑦ. ᑖᓐᓇ ᐊᑐᕆᐊᖃᖅᐳᖅ ᑭᓯᐊᓂ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒥᑦ ᓈᒻᒪᒋᔭᐅᓗᓂ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ. 
• ᐱᓇᔪᒍᒪᔪᑦ ᐃᖅᑲᓇᐃᔮᖅᑖᕋᓱᐊᕈᑎᒥᒃ ᑐᓂᓯᔪᓐᓇᖅᑐᑦ ᓄᓇᕗᒻᒥ ᐃᓕᓴᕆᔭᐅᓯᒪᔪᒥᑦ ᐅᖃᐅᓯᕐᒥᑦ ᓇᓕᐊᖕᓂᑐᐃᓐᓇᖅ ᐊᑐᕐᓗᓂ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᓴᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ.  ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᖅᑕᑦ ᐋᒃᑳᖅᑕᐅᑐᐃᓐᓇᕆᐊᓕᒃ.